مطلووووووووب ... أبي أحفظ قرآن بالبيت ؟؟؟

[ويـــزا]

السلام عليكم ورحمة الله وبركاته

قوه بنات اشلونكم شخباركم
كل عام وانتوا بخير مقدما بقرب شهر رمضان المبارك
ربي يجعله شهر خير وطاعه واكثر تقرب من ربنا سبحانه

الموضوع
حبيباتي
انا قبل الزواج كنت اداوم في دار القرآن في القصور وداشه ختمه وتجويد
عند معلمه مصريه اسمها دعاء
تبارك الوحمن هالانسانه تخليج تحبين تحفظين القرآن من جمال صوتها واتقانها للتجويد ومعاني الايات
اسأل ربي يزيدها من فضله ويرزقنا مثلها يارب

المهم بعد الزواج طبعا تغير سكني ورحت منطقه ثانيه وربي رزقني في بنتي الله يحفظها
وصار صعب علي ارد لدار القرآن من جديد
فقررت اني اييب وحده تحفظني القرآن بالبيت
بس المشكله ما اعرف احد

فالمطلووووووووب ....
عفيا اللي تعرف وحده تيي للبيت وتحفظ القرآن
لا تبخل علي برقمها
لاني الحين بعطله لاني مدرسه وابي استغل عطلتي بشي مفيد
وخاصه رمضان ياي فالجو يساعد اني ارد لحفظ القرآن

وانتظر ردودكم

*

 

[شذى2007]

ماعرف الله يرزقج ياقلبي حفظه وتدبره

 

[Miss Cherry]

ماعرف والله


بس انتي اذا تعرفين احكام التجويد ان شالله سهالات .. كل جزء بتحفظينه اسمعيه دايم بالبيت وانتي بالسيارة وانتي بالمطبخ شغلي بصوت قارئ واحد انتي متعوده على صوته .. كثر ماتسمعين بتحفظين

انا هذي طريقتي والحمد لله حفظي زين وحفظت سورة البقرة كاملة الحمد لله بهالطريقة لانه انا احفظ سماعي ولا عمري دخلت بحلقة تحفيظ لانه صراحة ماعندي وقت .. وكل فترة عيدي على الاجزاء اللي انتي حافظتها اما تقرينها او تخلين احد يسمع لج او تقرين بصلاتج من الاجزاء اللي حافظتها

يمكن ما عرف ارقام محفظات بس حبيت اقولج طريقتي بالحفظ

 

[الغلا كله لبوي]

ماشاء الله وربي يوفقج

 

[Kramatalhraer]

الله يسهلها....

 

[Vous jamais]

الله يرزقج يا رب حفظ القرآن ويرزقنا

ما عندي أرقام للأسف ونفسج ودي احفظ بعد

و انصحج تقرين كتاب حقق حلمك في حفظ القرآن الكريم

حده رووعه يشجعج تحفظين ..

 

[{هتًان}]

شوفي هالمواضيع


http://www.q8yat.com/search.php?searchid=7910100

والله يوفقج يارب

انا موظفة وودي انتظم بمركز للفترة المسائية بس ماادري شلون

ياليت اللي تعرف تفيدنا

​

 

[Vous jamais]

هتان إذا قصدج دار القرآن

فيه فترة مسائية 3 ايام بالاسبوع ..

و كل منطقة اتوقع فيها مركز قريب يمها

بس الحين عطلة والدراسة تبدأ مع المدارس ..

 

[ويـــزا]

مرحبا بنات

انا وصلني من فتره عالواتس اب وحده اسمها ام فارس
تييج لي البيت وتحفظ الكبار والصغار
فقمت اليوم ودقيت عليها
وما بقى شي ما سألتها
المهم اهي تيي عندج مرتين بالاسبوع
وتاخذ ٢٥ بالشهر
ولاني انا ابروحي ومحد معاي يكون قاعد بيحفظ معاي
فراح تقعد معاي ساعه تسمع لي وتعطيني شي جديد احفظه للمره اليايه

سألتها متى بتييني ؟؟
مو تدرين حلاة فعل الخير حار بحار علشان ما يدش الشيطان بالموضوع ويتأجل
فقالت اشوف المواعيد عندي وأرد اكلمج

عاد قعدت طول اليوم انطرها وما دقت
يا خوفي نا تبيني علشان ما تبي تتعنى على وحده 

ادعوا لي ان الله يسهل علي
وابدأ الحفظ والمراجعه معاها

وانا راح اوافيكم بالتفاصيل
اول ما اخذ اول درس معاها

 

[ويـــزا]

اشدعوى بنات
محد يعرف او سامع عن
محفظات اييون بالبيت ؟؟

وانا بعد اللي دقيت عليها ما ردت علي
فعفيا اللي تعرف لااااااا تبخل علي
والله يجزاها الجنه