مضايقني وضعي

[Um Tuki]

أنشغلي فـ بينتج
هي أولى بأهتماماتج
و بعدين حطي في بالج كثر المراقبة و الخنقة الريال يطفش
محد يستحلم هالوضع
لا مرة ولا ريال

خفي عليه

انشغلي في بنتج

اقري بالنت مواضيع عن اليهال


لما إييج الياهل الثاني ما بصير عندج وقت حتى حق روحج

 

[tolay]

مشكورين بنات على النصايح ماقصرتو

 

[pinky_3soola]

سلام عليكم

امممم ترا هذي مومشكله كل السالفه أنج بسرعه تشتاقين حق زوجج

مو مشكله إذا مره طلع و يالج نفس هالشعور أنج مشتاقتله أو ودج تكلمينه أو تبينه يكلمج على طول فزي من مكانج و فنتكي يعني جهزيله عشا رومنسي أو كشخيله أو سويله ليله مميزه مثلا يعني ليله مساج أو ليله أفلام يعني جذيي حركاات و تقدرين مثلا أنج تكشخيين و تصورين نفسج جذي صوره مغريه و اطرشيله الصووره يعنيي جي سوي فناتك و أكشن شويه

أذا كنتي بيمعه وشفتي تلفونج و مو مطرشلج شغله أنتي تحرشي فيه يعني سأليه أشلونك يا عمريي و جذيي من هالكلام المعسول

يعني حاولي تكسبين هالفراغ لصالحج خلج دووم المحور الأساسي في حياته :rerrerek:

في وايد أفكار حلوه بالنت شغلي وكتج بهالفناتك و هالسوالف و حببي زوجج فيج أكثر جذي راح تخليينه يشتاقلج و يرد البيت أسرع لأن يدري أنج راح تسويله مفاجأه:rerrerek:

الله يوفقج يا رب و يخليج لزووجج و لا يحرمكم من بعض

 

[86روعـه]

انا نفسج بس على اصعب
بنتيعمرها شهرين يبيلها عنايه خاصه وماتاخذ كل وقتي صراحه لانها تكون نايمه وتقعد بوقت الرضعه او بجي مفاجئ
وماقدر اطلع مكان الا لمن يوافق عليه ودايما مايرضى اطلع فمحكورة بالبيت

 

[86روعـه]

انا نفسج بس على اصعب
بنتي عمرها شهرين يبيلها عنايه خاصه وماتاخذ كل وقتي صراحه
لانها تكون نايمه وتقعد بوقت الرضعه او بجي مفاجئ
وماقدر اطلع مكان الا لمن يوافق عليه ودايما مايرضى اطلع فمحكورة بالبيت
والحين ماخذه اجازه بعد وماعندي احد اقابله واسولف عليه غير خدامتي وبنتي ام شهرين هههههه
الله يعيين بس

 

[tolay]

روعه

الله يكون بالعون

 

[tolay]

روعه

الله يكون بالعون

 

[هيبة ملك]

اشغلي نفسك. عنه

 

[كويتيه مذهله 87]

عاد الريال مايحب هالطبع من زوجته
صج يحب الاهتمام
بس مو بالشكل

حاولي تطمنين عليه بس بدون حنه فهمتي يعني مو كل ساعه علشان لا يمل

 

[farina]

انا قبل كان هوه ينطر مني اتصال و مسج و يراقبني الحين بعد اثنين اعيال صار لو تمر ايام مايقولي اشلونج حتى
مايتصل يسال عن اعياله دايما يقولي شيليني من راسج و قعدي فبيتج ربي اعيالج هههههه
طيب اذا انا احتجك اشلون الريال الزوجه بالنسبه له خصوصا بعد ماتجيب يهال تصير مجرد زوجه و ام اعياله بس . زوجي يقولي شنو انتي مراهقه تبين
ادق عليج كل شوي تبين اقولج كلام حلو تبي تطلعج هههههههه شي فعلا يضحك

 

[popa]

مايصير اتخلين زوجج شغلج الشاغل غلط غلط
حاولي تفجين شوي عشان يحبج ويشتاقلج
المراه الي تلحق الريال الريال ينحاش والمراه الي تبعد عن الريال الريال يلحقها اخذيها قاعده

 

[boliana_q8]

غلط الزوج مو كل شي بالدنيا
لازم تحطين في بالج ان زوجج اضافة حلوة لحياتج لكنه مو كل حياتج

اهو له وقته الخاص وانتي لج وقتج
وصدقيني اذا ماقمتي تسئلين عنه اهو راح يفقدج ويسأل
لاتعودينه انج انتي الي تحاتينه وتخافين عليه وتشتاقينله

 

[سنة خير]

ادعي ربي يربط على قلبج ولا يشغلج الا في طاعة ورضاه
والبنات ماقصرن بس ادعي ربج يمكن هذا من عمل ابليس
عشان تلهين عن ربج وتتعبين وبنفس الوقت يتأذى ريلج
وترى كلنا مرينا بحالتج حبيبتي

 

[tolay]

ماشاءالله بنات كلامكم حلو


جزاكم الله خير على النصايح

 

[tolay]

ااااب

 

[صاحبة الكلمة]

