مصيييييييييبه يا بنااااااااااات فضييييييييييييحه البنت رااااااااحت

[اسوووره]

السلام عليكم و رحمة الله و بركاته ...










اول شي ... اشلونكم شخبااااااااااااااااركم يا بنات والله لكم وووووووووحشه ...

ثاني شي ... فديت اللي افقدوني و سالو عني و هم اللي ما افقدوني ولا اسلو عني ...

ثالث شي ... اللي بقولون وين هالغيبه بقولهم فديتكم والله اشوية ظروف و مشاكل و فوقهم لوية البيت و اليهال ...


رابع شي ... بدش بالموضوع اللي شاب بقلبي ناااااااااااااااااااااار و شرااااااااااااااااااار ...


يا طويلات العمر ذاك اليوم بزوارة بيت الوالده و يتني اختي عمرها 14 سنه و قلتلي اسوره ابيج بوضوع انا مادري ليش قلبي انخبص و قام يرقع قتلها اشفيييييييييييييج ؟؟؟ مادري ليش اخترعت مع اني اختي كلللللللللللش ما اشك فيها لانها واااااايد على النيه وملتزمه وايد ...

قالتلي السالفه مو لي حق فلانه (( فلانه اللي اهيا رفيجتها حييييييل )) قتلها انزين شنوووو ... قالتلي اهيا قالتلي اني اقولج لانها تبي رايج لانها تدري انه انا مو بس اخت خواتي الكبيره الحمدلله انا معودتهم اني رفيجتهم وما يغبون علي شي ...

اهني قعدت ناطره اختي تتحجى ومادري ليش قلبي يرقع و خايفه مع اني اعرف اختي و اعرف رفيجتها هم بنيه ملتزززززززمه و بنت عايله محترمه و تربيتها سنعه ...

جان اختي تبطل حلجها و تتحجى جان تقولي انه رفيجتها تعرفت على وحده بالنت و البنت اللي تعرفت عليها وايد زينه و محترمه و اكثر سوالفهم عن الدراسه و انه ذيج كانت تنصحها نصايح دينيه و انها خوووش بنيه ...

المهم بعد فتره ذيج البنت دزت صورتها حق رفيجة اختي و قتلها دزيلي صورتج و قامت رفيجة اختي و دزتلها صورتها و اشوي اشوي قامو يدزون حق بعض صورهم و صور غرف نومهم و هدومهم سوالف البنات مادري والله عنهم ...

المهم البنت قامت تطلب بين فتره و فتره من رفيجة اختي انهم يطلعون مع بعض ورفيجة اختي ماتقدر تطلع لانه امها و ابوها مايرضون انها تطلع الا مع اهلهم و كل فتره تطلب منها و رفيجة اختي تقولها انها ماتقدر لين ملت ذيج البنت و اهني طلع الويه الثاني و قامت تهددها بالصور و قالتها يا انج تطلعين مع اخوي يا اني افضحج و افضج صورج كلها ...

رفيجة اختي خافت و قامت الغبيه و سامحوني على الكلمه بس من حرتي والله الهم قامت و اطلعت مع الولد حسبي الله و نعم الوكيل عليه و قوم الولد اخذها شقه و اغتصبها و قطها و روح راحت روحه وين ماراح ...

اهني انا لا شعوريا قضبت اختي من بلوزتها قتلها قومي ييبي القرآن حلفيلي انه السالفه حق رفيجتج مو حقج قامت تبجي واحلفتلي انها مو اهيا و قالتلي اذا تبين تتاكدين سوي فيني اللي تبينه بس والله مو انا ... ولا تلوموني لانه زين ما وقف قلبي ...

اهني انا قعدت الوي بيني و بين نفسي و قاعده اقول انزين اهيا صغيره 14 سنه ريضه على الزواج و مني لي تتخرج في مليون طريقه و طريقه وغير العمليه اللي حتى الشيوخ اجازوها حق البنت المغتصبه و هم قاعده اقول حق روحي الله مهما يكون بيستر عليها بنيه لا حوله لها ولا قوة و الافكار رايحه راده براسي ...

