مضيت دروب الحب وكنى غريبه

[ضوى العيون]

الجزء الخامس

>>الليل من دونك ترى شين..وشلون اقضي باقي الليل دونك<<الجمعة الصباح كلن تجهز علشان يرجع الرياض بيت ابو حمد وبيت ابو نواف طبعن حمد ماراح يرجع معهم لان طيارتة على طول من الدمام للندن
ابوحمد::ريم وسارة ومحمد ومريم انتم مع نواف بتروحون
ريم برطمت يعني لازم::لية يبة معك اونس
ابوحمد::لا روحو معة بتنبسطون واحنا الكبار مع بعض لان جدتك وعمتك معي وسيارتي اكبر
ريم::طيب امرنا لله
مريم::وناسة بروح مع نواف ( نواف دوووم يدلعها ويحبها من يوم هي صغيرة)
وبعد صلاة الجمعة مشت السيارات ومثل ماقلت الكبار في سيارة ابوحمد والباقين مع نواف
ريم تكلم سارة قبل مايركبون السيارة::سارة خلي محمد يركب قدام وانتي تعالي عندي ورا
سارة::طيب
ويركبون ومشت السيارات من هنا وحمد ركب مع خالد يوصلة المطاربس قبل مايروح راح يسلم على مرتة
امل::يعني لازم تسافر
حمد::ياقلبي انتي اية علشان خلاص انهي هالدراسة وبعدين الحين بروح وانا متطمن انك لي لحالي انا وبس
امل::طيب دير بالك على حالك ولانمت تغطى زين علشان البرد ادري لندن باردة
حمد::من عيوني الثنتين
امل::يسلم عيونك
يدخل خالد عندهم::يالله خلصني طيارتك بتمشي وانت جالس
حمد::ياخي وش فيك انت علي افتك من ريم تطلعلي انت
خالد::اقول يالله لاحق على مرتك بعدين بوصلك ابي اطلع لااخوياي للبحر
حمد:::قول كذا يالله امل فمان الله
امل ودمعتها بعينها :::فمان الكريم
حمد::تكفين لاتبكين والا ترى بهون وبلا هالدراسة كلها
امل::لا خلاص تحملنا 4سنين باقي شهر بنتحمله
حمد::يالله بطلع الحين لايغثنا اخوك ويبوس راسها ويروح
وراح حمد للمطاريوم وصل المطار وهو جالس في صالة الانتظار وصلة مسج فتحة وقراه
لاتسافر ترى بعدك وصدك هلاك
جيت لك والسفر مابية وانت معذووور
جيت لك لو قبل مااجيك كلي معاك
والدليل العقل والقلب قبلي حظووووور
لية هالحب مااختارالا انا في هواك
لية ماني مثل بعض الاوادم صبوووور
لية بي قلب ماهو قلب هذا وذاك
ولية انا اكتب بعقلي قبل اجي للسطوور
ولية قلبي تولع في هواك وبغاك
لية ماادري سبايب لية وش هالشعووور
دوك قلبي وناظر في عيونك غلاك
ناظر النفس فارقها الهنا والسرووووور
لاتسافر ترى بعدك وصدك هلاك
سو ماكان في بالك واقول معذوووووور
قرا حمد المسج ولقاة من امل ::يابعدي ياامل ياقلبي عليها ويدور مسج ويرسلها
يضيق الكون في عيني واشوفك في خيالي كـون
أشـوفـك كـلـمـا أغـفـى لأنـك حـلـمـي السـاهـر
أحبك في تفاصيـلك أحـب أسـلـوبك الـمـجـنــون
أحـبـك في طـلـوع الشـمـس أحـبـك يا أمل باكر
أشوفك داخلي أطفال مع ريح الـفـرح يـمـشـون
أحبك في أبتسـامـه طـفـل أذا ناديــت يا شـاطـر
أحبك ياصدى صوت ٍ با أحاسيس الهوى مشحـون
أحـبـك ياربـيـع أخـضـر أحـبــك ياشـتـا مـاطـر
أنا صـادق بـحـبـي لك وقـلـبـي أول الـعـربـون
أنا لا جـيـتـك الاول بـلا ثانـي بـلا عـاشــر
حـقـيـقـه أسـمـك الفـاتـن حـقـيـقه قلبي المفتون
أنا مــن كــثــر مـا أحــبــك أردد دوم يـاســاتـر
وتقرا امل المسج ::ياعمري حمد اكيد الحين بيرقى الطيارة ربي يوصلة بالسلامة
نرجع لسيارة نواف طبعن سارة ركبت ورا مثل ماقالت لها ريم
نواف::مرايم وش اخبارك
مريم::بخير ياوجة الخير انت
نواف::هههه وجة الخير مرة وحدة
مريم::ايو ووجه السعد بعد الا وش سويت باامريكيا
نواف::بس ادرس هناك
مريم::قلي شفت ميكي ماوس
نواف::اية شفتهم وصورتهم علشانك لاوصلنا الرياض اوريك اياهم
مريم::طيب نواف ابيك تغنيلي الاغنية اللي دايم
نواف::أي وحدة
مريم::هذي اللي دايم تغنيها لي يوم تكلمني وانت باامريكيا
نواف::اية عرفتها طيب بغنيلك ويقعد يغني
تعاااااااال وبقى لي يوم في غيابك يصبرني اخاف امووت من شوقي وانت مطول غيابك تعال وكل شئ صار في بعدك يصبرني دروبك ضحكتك طاريك وريح العطر في ثيابك انا من غبت عن عيني خيالك مايفارقني تصدق حالتي صعبة وعمري ضاع باسبابك يااجمل من سكن قلبي عمرني ودمرني تعال وشوف وش سوى حنين الشوق بااحبابكمريم ومحمد يصفقون ويصفرون::الله عليك نوافي

 

[ضوى العيون]

نواف::انتي امري بس كم مريم عندنا
محمد::نواف انا انسان عطشان
نواف::يعني بالمختصر
محمد::يعني شفلك أي بقالة وقف عندها باشتري شي
نواف::طيب الحين على بعد 5 كيلو في بقالة الا غريبة في ناس مانسمع اصواتهم اليوم
ريم طبعن اول شئ سرحت معاة وهو يغني ثانيا مستحية منة علشان يوم الخميس يوم اعتذر لها
سارة::مافيهم شئ بس تعبانين
نواف::اها
مريم::نوفي نوفي
نواف::عيونة
ريم تهاوش مريم وصوتها علا شوي::اصغر عيالك نوفي
مريم::انتي مالك دخل صح نوفي
نواف::خليها يازين اسمي بلسانها كذا ودلعها وهذا احنا وصلنا البقالة وش تبون
مريم::انا ابي برنجلز بالجبن واي عصير على ذوقك
سارة::انا جبلي عصير بس
نواف::انت محمد انزل معي طيب ريم وش تبين
ريم::هلا
نواف::اسالك وش تبين من البقالة
ريم::ولا شئ
نواف::مايصير لازم مابقى غيرك
ريم::أي أي شئ على راحتك
نواف::طيب
ودخل البقالة وطلع هو ومحمد ركب السيارة وبدا يوزع عليهم
نواف::هذا احلى برنجلز لااحلى مرايم بالدنيا
مريم::تسلم يابعد عمري
نواف::ههههه انا لو اعرف هالكلام من وين متعلمتة
مريم::اسرار اسرار ههههههههههههه
نواف::وهذا فيمتو ومارس لسارونتي ادري انك تحبينة
سارة::يسلمووو
نواف::والحين جينا عند ريم تفضلي واتمنى يعجبك جابلها باونتي وشاني مثل ماجابلة يذكر ريم تحب الباونتي
ريم::مشكووور وتاخذهم ويوم شافتهم سكتت وقالت في نفسها معقول للحين يذكر اني احب الباونتي غريبة
سارة::ريم غريبة ماتسولفين
ريم::تعبانة انا وربي مانمت امس زين من العرسان
سارة:::ههههههههههه تستاهلين انتي اللي نايمة عند العروس
مريم::اقول نوفي كم باقي ونوصل الرياض
نواف::ساعتين تقريبا لية
مريم::ابيك تقولنا مواقفك بامريكيا
نواف::اجل اسمعي موقف صارلي قبل مااجي كنا رايحين احنا والشباب للمول وجالسين بالكافي مالقينا الا صديقة وحدة منهم تجي من وراة وتنززة وكان ماسك القهوة يشرب مالقينا الا القهوة طايرة فوقة انكبت علية ههههههههههههههههههه شكلة يموت ضحك
مريم::هههههههههههههههههههه بس وش اسمها صديقتة
محمد::وانتي وش دخلك اللقافة شينة
نواف::اسمها جيني
ريم بقلبها صديقة واحد من الشباب ياخي قول حبيبتك والا مستحي على عملتك وصدت تناظر الشباك
سارة انتبهت ان ريم كانت تنتظر السالفة ولما سمعت اسم جيني صدت
محمد:::ههههههههههههههههههههههه الله يقطع بليسها ووش سوا فيها صاحبكم
نواف::اجل اسمع وش سوا فيها جالس يسب فيها بالعربي وهي فاتحة عيونها ماتدري وش يقول وكل ماقال كلمة وهو معصب تضحك وشغلتها وت وت واحنا ميتين ضحك ههههههههههههه
مريم ومحمد::هههههههههههههههههههههههههههههه
سارة::الا نواف جبتلي توقيع توم كروز
نواف::اية وصورة معة لك افا عليك انتي تطلبين شئ ومااسوية
سارة::فديتك انت
ريم::نواف
نواف::هلا
ريم::ابيك تغني اغنية ماابيك بحياتي
نواف::انتي تامرين اخيرا تكلمتي بس لية هالاغنية حزينة خليني انقي اغنية على ذوقي
ريم::طيب على راحتك
نواف بدا يغني وهو انبسط ان ريم تكلمت لانة مو من عادتها تسكت لازم تتهاوش معة وبصراحة مستغرب منها (انا الهايم وانا المغرم وانا الساهر مع النجمات انا اللي قسم اوقاتة حنين وشوق بغيابك نجوم الليل والغربة تذكرني زمانن فات )ريم سرحت بعالم ثاني مع الاغنية طبعن
نواف::الا صح سارة وش سويتوامس بالملكة
سارة::صراحة وناسة وتصدق ريم ظبطت كل شئ طلعت حركات من ورانا لو تشوف وش سوت بالاستراحة صارت مرة تجنن والكل انهبل عليها وبدت سارة تسولف لنواف وش صار ومريم بعد
ووصلوا للرياض على المغرب لانهم مشو على الظهر ووصلو للبيت
سارة::ريم مو عاجبتني انتي بس انا تعبانة الحين بكرة بالمدرسة لي كلام معك
ريم::كتبي والدفاتر وينهم
سارة::الحين ارسلهم مع محمد وباقي كتبك مع نورة اصرت تاخذهم تكتبلك
ريم::طيب لاتتاخرين خليني اشوف وش اخذتو
سارة::محمد تعال خذ كتب اختك
محمد::ياحووول مافي غيري طيب امري لله ويروح معها ويجيب اغراض ريم
وفي بيت ابو حمد وبالتحديد في غرفة ابو حمد
ابوحمد::بس لازم البنت ناخذ رايها وبعدين مو وقتة الحين
ام حمد::ريم ماراح تقول شئ بعدين القريب احسن من الغريب وام خالد بس بغت تفوتها لة وريم مو قايلين لها شئ لانها على وجة اختبارات الحين
ابو حمد::طيب بعدين نشوف وش يصير مو بالحين
في غرفة ريم على الماسنجر كالعادة
عرفت اليوم وين فرحي:::
هلا ريم وينك من زمان ماشفتك
بتبعك ياقلبي وبشوف اخرتها معك::
هلا فيك نورة بس كنت مشغولة بملكة اخوي
عرفت اليوم وين فرحي::
الف الف مبرووووك
بتبعك ياقلبي وبشوف اخرتها معك::
الله يبارك بعمرك وانتي وش صار عليك اخبارك طمنيني عنك
عرفت اليوم وين فرحي::
انا بس بغيت اشكرك واقولك اني انخطبت للي تقدملي وملكتنا كانت الخميس
بتبعك ياقلبي وبشوف اخرتها معك::
الف مبروووك عرفت انك عاقلة وبتعرفين وين مصلحتك وبعدين على ايش تشكريني
عرفت اليوم فرحي::
لان لو الله ثم انتي كان ماوافقت علي عبدالله بصراحة انسان رائع جدا
بتبعك ياقلبي وبشوف اخرتها معك::
ربي يهنيك ياقلبي طيب انا استاذن لاني تعبانة من الطريق
عرفت اليوم فرحي::
طيب ديري بالك على حالك
بتبعك ياقلبي وبشوف اخرتها معك::
اوكي فمان الله
عرفت اليوم فرحي::
فمان الكريم
وتطلع ريم وهي تحمد ربها ان نورة اقتنعت وحست انها سوت شئ عظيم وبعدها حطت راسها على الفراش ونامت على طووول
وفي الصباح بالمدرسة
ريم تسلم على البنات والشلة
نورة::لك وحشة يالدبة
ريم::وانتو اكثر وربي
لمياء::والله مو شئ الفصل دونك
ريم::تسلمين ياقلبي
سارة::أي والله فقدتها انا
نورة::اقول اسكتي يالنصابة مانتي كل يوم عندها
سارة::الا بس ولو دوم اشتاقلها
ريم::اقول نورة صدق اللي سمعتة
نورة::خير وشو
ريم::هههههه مافي شئ بس يقولون تزوجتي من ورانا
نورة استحت وتضرب ريم على كتفها بخفة::ايوة وبعدين هبلتيني حسبت فية شئ كبير
ريم::اجل وين اللي تقنعني ياويلك تتزوجين ومدري شنو طار كلة هالكلام
نورة::كلام بنات بس هههههههه
ريم::بس تبين الجد فرحت لك حيل
نورة::ان شاءالله دووم فرحانة
ريم::ايوة ماقلتيلنا وش اسم سعيد الحظ
نورة ووجها حمر::اسمة عبدالله
ريم::بنات من اليوم لحد يناديها باسمها نادوها مرة عبدالله مفهوم
سارة ولمياء::مفهوووم
ريم::يالله الحين تبدا الحصة مشينا مرة عبدالله يالله
البنات::يالله
وفي الفصل
مدرسة الكيمياء::يابنات اللي موفاهمة شئ تقولي
ريم::انا يااستاذة صراحة الاسبوع الماضي ماجيت وحاولت اقرا الدروس بس مافهمتهم
المدرسة::طيب انتي لية غايبة
ريم::والله يااستاذة اخوي سوا حادث في الدمام وكنا عندة علشان كذا
المدرسة:: خلاص شوفي أي حصة فاضية وانزليلي تحت
ريم::طيب
وبقى اسبوعين على الاختبارات النهائية بس والكل بدا يحظر لها
نواف::سارة اذا تبين اشرحلك أي شئ قوليلي
سارة::اوكي اذا ماعرفت شئ قلتلك الا نواف انت الين متى جالس هنا
نواف::لية مليتي مني
سارة::لا افاااا بس ابي اعرف تسافر معنا بالعطلة
نواف::انا بجلس لحد ماتبدا الجامعات عندنا يعني باقيلي شهرين
ويرن تلفون البيت
ريم::الو سارة
نواف::لا انا نواف
ريم::عطني سارة بسرعة
نواف::سارة التلفون
سارة::الو هلا ريم
ريم::اسمعي عندك اسئلة الوزارة حقت العام للرياضيات
سارة::اية تبينها
ريم::اية ابيها ضروري ورقتي مدري وينها
سارة::طيب برسلهم مع نواف الحين
ريم::يالله انتظر
وتقفل ريم عن سارة
سارة::نواف امسك الورقة ذي ودها لريم
نواف::طيب وياخذ الورقة وراح بيوديها ورن جرس بيت ابو حمد طلع لة محمد
نواف::خذ عطهم ريم
محمد::وش ذولي
نواف::اسئلة الوزارة
محمد::طيب مشكووور
ويرجع نواف للبيت

 

[ضوى العيون]

