مطلقه ؟ تعالي قولي شعورج بهالموقف !!

[هيبة ملك]

الطلاق. وصار. لاعاد. ترجينه. وتعيشين. على امل. رجعه. ويظيع عمرج

حبيبتي. اذا. جاك. دين وولد ناس. تزوجي وعيشي. حياتك


وربي. يصفط. لج. الطيب. اللي. يعرف قدرج ويسعدج

 

[يارب دبرني]

الطلاق. وصار. لاعاد. ترجينه. وتعيشين. على امل. رجعه. ويظيع عمرج

حبيبتي. اذا. جاك. دين وولد ناس. تزوجي وعيشي. حياتك


وربي. يصفط. لج. الطيب. اللي. يعرف قدرج ويسعدج

بعد عمري امين يا رب العالمين

 

[فوفو22]

المطلقااات شايلين عليي

لاني شفافه واقول الحقيقه

اللي ما يبون يسمعونها

اذا انتو صح

اخطبوا لاخوكم مطلقه

شوفوا رده فعله

اول شي يبي يقوله

شلي حادني اخذ مطلقه

طبعا انا معاكم عندنا ثقافه غلط بالتعامل مع المطلقات

ولكن هذا الواقع

لا نتهرب منه

ترى لما تقولون كبرت وكبرت اموووت من الضحك

يا حلوني

مرا عودا وجميله ومطوره واواكب كل الاعمار

عضوه مميزه بالاتستغرام وتوتير وايضا مخضرمه بالمنتدى

لي مواضيع فادت الكثير

ولكن انتو الله يحفظكم

شنو ضفتوا بالمنتدى غير السب والشتم وقله الادب

ملاحظه اقروا توقيعي عشان تعرفون اشلون اعوّر بس ما احرح بصراحتي

فوفو

 

[قــمر]

حتى المطلق والارمل واللي عنده عيال لما يجي يخطب بنت البنت وأهلها مايرضون خاصة اذا كانت بنت شابه صغيره في عمر الزهور شاللي يحدها تتزوج مطلق الله العالم ليش طلق يمكن مب زين والا ارمل ابو عيال لها فرص وايد تتزوج شاب اعزب نفسها يعني لو جيت اقيسها بالمثال اللي حطيتيه ان مستحيل اخطب لاخوي مطلقه هم بعد مستحيل انا وأهلي نوافق ان اختي تتزوج مطلق او ارمل او متزوج. الريال له سمعه نفس المرأ اذا كان مستهتر ومب قد المسؤوليه وراعي خرابيط محد يرضى يزوجه بيدور له وحده من بعيد ماتعرف عنه شيء حتى هاي الوحده اللي من بعيد اذا اهلها سالو عنه ممكن يرفضون اذا كانت سمعته مب زينه في وايد بنات مطلقات والله العظيم تزوجو شباب يعني لا مطلقين ولا ارمل طبعا انا ما اقول حق كل وحده متزوجه اذا ماعحبج ريلج روحي تطلقي لازم الوحده تحاول مع ريلها بكل الوسائل والطرق لين اخر لحظه تبري ذمتها قدام رب العالمين وخلاص بعد اذا مافي فايده شنو نقولها روحي موتي انتي خلاص مطلقه طايح حظج محد يبيج خاصة اذا كانت مظلومه ومتبهدله من ريلها الاول سبحان الله قادر انه يعوض المطلقه ويرزقها بالزوج الصالح ولازم نحسن الظن بالله مايصير إحنا نروح ونحطم ونعييب. انا بعد ماتطلقت يمكن جي بشهر صادفت وحده وقطت علي كم نغزه وضايقتني حيييييييل واللحين عند اهلها صار لها ٥ شهور او اكثر وهي وريلها يبون يتطلقون الله يصلح بينهم ان شاء الله لكل وحده متزوجه لا تعيبين ولا تتشمتين في مطلقه ولا تحطين البلا فيها وتطلعينها هي سبب الطلاق انتي ماعشتي بينهم ولاتدرين ولاتعرفين باللي صار بينهم بالظبط فلا تظلمين ولاتظلمين نفسج بعد لان من عاب ابتلى والدنيا دواره وأكيد الوحده ماتبي تمر في تجربه صعبه والا بنتها تمر في هالتجربه نفس الطلاق اي نعم ندري ان المجتمع دائماً يظلم المطلقه وحظها مب نفس البنت ولكن إحنا نصبر نفسنا ونتامل الخير من رب العالمين اللي قادر ع كل شيء فلا تجي وحده تستهزء فينا وتحطم وتقط كلمتين وتقول انا اقول لكم الواقع حبيبتي صدقيني عارفين الواقع *

