معاشي حرام

[يامطوله صبري]

يعني بتوهموني مثلا ان موظفات الدولة ملتزمات

وبس المعلمات مقزرينها طبيات?!

استحوا على وجيهكم وربي مصخت السالفة

شنو ماكو شغل الا هالمدرسة

واذا في معلمة مو ملتزمة فقلة قليييلة جدااااا

والله يعينها هاللي مو ملتزمة تحصلونها منبوذة وحاطين عليها ومن ترد تداوم يتكود عليها الشغل

غياب المعلمة الكل يلاحظة لان دورها كبير

بس في فئات من المجتمع غيابها مثل عدمه

فمن الفضاوة الزايدة وانعدام الشغل تحصلونها مبققة عيونها ع المعلمة وتراقب تصرفاتها وتحلل وتنقد

قبل ما تنقد المعلمة تروح تشوف هي منو من الاساس عشان تجي تقيم وتنقد وتتفلسف


امهات فشلن في تربية اولادهم وحطوا الخطا على ظهر المعلمة



بلييبيز كل وحدة تلزم حدها

صج انا ردودي عادة حيادية بس وربي مصخخخخت السالفة وزادت عن حدها

كل موضوع ادخلها احصل خمة همج جاييين يسبووون

مو عاجبتكم المعلمة لاتدشون القسم بكبره


اتوقع يتابعون اخبار الكادر اكثر مننا

 

[PuPa^^SWeeT]

صاجة المعلمة غيابها اتحصله بالنهاية

 

[cute lulu]

انتى يا فرحة من كلامج مو معلمة ( وبسج حسد ) وفاهمة قصدج تبين تبينين ان حنا ما نستاهل الكادر

خلاص مانبى الكادر بسكم حسد واللة لاعت جبودنا من الحاسدين

سكروا الموضوع


ويكون بعلمج انا عدد غيابى طول السنة ثلاث ايام غبت مضطرة علشان عندى حالة وفاة

منو قالج هاذا قصدها اسمحيلي انتي مو على كيفيج تقولين البنت حجي ماقالته

اذا انتي لايعة جبدج من حجي الناس روحي قوليلهم هلكلام مو تقولي حق اي وحدة مالها شغل

وسوري ادري اني مالي شغل

 

[(كويتيه عسل)]

الموضوع شكله عن المرضيات والغياب

انا موباط جبدي الا اللي حاطين عينهم على هالابله فقيره

لا من معاشاها حتى اللي تستمرض وتغيب حاسدينا يعني الابله موبشر ماتستمرض الغياب حق من حقوقها
ولا ماكان ديوان الخدمه المدنيه حطته
اللي تغيب عبالكم ترتاح الشغل بيتراكم عليها وغير الوكيله تستقبلها اليوم الثاني بنفس خايسه وتقولها هديتج الاحتياط السابعه ومناوبه يعني بيطلع من جبدها الغياب

حتى العطله من عيونكم صارت شهرين قبل 3 اشهر الحين شهرين

الصفحه الاولى موراضيه تتبطل عندي خل تتبطل واعرف شلون ارد

<<<<كل هذا مارديتي عيل لو تتبطل شبتقولين

 

[ام عفاف الكويت]

انا بفهم كل من اخذ مرضيه صار حرام
ليش المعلم مو بشر
ماكينه شغاله طول السنه
لاتزعلين من حده كلامي بس هذا اللى حاصل كل من شافني قال مرضيه ليش
اقوله ليش معاشكم الحكومه وخاصمه اليوم اللى غبته يعني مو بلاش
شنو اللى حادكم تسألون واااي تدرين السنه اللى طافت 3 عمليات سويت
بدال ماحمدلله على السلامه اول كلمه تنقال حللي معاشج
زين مسكت نفسي وماقلت عساكم تذوقون العمليات اللى دشيتها
الحمدلله دام طالباتي باحسن وجه ويدرسون وفاهمين كافي علي
اما الناس كيفهم
المعلم ماكينه مو انسان ترى الظاهر

 

[Turquoiseya]

الحين الابلة تاخذ 900 دينار ومكروف وجهها في القاع حتى لو ماتبي الشغل 00 حتى لو تنحاش من الشغل بيلحقها البيت
وفي موظفات بوزارات الدولة ومنها وزارة المالية والهيئة الصناعية قاعدين حاطين رجل على رجل وقهاوي ومعاشهم اكثر من الابلة ومحد تكلم عليهم

ليش الابلة بالذات لازم اتحلل معاشها وماتغيب حتى لو عيالها متشنجين من الحرارة00 مع ان في موظفات بنفس درجتها وشهادتها 00 اكثر منها معاش ومقزرينها طلعات وطبيات واستئذانات وايام off بدون ماتنحسب عليهم !

