مضايقني وضعي

[tolay]

السلام عليكم ورحمة الله وبركاته



اول شي انا متزوجه من 3 سنين وعندي ياهل واحد ومشكلتي متعبتي خالاشرحلكم شلون

انا متزوجه وعندي بنت وموظفه يعني اكيد بتحطون بالكم على هالحال عيل انا موفاضيه ولاهيه بس العكس !!

احس روحي فاضية وبالاصح مخي فاضي وهالشي مضايقني ومأثر على علاقتي مع زوجي ا!! اقولكم شلون

اولا هالشي متعبتي مثلا مخي فاضي وطاقتي تطلع على زوجي يعني مثلا رحت دوام واهوه بدوام اقعد اراقب تلفوني اشوف دز شي دق علي اقعد اجيك عالتلفون

رحت مثلا عزيمه اسولف اكون مستانسه بالعزيمه بس اطالع تلفوني مثلا اشوفه ماكتبلي شي اضايق او ماسئل عني !! واهوه عادي مرات يسئل مرات ينشغل

مثلا طلع وانا بالبيت مخي معاه ان متى ايي !

كتبتله واتس اب مثلا اطالع تلفون اشوفه رد مارد

بختصار مخي فاضي ومشغول فيه هاا وينه الحين ليش مادق ليش ماسئل متى يرد البيت

هالشي متعبني ابي احاول اتخلص منه ابي انشغل عنه ابي اعيش يومي عادي متى مادق دق متى مادز دز سئل عني ماسئل ماتفرق معاي ابي اكون مشغوله وموفاضيه لهالتفكير ابي اكون مشغوله بيومي موتفكير ومحاتاة ابي اشغل وقتي

ابي افج عنه شوي مابي اصير لزقه وخاصتا طبع زوجي اجتماعي يحب يمعه ناس ودواوين مو مثلل فاضي وكله بالبيت

وهالشي صارله جم شهر بس مو من اول ماتزوجت

ياريت تعطوني حلول وشكرا

 

[قطرية كشخة]

اممممممم بسيطة مو تقولين عندج بنت انشغلي فيها وديها العاب ونظمي يومها كمر عمر بنتج

 

[latkt7as]

مريت بهالحاله

بس الفرق اني مو موظفه

وعندي ولدين

للحين عقلي مشغول فيه بس احاول اشغل نفسي

بالنت بالنوم باب شي

عشان اذا لزقت فيه حيل تعلقت اكثر وزهق

 

[فيلسوفة قلبي]

مريت بنفس وضعج عزيزتي ..

كل شوي أطالع التلفون أشوف يوصلني شئ منه ولآ لآ

وإذا ما دز شئ يضيق خلقي وأتعوفس ..

بس بعدها قررت أترك له المجال صرت في أوقاتي أدش النت أقراء الكنت

أتابع أفلآم وبكذا شوي شوي حتى نسيت موضوع التلفون والمراقبة

 

[جامعيه طموحه]

عادي تصير معانا مو بس للزوج لان انا مو متزوجه بس مع رفيجاتي مثلآ او اهلي ..

بس كونج موظفه ماعتقد بيشغل وقتج الا اذا كنتي تحبين شغلج واذا لا بالنسبه لج بتملين اكثر

يعني معنى كلامي انه شغلي نفسج بشي انتي تحبينه عشان ماتملين بعدين

طلعي مع رفيجاتج واذا عندهم بنات اخذي بنتج معاج وطلعوا بناتكم ودوهم العاب شي وقعدوا بكافيه او مطعم وسولفوا بتحسين بوناسه معاهم وهدي فونج بالجنطه ولا تطلين عليه الا عشان تعرفين الوقت

روحي زوارات وقعدي سولفي لين تملين

سوي شي انتي تحبينه مثلآ هوايه معينه اشغلي نفسج فيها مثلآ اكاونتات وصفات الطبخ بالانستغرام وااايد تفنني بالاكل وسوي حلو بطريقه يديده منها تشغلين نفسج ومنها تعجب ريلج وبنتج

