مطلوب ويوجد عقارات للبيع او للايجار ( تم دمج المواضيع )

[ياسمينا]

آآآآآآآآآآآآآآآآآآآآآآآآآآآآمين

 

[انثى الكويت]

استغفر الله العظيم

لااااااااااااااااعت جبدي


واصله الشقق الي حطيتها حلوه بس مو الايجارات الي ابيها حدي 35د وهذولا فووووووووووووووووق

ماقدر

ماحد اكسر خاطره وياجر لي دووووووووووووور مو شقه بجنوب السره 3 غرف وغرفه خدامه و4 حمامات وصاله كبييييييييييييييييييييره

بس 150 دينار لووووووووووووووووووووووووول



خلوني احلم اشوي

 

[مزيان]

الله يعطيكم العافية
ابي شقه في صباح السالم او العدان
مايتعدى سعرها 300

 

[واصله]

هاااااي بنات في شقة يمنا بالجابرية اليوم فضت

ونظامها صالة كبيرة ومطبخ متوسط و3غرف وحدة منهم ماستر وحمامين يعني كل الشقة حمامين
وكانوا ماجرينها 370 ايام العقار صاعد الحين يمكن ينزل بسعرها

 

[الروح المتوهجة]

هاااااي بنات في شقة يمنا بالجابرية اليوم فضت

ونظامها صالة كبيرة ومطبخ متوسط و3غرف وحدة منهم ماستر وحمامين يعني كل الشقة حمامين
وكانوا ماجرينها 370 ايام العقار صاعد الحين يمكن ينزل بسعرها

جم الإيجار؟

 

[AT-143]

مطلوب للايجار شقه او نص دور بالقرين او القصور او العدان
بمبلغ لا يزيد عن 260دينار كويتي
ساعدوني عفية بهل طلب

 

[الروح المتوهجة]

محتاجة شقة بالجابرية
بمبلغ ما يتعدى عن 300 دينار
ويفضل بقطعة 5 أو 6 أو 7 أو 8 أو 9

بليز ساعدوني .. ضروري أغير قبل نهاية هالشهر

 

[واصله]

للبيع بيت بالقصور 125الف 99070697

للبيع بيت بالدسمة 190 الف 99188840

للبيع بلقرين دورين ونص وسرداب 3شوارع وارتداد شارع رئيسي 210الف 99188840

 

[واصله]

للايجار بقرطبة 3غ غ ع 3ح صالة كبيرة 400د ك 99701670

للايجار بالجابرية 2غ غ ع 3ح صاله كبيرة 99993607

للايجار قرطبة دور 4غ غ ع صالة كبيرة 4ح 500د ك 99701670

العدان 4غ 3ح صالة مطبخ 450د ك 65555659

الاندلس 3غ 3ح غ ع 320د ك 99447387

الرميثية جديدة 3غ 3ح غ ع 400د ك 99725755

حطين 3غ 2ح 380د ك 99790074

صباح السالم 3غ 3ح غ ع 400د ك 94007611

واذا حصلت بعد بحطلكم
وانتوا بعد دورولي بالجابرية

 

[Ms. luxury]

يابعد عمري ياواصلة ..اسم على مسمى ..شادة حيلج معانا ..
عاد أنا لما أدق على المكاتب اللي حاطين الاعلانات بالوسيط ..وايد يسألوني ماتبين بالجابرية ..متوفر بالجابرية أشياء وايد ..
الله يفرج علينا يارب ..وننتظر تاريخ 1 يونيو ..الحكم مع بيت التمويل ..هل يكسب القضية أو لأ ...إن شاء الله مايكسبها يارب ...بسه شبعان ...موقاعد يفكر بالكويتيين اللي على قد حالهم ..
خل تنزل العقارات شوي .ياااااااااااااااااااااااااااااااااارب

 

[واصله]

حياتي شيهيرو اشدعوة انتوا خواتي
وشنو سالفة بيت التمويل ؟؟

 

[واصله]

العدان 3غ صالة كبيرة 2ح 340 99709592

اشبيلية للمعاريس 3غ غ ع صالة وصالون 3ح 350د ك 99752497

كيفان 3غ غ ع صالة ك 99524971

الزهراء 3غ 2ح مساحات كبيرة 55422057

مشرف شقة بالسرداب 2غ غ ع 3ح نظام امريكي مساحات واسعة 360د ك 97744950

صباح الناصر 3غ غ ع 3ح 66636825

 

