مطلقج ويفضفض لج ؟؟!!

[عـيّــآره]

شخباركم ان شاءالله تكونون بخير وعافيه

الموضوع كالاتي ...

لاتنفعلون ولاتعصبون بس تخيلو والله خيال مو واقع :eh_s(1):

شفت مشهد بمسلسل مع اني ما اتابعه بس جذبني المشهد ولاني مو متابتعه عدل

مافهمت الا اخر شي

زوج دخل على زوجته وسولف معها وعقب راح الدور الثاني قعد يسولف مع عياله

ويتغمشر وبعدها نزل الدور الارضي شرب شاي و تم يسولف ويفضفض عن مشاكله

بالدوام ومشاكله بالحياه بشكل عام

باخر المشهد باس يدها وقالها انا ادري انج كنتي حنونه معاي طول فتره زواجنا وانا

اسف اني ماعزمتج على حفله الخطبه قامت قالت له لاتنسى اني حظرت عرسك

نعممممممممممم عرس ميييييييين والناس نايمين عيل انتي من والعيال شنو شسالفه فهموني

عاد فهمت عقب انه طليقها بس للحين علاقتهم بيرفكت

تخيلو احين لووووووو زوجج تزوج بتكون علاقتج معاه زينه تسمعينه اذا تضايق

تخففين عنه اذا اختنق من مشاكله تعطينه حلول تسعده بحياته


المايك لكم ورجااااء بدون اشهاااار السلاح

:eh_s(17):






​

 

[*مطبخ الذواقة*]

هههههههههههه

ﻵ بدون اشهأر سلاح. ...



بس بعرف شنو اسم المسلسل. ..؟؟

حاولت اتخيل عشان اقدر اجاوبج


بس مثل ما يقولون

" حتى الخيال استحى وعيى يصير. ."

 

[يتيمة جابر العز]

قلتيها فلم أجنبي

مو مسلمين يعني مو عرب عرفتي أن مو كويتي !!

 

[ام اريج 22]

هههههههههه اسم المسلسل شوقتيني اشوفه

 

[امـ خــزامـى]

ههههههههههههههههههههههه تخيلت المسلسل احس اكيد هوووليوووود


ماادري يمكن عاادي مطلقني واصدقااااء ليش لاء خخخخ دام جنسيتي امريكيه

 

[أسرار الجمال]

انا ما تخيلت يلي قلتي انا تخيلت انا زوجته وراح يفضفض لطليقته عما بعينه انشالله ههههههههههههه

 

[i afnan]

لاطبعا اتخيل اقعد اواسيه ومعليش ترا الدنيا كذا وهو مطلقني ومنطقيا ماحصل الطلاق الا لان بينا مشاكل ومو طايقين بعض ف كيف يجي يفضفض لي وانا اعطيه وجه بعد !
عموما تخيلت غصب عني وماش عجزت ابلعها

 

[دلوعةمآمآ]

وآآآآآآآي

عياره خفت لما لقيت الموضوع لك على بالي مُشكله تخصك هههههههههههه


ممممممم طبعاً لأ .سلاماات يطلقني ويفضفض لي عن مشاكله !!

خلاص مُجرد مايحصل الطلاق بين الطرفين كل شيء ينتهي .

بس هذي مُسلسلات ماتتكلم عن الواقع !

بس جد صابني الفضول شنو المسلسل اللي تابعتيه لووووول

الله يسعدك يارب

 

[انا لها شمس]

الله يبعد عنها هالرومانسيات المزيفه
ياسلام شايف ويها لما طلقها وياي يتشكى ويتبوس

انا ماحب احط نفسي بهالمواقف ولا اتخيلها ... الله يبعدنا عنها


بس في شغله هالايام واااايد اشوفها

بما ان نسبة الطلاق اللهم ياكافي صايره مثل اللعبه زاااااايده بشكل مخيف

تحضرين زواج وحده تغيبين جم شهر تسالين اذا حملت ولالا يقولولج تطلقت !!!!!


وتشتغل التوبيكات اهيا تتحرش فيه واهوا نفس الشي

وجم شهر وتسمعين ولا تعرفين انهم يكلمون بعض فون اوًمسجات او واتساب وهالخرابيط

انا صراحه احس زواج وطلاق هالايام ماااااله داعي لمثل هالاشكال


وثاااانكس

 

[معي احلى]

ليش لا ..