ومضت اسبوعين والبنات محتاسات بسبة الاختبارات واول يوم اختبار صار نواف يوصل ريم وسارة والصغار مع كريم
ريم::وربي خايفة احسني مو فاهمة شئ
سارة::انا العن منك
نواف::خلاص هدو انتي وياها واستهدو بالله
ريم وسارة:لااله الا الله
ووصلو البنات المدرسة وبعد الاختبار ريم تصيح
سارة::هدي ياريم
ريم::اقولك ماحليت شئ
سارة::لا ريم لاتقولين كذا
وفي السيارة ريم للحين تصيح
نواف::سارة وش فيها ريم
سارة::تقول ماحلت شئ
نواف::ريم هدي يابنت الحلال معقولة ماكتبتي ولا شئ
ريم::الا بس خبصت من عندي هم واسألتهم زي الزفت
سارة::أي والله بس اهم شئ كتبتي لك شئ بياخذونة ان شاءالله
نواف::لا ان شاءالله مثل كل سنة من الاوائل
ريم::مااعتقد هالسنة
وطبعن هالدباجة كل يوم تطلع ريم من الاختبار تصيح وصارت سارة هم تصيح معها ونواف ياقلبي يهدي فيهم
في الفترة هذي تقربت ريم من نواف ولما شافت اهتمامة فيها غيرت من طريقتها معه شوي
اليوم اخريوم اختبارات وكان عليهم فقة اخر يوم طلعوا البنات
مبسوطات ويضحكون
نواف::اشوفكم تضحكون اليوم بشروني
سارة::اليوم فلة ووناسة اسهل اختبار
ريم::أي والله شئ اختبار اليوم
نواف:اشوا الحمدالله وبهالمناسبة وبمناسبة انكم خلصتو انا عازمكم على الفطور
سارة::يالله
ريم::بس انا امي ماتدري
نواف::انا اكلم خالتي ويمسك جوالة
ريم::بس
نواف::لابس ولا شئ ويتصل الو هلا خالتي
ام حمد::هلا نواف
نواف::والله ياخالتي انا عازم البنات على الفطور وبنتك مو راضية تروح وش قلتي
ام حمد::لاصارها معك ومع سارة انا متطمنة
نواف::سمعتي خالتي وش تقول
ريم::سمعت امري لله
ويروحون للفيصلية ويجلسون في المطعم اللي فوووق وطبعن ريم صارت تضحكوتسولف مع نواف عادي ويستهبلون وتعليقات طول هالوقت ونست سالفة جيني بالمرة وعلى الساعة 11 رجعو للبيت
وعلى طول كل وحدة من البنات حطت راسها ونامت زعلى العصر جت مريم تصحي ريم
مريم::ريم يالله قومي
ريم::امممممممم
مريم:قومي اجلسي معنا اسبوعين ماشفناك
ريم::اية بعدين تشوفوني تعبانة انا بنام وتصد على الجهة الثانية وتكمل نووم
تنزل مريم تحت عند امها وابوها
ابوحمد::وين ريم
مريم::تقول خلوني انام تعبانة
ابوحمد::والله اني مشتاقلها ومشتاق لسوالفها 3 اسابيع ماشفتها
ام حمد::أي والله
في غرفة ريم يدق جوالها وهي ناسية تحطة صامت ونزت علية
وتاخذ الجوال ومانتبهت للرقم
ريم وصوتها فية نووم::الووو
حمد::الو يالقاطعة
ريم::من معي
حمد::افاا ماعرفتيني
ريم::حمد يوووة عليك الحين مزعجني علشان كذا
حمد::اشتقتلك وقلت اتصل وانا عارف ان اليوم اخر يوم لك
ريم::اية وانا تعبانة ونايمة
حمد::طمنيني وش سويتي باختباراتك ابي مثل كل سنة
ريم::مااظن هالسنة بس سويت اللي علي
حمد::لاتقولين كذا ان شاءالله من الاوائل
ريم::ايةهين
حمد::اسمعي انتي اول وحدة ابشرها حتى امل ماقلتلها
ريم::خير
حمد::اول شئ رجلي الحمدالله صرت امشي عليها مثل اول
ريم::جد الحمدالله والشئ الثاني
حمد::الشئ الثاني اني تخرجت بامتياز
ريم رمت البطانية من عليها وبفرح::احلف
حمد::والله
ريم::الف الف مبروووك ياخوي برووح ابشر ابوي وامي
حمد::يالله روحي مع اني كنت انا بقولهم بس يالله علشانك
ريم::خلني افرحهم فيك انا علشان اذا طلعت نسبتي شينة مايقولون شئ لي
حمد::طيب يالله مع السلامة
ريم::وين بتروح اكيد تبي تكلم حبيبة القلب
حمد::اية عندك مانع
ريم::لا عندي دواس هههههههه
حمد::هههههه فديت هالضحكة ياني مشتاق لها كذا تحرميني منها شهر مااسمع صوتك ولا ضحكتك
ريم::وش اسوي ياخوي لازم ادرس علشان اجيب نسبة وادخل التخصص اللي ابية بعدين تصدق ابوي صارلي 3 اسابيع مو شايفتة وان شفتة لمحة بس
حمد::يالله اهم شئ خلصتي الحين
ريم::طيب لاتقعد تهذر واجد خلني اروح ابشرهم واخذ الحلاوة
حمد::يالله
وتزل ريم تحت فرحانة طبعن لاغسلت وجهها ولا شئ وحالتها حالة
ريم:::يمممممممممة يببببببببببببببببببة ابي البشااارة يالله
محمد::نجحتي
ريم::بلا خبال توني اليوم مخلصة تبي النتايج تطلع لا عندي خبر حلو
شوي الا الكل يطالع ريم ويضحك
ريم::خير وش فيكم تطالعوني وتضحكون اقولكم عندي خبر حلو تضحكون علي
محمد::شوفي شكلك بالمراية وبعدين تفهمين الله يعين اللي بياخذك كان بيصبح عليك كذا كل يوم
الكل::ههههههههههههههههههههههههههه
وتروح ريم تناظر حالها وتشوف معهم حق لان شكلها تحفة كانت رافعة شعرها بس نافش وبنطلون البجامة مرتفع من جهة رجلها اليمين يعني حالتها حالة ههههههههههههههههههههههه
محمد::الحمدالله احد يضحك على حالة
ريم::وش اسوي بس فعلا اضحك بس كلة من حمد ماخلاني اشوف نفسي المهم خلوني اخبركم وتخليهم يجلسون ويصفون على الكنبات قدامها وتوقف قدامهم وتظبط نفسها الحين اوكي
مريم::اوكي
ريم::طيب اول شئ يدك يابوحمد على البشارة
ابوحمد::انتي قولي الخبر ونشوف
ريم::لو اقولك بتطير من الفرحة
ابوحمد::انتي خلصينا ونشوف
ريم::يعني مافي فايدة طيب ابي العزيز امي الغالية اخواني الاشقاااء اخونا حمد اليوم اتصل علي وخبرني خبرين حلوين الاول هو ان رجلة الحمدالله قدر يمشي عليها مثل اول واحسن والخبر الثاني وهو المهم انة حمد تخرج خلاص بامتياااز
مريم ومحمد قامو ينططون من الفرح ابو حمد راح ضم بنتة على هالخبرية وامها كمان
ابوحمد::احلى خبر سمعتة يالله تدللي وش تبين
مريم::افااا بس هي حتى احنا نبي
ريم::لا بس لي انا اللي قلتلكم
ابوحمد::كلكم تدللو بس
ريم::بس ابي سلامتك يبة اهم شئ شوفتك مبسوط
مريم:لا انا ابي علشاني نجحت بعد نبي نرووح الحكير بكرة
محمد::اية يبة تكفى احنا بعد نجحنا وماعطيتونا وجه
ابوحمد::على هالخشم بكرة للحكير علشانكم ريم
ريم::هلا يبة
ابوحمد::ماقالك متى يجي
ريم::لا للحين الا يبة متى عرس حمد
ابوحمد::بشهر 6
ريم::يوووةيعني مابقى شئ لية ماخبرتوني الحين مايمدي اجهز شئ
محمد::وين نخبرك وانتي 3 اسابيع ماشفنا وجهك
ريم::اية صح نسيت
الا شوي ينفتح الباب والكل صد صوبة وفتحو عيونهم على الاخر
ريم::لااااااااااااه مااصدق توك مكلمني متى جيت انت ولية ماقلتلي
حمد::ههههههههه اصلا لو فيك خير كان انتبهتي على الرقم اللي متصل منة
ريم::وش يدريني عنك نايمة وصحيتني وتروووح لة وتضمة الف مبرووك ياخوي
ويروح حمد يسلم على ابوة وامة واخوانة
ابوحمد::والله ورفعت راسي ياحمد
حمد::مشكووور يبة وراسك دووم مرفوع
ام حمد::تعال ياوليدي مشتاقتلك
ويروح حمد وينسدح في حضن امة ويحط راسة بحضنها
ريم::يبة ماتبي تسوي حفلةلحمد
ابوحمد:الا بس يوم الثلاثاء علشان لك ولة
ريم::وسلون وانا نتايجي الاربعا
ابوحمد::نتيجتك الاثنين تكون عندك
ريم وبصوت واطي::رحنا فيها
حمد:::ههههههههههههههههههههههههههه
ابوحمد::وش قلتي
ريم::ولا شئ بس اقول خل حمد يفرح لحالة
حمد::عاد انا بفرح مع اختي العزيزة
شوي يرن التلفون وترد ريم
سارة::الووو ريم
ريم::هلا سارة اسمعي ببشرك بشارة حمد تخرج وجا هوهنا الحين
سارة::حلو اجل الف مبرووووك المهم نواف عازمنا على الحكير بكرة وش رايك ولاصار حمد فية وناسة ومااظن اهلك بيعارضون
ريم::طيب دقيقة وتصد ريم لاابوها وامها يبة يمة سارة عازمتنا بكرة على الحكير انا واخواني وش رايكم وطبعن حمد علشان نواف
ابوحمد::طيب اوكي روحو اصلا جت من الله علشان افتك من حنة مريم
مريم تناظر ابوها::يبببببببببببببببة طيب زعلت
ابوحمد::لا كلش ولا زعلك بس امزح معك ههههههههه
محمد::الظاهر ابي ماصار يخاف من امي صار يخاف من مريم
ابوحمد::محمد وش هالكلام استح على وجهك
ريم::اوكي ياسارة بكرة ان شاءالله
سارة:طيب يالله
وتسكر سارة وتشوف نواف جنبها
نواف::بشري تروح
سارة تسوي نفسها ماتدري::من اللي تروح
نواف بارتباك::قصدي يروحون
سارة::ههههههههه كاشفتك انا اية وبعد في بشارة حمد هنا رجع وتخرج بعد
نواف::اجل وناسة بيروح معنا
سارة::اية

 

[ضوى العيون]

يوم الخميس الكل تجهز بيروح طبعن اتفقو حمد ونواف ومحمد يلبسون اماراتي الثوب الاماراتي والسفرة حقتة وطلعو ماشاءالله عليهم يجننون وراحو للحكير وجلسويلعبون وهيصوا وانبسطو وطبعن ريم معاها كمرتها وتصور وش يصير وصورت الك مابقت احد وفي الليل راحو لمطعم علشان يتعشون وكانت طلعة مرة حلوة وفي المطعم كالعادة ضحك وتعليقات فبذكر لكم موقف
ريم كانت تناظر اثنين شكلهم لسا متزوجين بس كل واحد بصوب ومايتكلمون فحبت تغيض حمد::اقول بالله بكرة اذا تزوجت بتسوي بامل كذا مابتسولف
حمد::لا والله وش شايفتني بعدين مايخصك
نواف::وانتي لية حشرية خليهم في حالهم
ريم::سارة ناظريهم شوفي ياحرام شكل المرة تتكلم وهو مو معطيها وجه
سارة::اية ياقلبي عليها احسها بتموت قهر
مريم::تبوني اروح اقولة تكلم
محمد::انتي وش نططك بالسالفة اسكتي احسن لك
حمد::اقول يالقفكم انتي وهي وش عليكم منهم
سارة::بس حرام شكلهم يكسرون الخاطر
نواف::اقول شوفوا ذيك البنت كيف تمشي
ريم::وين منهي أي وحدة
نواف::بسم الله علي شوي شوي شوفيها توها دخلت المطعم مع صاحبها
سارة::وانت وش يدريك انة صاحبها يمكن زوجها او اخوها
نواف::باينة شوفي شكلها وطريقة مشيها وحركتها باللثمة وبتعرفين
حمد::والله خبرة نواف لايكون انت منهم
ريم تناظر نواف باحتقارانتبة لها
نواف::افااا ياحمد تشك فيني بس الاشكال ذي معروفة الا غريبةمريم ومحمدمالهم حس
سارة::مريم ومحمد من زمان نايمين تعبواليوم من اللعب
حمد::أي والله بس احسن شئ ههههههههههه يوم لعبنا بالوحوش نواف جا يروح فيها
نواف::لا والله بس بالله عليك ذي عملة منك
حمد::يالخواف
نواف::لا خواف ولا شئ بس حركتك بايخة وتنزز
ريم وسارة::هههههههههههههه بس وش صار
حمد::هذواحنا داخلين مو في هيكل عظمي
نواف::حمد بتسكت والا بفضحك
ريم::كمل كمل ماعليك منة وش صار
حمد::المهم احنا ماشين ويطلع لناخلاص عاد انا معي بجوالي صوت وحوش واشغلهم هههههههههههههههه مالقيت الا نواف متعلق فيني هههههههههههههههه
نواف::وش اسوي فيك نززتني والا عادي
حمد::عادي هاه اعترف عادي
سارة وريم::ههههههههههههههههههههههههههههههههههههه
نواف::طيب مردودة لك
رجع الكل للبيت تعبان والكل راح ينام بسريمماجاها نوم جلست تتفرج على الصور وخاصة صور نواف وهو يلعب مع مريم اوبالسيارات كان شكلة جنان
ريم::فديتة والله وشوي تنتبة على حالها وش جالسة اخربط انا ووجهي من زينة المغرور بس والله طيب وحنين يااه يوم اتذكر اهتمامة بنا في وقت الاختبارات ربي يخلية وتحط راسها وتنام
نواف في غرفتة كان يحوس في مكتبة شوي ويفتح درج المكتب ويلقى الشال
نواف يجلس يشمة::فديت ريحتها الدبة وربي مدري وش سوت فيني ويني عنها من زمان بس يالله خلني اخلص دراستي وباخذها لي خاصة ان امي تبيها بعد وهالشال بيكون ذكرا معي منهابس لازم بس مو معترف لها الحين خلني اتاكد من مشاعري زين بس اسلوبها معي تغيرحيل ياقلبي عليها
ومضت 3 ايام وريم على نار تستنى نتيجتها وطبعن سارة معها
ريم::وربي ياسارة خايفة الحين يتصل ابوي يقولي ادري بالثمانين
سارة::استهدي بالله وين بالثمانين الحن نسبتك النصف الاول 100% وتقوليلي ثمانين
ويرن التلفون
ريم::سارة مدري اردوالا ماارد
سارة::يالله ردي
ريم::مدري خايفة
سارة ::ردي يالله انا على اعصابي
ريم::الوو
ابوحمد::واللة ورفعتي راسي يابنت نايف وماخيبتي ظني الف مبرووووك
ريم::الله يبارك بعمرك بس يالله يبة لاتحرق اعصابي
ابو حمد::الثانية على المملكة وبنسبة 99.55%
ريم::لاااااااااااااااااه مااصدق معقووووووووووووووووووووول وتقعد تبكي من الفرح
ابوحمد::الو ريم ريم استني خليني اقولك نتيجة سارة بعدين
ريم:: مشكوور يبة طيب يالله قولها
ابوحمد::باركي لها وهي الثالثة على المملكة نسبتها99.25 %عفية عليكم بناتي الشطورات عمركم ماخيبتو ظني يالله اطلبو أي هدية
ريم::واااااااااااااااااااااااااااااااااو يبة مشكووور ماتقصر
ابوحمد::مع السلامة
ريم::مع السلامة يالغالي
سارة ::بشري
ريم::اسمعي وبدون مقدمات انا الثانية على المملكة ونسبتي 99.55% وانتي الثالثة بنسبة 99.25%
سارة نزلن دموعها من الفرحة وراحت ضمت ريموجلسو يبكون
سارة::شفتي ياريم ربي عوض تعبنا بهالفرحة
ريم::أي والله صراحة ماتوقعتها اجيب الثانية وربي مبسوووطة حيل وتمسح دموعها
سارة::ولا انا صراحة
ويتصل نواف بهالوقت على سارة
نواف::الف مبروووك يالثالثة وباركي للثانية بعد عندك
سارة فتحت عيونها::الله يبارك بعمرك بس وش يدريك
نواف::اصلا انا عارف من امس بس ماحبيت اخبركم علشان مااخربها على عمي
سارة::يالدب وتاركني على اعصابي من امس
نواف::ههههههههههههههه بس باركي للي عندك والا اقول عطيني اياها
سارة::ريم خوذي نواف بيباركلك
ريم::طيب عطيني وتاخذ التلفون منها
نواف::الف الف مبروووك الريامي وعقبال ماتتخرجين من الجامعة يارب
ريم::الله يبارك بعمرك وان شاءالله وعقبالك بعد
نواف::بس والله جبتيها بس انا اللي قاهرني هالدموع اللي نزلتيها ايام الاختبارات وشوفيك الحين ماشاءالله الثانية وبنسبة مرة حلوة
ريم انحرجت منة ماتدري وش ترد::مشكوور والله وتعطي السماعة سارة
سارة::وش فيك ليه خدودك حمر وش قالك الو نواف
نواف::هلا وين راحت
سارة::انت وش قايل اللي خلاها تستحي كذا
وتضرب ريم سارة بالمخدة
سارة::أي
نواف::ماقلت شئ بس هي الله يهديها بس قلتلها مبروك وماخيبتي ظني
سارة::اها طيب يالله مع السلامة اسمني مبسوطة بس لاتنسى الهدية
نواف::احلى هدية لعيونك
طبعن اليوم الكل مبسووط بنجاح ريم وبنسبتها الحلوة وتتصل امل
امل::الف الف مبروووك الريامي وربي رفعتي راسنا
ريم::الله يبارك بعمرك يامرة الغالي وراسكم دووم مرفوع الا خالد كم جاب
امل::94%
ريم::الف مبرووو ك ويقولي ويقولي مابيجيبها
امل::ههههههههههه نصاب ذا
ريم::امل بتجون بكرة للعزيمة
امل::اكيد احنا ماشين في الليل
ريم::طيب توصلون بالسلامة
راحت سارة لبيتهم وريم نزلت تشوف اهلها وتروح لاامها
ام حمد::والله ورفعتي راسي يابنتي
ريم::دووم راسك مرفووع يمة
ام حمدتصيح وتحظن بنتها::يالله عقبال مااشوف عيالك
ريم وهي تصيح::ان شاءالله بتشوفينهم
ويجي ابوحمد وتروح ريم لة وتضمة وتحبة على راسة
ريم::مشكووور يااغلى انسان بهالوجود
ابوحمد::والله يابنتي رفعتي راسي يالغالية وانا ماسويت شئ
ريم::ولويبة هذا اقل شئ اسوية لكم
وطبعن انتشر خبر نجاح ريم والكل بدا يتصل ويبارك لهم وفي بيت سارة نفس الشئ الكل فرحان ومبسووط لها
وطبعن ابو حمد ظبط الاستراحة لحفلة حمد وريم ومعهم سارة وماخلواحد ماعزموة وفي الحفلة الكل مشغول وكانت امل تكلم حمد
حمد::تكفين امولة حبي انتي بس نظرة
امل:::لا مافي ماباقي شئ واصير لك طول العمر
حمد::افاا امول كذا تكسفيني
امل::طيب وربي مابي ازعلك بس شوي لان لو درت امي بتزعل
حمد::طيب استناك عند الباب حق السيارة من جوا
امل ::طيب الحين اجي
طبعن هالحوار كلة حظرتة ريم وسوت نفسها ماسمعت
ريم::على ورين امول
امل::بروح الحمام وبجي
ريموبنظرة::اكيد للحمام
امل::لا تعالي ادخلي معي احسن
ريم::خلاص
وتروح امل لحمد
حمد::يابعدي انتي فديت اللي مايبون يزعلوني
امل استحت::خلاص حمودي
حمد::فديت اللي يستحون انا امول
امل::لبية
حمد::لبى قلبك احبك
امل::وانا بعد
حمد::وانتي ايش
امل::احبك
ريم::ياعيني عيني على الرومانسية
حمد::ياحول وش جابها وش تبين انتي
ريم::لا والله بالله ماتستحي باقي شهر بس وتشوفها وانتي تناظر امل ماصدقتي على ربكيقولك تعالي
امل::وانتي خير زوجي وانا حرة
ريم::لا والله قدامي لااعلم خالتي الحين احمدي ربك خليتك خمس دقايق
امل::يعني انتي عارفة اني بشوفة
ريك::اية اكيد مايخفى علي شئ انا وانت يالله رح للرجال حفلتك ومخليهم وجاي
حمد::الشكوى لله اللي صرنا لعبة بيد ريم
ريم::ههههههههههههههههههههههههه
وتروح ريم وامل عند الحريمويكملون وناسة وضحك ورقص
وبكذا انتهى الجزء الخامس ياليت يعجبكم
ريم بعد نجاحها هل بتفاتحها امها بموضوع خالد والا بتسكت؟؟
نواف هل تتوقعون مشاعرة تجاة ريم صادقة والا بس علشانها تغيرت ؟؟؟
زواج حمدوامل قريب وش تتوقعون بيصير فية؟؟؟
ريم هل بدت تحب نواف والا مجرد انة اهتم فيها بدت تتغير عليةوتعاملة زين؟؟؟؟

 

[ضوى العيون]