لين تحجت اختي جان تقولي اسووره في شي بعد بقوله قتلها شنووووو بعد نطري خل افكر اشوي و اريح لاني كنت قاعده اترايف ...

جان تقولي اهيا مو هذي سالفتها قتلها عيل شنوووووووووووووووو ؟؟؟؟؟؟؟؟؟؟؟؟؟؟؟؟؟؟؟ جان تقولي !!!!!!!!!!!!!






البنت حااااااااااااااااااااااااااااامل حاااااااااااااااااااااااااااااامل حاااااااااااااااااااااااااااااااااااااامل


بنات بنت عمرها 14 سنه يااااااااااااااااااااهل حامل و تدرون من متى حامل ؟؟؟؟؟؟؟؟؟؟؟؟؟؟؟؟



هالسالفه من امتحانات اخر السنه البنت بالراااااااااااااااااااااااااااااااااااابع حسبي الله ونعم الوكيل ...


اهني انا لا شعوريا استغفر الله العظيم طقيت على ويهي قتلها شنووووووووووو لالالالالالالالا جذي انا مالي معاج حجي عطيني رقم فلانه عطيني اياه ...

دقيت على البنت كلمتها و غصب كنت ايرير الحجي من حلجها قتلها الولد وينه جان تقولي يدق علي و ليلحين يهددني لانها مصورها فيديو حسبي الله و نعم الوكيل قلتها انتي تاكدتي انه مصورج جان تقولي اي لانه داز لها مقاطع من الفيديو قتلها درى انج حامل جان تقول اي قتلها اشقال جان تقول يقولي تعاليلي الشقه و انا اعطيج دوا ينزل الياهل ...

قلت لها سمعيني حبيبتي الحين انتي لازم تعرفين شي انه اهو اللي ميت خوووووووووووف منج لانه الحين السالفه كبييييييييييييره وراح يروح بستين الف داهيه فاهم شي انج تكونين قويه ولا تخافين منه ولا تردين عليه بالمره و فهمتها عدل و شرحت لها شنو راح يصير فيه عقب سواته الغبره حسبي الله عليه ...

ثاني شي حبيبتي لازم تقولين حق امج جان تقولي مستحيييييييل مستحييييييييل اقول حق امي ماقدر المهم قعدت اقنع فيها مني مناك ماكو فايده مو راضيه ...

قتلها حبيبتي انتي لو يايتني تقوليلي انا في واحد يهددني و تبيني اساعدج جان قدرت اساعدج و لو يايتني تقوليلي انا اغتصبني واحد و تبيني اساعدج جان قدرت اساعدج بس انتي حاااااااااااااااااااامل و بالراااااااااااااااااااااااابع و قلتلها يا حبيبتي انا مره كبيره و عندي يهال و لو حامل بالرايع و اسوي اجهاض حق الياهل يمكن امووووت فيها فمابالج انتي بنت و صغيره و رحمج ما يتحمل ...

وهم راااااااااااااافضه انها تقول حق امها ... قلتلها ماعندج خاله او عمه او وحده تصير لكم قريبه لج و قريبه من امج جان تقولي بلا خالتي بس خالتي مسافره قتلها حلووو متى ترد قالتلي بعد جم يوم قتلها حبيبتي لالالالالالالالالالازم تقولين لها لالالالالالالالالالالالالازم اهني حسيتها اقتنعت اهني خلصت المكالمه و قلتلها اي شي تبينه و باي وقت تبين دقي علي و انا حاضره و سكرت التلفون وهذي كل السالفه بلسان اختي و رفيجتها ...


بنات قريتو المصيبه و شفتوو اخر الزمن و والله ثم والله ثو والله انه هالبنت لو تشوفونها و تعرفونها انكم راح تشكون بروحكم و ماراح تشكون فيها والله العظيم يا بناااااااااااااااااااااااااات ديرو باااااااااااااااااااااااكم على بناااااااااااااااااااااااتكم و خواااااااااااااااااااتكم والله عقب السالفه انا عيني مبطله على بنتي و خواتي ربي يسترهم و يحفظهم و يستر و يحفظ بناتكم و بنات المسلمين ولا اتييني وحده تقولي انا واثقه من بنتي او واثقه من اختي اسم الله عليهم و الثقه حلوه بس الحرررررررص الحرررررررررررص الحرررررررررص يا بنااااااااااااااااااااات ترى الدنيا تغيرت و البشر صارت قلوبهم غبره مو مثل اول عيال الحرام ماخلووو حق عيال الحلال مكان والله يا بنات قاعده اكتب و قلبي محترق ...

