مطعم جيليز

[هنـــد]

السلام عليكم

هالموضوع راح يكون خاص حق مطعم جيليز يعني ملف كامل عنه

شنو أفضل أكله عندج بهالمطهم ؟ وجم سعرها ؟
أفضل فرع موجود بالكويت لمطعم جيليز اتحبين تقعدين فيه ؟
شنو الشي اللي تستانسين فيه وانتي داخل المطعم ؟
وشنو الشئ اللي يضايقج وانتي داخل المطعم ؟

ناطرين اجابتكم

 

[أم حمودي**MALL**]

ممم
احب اروح اللي بالافينيوز خفيف مافيه ناس وايد
اللي يضايقني الجرسون لما ينسى طلبي وييبلي شي ثاني
وحتى ترجمة الاكله ساعات ما تكون مظبوطه فتطلع الاكل غير الوصف المكتوب
اللي احب عندهم طبعا البطاطا المهروسه عجيييييييييييييييييييييييبه تدوخ
شوربة البروكلي بالجبن حلوه
المولتن كيك يممممممممممممممم
وطبق الفاهيتا هم لذيذ

 

[هنـــد]

حياج الله ام عفوسي

وعدل كلامج فرع الافينيوز هادئ لانه يديد وعليج بالعافيه

 

[ملح مكتت]

السلام عليكم

هالموضوع راح يكون خاص حق مطعم جيليز يعني ملف كامل عنه

شنو أفضل أكله عندج بهالمطهم ؟
شيكن كريسبرز يمي و شوربة تشيكن تشيلادا بس موجودة بالوييك اند.
وجم سعرها ؟
مادري زوجي يدفع.
أفضل فرع موجود بالكويت لمطعم جيليز اتحبين تقعدين فيه ؟
البحر والمنشر.
شنو الشي اللي تستانسين فيه وانتي داخل المطعم ؟
اشوف حبووب زوجي ياكل استااانس اللة يحفظة.
وشنو الشئ اللي يضايقج وانتي داخل المطعم ؟
ليمن انطر انطر وما اييبون الشي اللي ابيية.

 

[كـلا كـلا]

انا احب جيليز بس مال المنشر وييييع استغفر الله
طعم اكل غيررررر
ويوم سألت المنجر قال - احنا جيليز محلي - غير عن باقي الفروع !

 

[هنـــد]

حايكم الله بنات

بصراحه ماجربت فرع المنشر وعليكم بالعافيه

 

[AlZeenah]

احلا اكلة بشيليز

فاهيتا مشروم جاك (فاهيتا دياي مع مشروم وجبن وبصل وبيكن )
والخضار السوتيه والماش بتيتوو

روعةةةةةةة والصووص الابيض مستحيــــــــــــــل حدي يعت

واحلا فرع البحر

 

[رفرف]

شنو أفضل أكله عندج بهالمطهم ؟ وجم سعرها ؟

تكساس فرايز
شوربة جيكين انشلادا
سكيليت كيسو .. بس الحين غيروا طريقته صار مو حلو
اوسوم بلوسوم
مونتراي جكن
بارادايس باي
شوربة الجكن مشروم

أفضل فرع موجود بالكويت لمطعم جيليز اتحبين تقعدين فيه ؟


البحر .. بس

شنو الشي اللي تستانسين فيه وانتي داخل المطعم ؟


احب الجو العام .. قعدته .. اكلهم .. بس

وشنو الشئ اللي يضايقج وانتي داخل المطعم ؟


ولا شي .. بس مرات ايام الزحمة وايد وايد يطولون اييبون الأبيتايزر ويلطعوووووووووووونا لين اييبون المين ديش الا احنا شبعانين ..

 

[KaTKoTa]

احب تكساس فرايز بس اطلبه من غير لحم ... واحب الجيكين مونتراي بدون بيكون ,,,واحب كيكة الكاكاو مالتهم عجيييييييييييييبه

واللي ماحبه فيهم اماعينهم المسحكه !! من سنيين الطواعيين ولا غيرووهم !!

 

[هنـــد]

حياكم الله بنات

 

[^مرايم^]

مادري ليش احس اكله ثقيل ما اروح له وايد,, و المطعم مقموت شوي,,

 

[b6o6a]

اروح الي عالبحر

واحب شوربة البروكلي

تكساس فرايز

ماشد بتيتو

كونتري فرايد جكن

فاهيتا ربيان

سلطة سيزر

سلطة فاهيتا

مولتن كيك


ستروبري مارجريتا

الكتريك لمون


تقريبا كل اكلهم حلو


الباستا ما عجبتني



والي ينرفز ايام الزحمه وساعات يطولووون على ما ييبون الاكل

 

[لــــين]