الجزء السادس

>>حب الطفولة لابد يومن يجتمع..مهما افترق خل وخل <<

اليوم يوم الخميس 15 من شهر ستة الكل فرحان ومبسوط لان اليوم زواج حمد وامل وطبعن بالشهر اللي طاف الكل كان يستغل ويجهز لزواجهم
ريم على المغرب في الصالون هي وسارة
ريم::يالله جهزنا خليني اتصل في كريم يجينا
سارة::يالله لان امك من مشوين تتصل
ريم::الو كريم تعال خذ حنا
كريم::انا مافي فازي انا في شقل كتير خلي حمد ودي
ريم::لية انت وين
كريم::انا في مطبخ جهز عشاء علشان زواج
ريم::طيب خلاص وتقفل عنة وتصد صوب سارة اقول والحل يعني حمد مو فاضي لنا ولا كريم من بيودينا
سارة::عرفت من بتصل بنواف
ريم::أي والله صح وشلون مافكرنا فية
سارة::الو نواف
نواف::هلا
سارة::تعال خذني من المشغل بروح للقصر ومالقينا احد يودينا
نواف::لية من معك
سارة::من معي غير ريم
نواف::طيب انا جاي حالا
طبعن ريمكانت لابسة فستان لونة سماوي فية قصات من تحت وجاي على جسمها وسيور من فوق وعلى السيور في وردة وعند الخصر فية حركة رافعة الفستان شوي اما شعرها فكانت مسوية فية تسريحة من فوق وفاكتة من تحت لان ريم تحب شعرها مفكوك بس اقنعتها سارة تسوي فية تسريحة خفيفة وطلع مرة حلو
اما سارة ففستانها كان لونة زهي وفية شوية اخضر فاتح وهو عبارة عن قطعتين تيور ومعة بلوزتة وكان فية مثل الاكسسوارات من تحت وهذا اللي مثقل مشية سارة ومن فووق كان جاي مثل الخيط على رقبتها وهذا اللي ماسك البلوزة بس وكان مرة طالع عليها حلو وكيوت اما شعرها رفعته كلىة بتسريحة تقول مالها خلق تفكة بعدين تموت حر
ووصل نواف لهم ويدق هرن
سارة::يالله نواف جا
ريم::يالله
ويركبون السيارة
ريم وسارة ::السلام عليكم
نواف::وعليكم السلام
سارة::الله الله وش هالكشخة نواف لايكون انت المعرس
نواف::هههههههههههه اااااه بس متى اعرس
سارة::لا لاه مااصدق نواف يقول بيعرس مستحيل
نواف::لية وش فيها
سارة::نواف متاكد انك صاحي
نواف::لية وش شايفتني المهم مبرووك ياريم زواج حمد ولعقبالك وبصوت واطي معي
ريم::الله يبارك بعمرك وانت حاظر ان شاءالله
نواف::سارة انا مسافر اليوم الفجر بعد العرس
ريم نطت::ولية ومتى ووشلون
نواف::اياالملقوفة اظني قلت سارة مو ريم
ريم::اقول مالت علي اللي مهتمة بس مين بيزف حمد
سارة::صح من بيزفة عاد هو معتمد عليك
نواف::انا طيارتي على الساعة 5 الفجر وحمد زفتة 3 يمديلي
ريم في بالها لية بيسافر الحين على طول كذا ماطول كثير
سارة::ريم ريم
ريم::هلا
سارة::يالله انزلي وصلنا
وينزلن البنات للقصر وكانت هناك ام حمد وام عبدالله((ام عبدالله اخت ام حمد الكبيرة وماعندها الا ولد واحد عبدالله وعايشة عندة لان زوجها متوفي وعبدالله متزوج من وحدة اسنها فاطمةتشتغل دكتورة وهي حيل حبوبة وعندة بنت اسمها لين 3 سنوات وجابر عمرة سنة وهي نكتية بس ريم احيان تنقهر منها بسبب بعض تصرفاتها معها))
وتسلم ريم على خالتها اللي ماشافتها من زمان
ريم::هلا وغلا بخالتي وينك من زمان ماتبينين
ام عبدالله::هلا بريم تدرين مشاغل وبعدين والله وكبرتي واحلويتي لو عندي ولد كان خطبتك لة بس شكلك اليوم بتنخطبين
ريم استحت وحمرو خدودها
ام حمد::عن قريب ان شاءالله
ريم::وش اللي عن قريب
ام حمد::ولا شئ
وتجي سارة وتسلم على ام عبدالله
سارة::هلا بخالتي مشتاقين لك ولسوالفك
ام عبدالله::تسلمين والله وانتو اكثر ماشاءالله ياسارة حتى انتي كبرتي واحلويتي بس وش مسويات علموني خلوني اصير مثلكم يمكن اتزوج
ريم::خالتي انتي للحين تبين تتزوجين صرتي جدة وعجزتي
ام عبدالله::عجوز بعينك واذا يعني بتشوفين ان مانخطبت اليوم
سارة وريم::ههههههههههههههههههههه
فاطمة تجي ::عادي ياريم خليها تشوف حياتها بعدين خالتي بعزشبابها الكل يتمناهاوتسلم على ريم
ريم::علينا فطوم تشوف حياتها والا تبين الجو يفضى عليك انتي وحبيب القلب عبود
وتضرب فاطمة سارة على الخفيف::اول شئ عبود بعينك اصغر عيالك هو ثانيا هذي خالتي حلا البيت مانقدر نستغني عنها وبعدين انتي بالقوة تبين تقوليني كلام ماقلتة
ريم::اقول شكلي تهزئت الا ليونة وينها اشتقتلها الدبة
فاطمة::شوفيها مع شغالتها في اول الصالة عند المغاسل هناك بالجلسة وبعدين وش مسوية فيها شغلتها ابي ليم وابي ليم
ريم::اروح اشوفها ابرك منكم فديت اسمي بلسانها اسرار مايخصك
وتسلم سارة على فاطمة ويروحن يجلسن على الطاولة وريم تروح عند لين ريم من النوع اللي تحب الاطفال والاطفال هم يحبونها بسرعة
ريم تروح وتاخذ لين من خدامتها::ليونة فديتك ياقلبي وتقد تبوسها
لين::ليم ليم بقولث ثر خطيل
ريم::قولي فديتك
لين::انا احبث
ريم::فديتك وانا بعد امووت فيك
لين::انتي ليث ماتدين عندنا بالددة عندنا بحل تبير احنا
ريم::ياقلبي عليك بس انا احب الرياض طيب انتي قولي لبابا تجين عندي
لين::انا دلت لعبودي بس ماوافد
ريم::هههههههههه اصغر عيالك هو بيوافقون بعدين ليونة انا بروح عند العروسة تجين معي
لين::الللاي علوثة بلوح معت وين ماتلوحين
وتطلع ريم ومعها لين عند امل في الدور الثاني لان فية درج ومكان مثل البلكونة وبعدين لغرفة العروسة
ريم::السلام عليكم
لين::الثلام عليتم
الكل ::وعليكم السلام
امل::وينك ياريم تاخرتي علي من الصبح استناك
ام خالد::مادام ريم وصلت انا بنزل تحت عند الحريم
ريم::خلاص خالتي روحيوانا بجلس عندها شوي وبلحقك
امل::لية وين بتروحين
ريم::نسيتي اني اخت العريس يعني لازم انزل تحت واشوف كيف ماشي العرس بعدين كل شوي بطل عليك
لين::حتى انا بدلث عندها علثان اثوفها وهي علوثة
ام خالد تمسك لين وتحبها::وانتي بعد ربي يبلغني فيك عروسة
الكل::امين يارب
وتروح ام خالد وتبقى ريم عند امل وتناظرها
ريم::امولة شكلك جنان
امل:::اسكتي خاايفة الميك اب مو عاجبني
ريم::بالعكس حلو ولابق على الفستان
فستان امل ماكان ابيض سادة كان يتخللة بعض قطع من القماش اللي مثل الخيش لونها بيج وجاية بقصات حلوة ونفشتة عادية مو بالمرة وكان مرة حلو

 

[ضوى العيون]

لين::الللاي امولة ثرتي علوثة ملللة حلوة
امل تمسك لين وتحبها::انتي اللي عروسة ياقلبي
ريم::طيب انا بنزل اشوف وش صار عاد لا اوصيك ياويلك تنسين اللي قلتلك تسوينة وبعد شوي بنبة على حمد اخاف تخربون كل شئ علي
امل::تكفين ريم اجلسي شوي عندي وعاد اذا خفت مايخصني يمكن انسى
ريم::ياويلك وربي بذبحبك وبعدين لازم انزل برجعلك كل شوي يالله ليونة امشي
لين::لا بدلث عند العلوثة
ريم::انا بروح ارقص ماتبين ترقصين معي ترا بزعل
لين::لا حلاث بنذل بث القث معت ولا تذعلين مني انا احبت
ريم::وانا بعد يالله مشينا
ونزلن البنات وراحت ريم للطاولة اللي عليها سارة وفاطمة وكان معهم دلال وهذي تصير بنت خالة سارة(دلال ماتحب ريم ولاتدانيها لان خالتها والكل يحبها ولانها هم جميلة ودووم تسوي شئ غلط وتحطة براس ريم المسكينة زدلا ذي كبر نواف تدرس سنة ثانية عربي لان نسبتها شينة)
ريم::هلا وغلا بدلال كيفك
دلال تبتسم طبعن باحتقار وهي ميتة من ريم لانها طالعة جنان::هلا فيك
ريم::وينك يالقاطعة من زمان عنك ماتسالين عنا
دلال وفي نفسها مسوية حالك طيبة تسالين عني::والله ريم مشاغل الحياة
سارة::دلال باركي لريم لانها الثانية على المملكة
دلال وهي منقهرة ::الف مبروووك ريم
ريم بابتسامة ::الله يبارك فيك يالله يابنات انا بروح ارقص من تقوم معي
سارة::انتي روحي لحالك بعدين احنا
وتروح ريم للطقاقة وتطلب منها اغنية حبيبتي ماني معلم باسمها وتقعد ترقص من يوم بدت ريم ترقص كل اللي كانو على المنصة يرقصون نزلو يوم شافت ريم ان المنصة فضت وقفت وناظرت سارة وسارة ابتسمتلها بمعنى كملي ريم كان رقصها مرة حلو هذا اللي خلا الكل ينزل وبرضو لجمالها الكل قعد يطالعها ويسمي في الطاولة اللي ورا سارة
...::ماشاءالله ماتوقعت ريم بهالجمال والاناقة وزيادة على كذا طيبة مرة وبشوشة تجذب الواحد
....::ريم ماشاءالله عليها هذا طبعها من يوم هي صغيرة وهذي ملامحها بس كبرت شوي واحلوت
.....::انا بروح اسلم عليها بعد شوي اشوف تذكرني والا لا
وخلصت الاغنية ونزلت ريم ولاحظت الكل يطالعها ابتسمت وخجلت وراحت لطاولة البنات
فاطمة::ماشاءالله عليك ريم لا انخطبتي اليوم الكل يطالعك ويسمي
ريم::يسلمو من ذوقك بس لية ماجيتو رقصتو معي وربي طاح وجههي
سارة::اصلا لو رقصنا معك ماحد بيعبرنا الكل يطالعك
وتقوم من وراهم بنت طويلة شوي مملوحة لون بشرتها حنطي وتجي يم ريم
البنت::السلام عليكم ريم
ريم تقوم مستغربة ::هلا وعليكم السلام
البنت::الف مبرووك زواج حمد ولعقبالك
ريم ومبتسمة كالعادة::الله يبارك بعمرك وانتي حاظرة
البنت::صراحة ياريم هذا انتي ماتغيرتي من يوم وانتي صغيرة بالعكس احلويتي
ريم::عيونك الحلوة اختي بس ماعرفتيني عليك
البنت:::هههه معقولة ماتذكرتيني لهالدرجة متغير شكلي عليك
ريم::لا والله الشيخة اسمحيلي اصلا الميموري تبعتي تعبانة يبيلها تبديل
البنت واللي جالسين على الطاولة::ههههههههههههههههههه
البنت::للحين هذا اسلوبك المزح ماتعرفين تصيرين جدية طيب بذكرلك موقف وياليت تعرفيني بة ايام الابتدائي وين درستي
ريم::بمدارس الرواد الاهلية لية
البنت::طيب كان في مدرسة اسمها منى تذكرتيها مدرسة العربي وكنا انا وانتي مانحبها ومعنا سارة كمان
طبعن سارة متابعة الوضع ويوم ذكرت اسمها اهتمت اكثر شلون تعرفني بعد

 

[ضوى العيون]

ريم::ايوة ذكرتها طيب كملي كاني تذكرت شوي
البنت::في يوم من الايام قررنا احنا الثلاثة والفكرة لك يام الافكار نجيب صرصور صغير
ريم::لحظة بس تذكرتك ريمة صح
ريمة::صح يالدبة معقولة تغيرت عليك لهاالدرجة
وتروح ريم وتضم ريمة ::ريمة وينك يالدبة يالقاطعة من زمان عنككل يوم نذكرك انا وسارة من يوم رحلتوا لكندا ماشفتك وانقطعت اخبارك
وتجي سارة من وراها::وانا يالدبة ماشتقتي لي
ريمة::سارة لا مستحيل مااصدق
وتجلس ريمة عندهم على الطاولة(ريمة ذي صديقة سارة وريم الضلع الثالث بالعصابة ايام الابتدائي يوم نجحو البنات للمتوسط جا لابو ريمة عندة شغل بالسفارة السعودية يكندا ورحلو معة ومن يومها اخبار ريمة متقطعة عن البنات))
ريمة::والله صدقوني عمري مانسيتكم يالغاليات ودوم في بالي بس شسوي
ريم:::وانتي بعد دوم نذكرك متى جيتي من كندا
ريمة::السنة ذي بعد ماخلصت ثالث انتهى شغل ابوي ورجعنا لحبيبتي الرياض بعد فراق 6 سنوات
ريم::جد والله ونااسة اجل بتدرسين معنا
ريمة::قبل لاانسى مبروووك يالدبات الاوائل هاه مثل ماتعودت عليكم دووم وربي فرحت يوم قريت اساميكم
سارة::الله يبارك بعمرك وانتي طمنينا
ريمة::انا نسبتي 98.85%
ريم وسارة::مبروووووووك
سارة::يعني بتدرسين معنا وبنحقق حلمنا احنا الثلاثة
ريمة::ايوة باذن الله تدرون اول ماقريت ان حمد بيتزوج بالجريدة قلت غير احظر ودبرت بطاقات من تحت الارض لي ولامي ولاختي هند
ريم::هنودة الصغيرة باي صف صارت
ريمة::أي صغيرة الحين ثاالث ثانوي وبعدين لو بتشوفونها مابتعرفونها امشو معي امي بتشوفكم
ريم وسارة::يالله قمنا
سارة::أي والله زمان ماشفت خالتي ام رائد مشاقتلها
ويروحن البنات ويسلمن على ام رائد وهند
ريم::والله ياهند كبرتي حيل متغيرة
هند::حتى انتي االريامي مرة احلويتي وانتي هم ياسارة
سارة::عيونك الحلوة
ام رائد::الله يالزمن وش اخباركم مرة كبرتو واحلويتو يابنات
ريم::والله لكم وحشة ياخالتي انتم وش اخبارك ووش علومكم رحتو لكندا ونسيتونا
ام رائد::والله انكم دووم بالبال
ريم::دقيقة خالتي بجيب امي وخالتي ام نواف يشوفونك وربي بيفرحون
وتروح ريم تنادي امها وام نواف
ريم::يالله يمة وخالتي لكم مفاجاة بتحبونها مررررررررررررة
ام حمد::شوي شوي ياريم فضحتينا قدام العالم ماسكة يدي تقول بزر عندك
ريم::طيب يمة بس تعالو معي وتاخذهم لحد طاولة ام رائد يمةخالتي شوفو المفاجاءة
ام حمد::لطيفة؟؟؟
ام رائد::هلا والله بنورة ويقعدون يضمون بعض
وتسلم بعد ام نواف عليها
ام نواف::وينكم يالطيفة من يوم رحلتو من عندنا وسافرتوماسمعنا حسكم شدعوة ياحافظ ولا كانها عشرة عمر((نسيت اقولكم ام رائد جيران مع ام نواف وام حمد وام رائد عندها بنتين اللي هم ريمة وهند وعندا ولد واحد هو رائد عمرة 22 سنة تخج من الجامعة ادراة اعمال ويوم رجعومن كندا قرر يفتح شركة صغيرة يشتغل فيها))
ام رائد::وربي يانورة وانتي ياحصة في البال دايم بس شنسوي مشاغل الحياة
ام حمد::عاد ماتسالون عن جيرانكم وربي افتقدناكم بسمتى رجعتو وبيتكم بعتوة او لا لان ذاك اليوم شفنا عمال داخلين طالعين
ام رائد::بيتنا لنا مومغيرتة وعندي جيران مثلكم بس احنا الحين عند اختي لحد ماينظف البيت ويصلحون الخراب اللي فية
ام نواف::اشوا طمنتيني
ام رائد::ولو باوخيتي وانا اقدر استغني عنكم
ام حمد تناظر البنات::ماشاءالله هذي ريمة يالطيفة
ام رائد تضحك::لا والله هذي هند ريمة مع بنتك ترقص هذيك
ام نواف::ماشاءالله هند تعالي سلمي والله وكبرتي وصرتي مرة
ام حمد::أي والله
وتروح هند تسلم عليهم
وعلى الساعة 1 تطلع ريم عند امل لان 2 بيدخل حمد مابغت ريم تاخرهم اكثر
ريم::هاه امولة شخبارك الحين
امل::اسكتي مررررررررررة خايفة
ريم::هذا وانتي تبين تتجتمعين بحبيب القلب خايفة المفروض تكونين مبسووطة
امل::ولو ياري مرهب الزواج غير
ريم::المهم ياويلك تنسين اللي قلتلك اوكي
امل::اوكي
في الوقت ذا يتصل حمد
حمد::الو ريامي حبيبتي انتي
ريم::اية هين حبيبتك اخلص وش تبي
حمد::ههههههههههههه يالله متى ادخل طفشت
ريم::اقول اركدمكانك وتقفل في وجهه
نواف::هههههههههههههههههه انت مالقيت الا ريم ارحمك
حمد::ضحكت بلا سنون يالله ابي ادخل
نواف::لية هالكثر مستعجل شوي شوي الحين الكرسي يصير فية شئ من تحرقصك علية
حمد::اية انت مو حاس فيني خلك تحب وتعرف وشلون
نواف في قلبة اخ ياحمد ماتدري اني ميت على اختك بس بصبر هالسنتين اتخرج واخطبها لي وربي يرزقني مثلك
حمد::نواف هية انت
نواف::هاه هلا ايش
حمد::وين سرحت
نواف::ولا شئ
حمد::جهزت سيارتك علشان الزفة
نواف::اكيد يالغالي
حمد::تسلم ربي لايحرمني منك
وبهالوقت جاهم خالد
خالد:هلا والله بالنسيب
حمد:هلا فيك ياولد الخال اقول خالد متى ادخل للزفة
خالد::ياربي منك انت كلة مستعجل اقول نواف امش نعرض سامري وناسة
نواف::اية يالله ويروحون يعرضون سامري طبعن في مصور يصور عند الرجال
وعلى الساعة ثنتين تقرر يدخلون المعاريس
ريم::يالله حمد تعال مع الباب الخلفي واصعد فوووق
حمد::يالله جاي ويقوم حمد من العجلة نسى البشت
نواف::حمد حمد بشتك يالشيخ ماسمعة حمد فاضطر انة يلحقة
ريم طبعن نزلت عند الباب علشان توصل حمدد فوق ويوم جا بيدخل حمد
نواف بصوت عالي::حمد وقف
حمد التفت وطبعن الباب مفتوح وريم واقفة مانتبهت ان نواف ورا حمد
حمد::وش فيك
نواف يلهث لانة جا ركض::بش بشتك نسيتة يالشيخ ومن الصبح اصوت لك ماترد كل هذي عجلة
حمد ومعطي ظهرة لريم وبياخذ البشت من نواف::السموحة تعبتك معي بس تدري من الفرحة مابغو يدخلونا
في هالوقت نواف انتبة ان في حد ورا حمد وجلس يطالع الا هي ياربي منها بتذبحني بجمالها

 

[ضوى العيون]