 

[راقيه وجذابه]

قمر لج مني تصفيق حار b-)b-)b-)b-)b-)b-)b-)b-)b-)b-)

اقول اختي فوفو

عندي بنت عمي ظلت على ذمة زوجها 6 شهور وعقب سحبته بالمحاكم لين طلقها

ولمن طلقها طلعت عنه انه مريض نفسيآ ومو صاحي

وللعلم تقول لرفيجاتها قطيعه حجر لبسني عبات راس ويقولي ماتسوقين سيارتج .. تخيلي تطلقت عشان حجر ههههه

ولمن تطلقت طلعت من عدتها خطبها واحد ابوه من اغنى اغنياء المطران ولد حموله ومزيون وابوه تاجر وقبيله معروفه مو حي الله

ليش ماقالوا ويع مطلقه حتى ماصبرت على زوجها بس 6 شهور وانحاشت .. ﻻ حبيبتي شافوها بنت حسب ونسب ومدرسه وملكة جماااال

والحين ماشاءالله تبارك اللع الدلع الي بالدنيا كله شايفته

اي نصيحه واي بطيخ شتقولين انتي

اللهم لك الحمد

 

[قــمر]

بنات لاتزعلون من فوفو ترى كل الناس تفكيرهم جي وانتو لازم تتعلمون ان ما تخلون كلامهم يأثر ع نفسيتكم انا في البدايه جي كنت وايد حساسه اللحين صار الوضع عاااااادي وطبيعي اهم شي قناعاتي وأفكاري انا فوق هذا كله احتسب الأجر من رب العالمين وفوفو انا ناقشتج مب عشان زعلت منج بس عشان يمكن أوصل لج تفكيري وأنا احترم رايج راقيه انا رفيجتي الروح بالروح تزوجت ولد عمها وتطلقت عقبها بسنتين والحمدلله قبل سنه جاها نصيبها وتزوجت واحد توه اول مره يتزوج لا مطلق ولا أرمل ولا متزوج وما شاء الله تبارك الرحمن عندها بنوته مثل القمر ويارب يعوظكم ويرزكم الزوج الصالح كلكم راقيه وريوف ويارب دبرني والباقين

 

[يارب دبرني]

الاخت فوفو

مو قاعد تنصح كلش اسلوبها حاد ودفش اسمحيلي وحاطه توقيعها خدمه المجتمع عفيه اي خدمه وانتي مبدعه فيناا قاعد تزيدين النار حطب .. ما تقول هذيلا مجروحات شحقه اجرح فيهم زيادة اخاف الله فيهم .. قاعدين يفضفضوون ليش اصير انا والزمن عليهم ؟؟؟ لا الاخت تكمل علينا زيادة وتغثنا بحچي سم بصراحه

وانا نوعي حساس واسمع هالكلام نفسيتي تصير زفت استغفرالله

يقولج : بعض الكلام احيان خنجر وسكين .. ان ماطعن !! شق الصدر حيل وادماهـ


و قبــل أن تجــرح أحـداً بكلمـــه ، فكر قليلا" ثم جربهـــا على نفســـك ، ولاحظ : إذا جرحتـك فلا تقُلهــــا واحفظ لسانك ، ولا تعتقــــد بأن جــرح النــــاس ((لعبـــــــة او دمية اطفال))
فكثير منـــا مــن لا ينــــــام مـن أجـــل تِلـــكَ الجُـــــــروح ..!!


