مطبخ .. بمواعين يديده بس ماعرف شي من وين اشتريها؟؟

[ذكريات]

الله يعطييكم العافية انا وااايد استفدت

 

[نماين]

مشاءالله ما قصروا البنات

 

[صاحبة المعالي]

داشه المنتدى ابي اكتب موضوع عن تجهيز المطبخ
و الحمدلله لقيت هالموضوع
توني يايه من سنتر بوينت .. شريت نص الاغراض
وباقي النص
​

 

[مـــامى]

حسافه لا تحطين استيكرات على بيبان المطبخ خليه مثل ما هو بس حطيله اكسسوارات لونها ليمونى مخضر نفس مطبخ المصريه الى تتطلع بقناه فتافيت (ولا بالاحلام ) مطبخها ينطق نظافه وشراحه بسبه اللون الابيض

 

[ألول_85]

البنات حصرولج كل شي بس لا تكثرين نصيحه و في شغلات مع مرور الايم راح تحتاجينها و في اشياء ما راح تستخدمينها
انا ما احب شغل ايكيا في تلقين بسنتر بوينت اطقم يوميه حلوه و روحي مجمع بيروت الرداب اشحلات الاغراض و مجمع بهبهاني السرداب
و جدورج تيفال اخذيهم من جيان بمول 360 نوعيتهم زينه و روحي ستي سنتر بس وخري عن الابيض الساده
انا عندي طقم ماعين يومي خذيته من سنتر بوينت و طقم ماعين للضيوف من الميره
و 12 شوكه و 12 قفشه و 12 سجينه للاكل كلهم نفس النقشه من الميره
و جدور من بهبهاني بس قبل فتره رفيجتي خذت من جيان كنت معاها
و القلاصات عندي 6 طقم يومي و 6 ثانيه طقم يومي و 12 للضيوف
وملاليس نوعي اللي حق العيش و اللي حق الصواني و الشوربه و اللي تعرس البطاط و اللي حق الحلويات و لا تكثرين لانج عند حموله
انا ترى بشقه بره
و اشتري 4 سجاجين حق الايدام و البصل و 4 حق الخضرا و الفواكه
و بايركسات و استكاين و مطاطير
و اللي تقص البيض و مملحات للملح و الفلفل و غرش حق بهاراتج و غرش كيبره حق جيلات الشكر و الملح و العيش بس حسب استهلاكج
طبعا على الاقل مقله كبيره ووحده صغيره و غوري للماي بس و غوري للاشياء الثانيه بس مو كبار اخذيهم وسط
و يبيلج مشخال و تبر ويرات بلاستك
و البنات ما قصروا افتري بالسوق و انشالله تلقين اللي يعجبج

 

[miss tota]

سؤال استاند مطارة القهوة والشاي اللي حاطينه وين احصله