ماعاد ندري من منو نلقاها
الوزارة تقول حللوا معاشكم والناس تقول حللوا معاشكم
والابلة صارت جنها جثة متحللة من الكراف اللي مايبين بعيون الناس

 

[PuPa^^SWeeT]

انا نفسج بكورس واحد 3 عمليات حق عيوووني سوييتها

وعلى فكرة ترا من دشيت التدرييس و قرنيتي اتعبت سوييتلها عمليات وايد


مرتيين كروس لينكينج

ومرة زراعة حلقات علشان القرنية ماتنفصل عن العيين

وهمن اول شي قالولياه التوجيه ليش ماتسوينها بالصيف ؟؟؟؟؟؟؟؟؟؟؟؟؟؟؟

يعني الحين شهر 2 حزة الاعياد ماقدروو يصبرون شوي وانا صاحبة المرض اقدر اصبر لي شهر 7 ؟؟؟؟؟؟؟؟؟؟؟؟؟

 

[ام عفاف الكويت]

لا لاتصبرين بدالج ابله تمسك الصف
انا عمليتي حكوميه يعني مواعيد ومو كيفي وصارت شهر 11 اوله واخر 11 عمليه ثانيه واخر 12 عمليه ثالثه اموووت مثلا عشان يرتاحون هههههههههههههههههههه
لا والطامه الكبري حيل سافرت من شهر 12 الى شهر 4 علاج ولدي الله يشافيه
والله بس قسمي الحبيب والا الباقي لا

 

[ام عفاف الكويت]

مانقه حبيبتي التهجم اللى سويته مو لج
لفئه يظنون المعلم ماكينه على مدار العام
مالها بيت وعيال وصحه فهذا مقصدي
لاتحسبينه لج حشا انتي معلمه ومتعايشه مع حالات المعلمات الاخريات
بس حق اللى يبون المعلمه ماكينه اشتغلي وسوي فديتج
والا انا حشا ماعمري تهجمت على معلمه لانه كرفانه كرف
تهجمي للفئه اللى تعتقد المعلم بس له ولعياله وليش وهو قاعدين مجابلين المكاتب وسوالف البعض مو الكل
وان معلمه وحده اخطأت بحق عيالهم صار الكل خايسين ومو زينين ومو محللين المعاش
الله كريم

 

[Q8Buying]

ليش الأسلوب الحاد يا بنات
إذا ما عجبكم كلامها .. ردوا عليها باسلوب أخف قسوة ..

وعموماً آنا شايفه كلامها صحيح ..
ما فيه شي

ومحد ينكر إن أكو ناس تخوض مهنة ما تحبها .. لكن يهون عشان معاشها!
والحين مثل ما انتوا عارفين صار توجه لسلك التدريس .. فقط لأخبار الكادر!

ورسالة البنية واضحة .. وآنا معاها باللي قالته ..
لكن مثل ما قالت وحدة قبلي .. يجب أن تشمل الجميع بهذي الرسالة .. مو فقط المعلمات ..
ما ننكر إن أكو معلمات يمرون علينا .. ضميرهم مو حي في طريقة أدائهم وظيفتهم أو تدريسهم ..
وكانوا أصلاً معلماتنا ! .. أو معلمات عيالنا ...

الرسالة موجهة للي يستشعرها ! .. إللي حاس فيه نقص أو تعنيه الرسالة ..
لا يصير حساس . ويدافع او يتكلم بطريقة سيئة ..
على الأقل يقرأ الرسالة ويراجع نفسه !

ما فيها حسد إن شاء الله ..

 

[Q8Buying]

صج بعد عندي إضافة!

ترا الموظفة بشكل عام اللي تغيب ... ما لنا شغل فيها وبمعاشها!
لكن مسئولياتها تنتقل لزميلتها بالعمل .. وتدفع ضريبة غياب زميلتها عن العمل ..

أتوقع المعلمة مثلاً اللي تغيب ... حصصها تاخذها زميلتها في العمل ..
فهذا تعب ... على الزميلة! .. إلا إذا كان في اتفاق يصير شيء ثاني ..
والتعاون مطلوب في الوظيفة .. وشيلني وأشيلك .. ما فيها شيء ..
ومراعاة ظروف الآخرين شيء جميل ..

 

[Q8Buying]

وهموم المعلمة نتقاسمها مع بعض .. يا المعلمات ..
قريباتي معلمات! يكسرون خاطري .. لدرجة ما عندهم وقت يدرسون أطفالهم!
ويمكن يجابلون طالباتهم أكثر من عيالهم! .. ويحرصون على نجاحهم ..

