مطبخ .. سيراميك ... طووفه << وحده مو عارفه تحط عنوان خخ

[Miss ksh5h]

السلام عليكم شلونكم شخباركم شلون الاهل << بتسولف الاخت لووول

عندي اكثر من شغله محتاره فيها فبيتي وقلت ماعندي غير كويتيات حبيبات قلبي اسالهم

اول شي المطبخ شنو تحطون تحت المواعين بالكبت ؟ مو حلو احطهم جذي عالرف سيده ابي شي تحتهم مادري شنو لوول

وفي شغله بعد عندي صبغة طوووف بيتي مطفيه بدون لمعه اخاف امسح بماي ويخترب .. بشنو امسح ويصير احط صابون ؟

وفي شي بعد << الله يعينكم ...... ابي منظف يخلي السيراميك منظره

وسلامتكم وتعيشون :hjy5jewf:

 

[Miss ksh5h]

رد : مطبخ .. سيراميك ... طووفه << وحده مو عارفه تحط عنوان خخ

وعليكم السلام هلا اختي احنا بخير

البنات ماقصروا انا ماعندي فكره << :krkrkr:

 

[ام هالدنيا]

يالغالية السيراميك عندج ديتول مع ماي ومع الميدالية او العملاق الجل الاخضر حلوة حق السيراميك وكل فترة وفترة حطي فلاش علشان يزيل الوسخ

 

[om fares]

انا استخدم حق كبت المطبخ رول جريده ابيض ساده اقصص علي قياس الرف داخل الكبت واصف فيه المواعين متي ما توسخ وقليل يوسخ ابدله

 

[Tender Heart]

رد : مطبخ .. سيراميك ... طووفه << وحده مو عارفه تحط عنوان خخ

هلا حبيبتي انا بالمطبخ بكل الارفف اشتري نايلون الي موجود بلوازم العائله الشفاف اشتري بالامتار وقصي حق كل رف وكبت على قياسه بس قبلها فركي الكبتات بصابون ومسحيهم بديتول ولانشفو حطي النايلون وعقبه صفي مواعينج


حق السيراميك اشتري من جمعيه مشرف مطهر على تفاح لونه اخضر وريحته اتهبل نظافه وانتعاش ... الفراغات الي بين السيراميك كل شهر اخصص ايام بالاسبوع انظف كل غرفه الفراغات عرفتي بفرشاه الي تصير صغيره مع ايزي اوف بام ريحته ترا قويه لبسي كمتم وانتي اتنظفين الفراغات بس شنو يخليهم بيض يلقون لق

والطوف عرفتي المساحه مالت الحمام حطي فيها فوطه وفيها ديتول جنج اتشطفين الطوفه بسسسسس

 

[Miss ksh5h]

رد : مطبخ .. سيراميك ... طووفه << وحده مو عارفه تحط عنوان خخ

مشكورين بنات

 

[قلبي تركواز]

حبيبتي بأرفف المطبخ اشتري رول بالمتر ينباع عند رامز ولوازم العائله يكون من ربر نفس الاسنفج تقريبا ويمتص الرطوبه يعني لو الماعون فيه شويه ماي يمتصه المفرش الربر
ولاتحطين جرايد لانها تجيب الزهيويات الالمانيه الصغيره لانها تتغذى على الجرايد

والسراميك اول شئ نظفي بجل العملاق الاخضر او اي جل ثاني مسحي السيراميك فيه بعدين مسحي بفوطه ناشفه عشان مايبقع هذي اهم شئ تنشفين عقب ماتنظفين