واااااااااي يا حلاته تشليز اينن
بصراخة اكلهم كلاا لذيذ .. لوووول لانه مترووووس بهارات <=== احلاااا شي :dddds:

شنو أفضل أكله عندج بهالمطهم ؟ وجم سعرها ؟

شيليز كلشي عندهم حلووووووو بصراحة ، بس اللي احبهم اكثر شي :
تكساس فرايز مع كلشي ( اللحم و البيكن و الهابينو و الجبن )
شوربه شيكن اند شيلاده
بيرقر شيكن كيجن . يميييييييييييييي
مشروم فاهيتا جاك ( الشيكن له طعم مو طبيعي و اللحم بعد له نكهه خاصه )
مولتن كيك

أفضل فرع موجود بالكويت لمطعم جيليز اتحبين تقعدين فيه ؟

البحر
الافنيوز صغير و ريحته طبخ :cxxxp:
سوق شرق مشرد خخخخ حاطين كراسيهم بالممر كل من يمر يطل باكلج

شنو الشي اللي تستانسين فيه وانتي داخل المطعم ؟

جو المطعم وااايد حلو بسيط و مريح و الناس ياين ياكلون و يستانسون
مو مثل نينو او لورنزوا الناس يخزون اكثر من ما ياكلون :tomato2:
اللي يشتغلون حبوبين - فيه استثناءات- بس الغالب يكونون حبيبين و حليوين مقارنه مع غيرهم من المطاعم

وشنو الشئ اللي يضايقج وانتي داخل المطعم ؟

مرات يصير زحمه خصوصاً بالويك اند و نضطر ننطر و مكان النطره صغيرررررر
اه هالمشكله اعاني منها كل ما رحت تشليز .. من كثر ما الاكل حلووو اطلع بطني منتررررس :eh_s(1): و مالي خلق اوصل حق سيارتي لووووول الناس يدشون يضحكون يطلعون مخدرين هههههههه :dddds:

 

[هنـــد]

تجاربكم اتهبل وحياكم الله

ونبي مشاركات اكثر عشان ايصير صج ملف

 

[شندوخه]

المقبلات احب الناشوز مالهم و شنغهاي دياي عجييب والاوسوم بلوسوم والجكن انشولادا هذي شوربه يم يم

احب مونتراي جكن واهو طبق رئيسي
دياي مارقريتا بعد حلو
جكن فنقرز
هذا اللي اذكره بالوقت الحالي

 

[~ام خالد~]

شنو أفضل أكله عندج بهالمطهم ؟ وجم سعرها ؟

بصراحه الاسعار مو مثبته حيل بس الاطباق اهي

شوربة تشيكن تشيلادا
سلطة مكسيكيه ناسيه اسمها بس احنا نسميها سلطة المسكت
تيكساس فرايز
جيز ناتشوز
الماش بوتيتو
تشيكن كرسبرز
الفاهيتا مشروم جاك
مونتراي تشيكن بدون بيكون



أفضل فرع موجود بالكويت لمطعم جيليز اتحبين تقعدين فيه ؟

البحــر ما جربت غيره

شنو الشي اللي تستانسين فيه وانتي داخل المطعم ؟

جو المطعم بشكل عام يعني
حتى حق عايلات ينفع مو مثل باجي المطاعم


وشنو الشئ اللي يضايقج وانتي داخل المطعم ؟

لما ايي المانجر ويقول ..
كل حاقه كويسه
واحنا بحلجنا اكل ما نعرف نرد بس نهز روسنا

والله يعطيج الف عافيه

 

[هنـــد]

حياكم الله اي والله عدل كلامج ام خالد شلون الواحد يرد واهو يأكل مو اي اكل بعد من جيليز لوول

 

[غنوة ستايل]

احلى شي
ناتشوز اللي بالجبن و الهالبينو و اللحم يجي و بالوسط كريمه حامضه و سلطه مكيسيكيه طماطم وبصل وليمون

و الطبق الاساسي يكون :
اما طبق السمج اللي عندهم هامور المشوي و الصوص و شوي ربيان وعيش مكيسيكي

او ستيك .. ريب اي

مو ذاكره اسمه
بس لستيك عندهم انا مجربته كله

ما عدا ( الاضلاع ) كان ودي اجربها بس استحيت

 

[ظبية الامارات]

مابروعكم بس انا من عرفت عن جيليز عفته ,, انا وايد كنت احبه واروحه واحب اكله بس الله يسامح اللي كان يشتغل قالها وهو واثق ان الاكل كله والدياي ايي من امريكا مثلج ,, يلست افكر ان الدياي اكيييد ذبحه مب حلال ولا الستيك ,,,, من ذاك اليوم عفته وماصرت اروحه ابعد عن الشر احسن لي واغنيله

 

[هنـــد]

حياكم الله