حمد::نواف وش فيك وين سرحت
يوم نطق اسم نواف ناظرت ريم زين لقت نواف يطالعها ابتسمت لة وحمرو خدودها ودخلت نواف رد الابتسامة واستغرب اول مرة
حمد::هية انت وتبتسم بعد اكيد مصخن
نواف::ههههههههههه لامصخن ولا شئ بس افكر كيف يكون شكلك لو دخلت بدون بشت يالله ادحل بسرعة وخلصوني علشان ازفكم
حمد::طيب ب يالله فارق خلني اروح عند القلب
ويدخل حمد ويلقى ريم بانتظارة
حمد::الله وش هالزين ياريم
ريم::من ذوقك حمودي بس وفر الكلام الحلو لمرتك امش يالله بس لاتنسى اللي قلتلك علية
حمد::طيب الريامي
وتاخذ ريم حمد ويدخل عند امل اول ماشافها انبهر منها راح وهي كانت جالسة على الكرسي ويحبها على راسها
حمد::الف مبرووك حبي
امل::يبارك بعمرك
ريم::اقول انت وياها بعدين تكلموعن مشاعركم يالله الحين ابيكم تدخلون وانا بنزل تحت اضيط اوضع يوم تطلع الموسيقى ابيكم تدخلون توقفون على البلكونة وتنزول ريم تحت وقالت للكل يتغشى
وبدت المسيقى وطلعو امل وحمد من الغرفة ماسكين يدين بعض ووقفو على البلكونة متقابلين وكانت ريم حاطة سلة ورد جاف والاضوااء عليهم اول شئ اغنية بصوت الطقاقة كان اللي تغنيها امل لزوجهاحمد
اوعدني عني ماتغيب تبقى هنا جنبي قريب محتاج انا مثلك حبيب يفهم عيوني وضحكتي فيك انت حلمي من زمان وانت الهوى واجمل حنان تلقى معك روحي الامان يااغلى بشر في دنيتي
والحين يرد عليها حمد بااغنية بصوت راشد وطبعن عيون العرسان ببعض والصالة ظلمة بس الاضواااء عليهم
من يقوول اني لغيرك انا لك ماني لغيرك انا متعلق مصيري ياحبيبي في مصيرك خلهم يحكون فيا مهما هم قالو عليا انت منهم وش عليك وانا منهم وش عليا
ويوم خلصو مسكو الورد المجفف وصارو يرمون على اللي بالصالة وام حمد وام خالد عيونهم تدمع ونزلو العرسان على موسيقى شاعرية لحد ماوصلوا للكوشة والتصويرمعهم وبعد ماوصلو جا الكل وسلم عليهم
ريم::الف مبروووك عاد لااوصيكم على بعض كلكم غالين وتدمع عينها
حمد::ريم خلاص لاتبكين
ريم::طيب بس طرفت عيني وتروح تحب اخوها ومرتة
مريم::حمد ديربالك على حالكوعلى امولة
حمد من سمعها ابتسم لانة شافها تتكلم بصورة جدية وراحت مريم وضمتة
مريم::احـــــبــــك حمودي
حمد:وانا بعد يالغالية
وبعد ماسلمو الاهل عليهم تقرر دخول ابوحمد وخالد ومحمد وابو خالد
دخلو وسلمو على المعرايس وطلعو بس خالد ومحمد بقو وجلسو يرقصون قدام العرسان والناس ميتة ضحك عليهم
خالد جايب معة عصا وخلا الطقاقة تغني اماراتي وجل ير
يرقص اماراتي هوومحمد
ريمة تسال سارة::من هذا اللي يرقص
سارة::ذا خالد اخو امل
ريمة::والله زمن حيل تغير شكلة ماعرفتة الصغير محمد صح
سارة::اية بالله شوفي شلون يرقص
ريمة::هههههههههههه شئ
وبعد شوي تقرر العرسان انهم ينزفون من بعد حنة حمد على امة
وراحت ريم معهم كانو العرسان بسيارة نواف واما ريم كانت مع خالد ومحمد اخوها بالسيارة وطول الطريق محمد طالع من الفتحة ويرقص وكان وراهم مجموعة من اصدقااء خالد وحمد ونواف يشاركونهم بالزفة ووصلوهم لفندق الفور سيزون ونزلت ريم معاهم للغرفة ومعها المصورة
حمد::انتي خير وش جايبك انتهت مهمتك
ريم::من قالة اصلا انا نايمة عندكم اليوم
حمد::اعوووووذ بالله
ريم تغمز لاامل::ه صح يابنت الخال مو انتي تبيني معك
امل::صح هذي الريامي
حمد يناظر ريم بحقد وريم ميتة ضحك علية
ريم::لاتخافمو جالسة بس جاية مع المصورةيالله تصورو وخلصونا ويجلسون يتصورون وريم ذبحتهم تصور معهم شوي وشوي تعدل فيهم اقول حمد موكذا هذا وانت دارس بلندن المفروض تعرف
حمد::لا والله احلفي وش هالحركات
ريم::اقول اسكت بس وخلك رومنسي زين حط يدك على خصرها
حمد يسوي اللي تقولة ريم وهو مبسوط اما امل تناظر ريم وتتوعد لها وريم تضحك وعلى الساعى 3 طلعت ريم من عندهم
ريم::قبل لااروح اذا صحيتو اتصلو على جوالي علشان نجيكم
حمد::انتي بس فارقي ويصير خير
ريم::هههههههههههههههههههههههههه وتطلع من عندهم ورجعت للصالة وهي راجعة شافت نواف عند باب الصالة يكلم سارة
دخلت ريم ووقفت عند سارة
ريم::انت خلاص يعني بتروح
نواف::اية لازم
ريم ::ياخي اعترف انك مليت من القعدة معنا وتبي تروح عند حبيبة القلب جيني اكيد اتصلت عليك تبيك تجي
نواف::لا ياريم وربي عندي دراسة بروح اخلصها وارجع بعدين منهي جيني ذي
سارة ساكتة ولا حركت ساكن تبي تشوف نهايتها
ريم وبدا صوتها كانها بتبكي::مدري عنك اسال اختك تعرفها
سارة::ريم تتكلمين عن مين
ريموصتها بان فية البكاء::لاتسوون نفسكم ماتعرفون روح عندها تراها تنتظرك اصلا انت واحد كذاب وتروح تدخل الصالة
نواف::سارة شوفيها وش تخربط ذي وبعدين هي للحين مصدقة السالفة كلة منك ياسارة
سارة::وانا وش يعرفني عنها يوم قلنا السالفة بمزح وعلى ااساي انك ماتحبها
نواف::لكن الحين انا عرفت اني موبس احبها الا اموت فيها تكفين ياسارة قوليلها وانا الحين مظطر اسافر لكن باذن الله ريم مابتكون لواحد غيري قولي لها هذا وعد مني بس خليني اخلص دراستي
سارة:ان شاءالله ياخوي

 

[ضوى العيون]

ريم طبعن سمعت كلامهم لانها مادخلت جوا وقفت ورا الستارة تطالعة وهو مايشوفها وقي قلبها معقولة يحبني طيب لية يكذبون علي بسالفة جيني طيب لية مومبين حبة لي بس كذاااب وسارة بتشوف لية تسوي فيني كذا وتدخل ريم قبل لاتجي سارة وسحت دموعهاولا كان صاير شئ
سارة::ريم ريم
ريم ماترد على سارة
سارة تجي توقف قدام ريم::ريم شوفيني اكلمك انا
ريم تتركها وتكمل مشيها وهي زعلانة
سارة::ريم مايصير
ريم تصد على سارة::وش اللي مايصير لية تسوين فيني كذا لية تكذبين علي ابي افهم لية وهذا وانا صديقة عمرك تسوين فيني كذا
سارة::سامحيني يالغالية والله مو قصدي جت مني كذا بس لاني ابي اكتشف مشاعركم لبعض ياريم ترا نواف يحبك مووت وقالي قولي لها ريم لنواف وبس
ريم::بس لية ياسارة انا مو لعبة ياسارة وهو حظرتة ماكان مكذب كان مبسوط
سارة::حتى هوماكان متاكد من مشاعرة تجاهك بس الحين تاكد ياريم نواف تدرين لية سافر الحين يبي يروح يحاول يخلص دراستة باسرع وقت علشان يرجع ويخطبك
ريم سوت حالها مو مهتمة ::مايهمني راح والا رجع
سارة::انتي لية للحين واهمة نفسكانك ماتحبينةوالحب يبان بعيونك وكلامك
ريم:::مااحبة الكذاب وشوفي هالمرة بس بسامحك لكذبتك علي لكن مرة ثانية صدقيني بنهي علاقتنا لان ماتوقعت ان اقرب الناس لي تكذب علي
تروح سارة عند ريم وتحبها::وربي اسفة وخلاص وعد مااكررها
وبكذا تصافوا الصديقات وعرفت ريم حقيقة مشاعر نواف تجاهها وعرف مشاعرها تجاهه بس قررت ماتبين لة حبها وانتهى كذا يوم زواج الحبيبين حمد وامل


اتمنى الجزء يعجبكم

ريم وش بتخبي لها الاقدار ؟؟
هل نواف بيصدق بوعدة والا تجري الرياح بما لاتشتهي السفن؟؟
دلال وش تسوي لو عرفت بحب نواف لريموهي اللي تكرهها؟؟

 

[ضوى العيون]

الجزء السابع

>>جيتك من اقصى الحقيقة نفس مذبوحة..ماعاد فيني صبر يمك يخاويني<<

ملخص لاحداث سنة بعد زواج حمد وامل
(امل حملت بعدد شهر من زواجها وهذا اللي زاد غلاها عند الكل اكثر واكثر ريم دخلت هي وسارة وريمة طب وطبعن كلهم مع بعض لان السنة الاولى اعداد عام وبعدها كل وحدة تتخصص بالتخصص اللي تبية بهالسنة رجعو بيت ام رائد وسكنوا في بيتهم واجتمعو الجيران مرة ثانية وكان في ورا بيت ابوحمد قطعة ارض لهم فاضية بنوها لحمد وسكن فيها وطبعن ريم طايرة في امل علشان البييبي وفية موقف
ريم وتحط اذنها على بطن امل::يالله نايف قول ريامي
امل::انتي مجنونة كيف يقول وبعدين وش يدريك انة ولد
ريم::الا ولد ونايف بعد وش تبين عندك مانع
امل::عندي دواس
ريم::ههههههههههههههه الا امولة كم باقيلك وتولدين
امل::باقي شهرين
ريم::اقول من الحين مالكم خص فية ذا ولدي انا
امل::ياسلام عليك وانا وين رحت
ريم::شوفي بسمحلك تحبينة غيرة لا انا بتكفل فية ذا ولد الغالي ومن الحين اصلا انا حاطة لة سرير بغرفتي
امل تناظر بريم وسرحانة فيها
ريم::ياهوووة وين سرحانة
امل::تدرين ريم احمد ربي مليون مرة انك بنت عمتي واخت زوجي
ريم انحرجت::لية وش فيني زود
امل::ريم انتي انسانة نادرة بهالوجود انسانة فيك الطيبة والحب وكل شئ
ريم::خلاص امول اسكتي اخجلتي تواضعي المتواضع
امل ماتت ضحك::هههههههههههههههههههههههههه
ريم::امول استعجلي ولدي الحين ابي البيبي
امل::لا والله تبيني امووت اسكتي ريم ناقلة هم الولادة خايفة حيل
ريم::مافيها شئ يابنت الحلال كلها كم صرخة وبيجي البيبي
امل::لا والله قال كم صرخة احس اني بموت
ريم::بسم الله عليك بس اسمعي اشربي سكر ومي علشان الصرخة تطلع حلوة هههههههههههههههههههههههه
امل::تترييقين انتي ووجهك ربي يبلغني فيك حامل وبيوم الولادة محد بيدخل عندك غيري علشان اشوف وش تسوين
ريم::لا ياعمري انا مومتزوجة ابد خليني كذا شحليلي وانتي ولدي واربي خلاص عيالكم عيالي
امل::عيني بعينك كذا متبين تتزوجين اية هين بكرة بس خلي احد يطق الباب بتوافقين بدون شعور
ريم::هذا انتو حبيبتي مو انا انا بدرس وبتخرج وبعدها افكر اتزوج او لا
امل ::اية هين نشوف بكرة وبذكرك
ريم::بتشوفين
المهم وفي هذي السنة اكتشفت ريم شئ ماكانت تعرفة عن سارة
سارة::ريم بقولك سر بس ماتزعلين علي لاني ماقلت لك قبل بس كنت بتاكد من شعوري
ريم وباهتمام::سر وتتاكدين من شعورك خير وشو
سارة::ريم بصراحة وتصد سارة عن عيون ريم انا احب رائد
ريم::لحظة لحظة خليني استوعب تحبين من
سار::احب رائد ولد جيرانا من يوم وانا صغيرة واليوم تاكدت انة هم يحبني
ريم::لا والله ولية ماقلتيلي من اول افااا ياسارة ماتوقعتها منك
سارة ::انا ماقلت مابي زعل شوفي بصراحة اول كنت احسبة اعجاب طفولة بس ذاك اليوم تاكدت اني احب رائد واكتشفت شئ هو اللي شجعني اصارحك وانتي اول وحدة اقولها واعترفلها هذا لانك صديقتي الوحيدة
ريم::يالله شوقتيني وش اكتشفتي
سارة::اكتشفت ان حتى رائد يحبني
ريم::وشلون ووكيف
سارة::طيب انا بقولك كيف تذكرين يوم رحنا الاسبوع اللي مضى عند ريمة
ريم::اية وش صار
سارة::اسمعي ولاتقاطعيني لحد مااخلص ذاك اليوم وانتو جالسين بالغرفة انا نزلت اشرب ماء من المطبخ وكنت جالسة احوس فية الا احس في صوت يتنحنح وراي
رائد::احم احم
سارة ومعطية ظهرها رائد::اقول ريم انتي وريمة ماتجوزون من هالحركات وش تبون
رائد::انا مو ريم ولا ريمة انا رائد
سارة صدت بحركة غير ارادية ::راااااااائد
رائد::يعني انتي سارة والله احلويتي
سارة لقت منديل بجنبها ماتدري من وين جا وغطت وجهها وحظها انها كانت لابسة تنورةوبلوزة وجت تبي تطلع
رائد::سارة لو سمحتي ابي اقولك كلمة انتي تربيتي معي وادري ان اللي اسوية غلط اني اوقف معاك وانا ماارضى هذا لك لانك غالية علي
سارة::لو سمحت رائد وش هالكلام وقول اللي عندك وخلصني
رائد::تدرين لية انا ماتزوجت للحين مع ان امي فاقعة راسي تزوج وتزوج
سارة وبقلبها الله يستر::وانا وش دخلني فيك تتزوج والا ماتتزوج
رائد ::لا دخلك ونص انا احب وحدة وابيها من صغري ومو متزوج غيرها بس ابي رايها فيني قبل مااخطبها
سارة بعد ويقولها لي من هذي اللي يحبها ومارضى يتزوج الا هي وبصوت حزين::وانا وش تبي مني يعني تبيني اسألها
رائد حس بصوتها::وانتي لية صوتك قلب كذا اية ابيك تسالينها وترديلي
سارة وعبرتها خانقتها اكثر::ومن سعيدة الحظ هذي اللي تبيني اقولها بعدين لية ماقلت لريمة اختك او هند
رائد::سارة تكفين ادري انك بتبكين وانا عارف انك تحبيني وبعدين لاريمة ولا هند بيقدرون يساعدوني انتي الوحيدة انا بقولك وبخلص مايهون علي انك تبكين ياسراة انا احبك من يوم وانا صغير وكل ماقالت امي تزوج اتحجج باي شئ علشان ابي رايك فيني ابي اتاكد من حبك لي علشان اتقدم لك وانا واثق انك ماترفضيني وتكسرين قلبي
سارة هنا طار قلبها من الفرحة بعد ماكانت خلاص بتبكي::رائد ماتوقعتك بهالجراءة وردي مع اختك بيوصلك لارسلتها لي وتروح عنة
رائد::سارة استني قوليلي الحين
راحت عنة وخسرتة وهي فرحانة موووت
رائد::فديتها تستحي بس وربي اني جرئ بس كلة من كندا هي اللي جرائتني ادري فيها تحبني موووت بس ارتحت الحين انها عرفت حبي لها
ريم::اية يالدبة وانا اقول وش فيها البنت سرحانة ذاك اليوم مي معنا اثاري حبيب القلب اعترف لها
سارة:::يالدبببببببببببببببة
ريم::وانتي وش رديتي
سارة::خلية يرسل اختة وبرد علية
ريم::اية عفية عليك لو رديتي علية بوقتها كفختك
سارة::افا عليك ريوم احنا نعرف الاصول واذا رديت علية بطيح من عينة بعدين
ريم::اية عفية والله وعرفتي تربين ياريم
سارة تفر ريم بمخدتها::لا والله وحلوة اللبن حصة وين راحت هي والحبيب فيصل
ريم::ههههههههههههههههههههههههههههههههههههه هم الخير والبركة

 

[ضوى العيون]

