معاش ريلي يروح لـــ إخوانه وحريمهم !

[ام كوثر2007]

^^^
والله مادري عنه
انا بدون واهو دايم يقولي انتي. متزوجتني لااجل فلوسي
واحيانا اقعد بالشهور مااطلب منه والسبه هالكلام
واحيانا يقعد يسب ابوي .. وأروحّ لبيت ابوي يقول ردي له
هاذ زوجج وابوي اهو اللي يردني بيتي
وإخواني الصغار اذ يو عندي بطردهم وانا مادري :eh_s(2):

وشنو يعني بدون ؟؟ توه يدري انج بدون والا كان حلمان وتوه صحاا من حلمه ؟؟


الحمدلله والشكر صج مو صاحي .. الحين شكو البدون والا مندووون منتي زوجته ام عياله سواء كنتي بدون والا ان شاءالله يايه من افريقيااا ..


خوووش عذر صراحه .. ما اقدر اقولج الا عسى الله يعينج صراحه علي جذى اشكال .​

 

[كنوشة 2009]

وشنو يعني بدون صج ما يستحي
ليش اهو ما يدري يوم تزوجج
ما اقول الا الله يعينج عليه وعلى تفكيره

 

[!الجادل الصعب!]

مآيدري انج بدون يوم طق باب بيتكم ..!
وبنآته بعد بدون مالهم حق .. شهالعبط .. اطلبي منه
وخلي عينج قويه ..
قولي بالشرع مافي بدون والا غيره انت ملزوم مني ومن بنآتي
يا تصرف علينا بما يرضي الله والا مو لآزم نحضر العرس ومناسباتكم
انت و اهلك .. عشان ما تتفشل منآ بدون ..!

 

[روانتي 12]

عيل روحي بيت إهلج .. زعلي عليه .. هااو يعطي إخوانه و إنتي و بناتج لا .. روحي لاهلج وقولي لهم عن الوضع ولا تردين بيتج الا و مغير رأتبج .. واذا ماراح يردج لا تردين .. شحقه تقعدين عنده دام مو صارف عليكم ..,^^

 

[قموشه21]

الله يكون بعونج.. انا رايي من راي ( انا لها الشمس ) فشليه عند حماج

يارب يفرجها عليج 100 دينار جنها دينار

 

[mf6nt el3lat]

حسبي الله عليه يقهر صراحه ازعلي عليه

 

[* Snow White *]

لاتردين على الي نكها "نانسي كويتيه" ترا هاذي وحده وقحه وبس تستعبط ماتستحي

المهم نرجع لموضوعنا، عورتي قلبي والله ماتستاهلين
صج شي يقهر!!! شي يقهر وايد مو شويه بعد!! الله يعينج .. والله يلوم اللي يلومج
حاولي تتفاهمين معاه، انتي وبناتكم حق عليه قبل اي شخص ثاني!!!! انتو عايلته الحين مو اي احد
الله يعينج، و الله يهديه

 

[mf6nt el3lat]

عشان بدون يعني بدون مو بشر ماتحس ماعندها احتياجات وشغلات خاصه فيها ؟ اهوا مستحقرج على شان انتي بدون ؟ قوليله بدون ولا ايرانيه ولا عراقيه غصبن عليك تصرف علي معاشك يابخيل ٢٠٠٠ ماتعطيني ولا تعطي بناتي فلوس ليش ماتستحي من نظرة الناس لك يقولون عنك بخيل وردي وشحيح ومو معيش بناته على سنع ؟؟؟ وهدديه قوليله والله ااذا ماتسنعت بروح بوفضح كل سوالفك وبقول انك بخيل وردي ومتكبر وحتى بناته مايشتري لهم ملابس ولا شي خليه يعرف انج قويه







^ اذا ريلج ما يتفاهم لا تسوينها

 

[رتبه دبلوماسيه]

الله يسخره لججج

 

[Looly2]

الله يعينج..كلمي امه وقولي لها تكلمه دام الله مسخره لاهله جذي..وبعدين خلي الفلوس على جنب..شنو يعايرج ويطرد اخوانج؟؟؟
ليش هو شاريج..لايبه هذولي اخوانج وعزوتك وترى هو يبي يسوي جذي عشان يقطعج من اهلج ويستفرد فيج ويهينج على كيفه؟؟لا يالغالية حتى لو كنت بدون هم انتي بشر وبنت ناس منتي من الشارع ولا جان ماتزوجك..واذا كلام امه مافاد معه عزي نفسج وانا اختك وروحي بيت اهلج ووقتها بيصرف على بناته غصصصصب عنه المحاكم تجبره..وارجع اقولج دامه يعايرج ويهينج لاتقعدين الحين بناتج صغار وش تنطرين لين يكبرون ويعايرج قدامهم..ولا يعايرج قدام الناس؟؟؟؟
الله يفرجها عليج و يخلي لج بناتج ويبلغج فيهم..​