و اخر شي القصه كتبتها لكم عبرررررررره و دررررررررررررس مو بس حق الامهات ولا بس حق الخوات لا هم كتبتها حق البنات الصغااااار اذا دير بالكم دير بالكم دير بالكم و اذا الله لا يقوله و بعيد الشر عنكم كلكم و دزيتو صوره او كلمتوو و يه احد هددكم لا تخاااااااااااافون و تكبرون الغلط بمصيبه و فضيحه تضيع مستقبلكم كله ...

وهم خواتي ابيكم تريحون ضميري و تقولولي انا اللي سويته كافي ؟؟؟؟ ولا كان مفروض اسوي شي بعد ؟؟؟؟؟ والكلام اللي قلته حق البنت كافي ؟؟؟؟ ولا في كلام مفروض اقوله و ما قلته ؟؟؟؟؟

ريحوني واللي يسلمكم لانه من صج السالفه معوره قلبي و خايفه لا اكون قصرت بشي ...


الله يستر علينا و يحفظنا و يستر و يحفظ بنات المسلمين اجمعيييييييين يارب العالمييييييييييين ...​

 

[حكستار]

واااااااااااااااااااااااااااااااااااااااااااااااي
صج مصيبه..
ليش ما تحاولين تدخلين احد...ريال او شيخ دين او اي احد....ترا يوم بعد يوم المصيبه تكبر...لا حول ولا قوة الا بالله.......او حاولي انتي تكلمين خالتها......ما ادري...احس السالفه كبيره...الله يعينها ويعين اهلها
وينتقم الله من هالحثاله

 

[Goss!p G!rl]

انا قبل فتره ياني ايميل
اي صبي يهدد ويقعد ويهايط وفاقق على راسج
اهما الدخلية يكلمونه
وبسريه تامه
ومحد يدري حتى اهلها
يعني مثلا اهيا تكلمهم امها وابوها ما يدرون
عندي رقم اذا تبينه دزيلي رسالة على الخاص وادورله لج واحطه

بس المشكله اهيا حامل
ولو من اولشي متحجية وقايله
جان رفعوا قضية اغتصاب وتخلص السالفه
هذي قاصر تدرين شيسووون فيه
والله يذبحونه
الله لا يوفقه لا دنيا ولا اخره الله يوريه بأهله مثل ما هدم مستقبل البنيه المسكينة
بعد الحين بالرابع ما بقى شي ويبين بطنها
لازم تقولهم

حبيبتي انتي كفيتي ووفيتي
لو اختها ما فهمتها وحاجتها مثل ما انتي سويتي
الله يعطيج على قد نيتج ويستر على عيالج وخواتج

 

[فداك ياخلي]

حسبي الله ونعم الوكيل

لحول ولا قوة الا بالله ..

 

[طواري الليل]

انتوو من صجكم شنووووووو خالتها او احد كلمي امهاااا انتي غلطااااااانه خل يتصرفووون حبيبتي ماكو احد يحن عالبنت اكثر من امها ,,
لازم تبلغيينه وبأسرع وقت الحين ولا بعدين راح تدري فالأحسن الحين تقوليلهاااا البنت بالرااابع مو توها حاااامل ,,
صج مصيبه الللللله يعينها,

 

[هيبة ملك]

لاحول ولا قوة إلا بالله

أول شئ أنت وفيتي وكفيتي ولحد هني كافي مالج شغل الموضوع كبير

وأهي الله يستر عليها

وينتقم منه يارب العالمين


يارب تستر على بناتنا وبنات المسلمين

 

[~ ياسمينه ~]

لا حول ولا قوة إلا بالله

تكسر الخاطر والله

قولوا للشرطة بس يصيدونه بسرية تامة ومن غير ما تنفضح البنت

اش هالزمن الاغبر ) =

 