وبكذا مضت سنة والحال على ماهو علية نواف مجتهد بدراستة يبي يكمل ويخلص علشان يرجع يشوف ريم ويخطبها وطبعن لازم يوميا يتصل يسال سارة عنها وريم للحين مومعترفة بحبها لة وحمد جا لة ولد وسماه نايف على اسم ابوة وريم طبعن اللي مهتمة فية ترضعة وتمسكة وكل شئ اما سارة فارسل رائد اختة لها علشان يشوف رايها فية بس الاخت خلتة يستنى يوم لحد ماردت علية وبعدها بيومين جووطلبو يدها ووافقت وقررو الملكة بالعطلة اما الزواج بعدين لان رائد عزم الا ملكة مايبي خطبة بس وفي يوم الاربعا من اول اسبوع من العطلة البنات كلهم نجحو وبامتياز بعد
كانت ملكة سارة على رائد قبل الملكة بيومين
سارة::نوفي حبيبي افا ماتجي تحضرملكت اختك وحيدتك
نواف::لا مو جاي اجل تنطلبين وتحبين من وراي
سارة::شسوي صار كل شئ بسرعة بعدين انا قايلة لكمن شهر لية ماظبطت وضعك
نواف::لا والله شهر مايكفي
سارة::لية عروس بتجهزعمرك
نواف::ههههههههههههه اية عروس
سارة::اقول مالت علي اللي ابيك تجي
نواف::طيب ريم بتحضر اذا تحضر جيت
سارة::اقول مالت علي انا الحين اختك اطلبك وانت تسال اذا ريم تجي بتجي لا مو جاية
نواف:::هههههههههههههههههههههههههههه وش فيك قبيتي تقول عود كبريت بس ياسارة عندي امتحانات مااقدر اجي والا ودي يالغالية اجل انا اخلي اختي الغالية بوقت مثل هذا
سارة::نواف لاتكذب علي من اسبوع قايلي انك خلصت امتحانات
نواف::هههههههه انكشفنا امزح عليك بجي بس لاتقولين لااحد وخاصة بعض الناس قولي مو جاي ابد
سارة::فديت اخوي الغالي اللي مايردلي طلب بعدين اجل تكذب علي كاشفتك انا وبعض الناس تطمن مو قايلين لهم شئ
في يوم الملكة
ريم::اقول سارة
سارة::نعم قولي اسمعك
ريم::نواف لية ماجا
سارة وهي مشغولة مع الكوافيرة تظبطها::مدري عنه يقول عندة امتحانات
ريم::بس ولو انتي اختة الوحيدة
سارة::خلاص مالة داعي يجي كلمني وبارك لي وبارك لرائد
ريم::طيب بس سارة بطلبك طلب
سارة::عيوني لك
ريم::تسلم عيونك ماابيهم خليهم لك علشان تشوفين حبيب القلب
سارة استحت::مالت عليك
ريم::بس جد سارة وتدمع عيون ريم مو تتزوجين خلاص وتنسيني
سارة::وش هالكلام ريم انا عمري ماانسى احد وشلون بنسى نصفي الثاني ورفيقة دربي وطفولتي خلاص لاتبكيني
ريم::طيب وتروح تضم سارة والله وكبرتي وصرتي عروووسة اد الدنيا
سارة::حمارة انتي بعدي
ريمة تجيهم وتفتح الباب
ريمة::هلا والله بحرمة اخوي
سارة::هلا فيك
ريمة::الله عز الله اخوي راح وطي اليوم
سارة بخجل::هههههه حمارة بسم الله علية
ريمة::عاشو بس جد بيجن عليك
ريم تكتفت وقعدت تهز وتناظر ريمة سارة شافت ريموضحكت
سارة::اقول ريمة قربي شوي
ريمة::لبية
سارة::لبيتي في مكة بس بقولك استعدي للي بيجيك الحين
ريمة::وياك يارب لية وش بيصير
سارة::طالعي وراك وبتعرفين
ريمة تصد ورا وتناظر ريم وشافت ريم ووشلون تطالعة ريمة في قلبها رحنا فيها اليوم وتروح لريم::هلا وغلا بالريامي
ريم::لاه بدري تو الناس كان ماجيتي بعد اجلسي عند مرة اخوك احسن ابد دخلت ولا كاني موجودة
ريمة::سامحيني يالغالية وربي مانتبهت و
ريم تقاطعها::معلوم ماتنبهين خلاص راحت علينا الحين كل النظر لسارة
ريمة::والله ياريم مو كذا بس لابسة عدسات ومااشوف زين وبعدين تغارين من سارة
ريم::لا مو غيرة وشوفي بعديها هالمرة بس
ريمة::مشكووورة على حنيتك ياحببتي واعذريني وهذي بوسة على هالراس
ريم::احم احم هههههههههههههههههههه والله وتعرفين تلعبين بالاعصاب ريمووو
ريمة:::حماااااااااااااااارة كبيرة كذا تسوين فيني على بالي جد زعلانة مني دبة انتي لية تسوين كذا
ريم::شسوي فيك مانتبهتي لي رحتي لسوير ونسيتيني
ووتشوف ريمة بجنبها مخدة وتضرب فيها ريم
ريم::يالدبة خربتي شعري من بيخطبني اليوم
ريمة::هههههههههه مستعجلة البنت
ريم::اجل تبيني احلس مقابلة وجيهكم
سارة::انتي لك نواف وبس
ريم من سمعت طارية سكتت
ريمة::اشوفك مارديتي والا عاجبك الوضع
ريم:::هههههههههههه لا ولا شئ بس
ريمة::بس ايش
ريم::بس فاجاتني
ريمة::اها طيب انا بنزل تحت تمشين
ريم::يالله وانتي يالعروس راجعتلك
نزلن ريم وريمة تحت للصالة لان الملكة كانت عائلية بس مافي ناس كثار وسلمت ريم على الحريم وارسلتها خالتها ام نواف للمطبخ تجيب شغلة وراحت ريم
دلال::خالتي ابي فناجيل قهوة خلصو اللي معي
ام نواف::شوفيهم بالمطبخ
دلال::طيب بروح اجيبهم
وتروح دلال للمطبخ وقبلها ريم كانت تفتش على الاغراض الا تسمع صووت
نواف::ريم اشتقتلك
ريم تصد على الصوت متفاجاءة من اللي شافتة::من نواف متى جيت ووشلون مو على اساس ماتجي
نواف::قلت بسويها سوربرايز بعدين روحي تغطي لااحد يشوفك اغار عليك
ريم انتبهت لحاله وفي قلبها فديتة مايبي احد يشوفنيوهي تبي تروح دخلت دلال وحاطة شالها عليها
دلال::ماشاءالله هذي اللي تقولون عاقلة ومافي احسن منها لقاءات من ورا اهلها
نواف::وش هالكلام دلال مااسمحلك
دلال:وش اللي ماتسمحلي وانت اردى منها لكن انماعلمت خالتي عليكم
نواف::اقول اسكتي وريم اشرف منك يا.... والا مو قايل وان ماسكتي عارفة وش بقووول
طبعن ريم حاظرة الموقف ومندهشة
دلال::لية وش بتقول يازعم خوفتني
نواف::اقصري الشر وخليك بعيدة وان تبليتي على ريم بشئ مثل العادة ترا مابتلومين الا نفسك وقد اعذرمن انذر
دلال::هالمرة بسكت لكن مرة ثانية لا مو خوف منك لا ياقلبي بس علشان خالتي ماتنصدم بحبيبة قلبها وتطبع دلال وهي من جوا سكتت علشان نواف والا ودها تفضحهم
ريم في قلبها وش تبي ذي يووة علينا يعني مابتفكني من شرها وبعدين لية سكتت وش اللي يرعفة نواف اللي خلاها تسكت لان اعرفها ذي ماتسكت الا اذا في شئ كايد لانها تحب الفضايح والا اقول انا وش علي منها بالطقاق وتروح ريم عند الحريم بس بالها للحين مشغول وبنفس الوقت فرحانة انها شافت نواف
ودخل رائد بعدها على سارة وسلم عليها وتصور معها وجلس نص ساعة وطلع بس بطلعة الرووح والا كان بيجلس ويقول مو مرتي كيفي حر ابو نواف كان بيخلية بس نواف طلعة نكاية بسارة اللي شكلها كانت تترجاة انة يخلية بس طلعة
ريم طبعن مومعهم ابد بالها مشغول بس ماحبت تبين لسارة بعد ماطلع رائد راحو البنات عندها وكان مع ريم نايف اللي مايفارقها ابدا كان عمرة 9 شهور

 

[ضوى العيون]

ريم::بالمبارك يالغالية
سارة::الله يبارك بعمرك وعقبالك
ريم::وانتي حاظرة نيوفي قول لخالوة بالمبارك
سارة::فديت عطيني اياه خليني احبة ويعدين وين يقول زين اللي ينطق اسم امة وابوة
ريم::ومن قالك انة ينطقهم اصلا اول اسم قالة ريم
سارة::هههههههههههههههههههههههه لهالدرجة انتي حتى امة وابوة موراضية تخلينة ينطقهم
ريم::لازم اول شئ انا بعدين هم ينطقهم بعدين يالدبة ليه ماقلتي ان نواف يجي
سارة::هههههههههههه شفتية
ريم::مالك دخل
سارة::والله هو اللي رفض بس الدب طلع رائد بسرعة
ريم::احسن زين يسوي خليك تستاهلين
سارة::يالدبة لية تسوين فيني كذا
ريم::اقول روحي نامي احسن ان اتصلت عليك ولقيتة مشغول ياويلك
سارة::خير وش عندك
ريم::مو تقعدين مغازل بحبيب القلب
سارة::مالك دخل للصبح بعد
ريم::والله لااقول لخالتي
سارة::قولي لجدي بعد خلاص زوجي الحين
ريم::مالت عليك يالله انا بروووح تعبت اليوم
سارة::طيب يالله
ريم::افاااا ماقلتي بدري كالعادة والا صح مستعجلة تبي تروح تكلمة
سارة::دببببببببببببببببة بعدين وش دخلك بشوف وش تسوين لاانخطبتي
ريم::يالله انا بروووح فمان الله
سارة::فمان الكريم
ريم تروح تحب راس ام نواف::بالمبارك خالتي
ام نواف::الله يبارك بعمرك عقبالك على نواف
ريم::وانتي حاظرة يارب
دلال سمعت هالكلام وفي قلبها واللة لو تدري خالتي ماتاخذينة مبسوطة هي تتمسكن الين ماتتمكن
ريم::اقول خالتي ديري بالك على بنتك لاتقعد تغازل لوجة الصبح
ام نواف::حدها 2 بس
ريم::هههههههههههههه اجل مايمدي لها الحين الساعة 1 ونص ههههههههه بس خالتي اليوم سماح عشاني للصبح
ام نواف::علشانك بس
وتطلع ريم ومعها اختها مريم وامل سبقتهم لانها تعبت وخذت نايف معها مع ان ريم ماكانت تبي بس خلتة يروح وقبل ماتطلع سبقتها مريم وهي تبي تطلع من الباب مسك يدها احد صدت ريم
ريم::خير اترك يدي وش يقولون الناس لو شافونا كذا
نواف::طيب بتركها بس بعطيك شئ وخلاص ويلتفت نواف حولة ماشاف احد خوذي ويعطيها شئ مغلف اتمنى انك تحتفظين فية وانا بكرة الصبح ماشي
ريم::طيب وتطلع عنة وحتى ماقالت لة شئ لانها انقهرت لانة مسك يدها بس جلست تتحسسها حست الدم يجري فيها
نواف::خيبة ماقالت شئ طيب قولي مع السلامة على الاقل ويقعد يطالع يدة فديت يدها الناعمة ويروح داخل

وش تتوقعون اعطى نواف لريم؟؟
دلال وش بتسوي؟؟ولية سكتت وش الشئ اللي ماسكة نواف عليها؟؟

 

[ضوى العيون]

الجزء الثامن

>>من يلوم اللي عشق ريم الشمال...ومات في نجل العيون وموقها...اية ماتنوصف لو بالخيال...تبهر العشاق نوض بروقها<<


راحت ريم للبيت وهي مستعجلة تبي تشوف وش اللي جابة لها نواف وقلبها يدق بسرعة ودخلت وراحت لغرفتها وسكرت على حالها وبدون ماتغير ملابسها فتحت الكيس لقت فية بوكس صغير مغلف بطريقة حلوة وعلية كرت مررة حلو فتحت الكرت لقت مكتوب علية بحركة حلوة انتي لي وحدي وبس وعد نواف ريم في قلبها فديتة ياقلبي وبعدها بدت تفتح البوكس وقلبها يدق بقوووة وفتحتة لقت عطر جيفنشي ومكتوب علية بكرت صغير اعرفك تحبين هالعطر ومحفور على العطر حرف nr
ريم::فديتة للحين يذكر العطر اللي احبة وشالت العطر انتبهت ان في تحتة ورقة خذتها وجلست تقراها كانت ورقة لونها وردي معطرة ومكتوب باولها

لك يااغلى انسانة يامن سكنتي بقلبي وتربعتي على عرشة اليك اكتب هذي القصيدة النابعة من قلبي لك وحدك انتي وبس كتبتها وانا في امريكيا يالغالية
قلبي حلف مايوم عمرة يخونك
ولا فكر بحب غيرك بشر
ياغاية القلب لاتصدقها ظنونك
ماكل مخلوقن غدى يحتضر
مردي لك وحبي غايت جنونك
يجيك الشوق بزخات المطر
ولو تباعدنا قلبي يحبك يصونك
لا تخاف من عاذلي ولو حضر
من ديرت البوش جيت لعيونك
جابني شوقي بكفات القدر

وفي اخر شئ اتمنى انك تحبيني مثل مااحبك انا وانتي لي وبس صدقيني بتحدى العالم كلة لو رفضوني محد بياخذك غيري وبخط كبير ومرة حلو كاتب
احـــــــــــ ريم ـبـــــــــــك
وكاتب توقيع الحلم البعيد نواف
ريم وتضم الورقة لصدرها ::فديتة يحبني لهالدرجة وربي امووت فية بس موقايلة لة خلووة يحترق

وهي تسمع دق على الباب
ريم::ايوة مين
امل::انا امل افتحي
وتروح ريم تفتح الباب
امل::للحين مابدلتي صارلك ساعة جاية
ريم::والله كنت اسوي عرض نفسي عاجبتني اليوم
امل::طيب انزلي تحت مافي غيري جالسة لحالي ونيوف بعد
ريم::نيوفي صاحي فديت قليبة مشتاقة لة موووت الحين ابدل وانزل لك بس ابي كابتشينو من يدينك الحلوة
امل::تامرين امر يامرة الغالي
ريم انصدمت::وشو وهي مبققة عيونها بامل
امل انتبهت لحالها:::هاه ولا شئ زلة لسان
ريم::امل اعترفي انتي ماتقولين شئ الا قاصدتة
امل::اقول انا نازلة اسوي لك والحقيني نيوف من صباح الله يناديك وتنزل وتخلي ريم بتساولاتها
ريم::وش السالفة ولية تتهرب مني ومن مرة الغالي منهو اصلا
وتدخل ريم وتغير ملابسها وتلبس بجامتها وتنزل عند امل واول مانزلت جاها نايف وهو يمشي شوي ويطيح شوي وتركض ريم لعندة وتمسكة وتشيلة
ريم وتبوس فية::فديت قليبك حبيبي وينك ماشفتك اليوم وتلاعبة وهو يضحك ويناغي
نايف::ايم ايم
ريم::عيونها وكلها حلالك ياقلب ريم وسو حبيبي
نايف يقرب من خدها ويطبع بوسة
ريم::فدت هالفم الغالي
امل تناظرهم ومبسوطة منهم::وانتي ريموة ولية مو قايلة لة يقول اسمي انا وابوة
ريم::مافي مو قايلهم الا بعد سنة بعدين تعالي منهو الغالي اللي انا مرتة
امل::هاه وشو من غالية
ريم::اقول امول لاتتهربين ادري ان عندك سالفة وش مخبية عني
امل::ولا شئ بس انا تعودت هالكلمة منك وبهالوقت يتصل خالد حمدت ربها امل مليون مرة انة اتصل لانة فكها من حنة ريم
خالد::هلا اموول وشلونك
امل::اخضرهههههههههههه
خالد::ياخف دمك طالعة على اخوك
ريم تنط تاخذ الجوال من امل::الو هلا والله بالقاطع وينك ماتسال والا دخلت العسكرية وخلاص
خالد::ريموووة بسم الله الرحمن الرحيم من وين طلعتي اتذكرني متصل على امل ومكلمها
ريم::ههههههههههه طلعت من الفانوس السحري
خالد::هههههههههههههه حلوة بس لاتكبرت ولا شئ انتي صايرة ماتشافين يالدكتورة بعدين انا بصير ظابط بحري مو عسكرية
ريم::هههههههه فديتني وبعدين وش فرقها كلهم في حماية الوطن خخخخ
خالد::هههههههههه حلوة أي والله كلنا فدا هالوطن انتي وش مسوية في الطب ماشية
ريم::ايوة ماشين وانت وينك ماتبين
خالد::انا حاشرينا بهالكلية بس الحين في اجازة اسبوع وانا اتصلت علشان بقولكم اني جاي للرياض
ريم::وااااااااااااااااااااااااااو
خالد::هية انتي وش اللي واو
ريم::لانك بتجي علشان نروح للبر لاني ابي اطلع للبر ومافي احد مقنع حمد لكن ان جيت انت اقنعتة
خالد::لا والله وانا جاي اتمشى والا جاي اطلع
ريم::تكفى خلودي
خالد::خلودي بعينك اصغر عيالك انا
ريم::هههههههههههههههههههههههههه عادي خالد خذها برووح رياضية
خالد::هذا انتي ياريم عمرك ماتخلين سوالفك
ريم::نعم نعم عيد ماسمعت اسمعو من يتكلم هية انت مطفوق من متى هالكلام عشنا وشفنا خلود
خالد::اقول ههههههههههههههههههه انتي لية ماسكتن حلقي ودي اسولف مع اختي
ريم::مو مخليتك الا لما تقولي من وين نزلك هالعقل
خالد::ههههههههههههههههههه نازل علي من زمان بس انتي
ريم::اقول خذ اختك لاتموت علي هههههههههه وتعطي ريم التلفون لاامل
خالد::اسمعي اموول انا جاي بكرة للرياض
امل::حياك الله لك العين قبل المكان
خالد::بس حبيت اسال اخاف في سفر والا شئ
امل::لا سفرة تونا على الاسبوع الجاي يقول عمي
خالد::طيب اشوا وبعدين لية معطيتني هالملقوفة
ريم::اقووول خلوود عندك مسج مزعج ابي واحد ارسلي الحين
خالد::هذ مامدا نطقتها نطت
امل::ههههههههههههههههههههههههههههههه
خالد::قوليلها الحين برسلها ادري ان مارسلت بتغثني بعدين
امل ::يقول الحين يرسلك
ريم::شطور بس ابي تهزيئة قوية
امل ::طيب
خالد::يالله فمان الله اشوفك بكرة
امل::فمان الكريم
ويرسل خالد لريم رسالة تهزيئة محترمة
ريم:::ونااااااااسة شئ هذا اخوك عندة تهزيئات حلوة
امل::وانتي وش تبين فيهم
ريم::بس وحدة مزعجتني برسلها اخليها تحرم ترسلي الا الساعة كم
امل:كالساعة 3 ونص
ريم::خلني اتصل على العروس ادري فيها طايحة مغازل
امل ::حرام وش تبين فيها
ريم::بس كذا خليها
وفي نفس الوقت في غرفة سارة من الساعة 2 وهي تكلم رائد
رائد::سارونتي قولي احبك
سارة::ههههههههههه مابي
رائد::ليه افااا انا رؤدي
سارة::مو ذالحين بعدين
رائد::ااااااااااااااخ ياسارة
سارة::سلامتك من الاااخ
رائد::ربي يسلمك لي ياقلبي
سارة::ويسلمك بعد
رائد:: تدرين سارونتي من متى احبك
سارة::لا ماادري
رائد::انا ياسارة حبك بقلبي من الصغر بس ماحبيت ابين حبي لك علشان ماتتعقلين فيني زود لاني ادري انك كنتي تحبيني من يوم وانتي صغيرة لاني متابع نظراتك وحركاتك كلهم بس كنت بتاكد من مشاعري تجاهك وبعدها اشوف بس يوم رحلنا لكندا ماغبتي عن بالي ولا لحظة وتاكدت اني فعلا احبك ومااقدر اصبر عنك وكنت استنى بس متى نرجع هنا علشان اتاكد من حبك لي واخطبك وتصيرين ملك رائد بس
سارة::معقول يارائد كنت حاس فيني
رائد::ايوة ياقلبي
سارة::فديتك
رائد::لا انا بمووت اليوم عيدي
سارة::بسم الله عليك يالغالي
رائد::اقول سارونتي ناوية علي انتي
سارة::حبيبي جاني خط
رائد::مين اللي متصل فيك
سارة::ذي ريم اكيد تبي تخرب علي
رائد::وذي ريم ماتجوز من لقافتها
سارة::خلني ارد عليها لاتسويلي عرس بكرة
رائد::استناك
وترد سارة على الخط والا بصوت ريم

 

[ضوى العيون]