 

[..MaYaR]

روحي معاه السوق واخذي الي تبينه بدون لاتناقشينه حطيه بالامر الواقع

 

[الاسكريم]

الله يهديه

 

[كويتية222]

اخذي ال 100 ولا تروحين العرس تعذري بأي شي

وتالي قوليله ما حصلت نفنوف وبيقولج هاتي ال 100 قوليله بشتري لبناتي فيها اغراض

وكلمي امه تكلمه ما يصير جذي

وربي يهديه لج يارب

وطولي بالج وربج كريم

اهو ما سلف اخوه الا ضامن انه بيردهم له

 

[انصاريه قمره]

وشنو يعني بدووون صج جليل حيااا يعاير ام عياله وانتي مو على ابو انج بدوووون تهينين نفسج وتسكتين عنه الزم ما عالانسان كرامته قوليله محد طقك على ايدك قالك اخذ بدووون حبيبي انت اللي ييت وخذيتني

 

[غنج بدويـه]

لآ لآ وضع ماينسكت عنه !!!!!

لاتسكتين كلميه حني فهميه اقنعيه سوي أي شي بس لاتستسلمين*

وسلف حماح من زوجج عادي مافيها شي ومن حقه اذا كان فعلا محتاج لأنهم اخوان .. بس غلط وأكبررررر غلط انه يقول انها لمرته عشان ناقصتها أغراض ..*

مفروض انتي تمسكين هالسالفه ممسك .. وترا انتي ماطلبتي الا حقج وأقل من حقج .. اوكي مقصر بس بالعروووووس ملزوم يطلعج انتي وبناته بالزينه .. المشكله ان معاشه راهي الله يهدااااه على تقصيره .. ترا ربي جذي مايباركله بفلوسه واللي مافيه خير لأهله مافيه خير للناس ..

 

[دعابة الشـتاء]

لا تروحين العرس واخذي الميه واصرفيها على بناتج

واذا سألج قوليله تبيني اشتري حقي وحق بناتي كلنا ب 100

دينار !!! كلمي على قد عقله ..

واذا قالج انتي بدون قوليله زين انا بدون و بناتك بعد بدون ؟؟؟

وقوليله شرع الله مافيها بدون والله بيحاسبك اذا قصرت

بحقي والا بحق بناتك ما راح يغفر لك عذرك ..

واسكتي وخليه يراجع نفسه بنفسه وصدقيني بيعطيج

 

[جلكسيه اس 3]

هو اعيايرج بس بوقت لما تطلبين منه فلوس
الحل موجود حرميه من ابسط حقوقه و قوليله مو لازم انت اساسا تستحي مني
اهني يمكن يحس على دمه و يراف بحالج
و دامه موناوي يصرف لا عليج ولا على اعيالج اشتغلي دوري وظيفه
لاتقعدين على ريال ما يعطيج شي و فوق هذا يعايرج المفروض انتي اتعايرينه لانه مو كفو يفتح بيت
دشي قسم الحياة العمليه دايما يكتبون اذا اكو وضايف
و على فكره فلوس الزوجيه الي اهي ٧٠ دينار هذا المفروض مصروفج يعني ما يجيس ولاشي
ثاني شي كل يهال له خمسين دينار من اعيالج مع انه الخمسين اشوي
بس شتسوين الله يكون بعونج
صراحه اكبر غلطه اتسويها المره انها تتزوج و ماعندها الوظيفه السنعه الي تغنيها عن زوج او ابو او اخو
الله يكون بعونج و بشرينا اذا تغير الوضع *

 

[G!RLooNa]

شهالقحط !!!

قحطه على مرته و عياله و حاتم الطائي على باجي خلق الله!!!

 

[انثى عاشقة]

حاولي تسايسينه لانك لو عاندتي راح يعاند ومابيعطيك
الله يسخره لك يارب ​

 

[قمر الحفر]

ياعمري الله كريم ياقلبي بس مع الكلمه الطيبه يجي الحل وانا اقول مالج غير الصلاه في اخر الليل وسوره البقره وشوفي ربج شنو يسويلج الله يهدي زوجج يارب وسخره لج ولبناتج يارب