مضر او مفيد تعالوا قولولنا

[mooma]

السلام عليكم و رحمة الله و بركاته
شلووونكم بنوتات كرووشات بطبوطااات
عسااكم بخيير
يالله ما علييه لااااحقتكم انا بالكرووشه لوووول
المهم انا بغييت اتشااارك معاكم بهالموضوع
و خلنا نفيد و نستفيد
انا الصراحه وحده قبل كنت اعلم خواتي شنو مفيد ياكلون و اهم حمل لاني كنت اقرى
الحين الله وكيلكم من حسيت او بالاحرى دريت اني حامل كل اللي كنت اعرفه تبببخخرررررررررررر و طاااااار
فبلييز بنات
كل وحده فيكم تعرف شنو مفيد و شنو مضر خل تكتب
يعني انا مثلا الحيين صايره وااايد احب الفلافل مع ان قبل ما تهزني
مادري لييش نفسي هافه عالفلافل بس مادري هل اهي مفيده ولا مو مفيده مادري !!!
و صايره احب الفلفل الحااار و هم مادري هل زين ولا مو زيين مادري
فخلوونا نتشارك و منو عندها معلومات حابه تضيفها
او اشياء مفيده تحب تعلمنا اياها و اشياء مضرره تبي تحذرنا منها خل تقوول و ان شاء الله كلنا بنستفييد​

 

[مناوووي]

الله يتمم عليييييييييج ياااااااااااااااااارب

 

[tho tho]

رد : مضر او مفيد تعالوا قولولنا

هلا حبيبتي
عن تجربه شخصيه ترى الكبده ( الجبده ) مضره للحامل ديري بالج
الله يتمم عليج حبيبتي

 

[mooma]

امبييي توني ادري ان الجبده مو زينه !!!
عاد قاعده اخطط عالجبده زييين قلتي

يالله الباجي نبي مساعدات نبي الكل يستفيييد

 

[عيون ناعسه]

رد : مضر او مفيد تعالوا قولولنا

هلا يالغاليه
انا الحين بالثامن وكنت اموت بالفلفل الحار وكنت اكله لحاله اول حملي ماصارلي شي الا اذا ناس عن ناس يمكن مايناسبك مادري مو تدعين علي بعدين وغير كذا انا اكلت الكبده لحد ما انفجر راسي وماصار شي بس مثل ما قلتلك لا ناس عن ناس فما ادري عنك انتي اخاف ارحامك ماتتحمل

دعواتك لي اني اقوم بالسلامه

 

[raneen]

رد : مضر او مفيد تعالوا قولولنا

الله ايقومكم بالسلامه يارب واب لعيونج حبيبتي....

 

[الغضى]

شاي الزعتر والمرامية والزنجبيل وهالأعشاب
حتى لو القليل منها
تضعف الرحم

 

[_ظل الياسمين _]

اب اب.

 

[mooma]

بناااات وييين التفااعل شدعوه عاد
الحين كل الاكل اللي ناكله و ما تقدرون تكتبون شنو مفيد و شنو مو مفيد !!!
الحين الفلافل زينه ولا لا ؟!

 

[mooma]

بنات شدعووه وينكم
عالاقل رفع و كلها كلمتين مفيد ولا مضر !!!

لا تدقروني

 

[noshy]

رد : مضر او مفيد تعالوا قولولنا

اب اب

 

[أحب الصدق وأعمل به]

الجزر اول الحمل مو زين الله يكافينا الشر يسوي تشوهات بالجنين الدكتورة معصومة مخصيد قالت لاختي وبعد الجبدة الله يحمي كل حامل وعيالنا

 

[..’’ياقلبـك الخوّاف’’..]

لاتشربين حليب اول خمس شهور عشان مايكبر راس الجنين ويكبر وتوهقين لاجا ينزل ..وبعدها اشربي حتى الدكتوره اول الاشهر ماتعطيك كالسيوم وبعدها خمس شهور تقريبا تبتدي تصرفلك الكالسيوم

 

[Mednight Rain]

رد : مضر او مفيد تعالوا قولولنا

خووووش موضوووووع

شوفي حبيبتي ابتعدي عن أي شي سبايسي حار وابتعدي عن
الأعشاب ( ميرامية - زعتر-رشاد-...)
الزنجبيل ( لانه حاار)
عن الاسماك الي تحتوي ع زئبق
عن الجبدة
عن المنبهات ( شاي قهوة ) قللي منها
المشروبات الغازية ( بيبسي ..)
عن اي حبوب الا الفوليك اسد في بداية الحمل لانها مرحلة خطيرة وتوقت تكوين الجنيين


انا منزلة موضوع عن التغذية شوفيه

واللي تقول عن الحليب مو زين ، من وين يبتي هالكلام ؟؟
انا دكتوري قالي لازم كوبين حليب باليوم

والجزر اول مره اسمع عنه

 

[mooma]

انا صرااحه احب الجبده !!!
و هذيك اليوم طالعه من الكليه على طوووووول على اقررررب مطعم لبناني عشان جبده مع دبس
ليش مضره شفيها !!!
امبيي عاد انا وايد احبها
و الفلفل واايد ترى اكل فلفل و احبه
انا كل ممنوع مرغوب غير شي !!!

