مطلوب مني لاصفي مطبخ

[anona79]

السلام عليكم
مطلوب مني في خبرة أسرتي وأقاربي اقدم لا صفي مطبخ
فأبي مساعدتكم
بقلولكم خطواتي واذا في شي ساعدوني
اولا السلام
اسم الخبرة
ماذا فعلنا يا أطفال قبل ان ناتي الى المطعم ( غسلنا ايدينا وارتدينا الصداري )
لماذا ( حتى تصبح ايدينا نظيفة / وارتدينا الصداري حتى لا تتسخ ملابسنا
المنبه راح يكون : دمية راح تتكلم وتقول ان اليوم عندي ضيوف ولا اعلم ماذا سوف اقدم لهم ( لما يتوصولون الى العصيرواناقشهم
بعدين يتعرفون على الأدوات الموجودة امامهم (برتقال ليمون عصارة عصير بودر عصير فيمتو عصير علب
واناقشهم عن فايدة البرتقال والليمون
بعدين اوزعهم مجموعة تقص البرتقال والليمون وتستخدم العصارة
مجموعة تخلط عصير البودر بالماء
مجموعة تخلط عصير الفيمتو بالماء
مجموعة تفرغ العصير العلب في القلاصات
ولما يشربون ويخلصون ننظف المكان ونرجع للصف
شنو بعد اقدر احط بعد ارجو المساعدة

 

[^ليلاس^]

والله مادري تصدقين انا صارلي سنة ونص ابلة ولا مره قدمت مطبخ ماحبه لوول

 

[دنياك دنياي]

حطي سجاجين بلاستيك ناقشيهم بالسلووووكيات اطفال يصير ندخل المطبخ بروحنا لا ليش لانه المطبخ فيه اددوات خطــره ممكن انها تضرنا

وطول ما اهو يشتغلوون قوليلهم اطفال البرتقال واللليمون تعتبر من الفواكه وتعطينا فيتامين سي تقولي اجاسمنا وتحمينا من الامراض

على طووول عطيهم سلوكيات اطفال ااذا خلصنا انظف المكان ورانا مات نخلي وصخ بالارض

 

[أحب الصدق وأعمل به]

وبعد لا تنسين الدعاء قبل الوجبة واليسملة ووزعي علا كل طفل الشي اللي بتسوينه المطبخ حلو حيل كله سلوكيات اشتغلي عليهم وموفقة انشالله