وعلى قولة وحدة بالمنتدى كاتبة تعليق مرة :

نجابل عيال الناس .. وعيالنا ما لنا خلق نجابلهم لي ما فهموا نقط الكتاب بويهم! ..
تصير ولا شرايكم !

بس تمنوا يا بنات ...

مثل ما قال الوزير، ..

يخلي المعلم يتفرغ لمهنة التدريس .. ويشيل عنه بعض المسئوليات .. اللي تشغله عن التدريس .. ومخلية وظيفة التدريس شبه كابوس! ...

مثل:

الإشراف والمراقبة ..
الكافتيريا ..
وأعمال اخرى .. غير التدريس ..

ولا شرايكم ..

 

[افراح كبيره]

برايي من يعمل في سلك التدريس
راتبه حلال ووو حل حلال ..
خذت طبيه ولا عشرين الف طبيه

يكفي حضورها للمدرسة يكفي !

 

[جيتك تعال]

عن نفسي ... ما اخذ مرضية الا ان كنت مريضة وينعدون عالاصاابع

واشووف المعلمات الي في مدرستي نفس الشي وساعات ندااوم والله واحنا مراضى مو قادرين نوقف على ريولنا

وما سالنا عن المعااش لكن الي يخلينا نداوم الطالبات ومنهجهم نتحاامل على روحنا عشان ما نضيع الحصة عليهم

ذكرتيني بامينة مخزن في مدرستي ... دائما تتكلم هذا حراام وهذا مايجوز وما تستلم عهدة الموسيقى لانها حراام

وما ترضى تبيع بالمقصف لانه حراام ... وفي المقاابل تعالي شوفيها

مرضياتها مالها عد يعني الشهر الواحد يمكن تدااوم منه 10 اياام متقطعة ... واليوم الي تدااومه تضيعه في الفراارة

على رفيجاتها ساعتين هناا وساعة هنااك غير ساعتين الريووق وساعة القهوة والحلووو " هذا مو حراام ؟ "

ولما يصير وقت الطلعة تلبس عباتها وتوقف للوكيلة قبل الطلعة بربع سااعة وتقوول للوكيلة يالله عااد لا تحبكينهاا

طلعيينااا " هذا مو حراام ؟ " ولما كلمنااهاا قالت انا مرضيااتي اخذها بالخصم " يعني حللتهاا الاخت "

حتى لو بالخصم حراام تدرين ليش ... لانها قاعدة تستفيد من وظيفة ومعااش هي مو محتاااجته

وغيرها محتااجه ويتمنى وظيفتها ...

مو المعلم او المعلمة الي معااشهم حراام عالاقل المعلمة حتى لو غاابت قاعدة تضااعف جهدهااا عشاان تعوض

الي فات نتيجة غيابهاا " منو يسوي جذيه ؟ " لو تبين تدورين الي ممكن يكون معااشهم حراام

دعم العمالة الوطنية ......... اغلبهم ياخذون الرااتب وهم قاعدين ونايمين ببيوتهم واخر الشهر ينزلها رااتب

لانها المفروض انها تدااوم في القطااع الخااص ...

واغلبهم واحنا عارفيين انهم ما يداومون ولا في شركة خاصة اصلا موظفتهم

بس تحاايل علشاان المعااش

 

[Miss Cherry]

والله ياقلبي رزقنا مهو عليج والحمد لله عارفين ربنا ونعرف الحلال من الحرام .. ما نطق الكرت ولا نوقع ونرجع نحط راسنا وننام وهذا حال اغلب الوزارات

اكثر مكان فيه انضباط المدارس والله الاستئذان علينا بالحسرة واشوف حواليني ناس من اهلنا شهادتها دبلوم ودوامها على كيفها ومعاشها مثل معاشي او بالكثير فرق 100 دينار .. 100 دينار ومشتريه راحتي

والله لاعت جبدنا من هالحجي .. اكثر ناس معترضه على الكادر ويذمون المدرسين وينتقدونهم هم مو مدرسين ولا لهم علاقة بالسلك التربوي او اداريين بالوزارة .. هم شنو يعرفون عن شغلنا وليش كل هالحسد

اما سالفة ( انتوا تبون تقعدون وتاخذون معاشات وماتدرسون الطلبه ) اذا كنتي مدرسه - وانا شك في ذلك - فاصابع ايدج مو سوا اذا انتي مدرسه فاشله ماتعرفين تدرسين ولا يهمج الا المعاش لا تتوقعين الكل نفسج