اتمني تكونين بلسم شافي لقلوبنا الداميه وجروحنا موو تزيدينها علبوونه والله انا شفافه لا والله ما شفتي الشفافيه ولا الصراحه انتي بكلامج تغثين الواحد


انا احب احد يلومني ويقولي مثلا هذا غلط بس مو جذي !! اطبين فينا طب ومخليتنا بنات طايحين بجبد نفسنا علبوونه صار اسمائنا مطلقاات
وفعلاً الدنيا صفحه بكتاب ولا يغرج ما تدرين سيصير محد يدووم !!
ولا تخلين وحدة من الزوار ولا وحده انغثت من كلامج تدعي عليج .. لان دعوه المظلووم مستجابه !! اتمني تثمنين كلامج طال عمرج
والله اني استحي علي ويهي وانا قاعده اكتب لج لاني اصغر منج .. بس لازم تسمعين الحچي العدل

 

[يارب دبرني]

قمر

اشكرج كلامج ذهب ذهب

 

[فوفو22]

• • • هههههههههههههه
      
      [*]موزعﻻنه بس احب اتحرش فيها

    • يا زين البنات اللي بتحرشون في اللي بعمر امهم
      
      
    • طول ما هذا اسلوبج وتفكيرج
      
      
    • صدقيني ربي ما رح يوفقج
      
      
    • لكل امرء ما نوى
      
      
      
    • دخلت المنتدى بنيه. معينه ابي الاجر والدعاء
      
      
    • وربي عطاني اكثر من اللي استحقه
      
      
    • لاني. ما انام بالليل
      
      
    • الا وانا بريّه ذمتي من قول او فعل
      
      
      
    • ليش محسسيني ان المطلقه. سبه او تهمه او عيب
      
      
    • هذا الشعور الغوا من حياتكم
      
      
    • بس لا تغمضون. عن الواقع
      
      
    • ان لو عندي ولد افضل اخطب له بنت
      
      
    • هذا الصح
      
      
      
    • عاد تنكرونه. تصدقونه
      
      
    • هذا يرجع. حسب. عقلكم
      
      
      
      
      
    • فوفو

 

[Fyonkita]

لا والله ي اختي لاتحبين ايدج مقلوبه الا قولي الحمدلله على كل حال هذا نصيبج محد جابه لج بمنته جابه العزيز القديرواللي يعجبج اخذيه واللي تشوفين في عيوب اخلاقيه اتركيه،يا ما رياييل عقب ماتزوجوا غيروهم الحريم وصرنا مانعرفهم اهو زين اهو رشاقه اهو اكمال دراسه
والمحبه من الله،جانه ابن حلال وحبيتيه بتشوفينه اجمممممممل خلق الله
اتمنى من الجميع يرتقي بأسلوبه شوي
الصراحه مو وقاحه
تقدرين توصلين اللي تبينه بأسلوب حلو مهما كان الموضوع

ويدل له كذلك قول الله تعالى: وَقُولُواْ لِلنَّاسِ حُسْناً{البقرة:83}، وقال تعالى: وَقُل لِّعِبَادِي يَقُولُواْ الَّتِي هِيَ أَحْسَنُ {الإسراء:53}، وقوله تعالى: ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ {النحل:125}،​

قال رسول الله صلى الله عليه وسلم: " من كان يؤمن بالله واليوم الآخر فليقل خيراً أو ليصمت ".
ورب كلمة طيبة أبعدت قائلها من النار
عن عدي بن حاتم أن النبي صلى الله عليه و سلم ( ذكر النار فأشاح بوجهه فتعوذ منها ثم ذكر النار فأشاح بوجهه فتعوذ منها ثم قال اتقوا النار و لو بشق تمرة فمن لم يجد فبكلمة طيبة )

 

[!الجادل الصعب!]

بخصوص صاحبة الموضوع .. اذا انخطبتي ربج عطاج حل للحيرة و
هي الاستخاره .. استخيري مره و مرتين و ثلاث وبعدها بتعرفين الجواب
ان شاءلله و الله يرزقج بالرجال الي يعوضج عن طليقج ..


بخصوص العضوة الي تنطر طليقها .. ي حياتي المرة عاطفيه
بطبعها و تحب و تعشق بس الرجل لا .. قانونهم بعيد عن العين بعيد
عن القلب .. ادعي ربي يصرفج عنه و يشغلج بطاعته و يرزقج باللي احسن منه ان شاءلله .. لاتعلقين نفسج بشي قلتي عنه وهم ي قلبي ..
عورتي قلبي عليج :/



فوفو
مو لازم كل موضوع تحولينه عليج .. وتنصب الردود مرادد بينج و بينهم
وينسون صاحبة المشكلة .. بما انج الاكبر و الاعقل والمخضرمة بكل موقع تواصل اجتماعي ، فكري بصاحبة الموضوع الاساسي ..!