[الباشاالمزيونه]

السلام بنات بغيت بيت فى الاحمدى (بيوت الشركه) اللى تعرف احد باجر بيته تراسلنى عالخاص

 

[Ms. luxury]

مادري واصلة ..أنا عاد ماأعرف بهالسوالف ..بس موصح هو عنده بيع ومشترى عقارات وأراضي ..والحكومة قبل جم شهر طلعت قانون بمنع الشركات والبنوك من بيع العقار السكني وشراءه والتعامل فيه وألزمت كل واحد فيهم ببيع ماعنده قبل التاريخ الفلاني ..(ماأذكر جم كان التاريخ اللي ألزمتهم فيه جنه كان بشهر يناير 2009 ) ..<<الظاهر السالفة جذيه ..وهذا اللي فهمته من ريلي وأبوي .. عاد بيت التمويل رفع قضية ان اشلون تمنعوني من بيع وشراء العقارات ..وصار الحكم استئناف وحددوا الجلسة بتاريخ 1 يونيو وعليها يتحدد إذا تم كلامهم عليه بالمنع وحالهم حال باجي الشركات والبنوك فبجذيه يخسر القضية وتنزل أسعار البيوت والأراضي لأن محد راح يقدر يشتري عن طريق بيت التمويل (أقساط) وهو اللي كان رافع أسعار العقارات بحركته هذي ..كان كل واحد يشتري أي بيت بأي سعر ويحوله على بيت التمويل طبعا يزيد سعره بالأقساط وارتفعت أسعار البيوت وأكو ناس ماتقدر تشتري بهالطريقة لأن معاشها مايغطي القسط ..لين وصلت أسعار البيوت بالمناطق الداخلية على 700 ألف ومليون ..ينوا واقعدوا الأوادم وطمعوا ..<<<<شوفي انتي عاد تبين تفهمين السالفة عدل سألي زوجج أو أبوج أو اخوانج ..ههههههه ترا والله أنا زين فهموني السالفة ..
بس اللي بفهمه ان الايجارات اشلون راح تنزل بهالحالة ..أحس ان بالعكس راح ترتفع أو تتم ماسكه سعرها .. لأن اللي ماعنده يشتري بيت <<وهذا حال الأغلب ..راح يتم قاعد بالايجار ..واللي توهم ببداية حياتهم هم ماراح يقدرون يشترون بيت ..فيتمون قاعدين بالايجارات .. الايجارات هي اللي راح يمشي سوقها
يعني ماسوينا شي اللهم إلا ان الأراضي والبيوت تنزل ..نزلة قوية وبس ..

 

[واصله]

هلا شهيرو
والله انا عاد ماخذة بيت عن طريقهم بس مو اهم اللي يشترونة انا اخذت قرض مع زوجي مع 70الف الحكومة وشريناة من سنة ونص تقريبا
والحين ماجرينة وقاعدين باجار الله يا الدنيا

 

[برميتا]

أبي بجنوب السرة شقة 3 غ وغ خ مو أكثر من 380

 

[Ms. luxury]

برميتا
اليوم اتصلت على مكتب قال عندهم بجنوب السرة شقة ب380 توها واصلته بعدهم ماأعلنوا عنها ..نسيت شنو مواصفاتها ..إن شاء الله أدور الرقم وأدزه لج بالخاص

 

[prettysoul]

خواتي شلونكم؟
لوسمحتم أبغي بيت دورين أو حتى أرضي فيه خمس غرف نوم أو أربع في المنطقة العاشرة ويكون إيجاره 250 أو 300 دينار.
الله يوفقكم.

 

[تراا شموخي ماله قياس!!]

بنات ابي بيت بالعارضيه او صباح الناصر او الاندلس بنيانه زين مساحته تكون بين600 و1000 بليييييييز باسرع وقت واذا كان نظام شقق يكون افضل

 

[جود 2006]

أبي شقة بالعمرية أو إشبيلية عفية ساعدوني شقتي ضاقت علي أنا وعيالي حمام وغرفتين وصالة بس حده ضيقة علينا بغيت أكبر بإيجار معقول من 250 إلى 300 لا تبخلون علي حبايبي كويتيات ..