جربي مثلآ تطلعين بيت اهلج زواره ولا شي وتنسين تلفونج بالبيت ( بس يمكن يزفج عليها يوقولج شلون تنسين فونج بالبيت مابي اتحمل ذنبج) ولا خلصتي وتبينه يمرج اذا مامعاج سياره دقي عليه من تلفون الاهل وبجذي ماراح تطلين بفونج لانه مو معاج اصلآ

وعطي الريال مساحه عشان يشتاقلج ويبارد هو بس مو معناها انج ما تسئلين عليه بالدوام بالمره لا يعني السؤال ما يضر اذا كان مره بس كثرته اكيد بتملل وبالتالي نتائج هالانشغال الزايد فيه بتضرج

 

[جامعيه طموحه]

سوري على بدلياتي

يوقولج = يقولج

ويبارد = و يبادر

 

[لذه السكر]

شغلي نفسج طوريها جابلي بنتج اكو وايد نشاطات تسوينها وكله بدون لاتطلعين من البيت بطلي يوتيوب كللللللللللل شي فيه

اهم شي دوري شي انتي تحبينه

طبخ دشي دورات واشتري كتب وطوري هوايتج كل يوم سوي شغله كيك معجنات

الفاشن تعلمي تصميم ازياء ورسم البترون

اشغال يدويه هم تعلمي وطوري نفسج سوي شغلات للبيت

ميك اب دشي يوتيوب تعلمي تعلمي تساريح

رياضه او رقصه معينه

بنتج اذا تفهم اقريلها قصص رسمي معاها حفظيها سوره قصيره

اكو وايد اشياء تسوينها بس الاهم انج من داخل تبين التغيير حطي ببالج الريال ما يحب المره اللزقه لازم سبيس ولازم يحس انج مشغوله عنه

 

[البارونـه]

جدا عاااااااادي
كلنا جي مو شرط مع الزوج ، كلنا اتينا هالحاله المليغه بس لا تخافين مده وبتروح حتى لو تمت شهور
الانسان طبعه ملول مردج تتمللين وتلهين خاصه انج مو فاضيه وعندج شغل وبنت الله يخليها لج
بس اهم شي ماتبينين له او تعاتبينه عشان مايحس انج لازقه فيه او نكديه

 

[Shoshaa_q8]

انا هم نفسج بس كنت مثلج اول الشهور و حاولت اشغل نفسي شريت اي باد و و اسولف مع رفيجاتي و اطلع مرات مع البنات و ازور يعني انشغل و اذا رحت لاهلي الهي نفسي عنه لدرجه الحين اذا رحت لاهلي مع انه ثقيل يدز و يسال
تدرين شلي خلاني اوخر عنه ؟! لاني حسيت نفسي قاطه نفسي حيل عليه و صار ما يسال و هذا غلط عوديه يحاتبج
و ترى السالفه كلها تعود بالاول تصعب عليج و بعدها يصير اوك
بس انتي عندج بنت طلعيها ووديها و اشغلي نفسج معاها لعبي معاها

 

[ام فله]

شوفي شنو اللي خالج بهالحاله

أكيد مريتي بتجربته او سمعتي شي

خلى ردة فعلك جذيه

راجعي نفسج وفكري لين تلقين السبب

وإذا عرفتي السبب راح يكون الموضوع سهل

ناقشيه أهو او احد عاقل من صديقاتج بهالسبب وراح ترتاحين وتتخلصين من هالشعور اللي يخليج تتصرفين بهالطريقه

واستعيني بالصلاة والدعاء ان الله يطمن قلبج

وان الله لايشغلج بأحد عن طاعة ربي وذكر الرحمن

الله يسعد قلبج ويريحج

 

[ام فله]