ريم::انتي ماتستحين على وجهك كان ماردييتي احسن بعد مغازل لفجر الله انتي وياه استحو على دمكم
سارة::ريـــم حرام عليك
ريم::وش اللي حرام علي تدرين اني انا اللي اقنعت خالتي تكلمين للفجر والا حدك 2
سارة::ادري فيك ياقلبي بس عاد لاتمسكينها مذلة حرام عليك
طقيتة
ريم::لية معك هو
سارة::اية ينتظر
ريم::اخليك بس بشرط
سارة::وشو؟
ريم::اشبكيني معكم بسمع سوالفكم ههههههههه
سارة::نعم نعم اقول طيري ماباقي غيرها وتقفل السماعة بوجهها
وريم ناقعة ضحك
امل::ماقلتلك وش تبين فيها
ريم::اااااااااخ يابطني ههههههههههههههه اول مرة اسمعها معصبة هههههههههههههههههههههههههههه
امل::بعذرها وانتي من جدك ابي اسمعكم
ريم::هههههههههههههههههههههههههههههههههه
نرجع لسارة بعد ماقفلت من ريم
سارة::اسفة حبيبي بس ريموة ولقافتها
رائد::انا شكلي بذبحها
سارة::لا ماارضى عليها ولو هذي نصفي الثاني
رائد::افاااا وانا وين رحت ووين حبيبي
سارة::انت بقلبي انت عمري انت كلي انت حياتي كلها
رائد::فديتك يالغالية وش تبي ريم
سارة::مثل ماقلتلك بس تبي تخرب علي تقولي خليني اسمع وش تسولفون
رائد::ههههههههههههههه عمرها ماتكبر ريم
سارة::هذا اللي محليها تدري حبيبي ان نواف يحب ريم
رائد::نواف وريم لا مستحيل وشلون وكيف
سارة::والله مدري عنهم بس نواف يموت عليها من صغرة تذكر مواقفنا واحنا صغار بس النصاب مااعترف الا السنة اللي مضت
رائد::انا كنت شاك فيها لان مرة اذكر قبل مانسافر بنفس السنة تهاوشنا انا وريم على حلا كانت امي جايبتة وجا نواف ودافع معها واخذةمني لانة مشاءالله من يوم وهو صغير عضلات وحركات
سارة::انا من زمان اقول انة يحبها بس كان يكابر
رائد::بس من جد قهرني اليوم عمي كان راضي اني اجلس بس هو الله يهدية
سارة::الله يهدية بس هو مسوي هالحركة نذالة فيني
رائد::بس استني خلية يخطب نشوف وش يسوي الاخ
سارة::ههههههههههههههههههههههه
رائد::ااااااه ياقلبي فديت هالضحكة ربي لايحرمني منها ولامن صاحبها
سارة::ولا منك يالغالي حبيبي يالله اذن الفجر روح صل ونم لان شكلك مرررة تعبان
رائد::بجلس معك شوي والتعب لعيونك يهون
سارة::لاحبيبي روح صل وارتاح
رائد::طيب حبيبتي فمان الله وديري بالك على حالك
سارة::فمان الكريم وانت هم دير بالك على حالك
وقفلت سارة عن رائد وهي تحمد ربها انها خلاص صارت لة اكيد ومو لغيرة
بس برجعكم لشئ صار يوم نواف اعطى ريم الهدية يوم صد وراه لقى دلال واقفة
دلال::ماشاءالله انت وهي ماتستحون مو مكفيك يوم شفتها بالمطبخ ولا ماسك يدها بعد
نواف وهو معصب ومغيض على الاخر منها::اقول دلالوة اقصري الشر والشئ اللي شفتية ان سمعت انك نطقتية وربي اللي مافي اغلى منة لاتصير فضيحتك على كل لسان
دلال::لاة ياشيخ خوفتني
نواف يقرب منها ويمسك يدها بقوة::اسمعي يابنت الناس انا ساكت طول هالمدة مو علشان خاطرك علشان خاطر خالتي المسكينة بس والا كان زمان متكلم واحمدي ربك ان الشئ عندي مو عند غيري والا كان من زمان مفضوحة لوثتينا بوصاختك
دلال::أي فك يدي مالك حق تمسكها
نواف::لا والله مالي حق اجل من اللي لة حق تكلمي ويشد قبضتة عليها هاليد ذي بكسرها وهاللسان بقصة لو نطق بكلمة وانتي تعرفين نواف زين
دلال::اترك يدي يالواطي
نواف::مالواطي غيرك انتي وعمايلك ويترك يدها ويروح داخل بس مثل ماقلت حسك عينك يطلع شئ ويدخل عنها
دلال تمسك يدها وتتحسسها لانها عورتها من مسكة نواف لها::حقير واطي بس انا استاهل انا اللي سلمت رقبتي في يدينة بس ابي افهم وشلون هالريم قادرة تسيطر عليهم اكيد مسوية عمل هي وامها الا بطلعة ام عبدالعزيز((ام عبدالعزيز هي خالة نواف تصير ام دلال طيبةحيل عكس بنتها اصلا بنتها مسيطرة عليها عندها ولدين عبدالعزيز الكبير متزوج من عهود وعندة ولد ناصر عمرة 5 سنوات وبنت مهرة عمرها سنة بس وعندها ولد ثاني هو عبد المجيد يدرس هندسة معمارية طالع لسنة ثاني جامعة مرة حبوب وحلو ودمة خفيف))
ام عبد العزيز::يالله يمة دلال بنروح البيت الحين عبدالمجيد بيجي
دلال بعصبية::طيب تراك اذيتينا ندري انة بيجي
ام عبدالعزيز::وش فيك معصبة يابنتي احد مضايقك بشئ قوليلي
دلال::وانتي وش دخلك مالك خض فيني خليني بحالي
ام عبدالعزيز وقلبها يتقطع على بنتها الوحيدة اللي المفروض تكون حنونة عليها::الله يهديك يابنيتي وربي يبلغني فيك عروس
وبهالوقت يتصل عليهم عبدالمجيد ويطلعون لة في السيارة
ام عبدالعزيز::هاه يمة طمني وش سويتو عند الرجال
عبد المجيد::والله يايمة فلة ورائد يستاهل كل خير مع اني كنت ابي سارة لي بس يالله ربي يهنيها ويوفقها
ام عبدالعزيز::عبدالمجيد انت لية ماقلتلي انك تحب سارة علشان كنت اخطبها لك قبل
عبدالمجيد::خلاص يمة الحين البنت ربي يهنيها وربي بيعوضني خير ووصلو لبيتهم ونزلو راح عبد المجيد لغرفتة وراح طلع صورة لة هو وسارة وهم ايام المتوسط كانو بالصورة واقفين كل واحد معاكس الثاني ومعهم مسدسات ومثل حركة جيمس بوند وجلس يتذكر هالصورة وتذكر انهم كانو قاعدين يلعبون
عبدالمجيد::اااااااه ياسارة ليه حرمتيني منك وحط الصورة بالدرج وانسدح على سريرة وتكر ذاك اليوم
عبدالمجيد::ياسارة انا احبك وابيك لي
سارة::اعذرني عبدالمجيد مستحيل افكر فيك كزوج انت معتبرتك اخوي
عبدالمجيد::سارة انا مستعد اخطبك الحين من اهلك
سارة::عبدالمجيد تكفى افهمني مااقدر انا متربية معك معتبرتك اخوي مثلم مثل نواف تماما افهم وبعدين انا خلاص انخطبت
عبدالمجيد::نعم؟؟؟
سارة::ممكن فيني جراءة شوي بس علشان ماتتعلق فيني زود انا انخطبت قبل يومين وموافقة وراحت سارة وتركت عبدالمجيد بااحزنة
عبدالمجيد::سارة سارة وقفي تكفين وتمشي عنة وتروح ااااااخ ياسارة ليه حطمتي قلبي كذا كل هذا لاني احبك
سارةكانت تسمع كلامة بس ماتقدر كان لازم تبعدة عنها لانها عمرها مافكرت فيةابد وهذا الموقف صار قبل 3 شهور قبل خطبة سارة كانو رايحين سارة وامها لاستراحة خالتهم
تذكرعبد المجيد هالموقف ودمعت عينة بس عبدالمجيد طيب وعمرة مافكر يسوي شئ غلط لانة بذا اليوم ارسل هدية لسارة باسمة وتمنالها السعادة
ثاني يوم بعد الخطبة في بيت ابوحمد
ريم جالسة بالصالة ومعها نايف
مريم::بس خليني احبة
ريم::روحي هناك بعدي مايبي لك حب
مريم::ياسلام تراحتى انا عمتة
ريم::مايخصني اصلا انا امة مو عمتة
مريم::ريامي وربي مشتاقة لة يومينماشفتة بعدين انتي طول اليوم معك
ريم::طيب خوذية لكن ان صيح ياويلك
محمد::ريم تعالي العبي معي قيم بلاستيشن
ريم::يالله بس عطني الاولى
محمد::لاه ياعمري مافي الاولى
ريم::اجل مو لاعبة
محمد::طيب امرنا لله
ريم::ناس مايجون الا بالعين الحمرا هههههههههه وتروح تلعب معة كورة
ريم::وااااااااااااااو واحلى هدف من رياااامي ياولد
محمد::غشاشة انتي الهيتيني وسجلتي
ريم::لااااااه على كيفك اصلا انا ريامي محمد يهزمني وبعدين اسال الكل حمد انت شفت صح
حمد::الا صح طيب عطني خلني انا اهزمها
ريم::استنى خلني اخزة كم هدف وبعدين واحد واحد يباريني
وشوي الا يتصل خالد يقول هو عند الباب راحت ريم جابت نقابها وشالها ورجعت تلعب
خالد::السلام عليكم
الكل::وعليكم السلام ورحمة الله وبركاتة
ريم::خالد بالله اجلس هنا قريب علشان تشهد على هزيمة الاخ حمد
امل::رجلي ماينهزم ابد
حمد يصد على امول::فديتك انتي ياحبي
امل::تسلم
ريم::هية انت وياها يبة يمة تعالو شوفو ولدكم وحرمتة يخربونا
خالد::ههههههههههههههههههه حلوة يخربونا بس ماتستحون غزل علني
حمد::مالكم خص رجال وحرمتة حبيبتي
امل::عيونها
حمد::يسلم عيونها ابي كاسة شاي علشان اروق واكسر غرور بعض الناس
امل::تامر امر
ريم::هههههههههههه ضحكتني نشوف ياحبيب امول ويجلسون يلعبون وتسجل ريم اول هدف بالدقيقة 5

 

[ضوى العيون]

ريم::ايووووووووووة عاشو ياولد
خالد::اجلى ريم خطييييييييييرة
ريم::افا عليك ياوولد الخال اجل انا اخلي ناس مثل كذا تهزمني
حمد::تونا باول شوط بالبداية بعدين انا مالعبت زين علشان كذا سجلتي
ريم::لاه حبيبي العب على غيري طيب اذا كنت ماتلعب زين ورنا همتك
الا شوي نايف يناقز بحضن مريم علشان الصراخ ولان ريم كل شوي تصدلة وتحبة
نايف::ايم ايم
ريم::يابعدي انت والله
وتدخل ام حمد ويسلم عليها خالد وتجلس
ريم::يمة اجلسي اشهدي على هزيمة ولدك المدلل على يد الريامي
ويلعبون وتنتهي بهزيمة حمد 3 لريم مقابل 2 لحمد
ريم::يالله من يبيني اهزمةواكسر راسة ماعندي مانع
خالد::انا بلعب معك وبتشوفين كيف اهزمك
ريم::هههههههههههههه ضحكتني أي يابطني الحقوني بس هية انت تراك تلعب مع الريامي مو حي الله
خالد::نشوف ويجلسون يلعبون وطبعن من ضمن اللعب تعليقات وضحك
ام حمد::والله لايقين على بعض وحلو لاصارهم متفقين
امل::أي والله ياخالتي مرة تحسينهم
ام حمد::هذا اللي يصلح لريم مهبل مثل بعضهم
ريم::ايوووووووووووة قووووووووووووووووووول وناااااااسة
خالد::يالغشاشة لهيتيني بسوالفك وسجلتي علي
ريم::اقول لاتتبلى شف الكل شاهد
حمد ::اقول انا بروح اجلس عند حرمتي حبيبتي ابرك لي منكم
خالد::روح جعلك ماترجع اذيتنا
امل::بسم الله علية وش فيك تدعي علية
خالد:::ايووووووووة عاشو خافت
ريم::هههههههههههههههههههههههههههههه اكيدحبيب القلب تصدق خالد انا غابنيني هالاثنين تدري زاتين علي ولدهم وعايشين حياتهم
امل::لا والله مو كانك انتي اللي ماخذتة صايرة مااشوفة ابد اخاف بكرة يحسبك انتي امة مو بانا تعال يمة عندي وتاخذ نايف من مريم خلاص مالة نومة عندك اليوم
ريم تنظ وتروح تاخذة:::جيبي نيوف اصلا مايبيكم
امل::هاه اشوفك غيرتي رايك مو توك احنا طاشينة عليك
ريم::لاه من قالة انا قلتة نظفي اذانك مرة اخوي بالله اخونا في الله حمد ود مرتك للمستشفى سولها غسيل اذان ماتسمع زين اخاف بكرة تقولة شئ تسوي فيك شئ ثاني ههههههههههههههه
الكل::هههههههههههههههههه
وتاخذ من عندها امل من مخدات الكنب الخفيفة وترميها على ريم
ريم::حمودي شف مرتك ضربتني بتعورني
حمد::احسن جزاتك اجل مرتي مخرفة
ريم::ياحول حتى انت شكلك ماتسمع مااقلت مخرفة انا هههههههه وبعدين افااااااا انا ريوم ماتدافع عني
خالد::انا ادافع عنك بس بشرط
ريم::هههههه اول مرة اسمع عن واحد يدافع بشروط
خالد::اية انا
ريم::طيب اشرط مالقيت متبرع غيرك
خالد::صراحة انا جوعان وابي اكل أي شئ بس من يديك
ريم::ياحوووول ماتعرف اني مااحب الطبخ
خالد::الا علشان كذا ابي من يديك أي شئ لو بيضة
ريم::اقول مافي متبرع ثاني يدافع عني غير ذا هذا شروطة قوية
ام حمد::روحي سوي لولد خالك شئ ياكلة شكلة تعبان وانتي مستلمته من يوم جا
ريم::طيب يمة عاد اسمعو من الحين اللي بيتطنز على اكلي ياويلة وتروح ريم للمطبخ وتسوي ساندوتشات مقالي مرة حلوة وظبطتهم بصحن وبعد ساعة
ريم جاية وفي يدها صحن الساندوتشات:::الشيف ريم وصلت جابتلكم طبخة حتاكلوا اصابعكم وراها
خالد::نذوووق ونحكم وياخذ خالد اول وحدة وياكلها يمي يمي وربي احلى من المطاعم
ريم::احم احم لاداعي ياولد الخال اخجلت تواضعي المتواضع هههه
حمد ياخذ وحدة وياكل::ريموووة ووجع لاصارك تعرقين لية يوم اطلبك ماتسوين لي
رريم::عندكمرتك خلها تسويلك انا غسلت يدي منك
حمد::لا قبل مااتزوج
ريم::ههههههه للاسف قبل ماتتزوج ماكنت اعرف وش اسوي فيك لو اجلت زواجك سنة كان اكلت من يديني ربي يسلمهم
وطبعن طول هالقعدة ام حمد وامل يراقبون ريم وخالد وسوالفهم مع بعض
ريم:اقول ياولد الخال طبخ وطبختلك وسويت شرطك الحين خبهم يالاتفاق
خالد غص باللقمة ::ما ما ويعطونة ما بل عليك انتي ماتنسين شئ
ريم::لا اصلا انا ماسويت اللي تبية الا علشان الاتفاق
خالد::طيب اقول عمتي حمد وش رايكم نطلع بكرة للثمامة نلعب هناك بالدبابات
ريم::ايوة تكفون وابي اطعس انا ترا من الحين واحد منكم يسلمني سيارتة
محمد::عزالله راحت السيارة وطي
حمد::فكرة حلوة ووش رايكم جيرانا معنا ناخذهم صح يمة
ام حمد::أي والله نقول لام رائد وام نواف وعلشان قبل مايسافر نواف بعد يومين
من يوم طرو اسم نواف صد ريم وفز قلبها وفي قلبها بعدي يومين بيسافر طيب لية قالي اليوم
ريم::طيب يمة انا سمعت من سارة انة بيسافر اليوم
ام حمد::هو كان بيسافر اليوم بس امة اقنعتة يجلس يومين
ريم::اها طيب وفي قلبها فديتك ياخالتي وناسة اجل بيروح معنا بهبل فية
امل:ريم ريم
ريم::هلا
امل::وين سرحتي اللي ماخذ فكرك
ريم::محد ماخذة غير طلعت بكرة افكر شسوي فيها
وتتصل ام حمد على جيرانها وتقولهم ووافقو يروحون مع بعض طبعن اللي استانس رائد لانة بيشوف سارة بس وين يشوفها ووراة نواف
ريم::يالله عن اذنكم انا بروح اريح تعبت وانا اهزم بالعالم يالله حبيبي نيوفي وتروح تشيلة
امل::خلية بشوفة اليوم
ريم::نوية مافي روحي عند رجلك بس وتروح عندهم لغرفتها وتجلس تهدي بنايف لحد مانام بعد مانام اتصلت على ساره لقته مشغول
ريم::والله مااخليها لحد ماترد وشوي الا ترد
ريم::انتي ماتستحين بالساعات مغازل ويا حبيب القلب حتى انا نسيتيني لاتتصلين ولا شئ
سارة::والله ريوم ظلمتيني هالمرة ماكنت اكلم رائد
ريم::اجل من تكلمين
سارة::كنت اكلم نواف علشان بشوفه لطلعة بكرة
ريم::اية على طارية هو مو على اساس بيسافر اليوم لية اجل
سارة::اها اعترفي ريوم مو متصلة مشتاقة لي
الا بتطمنين على حبيب القلب وتسالين مدري عنة اجل كذا فجاءة
ريم:::حرام عليك يالدبة تفكيري مومثلك انا المهم بكرة نبي نستانس هناك مو تروحين مع حبيب القلب وتخلينا
سارة::والله مادام نواف معي ماظنتي اشوفة بالملكة ماخلاة يجلس تبينة الحين
ريم::هههههههههههه فديتة زين يسوي
سارة::وجع يالدبة حرام عليك بنشوف بكرة وش تسوين لانخطبتي
ريم::طيب يالله انا بحط راسي وانام لان بكرة وراي قومة ولعب ووناسة باذن الله
سارة::روحي انخمدي
وتقفل ريم السماعة هي تفكر في بكرة ووش بيصير فيها لازم بكرة تتكلم مع نواف

دلال وش الشئ اللي يعرفة نواف عنها ومسكتها؟؟
ريم وخالد والتخطيطات اللي تمش من وراهم وش بتكون ردة فعلهم؟؟
بكرة رحلة الثمامة وش بيصير فيها؟؟؟

 

[ضوى العيون]

الجزء التاسع

>>انت حلم المشاعر واعذب حروف همسي..قبل تكتبك عيني شفت قلبي قراك...والله اني احبك واصدق الحس حسي..والرضا في عيوني ياحبيبي رضاك<<