ممكن يطلقها بسبب اهله . ضغط من اهله او اهلها .



ممكن مع الايام وبينهم اطفال .. وسبب التواصل والمواجهه علشان الشيء المشترك الواحد نسى الماضي .. عادي

 

[Gatwa DaloO3a]

لو يطلقني ويجي يكلمني عن زوجته الجديده ويبيني احل مششاكلهم ويفضفض ،،

حتىىىىىىىى لو اني اكرهه ،،،،، بنجررررررررررررح للامانه ..

انا اكااااابر صح ... بس مستحيل وحده تقدر تتحمل صرااحه


مستحيل اتقبل هههههههه

 

[ليدي بجد]

ليش مستغربييين الواقع اغرب من هذااا هذول علاقتهم تعتبر صداقه بغض النظر عن رائينا بالصداقه في الي يرجعوون حب وغرام بالخفاء. بينما يا هو يا هي يا اثنينهم. متزوجين. وينكم عن مشاكل المنتدى كم قصه قريتهااا عن هاالموضوع !!!!!!!الزبده بالذات المسلسلات. طالعوهاا وانتو مصدقييين. لان صدقوني جايبه. بس واحد في الميه من بشاعه وغرابه الواقع

 

[حروف من ذهب*]

الي عندها عيال لازم تتواصل مع أبوهم لازم يتحمل جز من مسؤليتهم وتكلمه عن عياله يعني موضوعهم بس العيال هذا رأي الشخصي
أما الي ما عندها عيال تنقطع علاقتها نهائي
أما يجئ ويكلمني عن عرسه ومرته خير أن شالله الله يهني سعيد بسعيده

 

[Pinky -cat]

لا قوية واتوقع فيلم هندي ، شنو ماكو غيره ماكو احساس عادي الوضع لا وتسمع له بعد ، بعدين لو صداقة ولو كانوا
متزوجين غصب زين اليهال يوو من وين طلبية من الصين ؟؟ بعدين لو مو متقبلته بتحملين مرة واثنين عفوا .؟...؟؟؟

 

[شادن33]

عياااار ه يااا عياااره ههههه

اولا انا متاكده مليوووون بالميه ان لو لا حصل وطلقني >>>> قولوا بسم الله عليج هههه

متاكده ان راح يذكرني بالخير وبالطيب لان انسان محترم ويخاف الله ومايحب يذكر شخص بسوء جدامي فما بالج زوجته!!!

اما مسالة سوالف وواسبني وواسبك واطبطب وادلع خخخخ لاااااا مستحيل

 

[Patcholli]

:/

خير ان شاء الله يفضفضلي
اتوقع بيظل يفضفض عني طول عمره اذا سوا هالسواة لوول

انا اعرف وحده جذي اهي طلبت الطلاق وبعدين اتحسفت وصارت علاقتهم جذي استغفر الله احس عيب مهما كان خلاص الاثنني مايحلون حق بعض عشان يصير بينهم نقاشات واخذ وعطى فرضا بعز الفضفضه قص عليهم ابليس وحنو حق بعض ودشو بالحرام ؟؟

لا يبا لا يحوشك

 

[modern]

إذا مافي حب كان بينهم عادي احسها

 

[بحر الأشواق]

اذا ما احبه عادي اتقبل الموضوع بصدر رحب اما اذا كنت احبه لا راح يصيرون اعدائي من الغيره عليه طبعا هههههه

 

[.. روحي تحبه ..]

..

تخيلت الموقف قمت أضحك ههههههههههههههه ..
لا يبا خلاااص ماعاد يحل لي ممنووع التواصل والقرقر مايجووز ..
إلا في حالة إنه المتطلقين بينهم عيال يكون محور حديثهم عن اعيالهم غيره لااا ..
وإذا فيهم دودة يرجعون لبعض وكان الله غفور رحيم ..

..

 

[عـيّــآره]

بييييييييييييييييييييه


نسيت موضوعي يازينج يابحررر الاشواق ذكرتيني فيه الله يذكرج بالشهاده​