وكل عام و انتوا بخير

 

[dantella]

في بينج وبينه عيال ؟ ساعات العيال يلعبون دور بالرده

 

[Royof]

^^^^

يابعد عمري يكفي اسلوبج الحلو و تسلمين على الدعوه صج عندج احساس وعارفه باللي نمر فيه انا وخواتي . . . عسى الله يرزقج باللي يفرح قلبج مثل ما فرحتي قلبي بردج الحلو

 

[راقيه وجذابه]

قمرهم

وقمر المطران

فديتكم وفديت كﻻمكم العسل

حبيباتي تسلمون من طيبكم فديتكم ماقصرتوا على هالكﻻم الحلو

اسعدتني ردودكم

 

[Zinab BH]

راعية الموضوع يابعد قلبي الحب شي صعب وانج تنسين واحد تحبينه بعد صعب بس ادعي ربج ان يكتب لج الخيرة
يمكن الجميل يبهدلج ويمكن اللي شكله مقبول يعزج بس جوفي اللي ترتاحين له و وافقي عليه بس لاتتعلقين بأن احتمال يرجع لج طليقج ماتدرين الايام شنو كاتبة يمكن اهو يتزوج وانتي اتمين اترفضين لين ماتقل خطباتج

وبنسبة للي قاعد يجرح في المطلقات ترى الدنيا سلف و دين وهذا اسلوب عيب و مو ناضج ابداً
شفيها المطلقة ؟ انسانة انظلمت بحياتها مع ريال مثل ما الوحدة تنظلم من اهل او من دوام او من صديق او من اخت هذي من ريل وخلاص
بس هالتفكير المتحجر و المتخلف اللي الناس تحمله لازم يتلاشى و يصير له وأد اعرف بنات جمال مشاءالله و تبهدلووو الف تبهدل و تطلقو ما مرت سنة الا اهيا ماخذة اعزب لا هو ارمل ولا مطلق ولا خذت واحد متزوج بعد
خصوصي المطلقات يعرفون شنو معنى الجرح فمايجرحون لان الجرح يعور ئال شو ئال نصيحة ترى الدين نصيحة و الرسول صلاة الله عليه و سلم كان ينصح بس جوفي الفرق في النصح في نصيحة تخلي الناس ماتحبج ونصيحة تخلي الناس تعزج وتحترمج هذي تتسمى قلة ادب

و ارد الى صاحبة الموضوع حبيبتي سووي اللي ترتاحين له بس لاتظلمين روحج
و دعوة لكل المطلقات باخر يوم من شهر رمضان يعل نصيبكم احسن من نصيبي و نصيب غيري والله يعوضكم بالاحسن واللي يعزكم و يقدركم قولو امين
و كل عام وانتو بخير

 

[يارب دبرني]

كل اللي ردوووو بدون تحديد اسماء حبايبي مشكووورين
ربي يوفقكم ويعطيكم علي قد نيتكم

جد كلامكم عسل ؛**



احبـــــــكم

 

[يارب دبرني]

في بينج وبينه عيال ؟ ساعات العيال يلعبون دور بالرده

لاء

 

[يارب دبرني]

الله يمسح علي قلوبنا ويعوضنا خير يارب العالمين
ويخلينا ننسى وما يعورنا قلبنا

 

[جوانا2011]

الله يرزقك من واسع فضله باللي يسعدك ويسر خاطرك

 

[قاهره عذالي]

هي الراحه النفسيه

ممكن واحد شكله مو حلو

بس لما تشوفينه بالخطبه ترتاحين له

وبالاخير هالشي راجع لصاحبة الشأن المخطوبه

هم يعني اذا الوحده مو متقبله شكل الرجال وحاسه انه شكله يخرعها شلون تعيش معاه

وعياله ممكن يجون نفسه

هم القبول حلو للطرفين سواء مراه او رجال مدام انهم خطبه و ع البر