 

[سلمت لغلاك رقاب]

رد : مضر او مفيد تعالوا قولولنا

بالعكس حبيبتي الكبده مفيده للحامل عشان فقر الدم وهذا كلام الدكتور لي لما كنت حامل الله يسهلك يارب

 

[حـوراء]

رد : مضر او مفيد تعالوا قولولنا

مبروك الحمل عزيزتي والله يجعل طفلك من مواليد الرحمة يا رب

أول ما قريت الموضوع على طول خطر في بالي السفرجل لأن هذا أوانه واهوى نادرا يتحصل فـ بما أن ألحين وكته انتهزي الفرصة واخذيلج فوائده جمة , مفيد لخُـلق الطفل وخـِـلقته
طعمه ثقيل شوي بس تقدرين تاكلينه حلو وفيه شوية حموضة
وعن النبي "صل الله عليه وآله" : (كلوا السفرجل وتهادوه بينكم ، فإنه يجلو البصر ويثبت المودة في القلب وأطعموه حبالاكم فإنه يحسن أولادكم)
وعن الإمام علي "عليه السلام" : (أكل السفرجل قوة للقلب الضعيف، ويطيب المعدة ويذكي الفؤاد ويشجع الجبان، ويحسن الولد).
وهذي صفحة موضوع أحد البنات اللي معانا بالمنتدى عن فوائد السفرجل
http://www.q8yat.net/showthread.php?t=198180

********

السمك وما أدراك ما السمك , لو تاكلينه مرة في كل اسبوع أو كل عشر أيام وايد مفيد لعقل الجنين وجسمه وللمرأة الحامل بعد , مرة كنت أشوف حلقة من برنامج دكتورة فوزية دريع كانت مستضيفة دكتور يقول أن المرأة الحامل تفقد ركيزها وذكاؤها بنسبة معينة بسبب الحمل وعلى ما ترجع إلى نسبتها الطبيعية تاخذ لها مو أقل من سنتين إلى ثلاث سنوات يقول بس المرأة اللي تاكل وهي حامل سمج اسبوعيا هي أسرع بأضعاف في العودة إلى النسبة الطبيعية وبنفس الوكت تظل فائدة السمج حتى لي بعد الولادة , وهذا بسبب وجود الأحماض الأمينية المساهمة في خلق الذكاء
وهذي صفحة إذا حابة تقرين عن فوائد السمك للحامل وجنينها
http://www.alm7tarfin.com/vb/t18332.html

********

الحليب مو أقل من كوبين باليوم لأنه يحتوي على أهم العناصر مثل الكالسيوم واليود والفيتامينات وكل شي يحتاجه الجنين لنمو عظامه وأسنانه وأنسجه جسمه وحتى مفيد لعقله , وحى مفيد للمرأة الحامل يزيد من إدرار الحليب من صدرها بعد الولادة

********

التمر وجبة غذائة متكاملة , إذا حسيتي روحج ما تغذيتي عدل بيوم اخذيلج سبع حبات تمر واكليهم جذي تكونين سديتي حاجة الجسم من بروتينات وفيتامينات وكل شي لأنه يحتوي على جميع العناصر المهمة , بس بما أن التمر مفيد لتسهيل الولادة فــ مو شرط تاكلين 7 حبات يوميا تقدرين تقللين أو يوم وترك , وبالشهر التاسع وبالنفاس كثري منه لأنه مستحب بعد

********

أنا كنت آكل فلفل وليمون (أصلا أتنسى عليهم) وجبدة وبقدونس ومنجا وكل شي , بس باعتدال , الخوف مو أنج تاكلينه الخوف من كثرته
شيئين بس منعتني منهم الدكورة منعا بااااتا حتى زوجي حفظها من كثر ما تقولي إياه (ببايا آند أنناس نوووو) , يعني كلشي تقدرين تاكلين بس باعتدال دون إفراط والمرامية والأعشاب والزنجبيل وهالسوالف حارة على الرحم بعد مو زينة

وفي أشياء ثانية مهمة غير الأكل , مثل الاهتمام بالمعنويات والنفسية والرياضة والحركة في الهواء الطلق ولو بشكل بسيط وايد مهم لأنه يبعث على الارتياح والاسترخاء
مرة سألوا دكتور شنو أفضل رياضة تمارسها المرأة الحامل ؟؟
قال الصلوات الخمسة في وكتها مع الطمئنان والخشوع , هذي أفضل رياضة لجسم المرأة الحامل وبنفس الوكت الخشوع يخلق عندها حالة معنوية مرتفعة جدا تحس اهيا بارتياح , وحقيقة أجروا بحوث في الدول الغربية على أن حركات الصلاة بأكلمها أفضل رياضة للحامل

سامحيني تكلمت وايد بس حبيت أقدم شي من اللي أعرفه وإذا حبيتي أقدملج أكثر ما عندي مشكلة لأن حاسة فيج وبحماسج ومريت بهالحالة في بداية الحمل ولما ألحين أنا حريصة وايد على هالأمور .. أعتذر مرة ثانية على الإطالة

الله يهون عليج وعلى جميع الحوامل يا رب ​

 

[mooma]

حبيبتي بالعكس كلامج واااااااااايد مفيد
يعطيييج العااافيه والله ما تقصرين
و نساتج جنها نساتي ابي ليمون و فلفل و تبووله و جبده و منجا مقطع بالعصير !!

 

[yummy girl]

اب اب اب اب

 

[أم حمودي**MALL**]

طبعا الخضروات والفواكه احسن شي وابتعدي عن الدسم والمقليات والوجبات السريعه