الصبح الساعة 9 ريم اول وحدة قامت من النوم وراحت صحت كل البيت
امل قامت وراحت عند ريم علشان تشوف ولدها
امل::انا مو مستغربة الا من شئ واحد
ريم وهي مشغولة تلبس بنايف::شنو؟؟
امل::انك صاحية بدري ومتحمسة لهالرحلة وش هالسر
ريم::ابد مافي لاسر ولا شئ بس لاني مشتهية اطلع للبر من زمان عاد شفتي حظي وش قد حلو
امل::لية حلو؟؟
ريم::لان توني انتبة ان اليوم 14 يعني قمرة يعني وناسة
امل::ههههههههه وربي انك مخططة على هاليوم
ريم::لا والله اصلا من يوم ماعطلت نسيت التاريخ بس انتبهت اليوم وانا اقلب بالنوتة وجلست اضحك
امل ::اقول عطيني نيوف الاعبة
ريم وهي تسوي حركة بجواجبها::لا لانوية مافي وليدي معي
امل::طيب بس احبة ابد بالمرة انتي عاد صرت مااشوفة
ريم:::بس حبة ياختي احملي وجيبي واحد ثاني
امل::لا والله وتحسبين الحمل سهل
ريم::والله مدري للحين ماجربت ان جربت اقولك هو سهل اولا هههههههههههههههههههههه
امل::ضحكة اقول بروح عند رجلي ابرك لي ولما جت بتقوم الا بدخلت حمد
حمد::امولتي وينك
ريم::بسم الله الرحمن الرحيم تصدقون انا غير اسوي عليكم دراسة
امل::انا هنا ياروحها
حمد::فديت روحها وانتي وش تخربطين
ريم::بس مامدا توها انطقت اسمك بتروحلك الا انت ناط عندنا
حمد::وانتي وش يعرفك هذا يدل ان احاسيسنا وحدة هذا من الحب يالخبلة
ريم::لا لاه ماارضى اهانة وفي غرفتي يالا الهول ومن حمد انا خبلة يالله خذ مرتك واطلع من غير مطرود ولا تكلمني زعلت انا
حمد::شوفي عندك اربع جدران والسقف والارض طقي راسك فيهم كلهم بس ابي اخذ ولدي اول
ريم::لا عيوني وتروح تدفة هو وامل وتطلعهم برا مالكم دخل فية هذا ولدي انا خل مرتك تحمل وتجيب لكم عيل ثاني وتقفل الباب لانها بتلبس
حمد::هههههههه وربي هالبنت خبلا
امل::حرام عليك حمودي
حمد::ابي اشوف ولدي انا اشك بكرة فية مايعرفنا منها
امل::أي والله تصدق للحين مانطق اسماءنا منها بس تدري حمد انا حيل فرحانة لاهتمام ريم فية
حمد::لية
امل::يعني لو لاسمح الله صارلي شئ اكون متطمنة ان في احد يهتم بولدي من بعدي
حمدويحط يدة على كتفها اليمين واصبعة على فمها امل::بسم الله عليك ياقلبي لاتقولين هالكلام جعل يومي قبل يومك يالغالية
امل::بسم الله عليك انت يالغالي
ريم::ماشاءالله طايحين مغازل هنا بنص البيت انتو ماتستحون خربتو اخلاقي
حمد::بسم الله الرحمن الرحيم انتي من وين تنطين
ريم::ههههههههههههههههههه المهم يالله نبي نمشي
حمد::اية صح نسيتوني وين امي قامت هي وابوي لان اجلنا الطلعة للعصر لان حر الحين
ريم::ياحظي منك لية توك تقوول اية شاف القلب نسى كل شئ
حمد::اقول طيري ويبعدها بيدة ويروح لنص الصالة يمة يبة
ابوحمد يطلع من الغرفة ::هلا ياولدي
حمد::يبة بنروح العصر علشان حر الحين لكن رتبنا كل شئ وحجزنا شاليهين واحد لنا وواحد للحريم
ابوحمد::زين سويتو ياولدي
ام حمد تطلع من ورا ابو حمد:: اقول حمد روح انت وخالد واحجزولحم لان بنشوي اليوم مانبي رز طفشنا منه
حمد::خلاص الحين اروح واحجز ولاطلعنا مرينا اخذناة على كذا يبة خل كريم ياخذ التايوتا معنا علشان اللحم
ابوحمد::خلاص قلة علشان يجيب اللحم ويرجع
محمد يجي وفي اذنة سماعة mp3::اقول سمعت طاري شوي واكل وناسة اجل
ريم تجي من وراه::وانت بس همك على بطنك وبعدين من سمحلك تاخذ mp3 حقي
محمد يروح وينحاش ويتخبى ورا امة::والله مو انا اللي اخذتة هذي مريم هي اللي خذتة
الا بطلعة مريم من غرفتها وهي تفرك عيونها وحالتها حالة لانها توها قايمة من النوم تروح مريم توقف بنص الصالة بين الكل
مريم::انتم اعوذ بالله ماحد ينام عندكم بعدين من اللي مات
الكل::ههههههههههههههههههههههههههههه
محمد::شكل كل البيت فيوزة طاقة هههههههه مافي احد عاقل الا انا
ريم:::ههههههههههههههههههههه اخ يابطني الحقوني ههههههههههه شوف محمد شوف شكلها
محمد::ههههههههههههههههه وربي تموت ضحك طالعة مثل البطه
وتناظر مريم شكلها هنا حتى ابو حمد ضحك عليهم
ريم ونايف الصغير معها يضحك شوي::هههههه حتى نيوفي يضحك عليك
مريم هنا زعلت وتروح لغرفتها وتسكر الباب بقوة::لااحد يكلمني مااحبكم انا
محمد::اعوذ بالله ذي ماينمزح معها
حمد::لا والله انت واختك زين كذا الحين وش يرضيها من زين مزحكم
محمديجي بجنب ريم ::اختي العزيزة
ريم::نعم اخي العزيز
محمد::اتركيك من هذا الاهبل هل من الممكن استعارة شئ من غرفتك
ريم::لا ليس من الممكن لان بالاول رجع اللي انت ماخذة بعدين تكلم وهذا انت جيت برجولك وتنزل ريم نايف وتلحق ورا محمد
محمد وهو يركض::ياهووة ياعالم حد ينقذنا رحنا فيها
ريم::طعني ياحمود خلنا نتفاهم بالطيب احسن لك
محمد::يالدبة مو واقف لو فيك خير امسكيني
ريم::كل هالرشاقة وجسم الغزال تقولي دبة اسمحلي اكتشفت ان ماعندك نظر رح فصل نظارات
وطبعن فرو البيت كلة ريم ومحمد وام حمد وابو حمد طبعن سكتوا لانهم تعودوا على صدعة الراس من محمد وريم في نفس الوقت في بيت ابو نواف
نواف يروح عند سارة ويطق الباب
سارة::اقول حبيبي اكلمك بعدين لان نواف يطق الباب
رائد::طيب حبيبي بس لازم اشوفك اليوم
سارة::خلاص باامرك يالغالي فمان الله
رائد::فمان الكريم
وتقفل منة وتروح نفتح الباب لنواف
نواف::لاه احلفي صح النوم بدري كان جلستي اكثر مع رائد
سارة::تبي تدخل والا قفلت الباب
ويدخل نواف ويروح يجلس عالكرسي حق طاولة الكمبيوتر وكان الجهاز مفتوح
نواف::اقول والله وكبر راسك بعد ماتزوجتي اشوف ماصرتي تسالين عني
سارة::اسال عمرك انت اللي ماعمرك سالت ولاصرت اشوفك
نواف::اقول سارونة
سارة::لبية
نواف::لبيتي في مكة يارب
سارة::وياك وش عندك حاسة في بفمك حكي
نواف انتبة ان في احد دخل عالماسنجر حق سارة ويوم شاف الكلام طبعن بدون ماتنتبة له سارة
طبعي كذا:::
اقول سوير يالدبة وش تلبسين اليوم علشان الطلعة
طبعي كذا::
شوفي لازم نركب دبابات ماعلي منك موتقولين خوافة لاصارك مع الريامي لاتشيلي هم
هنا انبسط نواف لان عرف انها ريم فجتة فكرة
سارة::يالله انطق ماصارت
نواف::اول شئ ابي فطور من يدينك
سارة::لا والله ولية ماافطرت مع امي وابوي
نواف::لا ابي من يديك والا مافي شوفة لرائد اليوم وانتي تعرفيني
سارة::لا خلاص امرنا لله بروح اسويلك
نواف::ناس ماتجي الا بالعين الحمراا هههههههه وجيبية هنا
سارة::طيب وتروح للمطبخ ويرجع يشوف الماسنجر
طبعي كذا::
الوووووووووووووووووو وينك يالدبة يامرة رائد
خفوقي ملكة بنظرة::
معك بس كنت مع نواف اسولف غثني يبي فطور
طبعي كذا::
سويتيلة
خفوقي ملكة بنظرة::
اية سويتلة
طبعي كذا::
اية حسبتك بعد اسمعي خلية ياخذ الجيب علشان نبي نطعس وابي اسوق انا
هنا انبسط نواف ان ريم تهتم لة
خفوقي ملكة بنظرة::
تبين تسوقين وناسة طيب انتي مع من تروحين
طبعي كذا::
انا بركب مع خلودي <لو سمعها ذبحها
علشان مابي مع حمد بيغثني بالغزل هو ومرتة اذوني ومع خالد فلة
عصب نواف هنا يبي يعرف من خالد
خفوقي ملكة بنظرة::
منهو خلودي سواقكم؟؟
استغربت ريم من سارة بسبة هالسؤال لان سارة تدري من خالد
طبعي كذا::
سارة لا انتي الزواج مسوي عمايلة خالد ولد خالي محمد مو جا عندنا وهو اللي دبر الطلعة
خفوقي ملكة بنظرة::
اها معليش نسيت
هنا حس نواف كان سارة بتجي
خفوقي ملكة بنظرة::
طيب انا بطلع الحين لان نواف يبيني
طبعي كذا::
طيب يالله
ويقفل الماسنجر علشان سارة ماتحس فية
سارة::وهذا الفطور اخ نواف
نواف::تسلم يديك يااروع اخت في الدنيا الا سارونة
سارة::نعم
نواف::ريم بتركب مع من؟؟
سارة::اها اثاريك مو جاي تسال عني تبي تعرف حبيبة القلب بتروح مع من
نواف::سارة ترا وربي مافي رائد
سارة بقلبها اخ منك تعرف نقطة ضعفي::طيب اذيتنا بتروح مع خالد علشان سيارتة جيب ووسيعة
نواف:::طيب ولية ماتروح مع حمد
سارة::وانا وش يدريني عنها رح اسالها
نواف::ياليت اقدر وجلس ياكل نواف شوي وبعدين طلع وهو طالع من البيت شاف خالد يوم شافة حس بالقهر منة مايدري ليه وجاة خالد وسلم علية
خالد::هلا نواف وش اخبارك وشلونك وينك من زمان ماتسال
نواف::هلا والله بخير انا بس تدري الدراسة والسفر علشان كذا
خالد::طيب متى تخلص
نواف::باقيلي هالكورس بس واخلص
خالد::وناسة اجل طيب نواف اسمع تروح معي
نواف::وين؟؟
خالد::بروح استاجر جيب علشان الاخت ريم اذتني الا بتسوق وتطعس
نواف::عاد لية بتستاجر انا معي جيب ونروح فية
خالد::حلو اجل وفرت علي
نواف::ولو ياخالدوبعدين تعال معي مافي غير انا لحالي بروح بسيارتي لان ابوي يبي يروح بسيارتة مايقدر يستغني عنها
خالد::خلاص اجل انا معك
نواف::خلاص على العصر بنكون جاهزين
وبكذا نواف انبسط لان ريم بتكون معة بالسيارة لانها على حسب ماقالتلة بتركب مع خالد وخالد معه

 

[ضوى العيون]

ولما جا بعد اذان العصر طبعن الرجال كلهم راحو صلو بالمسجد ورجعو والحريم ركبو الاغراض اللي بياخذونها معهم
ابو حمد وام حمد ومعهم ابو رائد وام رائد بسيارة
رائد ومعة سارة واختة ريمة بسيارتة وحمد ومرتة بسيارة
حمد::يالله ريم امشي معنا
ريم::لا مو رايحة معكم انا بروح مع خالد ان رحت معكم انفقعت
حمد::لية ان شاءالله
ريم::لانكم طول الطريق حبيبي وحبيبتي بتاذوني وبعدين حرام اخترب بعدين وعلى فكرة علشان يفضى الجو عليكم اكثر نيوف معي
حمد::اصلا انتي ساس الخراب محد يقدر يخربك طيب مريم امشي معي
مريم::لا مااحبكم انا اصلا زعلانة عليكم لحد يكلمني بروح مع نواف احسن منكم وجلس نواف يحاول فيهم بس مافي امل
واستلسم حمد لهم وراحت ريم وركبت مع خالد هي ومحمد ومريم ومعها نيوف واقنعت هند تروح معها راحت وركبت السيارة وفي سيارة رائد
رائد::اقول ريمة لية ماتروحين مع ريم حرام لحالها
ريمة::والله يااخي العزيز مابي مبسوطة معكم
رائد وهو منقهر وطفشان::صديقتك حرام لحالها
ريمة وهي تدري وش يبي رائد بس بتعاند::لا تخاف عليها بعدين معها هند مثلها لجة انا احب الهدووء احب معكم بعدين ممنوع الاختلاء بحرمتك هههههههههههه لازم محرم معكم اوامر الوالد
رائد::ياحوووول
سارة ميتة من الضحك::خلاص رائد خلها بنستانس معها
رائد::طيب علشانك
ريمة::هيا نطقت السلطات العليا واقنعت الجيش بالرضووخ لااوامرنا يسلمووووووووووو سارون
سارة::ههههههههههههههههههههههههه
رائد::ياحول رحنا فيها اليوم
ريمة::ههههههههههههههههههههههه
في سيارةنواف
ريم::خالد يالله تحرك االناس مشت وانت واقف
خالد::استني انتظر واحد
ريم::مين؟؟ وبعدين لية مانت بمكان السواق
خالد::اه يالفضول اصبري وبتشوفين
ريم كانت تلاعب نايف ومو منتبهة من اللي جا طبعن اللي بيسوق نواف
نواف يفتح الباب::السلام عليكم
ريم::وعليكم السلام وبعدين انتبهت للصوت ورفعت راسها تتاكد وانصدمت بنواف
ريم::نواااااااااااااف؟؟
نواف:::اووه ريم معنا هلا والله
ريم::هلا فيك زوود خالدوة لية ماتنطق انة هو مفاجاءة هاه من زين مفاجئاتك على بالي احد مهم
نواف::افاااااااااااا تهزئت انا
خالد::هههههههههههههههه اقول خلونا نمشي الناس وصلت وحنا هنا
نواف::يالله
مريم::نوفي وش اخبارك يابعد عمري
نواف::الشيخة مريم معنا وانا اقول لية سيارتي منورة اليوم بخير يوم شفتك
مريم::نوفي شوف لحد يكلمني غيرك انا زعلانة منهم كلهم
نواف::افاااا من مزعلك قوليلي بس وانا اهاوشة
مريم::ريم ومحمد يضحكون علي مشوين
نواف:::محمد ووجع لية تضحك على مريم
محمد::اااااااااه لاتذكرني ههههههههههههههه انت لو شفت شكلها بتقعد تضحك مثلنا وزووود
مريم::نوفي شفة
نواف::قلتلك لاتضحك للحين مع الشباك يالدب اطشك شوف ان ماعتذرت لها مافي سواقة اليوم بالدبابات وتعرفني زين اسويها
محمد::لا لا خلاص ويحب راس مريم اسف انا كلش والا زعل العم نواف
خالد::ههههههههههههههه عم مرة وحدة احلا ياخطير وش مسوي فيهم اللي يخافون منك لو انة انا صكني باقرب شئ
نواف::احم احم المشكلة بس ذولا اللي يحترمون وبعض الناس شغلتهم تهزئ فيني
ريم عرفت انة يقصدها وطنشت وفي نفسها ميتة ضحك فديتة
مريم::طيب لية ماتهاوش ريم بعد حتى هي ضحكت
نواف::ها لا مقدر عيب ريم كبيرة
مريم::بس ضحكت علي حتى هي ترا بزعل ومااكلمك بعدها
نواف::طيب ويغكز لريم من المراية لية ياريم تضحكين على مرايم كلش والا هي اعتذري لها الحين والا نزلتك بالشارع وتعالي مشئ
ريم::ياحوول طيب بنعتذر مافيني اقلب سمرة وتحب مريم وخلاص اسفة
مريم::فديتك نيوفي والله اني احبك انا
نواف::وانا بعد وهو مبتسم وفي قلبة ليت اختك تنطقها وتفكني
ريم::هند وش فيك ساكتة
هند::هاه هلا ولا شئ
ريم::انا تدرين وش اللي اتخيلة الحين
هند::شنو
ريم::رائد الحين اكيد منقهر ان ريمة معهم
هند::ههههههه انا مستغربة انة ماطردها للحين
ريم::اجل الخطة مشت تمام هههههههههه
هند::شئ والله لو انا من اول كلمة نزلت لكن ريمة قوية
ريم تدور بشنطتها وتطلع شريط
ريم::خلودي
خالد ينافخ ::ياحووول اقول فشلتيني انتي قدام العالم اصغر عيالك انا
نواف::ههههههههههههههههههههههه الحمدالله مو بس انا اعاني
خالد::اضحك جعلك تضحك بلا سنون
ريم::عادي خلودي خذ الوضع ايزي مافيها شئ احد يحصلة ريم تدلعة ويرفض
نواف في قلبة اخ بس ليتني مكانة
خالد::أي والله ريم وتدلعني ياسلام المهم وش عندك
ريم::ابد ماعندي شئ بس بغيتك تشغل هالشريط
هنا نواف طق لية ماقالتلي انا
خالد ياخذ الشريط::شريط ايش ذا
ريم::انت شغلة وبعدين تعرف وشغل خالد الشريط وبدت قصيدة حامد زيد السفينة وبدا نواف يتفاعل معها ويقصد وريم تطالعة وتتابع كل حركة يسويها طبعن هي جالسة وراة بالضبط وبعد ماخلصت
نواف وباابتسامة::وربي انك ذوووق ياريم من جد حامد زيد شاعري المفضل
ريم في قلبها وناسة حتى هو يحبة كل يوم اكتشف فية شئ مشترك::تسلم والله حتى انا احبة
نواف::الله يسلمك
مريم::اقوول نوفي غن لنا
نواف::يووة لاتحرجيني مرايم
مريم::افااااااا كذا تكسفني
خالد::تكفى يابوفيصل طلبتك انا لاتردني
نواف::طيب علشانكم وهذي الاغنية اهداااء لمريوم وصد على ريم بهمس ::تراها لك
ريم طارت من الوناسة يوم سمعت انها لها
وبدا يغني(اتحرى العيد اكثر من طفل.. لااجل اشوفك بس واسلم عليك.. واسرق اللحظات منك بالعجل.. فية ابارك لك وابارك عمري فيك.. ينتهي عيدي وتوه مااكتمل.. يوم ماتسحب من يديني يديك.. لو هزمت الخوف يهزمني الخجل.. مااقدر اهمس انتظر لحظة ابيك.. لين ضاعت فرصتي دمعي انهمل.. كيف تخذلني وانا اللي محتريك.. كنت ابي قربك ولكن ماحصل.. وانتظر لعيدي الثاني واجيك)

 

[ضوى العيون]