[حجيه هيونه]

يمه يمه يمه
حسبي الله عليهم شغيهم هذيل


امبي والله ياهل استغفر الله وينها ووين هالسوالف وهالهم


الله يستر عليها يارب


كسرت خاطري حيل

 

[نـــوف]

لاحول ولاقوة الا بالله
الله يستر من هالزمن اللي يخوف

 

[Joy close]

رد : مصيييييييييبه يا بنااااااااااات فضييييييييييييحه البنت رااااااااحت

لاحول ولاقوة الا بالله
لازم امها تدري هي راح تعرف الحين ولابعدين لا كبر بطن بنتها ولا ولدت راح تعرف فاخليها تعلمها ازين عشان يلحقون ع الولد اللي مايخاف ربه يمكن ينحاش يسافر ولاشي
قولي حق امها ويبلغون عليه يلعنون خيره ويتزوجها غصب لاولدت يسوون تحليل الحمض النووي (dna) وينسبون الولد غصبن عنه له ويتزوجها بعد
الله يسترنا ويرحمنا برحمته هالزمن يخوف

 

[Un-6be3iya]

امبيه ديري بالج تتصرفين من ورا علم امها هاذي قاصر باجر اي مصيبة يقطونها براسج صدقييني
قوليلها انا لاني احبج واخاف عليج لازم اقول حق امج
وحطي امها بالصورة لا يصير شي بالبنت وتبتلشييين و بعدين استغفر الله مابي احط بذمتي بس يمكن في شي اهي خاشته عنج يمكن اهي كانت تعرفه ويمكن ويمكن وايد اشياء مايعلمها الا الله
فـ ديييري بالج

 

[لورا آشلي]

لا حول ولاقوة الا بالله

امها لاااااااااااااااااااااااااازم تدري بالموضوع لااااازم

 

[مرمووور]

رد : مصيييييييييبه يا بنااااااااااات فضييييييييييييحه البنت رااااااااحت

واااااااي حراام علييه صغييره وينهاا ويين الحمل هذي
الله يسستر عليهاا يارب

ج ـزااج الله خير ع الاقل ساعدتيهاا وقلتي لنااا عششان ندعيلهاا "

 

[الحبوبه الطيوبه]

حسبي الله ونعم الوكيل وين يبي يرووح من عذاب ربي
(اللهم استرنا فوق الأرض وتحت الأرض ويوم العرض عليك)

 

[أم حيدر]

كشششششششششش شعر جنبي

الله يعييييييييييينها ولازم أمها تدري .. ما يستر عالبنت الا امها

بس المشكلة هم اخاف انتي تدشين بالسالفة وتصيرلج مشكلة مع زوجج وبيتج

استشيري شيخ دين وشوفي شينصحج

او اذا زوجج من نوع المتفهم شاوريه بدون ما تذكرين اسامي وشوفي شيشور عليج

لا حول ولا قوة الا بالله العلي العظيم

 

[قلـــ طفلة ـــب]

لا حول ولا قوة إلا بالله

 

[Miss McDonald]

وييييييييييييييييييييييييييييييييييييييييي !!


اششهلمصصصيبه !!

واعلييييييييييييييييييا كسسسرت خاطري

لازم تكلم امها بأسسررررع وقت قبل لآ بنحآش الحقيييييييييييييييييييييييييييييييير !!

عووورت قلبي !!

الله يسسستر عليهآ يآرب !!

 

[جوك احلى جو]

فعلا مصيبه الله يحفظنا ويحفظ كل بنات المسلمين يارب

 

[^ليلاس^]

رد : مصيييييييييبه يا بنااااااااااات فضييييييييييييحه البنت رااااااااحت

هذي سالفه ما ينسكت عنها لازم امها تدري

هذي قاصر مسكينة صج انقص عليها

الله يقطعه هالنت على كثر فوايده الا ان هالذياب يستخدمونه بصيد هالبنات

حرام حامل وبالرابع بطنها بيكبر وما بقى شي عالدوام لازم تتصرف

 

[أحب ترابها]

امبيييييييييه .. الله يعينها و يفرج مصيبتها انشالله ..