مطلوب ويوجد عقارات للبيع او للايجار ( تم دمج المواضيع )

[laura mercier]

يارب تحصلين بيت..وكل مالقيتي بيت في بيان بلغينا و افضل ب 115 الف

 

[um_yoyo]

تسلمييين حبيتي الله يرزقنا ابيت على مزاجنا


المهم بنات جم لازم المساحه علشان يعطونج ال 70 مالت الحكومه ؟

 

[laura mercier]

البيت 250 متر والشقه 300 متر...بس تاكدي احسن من اي دلال...

 

[حنين]

والله احنا بيتنه تونه مشطبينه وعارضينه للتاجير اذا تبين دزيلي على الخاص
على فكره البيت بالنقف يطل على بحر
ملاحظه : البيت كبير ويديد يتكون تقريبا من ثلاثة طوابق

 

[um_yoyo]

انا الي قاهرني يقولون العقار نازل !!!!!!! والله من شاف الاسعار استخف

 

[laura mercier]

خرابيط لا نازل ولا يحزنون الي نزل العقار الاستثماري....

 

[blue diamond]

لا بنات العقار نزل بس بدرجه بسيطه مو كبيره
وراح تنزل أكثر بإذن الله بالفتره اليايه

 

[um_yoyo]

الله يسمع منج كانى ناطرييين و الي تحصل شي و ما يناسبها تفيد خواتها و تحطه لنا

 

[laura mercier]

نداء عاجل....نداء عاجل.....ضبطو القسم ترى وايد مفيد ....:krkrkr: ضبطوه على المحافظات والغو القديم.

 

[bambena]

العقار نازل وراح ينزل زياده نطروا شوي الا اذا شي لقطه اشتروا




ضبيه ! حبيبتي هذا موضوع مو قسم عشان يتضبط

ومايصير الغي مشاركات البنات القديمه اساسا الموضوع متجدد يعني محد يرجع للقديم فيه

شكرا لج

 

[ام الكتكوته]

بنات ابي شقه بالعدااااااااااااااااااان

 

[sara-84]

ابي شقة في بيان

ابي شقة في بيان تكون كبيرة او دور
يعني 4 غرف وتكون وحدة او ثنتين من الغرف ماستر وصاله كبيرة وغرفة خدامة والمطبخ يكون زين
حق عايلة صغيرة:ioljnmlk:
بحدود 400 الى 500 دينار


الله يخليكم اللي تعرف تدزلي الرقم رساله خاصة او تكتبه هني
وحتى لو سامعة عطيني رقم القطعة وانا اروح ادور

ضروري جدا جدا

ومشكورين:eh_s(7):​

 

[cramela]

السلام عليكم

بناااااااااااااااااااااااااااات ابي ما عليكم امر شقه بالفيحاء 3 غرف واهم شئ مصعد الله يعافيكم
وشكرا جزاكم الله خير

 

[laura mercier]

ما في بيت بهالسعر كلش ملش!!

طالبتكم ابي بيت بأي منظقه في محافظة العاصمه او حولي بسعر 110 الف دينار ساعدو اخيتكم حتى لو حالته تعبانه انا راضيه.....يالله همتكم معاي..............................ولكم الحلاوه:klhfl:

 

[Om-Bashaar]

رد: ما في بيت بهالسعر كلش ملش!!

صعبه شويه بس مو مستحيله

 

[تولين]

رد: ما في بيت بهالسعر كلش ملش!!

نطري العقار قاعدة تنزل اسعااااره

بتحصلين ان شالله

 

[nice smile]

رد: ما في بيت بهالسعر كلش ملش!!

السعر اللي قلتيه ما تحصليين بيت حتى لو بام الهيمان

 

[الشامريه]

رد: ما في بيت بهالسعر كلش ملش!!

السعر اللي قلتيه ما تحصليين بيت حتى لو بام الهيمان

لا 110 تجيب احلى بيت في ام الهيمان

 

[عروس الدنيا]

رد: ما في بيت بهالسعر كلش ملش!!

ايي تحصلين خارج العاصمه و حولي
القرين و المنطقه العاشره
في بيت عندنا مردوف و 250 متر و يلوع الجبد يمكن حتى مكيف عادي و طابوقه جيري مثل ما بنته الحكومه ب 180 بدون اي مزايا

 

[bint_looda]

رد: ما في بيت بهالسعر كلش ملش!!

مادري والله يبيله دواره هالسعر بس اكييد فيه انشالله بتحصلين بس كلشي يبيله صبر