بعدماخلص الكل بدا يصفق ومحمد جلس يصفر
خالد::افااا يابوفيصل عندك هالصوت الحلو وحارمنا منة ماتغني اجل اشوني جايب العود معي بتغني لنا الليلة للصبح
نواف::لا عاد شدعوة مو لهالدرجة يابو وليد
محمد::وناااااسة اليوم صباحي ياولد وصوت نواف بيلعلع
نواف::لا شكل مافي فكة اشوف الكل اجتمع علي
مريم::ايوة نواف بتغني اليوم
نواف::عشتو حتى انتي
ريم استانست بالمرة
ريم::اقول خلود لاتنسى وعدك
خالد::ياحوووول مرة بس ابي احس اني كبير ناديني باسمي تكفين
ريم::ههههههه مابي انا حرة كيفي المهم ترا بسوووق ماعلي
خالد::طيب امرنا لله
وفي نفس الوقت بسيارة حمد
امل::حبيبي اقولك شئ
حمد::قولي كلي سمع تحت امرك
امل::بصراحة قبل يومين رحت انا وريم للدكتورة وقالتلي اني حامل صارلي شهر
حمد::وشوووووووووو عيدي
امل::انا حامل
حمد::احلفي
امل::والله
حمد::كلووليليليليلش لو اعرف ازغرد اكثر من كذا ماقصرت بصير اب
امل تناظر فية ومستغربة ::لا والله ونيوف ولد من اجل
حمد::هذاك غاسل يدي منه مااحسة ولدي ولد ريم ذا
امل::ههههههههههههههههههههههههههه
حمد::من جد والله اعوذ بالله مااشوفة
امل::طيب لاتقول لحد بعدين بقول مو بالحين
حمد::الا غريبة ريم ساكتة للحين
امل::هههههههههه بعذرك تستغرب بس انا محلفتها بس ماتشوفها تلمح اليوم
حمد::الا سمعتها تدرين انا بس شئ واحد اتمناة
امل::شنو؟؟
حمد::اني اشوف ريم متزوجة وقتها بس اللي برتاح
امل في قلبها عن قريب ان شاءالله:::شدعوة بس ريم
حمد::ماتعرفين وش كثر تعنيلي ريم وودي اشوفها مع رجال يستاهلها بحق لان ريم قلب نادر بهالزمن اختي واعرفها
امل::ربي يطمن قلبك عليها وريم بصراحة الكل يتمناها اخرها قبل يومين جت وحدة طلبت يدها ام عبد الرحمن تعرفها
حمد::ايوة ووش صار
امل::ريم بعد ماتعرفها مكنسلة موضوع الزواج تقول دراستي اهم وكمان عمتي رفضت
حمد::لية امي رفضت
امل::تقولي ابي واحد يستاهلها مو عبدالرحمن
حمد::طيب عبد الرحمن رجال والنعم فية
امل::مدري عن عمتي شكلها ناوية واحد لريم لانها دووم تقولي زوج ريم معروف
حمد::وانتي ماقدرتي تعرفينة
امل::لا دووم اسالها ورافضة تعلمني تقول السنة الجاية بيبين كل شئ
وصلو الكل للثمامة ووقفو اول شئ بالاستراحات ونزلو اغراضهم
ريم::الو خالد لو سمحت قرب بالجيب علشان نروح نطعس
خالد::يابنت الحلال مامدانا نجلس نبي نتقهوا
ريم::اقول الحين وجب احد معك وبعدين لاحق تتقهوى
خالد::امرنا لله اتجهزي وشوفي من بيجي معك
وبعد ماقفل منهم
خالد::اقول شباب من يروح معنا نطعس وغير كذا بنستاجر دبابات ونستانس
نواف::انا بروح
خالد::وانت يالنسيب
حمد::لا ياقلبي انا بجلس هنا مالي خلق
نواف::مالك خلق والا بتجلس عند المرة
حمد::اية بجلس عند المرة عندك مانع
نواف::ههههههههه لا ابد
وعند البنات بعد ماقفلت ريم
ريم::بنات من تروح نطعس مع الشباب
هند::انا معك وين ماتروحين
ريم::وانتي سارة
سارة::والله اذا رجلي راح رحت
ريم::ياحوووول اقول اذيتنا رجلي ورجلي رصية على قلبك مانبيك تروحين معنا هونا اصلا انتي خوافة وانتي ريمة
ريمة::يالله نروح ونشوف
ويروحن البنات يركبن وكان معهم محمد علشان البنات رائد رفض يروح لانة بياخذ مرتة ويتمشى وبيروحون للدبابات هو وسارة
في السيارة
ريم::يالله انزلو باخذ البنات بفرة
خالد::استني شوي مو بالحين الحين بنطعس من الحين اللي بتخاف تنزل
ريم::لا ماعليك محد خايف
ويبدا خالد يطعس فيهم والبنات مبسوطات
ريم::ايوووووووووة عاش ابو الوليد ادعس
ريمة وهند مستحيات وبنفس الوقت حاسدات ريم على جرائتها مع خالد ونواف مع انهم تربو مع نواف بس يستحن لان خالد فية
محمد::ايووووووة فلللللللللللله
وطبعن مشغل المسجل عالاخر خالد ومهيص معة ونواف بعد نفس الشئ وينبسط لاسمع صوت ريم وماانتبة خالد الا في طعس قدامهم نازل مرة راسي يعني جبل مرتفع مانتبة لة وكان مسرع شوي يوم قرب انتبة وهدا شوي شوي ونزل معه البنات هنا صرخن من الخوف
هند::مابي اموووت لااااااااااااااااااااااااا
ريمة::وااااااااااااااااااااااااااااااااا
ريم هي اقواهم صدق خايفة بس ماتبي تبين لحد وتبي تهدي الوضع علشان التوتر::هدو يابنات اسكتو خلوة لاتصارخون علشان مايتوتر
نواف::ريم صادقة خلاص يابنات
هند بدت تصيح وريمة وريم يهدون فيها
خالد من الصراخ اتوتر ومن صياح هند فعصب لانة مايقدر يتحكم كذا
خالد::بس اسكتي وش هالسخافة اصصصصصص لااسمع صوت تقول عيل تبكي لية صغيرة انتي
هنا هند خافت من صراخ خالد وسكتت وريمة بعد اما ريم استغربت اول مرة يصارخ خالد ويعصب بس فعلا موقف لايحسدون علية
وقام خالد ويحاول يميل السيارة شوي شوي علشان تنزل على جنب وخفف دعستة عالبنزين وبهدووء وشوي شوي لحد مانزلت السيارة بهدووء ووصلو الارض بسلام طبعن ياكثر الناس اللي تجمهرت تشوف وش بيصير واول ماوصلو للارض بسلام وصف خالد السيارة زين نزلو البنات وسجدوعلى طول شكر وكمان خالد ونواف وبعدها انتبة نواف وخالد للشباب اللي تجمهرو وبدو يصرفونهم
نواف::يالله ياشباب روحو ماصار شئ ابعدو عوايل فية لو سمحتو
خالد وهو للحين معصب::يالله لااشوف احد هنا لااثور فيه
الشباب انهبلو من شكل خالد وهو معصب وابعدو ومابقى احد
خالد::اسمعو الشئ اللي صار لحد يدري فية
ريم::طيب
هند طبعن جلست عالارض بعيد عن السيارة شوي وجلست تصيح وعندها ريمة تهدي فيها
ريمة::خلاص هنودة اسكتي هذا احنا وصلنا وبخير
هند::بس لية يصارخ علي الحقير مو من حقة
ريمة::ماعليش تشوفينة كان متوتر
هند::ولو مو يصرخ علي اصغر عيالة انا
نواف::يالله علشان نرجع عندهم
ريم::يالله يابنات بنرجع
هند::انا موراجعة معكم بروح مشي
ريم::نعم عيدي ماسمعت وين تروحين مشي من قصر المسافة
هند::مع ولد خالك هالحقير مو رايحة
ريم::خلاص هنود امسحيها بوجههي وامشي
هند::مو رايحة
هنا جا خالد وهو حاس بالندم المفروض مايصرخ عليها لانة مايعرف من اهي اصلا ومو ذبنها الشئ اللي صار ذنبة
خالد::خلاص اختي انا اسف وحقك علي بس كنت متوتر شوي
هند::وش ينفع الاعتذار بعد مانهانت كرامتي
خالد طبعن معطيها ظهرة::كلها صرخة وصلتيها للكرامة ماصارت
هند::لا والله
خالد::اقول انا اعتذرت لك واللي علي سويتة قبلتي ماقبلتي اعتذاري ماهمني ويالله امشو لانتاخر
هند بصوت واطي::حقير مغرور
ريم::هند ترا ماارضى على خالد وبالعكس خالد طيوب وحبوب والدليل اعتذرلك من دون حد لايقولة واستهدي بالله وامشي ريمة شوفيها
ريمة ::يالله ياهند استحملي بس خمس دقايق لحد مانوصل بس
هند::مو راكبة معة بتصل على رائد
نواف يجيهم ومعة محمد اللي راح وقالة السالفة::اقول هنودة انا نواف طلبتك انك تجين اذا لي معزة عندك واذا تذكرين عشرتنا واحنا صغار والحلاو اللي كنت اسرقة علشانك ابيك تردين لي الجميل انك تروحين معنا
هند من سمعت طاري الحلاو تذكرت طفولتها وانقلب بكاها ضحك::ههههههههههههههههههه طلعت حرامي وانا اقول من وين يجيب لي حلاو
نواف::طيب يالله مو مهم منين اهم شئ امشي معنا
هند::وربي يانواف علشانك والا مااركب مع هالحقير
نواف::تسلمين والله انا اقول هنودة مستحيل ترفض لي طلب وانا اللي بسوق وش تبين بعد
هند::تسلم والله وتروح ريمة وهند ويركبون وتلحقهم ريم يوم مرت من عند نواف
ريم::يعطيك العافية ومشكوور
نواف::ماسويت شئ انا
ريم::انقذتنا من ورطة كبيرة دووم تحل الامور وتجي بالوقت الضايع وتمشي عنة وتروح تركب هنا نواف شق الحلق من الوناسة وراح ركب السيارة ومشى فيها واول شئ قال بيمشي البنات علشان يروقن وشغل المسجل وقعد يغني ويرقص وخالد يرقص معة
نواف يغني مع راشد الماجد مشكلني حبك ياروح الروح مشكلني ويقعد يسوي بالاشارات والبنات ناقعات ضحك عليى اشكالهم لكن هند كانت تناظر خالد من نص عين
ريم::نواف لااترقص انتبة للطريق زين
نواف يكمل يغني ابعد عن الشر ياعمري وغنيلو وياشر بيدة يعني ابعد ويغني وهو يضحك وخالد متفاعل معة

 

[ضوى العيون]

خالد::الحقووووو شوفو من راكب الدبابات هناك رائد هههههههه
نواف::لا وبعد الاخت معة ههههههههه اما اشكالهم شئ
ريم::اقول تفكرون باللي افكر فية
نواف::اكيد ويلف نواف عندهم ويمر بجنبهم ويزمر ويجي من النص ويفرق بين سارة ورائد ويطلع من الشباك احنا ماقلنا ممنوع الاختلاء لحالكم
رائد::ياحوول انت من وين طالع لنا
كل اللي بالسيارة::ههههههههههههههههههههههههههه
نواف ::يالله ابعد عن اختي لااطخك
رائد::هية انت تراها مرتي لو باخذها اليوم عادي
نواف::لا يابعد امك وابوك مافي ذا بعدك ههههههههههههههه
ويلف على سارة نواف::وانتي مبسووطة بعد من صباح الله متصيعة معة
سارة::خلاص نواف عاد رجلي مافيها شئ بعدين ابوي موافق
ريم::لا والله الحين مخليتنا لحالنا ورايحة طيب يالدبة مردودة لك اقول نواف خل نروح نركب دبابات ووراهم
نواف::والله فكرة ويروح نواف ويوقف السيارة واستاجرو دبابات كلهم وراحو يلحقون سارة ورائد طبعن بالمقدمة ريم ونواف بس بعيدين عن بعض
نواف::اقول ريم عليك بسارة ورائد علي ان ماطلعت فية الشيب مااكون نواف
ريم:::طيب ههههههههههههه وناسة اجل بستلم سارة
وتحادد ريم سارة وتدري ريم ان سارة تخاف مرة فبتهدي وريم وراها مسرعة وتجي بجنبها وكانها بتحك فيها وتهدي سارة
سارة::ريم تكفين طلبتك انا سارونة حبيبتك
ريم::من متى هاه قال حبيبتي انتي خلاص غسلت يدي منك صرتي لرائد
سارة::فديتة
ريم::لا البنت ماتستحي قدامي بعد وبصوت عالي هلمووو يابنات عليها
سارة::رييييييييم تكفين
ويجن البنات ريمة وهند ويكملن معها وخالد لحق رائد وجلس يطفر فية هو ونواف
ريم::يالله وراي امشي ريمة وهند خلوكم وراها لاتروح يمين ويسار وجربي بس تلفين عن الطريق وربي لااوريك
سارة::لا لا خلاص مااقدر
ريمة وهند::حاضر قائد ريم ههههههههههههههههه
وتمشي ريم البنات وراها وراحو للسيارات وين موقفة ووقفو الدبابات ونزلو وشوي الا يجون الشباب ووقفوا الدبابات ومسك نواف وخالد رائد كانة سجين وجابوة
خالد::اقول وش تبون نحكم علية هههههههههههههههه
هند::خل اخوي لو سمحت مالك حق تمسكة
رائد::فديت اختي اللي تدافع عني
سارة::نواف خالد حرام عليكم خلووة
نواف::انتي لوسمحتي مالك كلام اصلا حتى انتي بتتحاكمين معة امسكوها لاتنحاش
وتمسك ريم سارة ومعها ريمة
سارة::افااااااااا يااخوي كذا السالفة اجل متفقين
الكل::هههههههههههههههههههههه
نواف::شوفوا ريم بتحكم على رائد وهند على سارة بس نبي بدون رحمة الاحكام
ريم::هياااااااا وناسة
سارة وبنغزة لريم::ريموة ياويلك ان عذبتية
ريم سوت حالها ماتسمع::نعم قلتي شئ هههههههههههههه اسمع اخونا في الله رائد
رائد::حرام عليك نواف مالقيت الا هالمتوحشة تحكم علي رحت فيها انا
ريم::اقول متوحشة بعينك طيب كنت بسويلك حكم خفيف الحين شف وش بيصير لك
رائد::وبنظرة توسل والله امزح معك ريم
ريم::لاه بدري مافي امل انسى
خالد::يالله وش الحكم ريم نبي شئ قوي
هند تتريق على خالد بصوت واطي::نبي شئ قوي اقول مالت عليك
ريم::ههههههههههه تامر امر ولد الخال انا اقولكم رائد انتو جيتومشي هنا والا بسيارة
رائد::لا مشي
ريم::اجل لقيتها بنمشي بالسيارة والاخ بيكون معلق عند باب خالد ونواف يسوق
رائد::لااااااااااا تكفين خففي ريم بتسلمين رقبتي لنواف
ريم::لا مافي ههههههههههههههههههههههه احسن تستاهل وبعد فية زيادة انت اللي بتشوي اليوم مفهووم ياشباب خلوة يشوي لحالة
نواف::رهيييييبة ريم وناسة اجل وانتي هند وش حكمك على سارة
هند::انااااااااااااااا بقولكم اليوم االسيدة سارة هي اللي بتضبط المقبلات احنا مانسوي شئ
سارة::اية اشوا هين ذا
هند::دقيقة من اللي قالك خلصت
سارة::افااا هنود وش قلبك علي والا عاشرتي هالشلة قلبتي مجرمة
ريم وهند ونواف وخالد وريمة::ههههههههههههههههههههه
هند::ههههه تستاهلين المهم الشئ الثاني ريم هي اللي تحكم عليك فية
سارة::لا الا ريم رحت فيها وش فيكم مسلمين ارقابنا لها اليوم
نواف::لان محد يعرف لكم غيرها
ريم::احم احم لاداعي اخجلتموني والله وطحتي بيدي ياسوير خليني اطلع حرة الايام اللي مضت فيك
خالد::اترحمي على عمرك سارة
ريم::سوير يابعدي انتي
سارة::اقول فيها بعدي رحنا وطي اجل نعم ريمو
ريم::اعذرني رائد بس ابيك يوم كامل ماتكلمينة وطبعن نواف بتاخذ جوالها علشان ماتكلمة وانا طول اليوم بكون عندها انا والبنات
نواف::تامرين امر
ريم::مايامر عليك عدو
رائد::نعم نعم عيدي ماسمعت
ريم::هههههههههه اللي سمعتة خالد نواف شوفوة
نواف::ايوة انا موافق
ريمة ::وانا بعد
هند::وانا
ريمة::وانا معهم ومن الصبح عندها
سارة::اتفقتو علينا حرام عليكم وش مسوينلكم احنا
نواف::لانكم عرايسنا ههههههههههه
رائد::انا اذكر العرايس مدلعين واحنا العكس الشقا لاحقنا من وين مارحنا
نواف::اقول بلا كثرة هرج ويالله ننفذ الحكم وتنفذ الحكم برائد وطبعن نواف طول الطريق يلعب بالسيارة لعب مرة يمين ومرة يسار يلف فيها وجا يطيح رائد ولما وصلو الاستراحة كانو الشياب جالسين برا
ابو رائد::رائد لية كذا جالس
رائد::هاه يبة ولا شئ بس مافي مكان جوا واتعلقت
طبعن نواف وخالد ناقعين ضحك على شكل رائد اما البنات راحو داخل الاستراحة عند الحريم
ابونواف::اكيد مافي مكان والا ذي سوالف نواف
نواف::حرام عليك يبة ويكتم ضحكتة كل شئ براس نواف
رائد يناظر نواف وخالد ويتوعد
حمد::وش فيك رائد تتوعد قل وش صاير
نواف وخالد::ههههههههههههههههههههههههههههههه
رائد ::بنطق واللي يصير يصير والله ياعمي الموقر واسمع كمان عمي نايف
ابوحمد::وانا وش دخلي
رائد::انت مادخلك بس بنتك ريم لها دخل
ابوحمد::لاصار ريم بالسالفة لاتكمل عرفت هههههههههههههههه
رائد::انت لو تدري ياعمي وش سوت
ابو نواف::وش سوت
وقالهم رائد كل السالفة من اولها لااخرها
حمد ::هههههههههههههههههههههههههه
ابو رائد وابو حمد وابو نواف::ههههههههههههههههههههههه بس بعد ماضحكو صد ابو نواف على نواف

 

[ضوى العيون]

ابو نواف::وانت بالله متى تكبر وتخلي سوالفك بتتخرج الحين حرام عليك اللي تسوية بزوج اختك ماصارت ذللتة
نواف::بس والله يبة نمزح معة علشان يتذكر بعد الزواج
ابونواف::وش يتذكر يتذكر رداة وجهك انت وهاللي معك مبسوطين انتم عذبتو الرجال والبنت
نواف::خلاص يبة ماصار شئ وشف عمي ابو رائد اخذها بروح رياضية شدعوة انت معصب
ابورائد::خلة يافيصل عادي لعب شباب وخلهم ينبسطون بكرة كلها بتصير ذكريات وانا اعرف ولدي مو زعلان
رائد::اية ياعمي مو زعلان انا وبالعكس انبسطنا اعملو لنا جو واكشن بس بفشلة شوي خلة يحس
حمد::اكشن هاه اجل فاتني شئ كثير
عند البنات
ريم::هههههههههههههه اخ يابطني بمووووت من الضحك
سارة::ضحكة بلا سنون امين يارب
ريم::هههههههههه حرام وشلون اكل بعدين
ريمة ::ههههههههههههههههه همك على بطنك بس
ام نواف::تعالو يابنات شاركونا سوالفنا
سارة::انا رايحة هناك ابرك لي عنكم
ريم::عاشو هههههههههههههههههه مرة رائد هريت بتروح تجلس عند خالتها
سارة تناظر تصد على ريم وتسوي في يدها حركة ::حرررة موتي قهر بعد وتروح عنها ويلحقنها البنات وتروح سارة تحب راس ام رائد
ام رائد::هلا ببنيتي تعالي اجلسي بجنبي فديتك
سارة::تسلمين خالتي
ريم تجي وتوقف::لنا الله احنا واقفين صارلنا ساعة ماحد يقول اجلسوا الله يالدنيا راحت علينا
الكل::ههههههههههههههههههههههههههه
ام نواف::هلا بالريامي تعالي اجلسي عندي
ريم::وناسة خالتي حصة نادتني خلاص بيكبر راسي ياخالتي
ام نواف::خلية يكبر يحق لة مو ريم انتي
وتروح ريم وتحب ام نواف وتضمها ::فديتك انتي محد فاهمني غيرك وتجلس بجنبها
ام نواف::ريمة هنود تعالو اجلسو عندي انتو بعد لو عندي عيال غير نواف اخذت كل وحدة لواحد
هنا استحو البنات وراحو عندها حبوها وجلسو عندها
ريم::اما ياخالتي بقولك سر
ام نواف:::قولي
ريم::انا صراحة بنتك ذي كنسلتني من يوم تزوجت
ام نواف::ههههههههههه حتى انا ماعادت بنتي الحين صارت بنت
لطيفة
ريم ::أي والله صدقتي ااسمعي وش سوت مشوين وتقول ريم لهم السالفة ووش حكمت عليها
الكل::هههههههههههههههههههههههههههههههههههههههه
امل::حرام عليك انتي وهالحكم وشلن تستحمل يوم ماتكلمة
ريم::احسن خليها تستاهل لعنبودارها من يوم تزوجت ماعدت اشوفها
ام رائد::مالك حق سارة لازم تجلسين مع ريم ذي ريامي محد يعافها
ريم::احم احم الكل يعرف قيمتي الا هي
سارة طبعن استحت من ام رائد وصارت تناظر ريم بنص عين
سارة::افااا ياريم كذا تهزيئني قدام الكل لاتصدقونها تكذب عليكم اهي وربي يوميا اكلمها
ريم::نصااابة تراها انا اللي اتصل دووم هي ماتسال ابد
هند::هههههههههه اية بعذرها وش تبي فيك من زينك
ريم::هندوووة اسكتي احسلك مالك دخل خليني اطلع اللي بقلبي كاتمتة