شوفي شنو اللي خلاج بهالحاله

أكيد مريتي بتجربته او سمعتي شي

خلى ردة فعلك جذيه

راجعي نفسج وفكري لين تلقين السبب

وإذا عرفتي السبب راح يكون الموضوع سهل

ناقشيه أهو او احد عاقل من صديقاتج بهالسبب وراح ترتاحين وتتخلصين من هالشعور اللي يخليج تتصرفين بهالطريقه

واستعيني بالصلاة والدعاء ان الله يطمن قلبج

وان الله لايشغلج بأحد عن طاعة ربي وذكر الرحمن

الله يسعد قلبج ويريحج

 

[Aloe Vera]

اهتمي في بيتج و بنتج و مارسي هواياتك و زيدي عباداتج و اخذي دورات و حضري ندوات
خلي يكون عندج جدول اعمال و انشغلي بس مو تتسين زوجج بعدين!
وشاوري زوجج قبل

 

[الينبوعة]

اعتقد هاي الحاله عدنا كلنا حبيبتي لاتضوجين

 

[New_bride]

مريت بهالشي بداية الزواج
كنت انتظر مسجاته وانا فالعزايم والاعراس

بس الحمدلله الحاله اختفت
صرت اشغل نفسي واطلع وقبل كل طلعه اخطط شنو بسوي وين بروح عشان اقضي الطلعه وانا عارفه شنو ابي واكون مشتطه ومافكر فيه

 

[سور المدينه]

نفس الحاله
حتى وانا نايمه افكر فيه وشاغله نفسي فيه

 

[يستفزني غلاك]

انا عكسج تماما
سبحان الله
انا ودي انشغل بزوجي انا مومقصره الحمدلله بس بخاططططري يكون كل همي اكشخله ابي يشغلل بالي ابي يكون تفكيري شنو بلبس له و ششنوووو وشنووو بسويله بس كل هذا له سبب و انتي اكيد اللي فيه له سبب عسى الله يصخرلج زوجج و يسخرلي زوجي

 

[يستفزني غلاك]

انا عكسج تماما
سبحان الله
انا ودي انشغل بزوجي انا مومقصره الحمدلله بس بخاططططري يكون كل همي اكشخله ابي يشغلل بالي ابي يكون تفكيري شنو بلبس له و ششنوووو وشنووو بسويله بس كل هذا له سبب و انتي اكيد اللي فيه له سبب عسى الله يصخرلج زوجج و يسخرلي زوجي

 

[Jana123]

نصيحه مني كل مالزقتي بالريال وتسالين عنه زياده وتحنين راح ينحاش منج عن تجربه والله والكل يقول حتى مستشارين الحياه الزوجيه لهي نفسج ببيتج باهلج وبولدج وبنفسج اهتمي بنفسج وحبيها مو معناته اطنشين بالريال وماتهتمين لا بس ساليه مره وحده باليوم ولاتحققين معاه لانه راح ينحاش ويزهق

 

[Jana123]

بالاجماع الرياييل مايحبون المسجات والاتصالات الزايده

 

[امـ خــزامـى]

ياقلبي انت عودتي نفسك على هالشي


الطريقه امسكي نفسك كل ماحسيتي برغبه انك بتفتحين الواتس او الفون كله بس عشان بتشوفين زوجك ارسل او لا
لاتفتحينه

وتحمللي ولا تحطين فونك بايدك دخليه بالشنطه
ولاتطلعينه الا اذا تبين منه شي


وبتتركين هالعاده وبيخف شوي من هالتعلللق بالزوج

وادخلي قروبات وانستقرام فيه اكاونتات تهبل تحمس للقرأه اذا تحبينها


واذا ماتحبين القراأه عندك اليوتيوب والافلام


اشتركي بنادي او انت كل ماحسيتي انك تبين تمسكين فونك قومي سوي
رياضه صعود الدرج او قفز الحبل او تمارين سويديه


موفقه