مضطرة اسافر لندن وانا باخر السابع!! اخاف اولد هناك

[&رعبوووبه&]

مرحبا بنات


بإختصار ...


مضطرة اروح لندن علاج بنيتي عندها عيب خلقي بالقلب وعلى تشخيص الصدري انها ممكن تسوي العمليه بعد سنه او سنتين عادي اللي صار ان القلب تضخم عندها من ضغط الدم ع الصمام الضيج فلازم تسوي العمليه بسرعه وبعد الواسطات والحوسه بنسفرها الحين بس ناطرين الموعد من المكتب الصحي ب لندن

وبصراحه خايفه لا اولد هناك .. تعرفون وحدة ولدت هناك وشلون ولادتهم وباي مستشفى

تكفون بنات ردوا علي بس احاتي*

 

[NoOoBy]

الله يشافي بنتج انشالله وماتشوف شر

والله يقومج بالسلامه



وماعندي فكره عن الولاده هناك





:n2006107:

 

[كويتيه مذهله 87]

الله يتمم عليج يارب انتي بس تروحين هناك ان شالله كلها سهالات يارب
,,,

 

[*ريما*]

رد : مضطرة اسافر لندن وانا باخر السابع!! اخاف اولد هناك

اهم شي تولدين بالسلامة ولا تحاتين
وربي يشافي بنتك يارب

 

[أم شيــ@وخة]

رد : مضطرة اسافر لندن وانا باخر السابع!! اخاف اولد هناك

الله يشافي بنيتج ويخليها لج ان شاء الله
بالنسبة للدكاترة انا اعرف دكتور محمد الطرنيسي اختي كانت عنده اهناك علاج تأخر الانجاب
فما أدري اذا كان يولد بس اتوقع اكيييد اي لانه قال حق اختي قعدي لين تولدين
والدكتور راح تلقين الكويتيات كلهم عنده واهوا يتعامل مع المكتب الصحي الكويتي سأليهم عنه
الدكتور وايد شاطر

 

[ام عفاف الكويت]

قلبي مادري ماصادفت حامل هني عندنا بالمانيا كلنا يايين علاج ماعدا بنت سوت عمليه وامها لحقتها لما ولدت وخلت ياهلها بالكويت ويت طيران تشوف بنتها والحمدلله راحوا :wqedqw:
الضني غالي وربي يششافيها لج ويعافيها ويخليها لعين ترجيها يارب
ويشافي ولدي ونرد وديري بالج بدون خدامه لاتسافرين

 

[بدووورة]

مادري والله

بس الله يسهل عليج يا قلبي

 

[غلاي غير]

الله يشافي بنيتج وتروحون وترجعون بالسلامه

اعرف وحده ولدت هناك وسهاله ان شاء الله بس صج الله يعينج
بتجابلين منو والا منو يعني انفاس وبيبي صغير والا بنيتج التعبانه

توكلي على الله بنتج محتاجتلج ومحد يضيع انتي سالي هناك وسهاله بس فلوس الولاده عليج محد يتكفلها هناك

 

[قـہۈه فـرنسيـہ™]

الله يسهل عليييج وتولدين بالسلاامه أهم شي ...

بالنسبه للدكاتره ماعرف ...بس الأفضل ترووح معاج 1 من خواااتج أو أمج

 

[@ام يوسف@]

رد : مضطرة اسافر لندن وانا باخر السابع!! اخاف اولد هناك

الله يشافي بنتج ويخليها لج وتشوفينها عروس وتشوفين عيالها يا رب وان شاء الله تولدين بالسلامه

 

[شقرا كويتيه]

رد : مضطرة اسافر لندن وانا باخر السابع!! اخاف اولد هناك

حبيبتي ماعندي فكره بس ماحبيت اطلع وماادعيلج الله يشفي بنتج ويهون عليج يارب

 

[الله كرريم]

رد : مضطرة اسافر لندن وانا باخر السابع!! اخاف اولد هناك

الله يشفي بنتج ويسهل عليج ,, رعايتهم حلوة , ليش خاايفه ؟

 

[reem83]

الله يسهل عليج ابصراحة ماعندي خبرة بالسوالف هذي بس ليش ماتولدين وتروحين احسن من يصير فيج شي لان الطيارة مو زينة لج بالوقت هذا او تخلين احد يروح من خوات زوجج او امج او امه

 

[NODA 2]

همممممممم اهم شي حاولي تسافرين قبل لا تكملين 35 اسبوعين لا انه ممنوع تسافرين في الفتره

 

[&رعبوووبه&]

حبيبتي ماعندي فكره بس ماحبيت اطلع وماادعيلج الله يشفي بنتج ويهون عليج يارب

مشكورين عالدعوات الحلوة الله يجزاكم خير

 

[احب المنتدى]

رد : مضطرة اسافر لندن وانا باخر السابع!! اخاف اولد هناك

الله يشافي بنتج و تلردين ان شاء الله بالسلامه قبل لاتولدين

 

[الــــغاليـــه]

رد : مضطرة اسافر لندن وانا باخر السابع!! اخاف اولد هناك

:yaaaaaarb:

 

[sharoo_e5]

اخدى معاج تقرير طبي بحالتج الصحية عشان بالمطار راح يتكلمون معاج

وحاولى تلبسين شال تغطى فية بطنج ما تبين كبيرة

والله يشفى بنتج يا رب وتردين انتى وياها بالف خير


وترا الولادة برة الكويت وخاصة بالدول الاوربية حلوة

والله يسهل عليج​

 

[موله الكويت]

الله يصبر قلبج على فراقها
عظم الله اجرج حبيبتي

 

[qazlaan]

حبيبتي حياج عندي لا تخافين ولادتهم حلوه والاحلى الاهتمام ورعاية المولود وامه انا عندي اثنين وجبتهم في لندن اهتموا فيني وف عيالي حيل