انا مايهمني الكادر صراحة ان صار خير وبركة وان ماصار بالطقاقين الحمد لله عايشين ومعاشاتنا مكفيتنا بس انقهر لما اشوف وحده مالها علاقة بالتدريس وتبدي رايها بموضوع الكادر انا مادري شنو يهمها بالموضوع يعني لا راح يحوشها شي منه ولا تعتبر قضية تربوية عشان تطرح رايها فيها .. هالموضوع يخص المدرس وبس محد له شغل فيه

انا اقول بالطقاق ينزل الكادر او ماينزل مايهمني لانه لوعوا جبدنا وذلونا فيه ماتسوا علينا .. بس انا ضد اقتراح الوزير بالبونص لانه هذا صج بيذلنا بيخلي معاش المدرس بايد الإدارة وبيشتغل حسد الحريم ..

خل يفكونا بس كافي الهم اللي فينا وكافي التدريس ماخذ صحتنا ووقتنا وفوق كل هذا حاسدينا ولا اكو تقدير وفوق هذا مناشبينا على معاشاتنا

 

[قـہۈه فـرنسيـہ™]

^


^


^


صح لسانج يااا وخيتي ^__^


عاادي ليش تحرقين أعصااابج ...

أنااا بصراااحه وحده غيااابه أحب الغييياب ...ولا بعد تدرييين متى أغيب وقت الشغل عشاان أنجل اللي يبوون يقطووون شغلهم علينا مثل بعض الفئات اللي بالإداره . . .

واللي تقوول حللي معاااشج الحمدلله والمنه لله لوو أرزااقنا بأيدكم كااااااااان ياااما كااااااااااااااااااان

تررركتي كل موظفين الدوووله واللي ينامون فبيوووتهم ومسجلين انهم مداااومين وجيتي عالمدرسه المسكينه ....



لووو سمحتوا لا تتدخلوون في شؤؤوونا . . . نغيب ما نغيب ... كيييفناااا ....



اففففففففففف لووعة جبد

 

[قـہۈه فـرنسيـہ™]

لا كللللللللللللش بعد أنتوا يا وليات ألأمووور صااار عندج عرررس سافرتي مرضتي غيبتي عيااالج كللللهم هههههههههههههههههههه

حللي بعد مااا يصير تاخذين لعيالج بالحرااام




قاااال طبيااات قاال

 

[PuPa^^SWeeT]

قهوة فرنسية

زين قلتي

لوووووووووووووووول

 

[(كويتيه عسل)]

السلام عليكم خواتي الحبيبات
الموظفات وبالذات المعلمات
وحبيت اخص المعلمات لان وظيفتنا ذات طبيعة خاصة ومشقة وجهد وتتطلب صبر وسعة بال
اللي لاحظته ان وايد بنات يدخلون هذه الوظيفه بس عشان المعاش والعطل ولما تتوظف وتصير مدرسة ما تراعي ضميرها ولا تتقي اللله في طالباتها
وتشتغل طبيات يوم ورا يوم دون ان تعلم ان كل يوم طبية بدون مانع طبي فيومية هذا اليوم حرام .
وبالتالي قاعده تدخل فلوس حرام علي بيتها وعلي نفسها وعلي عيالها
ولا تتوقع بركة او نماء في نفسها واهل بيتها
نصيحه يا خواتي اتقين الله في عملكن وراعين الله في ما تقومين به وسترين التوفيق والسداد والبركة والنماء .

مو من حقج تحللين وتحرمين على كيفيك خافي ربج

واتقي الله ان بعض الظن أثم لا تظلمين الابلات سويتي معاشاتهم مومحلله وحرام الله بياحسبج على هالحجي

انتي ماتدرين بظروفهم

انصحج لوجه الله بدال لا تراقبين الابلات اللي

يغيبون يوم ورا يوم على قولتج

يوم ورا يوم ما قاني يوم
<<<<<موجنها اغنيه سميره سعيد وشاب مامي كااااااااك:krkrkr:
وتراقببين شكثر خذت طبيه وتشيلين بقلبج طول السنه

وآخر السنه تحطين موضوع تحرمين وتحللين أنصحج تجابلين شغلج أبرك

ترى من راقب الناس مات هماً واذا انتي مشتهيه تغيبين غيبي محد مانعج

اما من الناحيه القانويه مادام ديوان الخدمه المدنيه أقر هالشي

محد له حق يتدخل اذا الناظره مو من حقها تحاسب الابله على الطبيه انتي تحاسبينها

 

[مانجه]

كل اناء بما فيه ينضح