انزين بدال ما تراقبين و تصيرين برج مراقبة ليش ما تدرين له مسجات حلوه ؛)))) عالاقل يحس في حبج لان أنا اللي أشوفه مو فراغه كثر ما هو شوق عشق ،، وجهة نظر
حتى لو كثرت مسجاتج عادي ترا مو معاناته إنج تزعجينه مسج يتلفون ما يزعج بتاتا ً،،، احنا 2014 يعني يقدر يضغط يمين التلفون بابهامه و يخلص !!! هذا اذا انتي خلفيه إنج تكونين مصدر ازعاج مع أني أعيد و أقولك اذا التزمتي بالأسلوب الحلو و المسجات الحلوة مراح تكونين مصدر ازعاج أبدا

 

[الهام الراشدي]

حبيبتي لازم تتخلصين من الفراغ لان راح يوصلج للشك بريلج ( اهتمي ببنتج العبي وياها حوطي اننتي وهي ,, اهتمي بعمرج ببشرتج وشعرج وجسمج وحاولي تشتركين بنادي رياضي وبصوالين) وربي يحفظم ويحخليلكم بنتككم

 

[-فلانة-]

لو إنج توج عروس نقول يا حيل الله عادي وضعج و تبين تحسين بزوجج 24 ساعة يمج،
بس صارلكم 3 سنين الله يتمم عليكم و بينكم بنت يعني المشاعر الثايرة هذي تهدي و تطخ و المفروض بالج مرتاح و مشغول بأمور ثانية غير انج تراقبين زوجج، و عندج بنوتة صغيرة يعني أتوقع بحروة السنتين و أصغر، يعني وضعج لوية معاها الله يحفظها و المفروض و الطبيعي انه مخج و تفكيرج معاها بالدرجة الأولى،
تصرفاتج تصرفات وحدة شايفة شي على زوجها أو طايحة عليه بشي من قبل و الثقة فيه انهزت،
اذا كنتي تراقبينه من مبدأ الشك فهذا موضوع ثاني،
أما إذا إنتي قاعدة تراقبينه لأنج حاسة إنج فاضية و مافي شي بمخج يشغلج فتفكيرج فيه خلل، و أكيد مليون بالأمية إنتي مقصرة بشغلات ثانية و هاملتها و انتي مو حاسة لأن اللي بوضعج موظفة و عندها بيبي كلللللش ماراح يكون عندها وقت تحاتي ليش مادق زوجها و جم مرة دخل الواتساب و متى اخر مرة دق علي و الخ...
شوفيلج شي تسوينه، حطيلج جدول حق يومج، قسمي وقتج، تعلمي شغلة يديدة، طبخي طبخات يديدة، نظفي بيتج، مارسي الرياضة ترى لها دور كبييييير بتغيير النفسية مو بس عشان صحة جسمج حتى حق صحة عقلج، التلفزيون متروس قنوات أشكال و ألوان، حطيلج شوتايم و قعدي طالعي قنواتهم الوثائقية تهببببببل، عزمي رفيجاتج على استكانة چاي لو ساعة بالأسبوع، سوي خلطات حق جسمج و شعرج، دشي مواقع و تعلمي شلون تلعبين مع بنتج الله يحفظها و شنو الألعاب اللي تنمي ذكائها،أمبييييه ماراح أخلص لو أعدد شنو الأشياء اللي ممكن تسوينها و تلهيج و تخلي نفسيتج عال العال.
أهم شي شيلي من بالج فكرة إنه مخج فاضي، ترى عقلج يصدق اللي إنتي تقولينه له، مخج مو فاضي و يستحيل يصير فاضي بس إنتي مو عارفة تستثمرين وقتج صح.
استثمري وقتج و استثمري قدراتج صح و حزتها بس راح تتمنين يصير عندج ساعة فراغ بس تلقطين نفسج،
وبعدين خفي على زوجج، الإنسان بطبيعته ريال والا مرة ما يحبون شخص يوقف على راسهم 24 ساعة، فيه شي اسمه خصوصية، و في شي اسمه تعطينه مساحته و راحته يمارس حياته طبيعي من غير ضغوطات منج،كثر ما أتكلم ماراح أخلص بس ترى جد ما عندج مشكلة ولا شي، بس انج مو مستغلة وقتج و هالشي وايد بسيط و حله سهل و ما ياخذ منج اكثر من ساعة تسوين فيها جدول حق يومج و تطبقينه و بتشوفين نتائج هالشي بنفس الوقت.
هذرت وايد أدري بس ان شالله من ورا هذرتي فايدة لج.

 

[tolay]

ماشاءالله ردودكم حيل حلوه

صاحبه الكلمه

بالعكس ادزله مرات حجي حلو بس اللي احاتيه ان ودي من طرفين موبس انا




الهام الرشيدي

مشكوره حبيبتي على الرد

 

[tolay]

فلانه

ردج حلو ماشاءالله

شوفي بالعكس لما كنت عروس ماكنت اسوي كل هذا انا بلشت بهالشي لان صارت بينا مشكله غيرت وايد شغلات بينا مومثل اي هوشه عقبها صرت حساسه وقعت اجيك واراقب موقصد بس شعور لا ارادي وهم مرات احس بفراغ شغلات مختلطه

بس على قولتج لازم اخلص من هالسالفه عشان لا اتعب وايد شغلات اقدر اسويها

مشكوووره علر الرد عجبني كلامج حسيت بتفاؤل