مصيبه مصيبه ساعدوني

[الدنيا لحظه**]

:eh_s(2):بنات مالي غيركم ابي فزعتكم

اخت رفيجتي متزوجه وعندها عيال عمرها 25 انحاشت انحاشت من البيت صارلها يومين دوروها كل مكان :eh_s(2): مالقوها واهلها عندي بيموتون

دقت علي اليوم البنت تقول انا بخير بس مابي ارد وصكته بويهي ادق مغلق وادز مسجات مغلق
ساعدوني شسوي
اللي تعرف ناس او اي احد تكلمني خاص تكفون:eh_s(2):

 

[Tom ♥ Jerry]

,


2ayyyy shayyyyyyyyyy :/

 

[سماء الاحساء]

أكيد في سبب دفعها لهالشئ شنو أهوى الله العالم الله يهديها وترد لبيتها ياقادر ياكريم

 

[روحي محمد]

بنات تكفون لاحد يشمت
كل انسان وله ظروفه
الله يردها لبيتها سالمه ويهديها
اميين

 

[Gatwa DaloO3a]

انشالله ترجع لبيتها سالمه يارب

 

[غنوجة الدلع]

لو اعرف كان قلت
الله يردها ان شاء الله

 

[طريق السعاده]

الله يحميها ويردها لعيالها يارب اتوقع الشرطه يقدرون يحددون مكانها حتى لو مغلق لان كل حي له رقم عند الاتصالات ومجرد ماتدق من مكان رح يتسجل الوقت والمكان الي دقت فيه لكن مدري احس مو حلوه مدام هي طلعت يمكن متهاوشه ويا رجلها وطلعت لاشعوري من الزعل الله يهديها ويردها فالقريب العاجل

 

[الدنيا لحظه**]

انا حاطته بقسم المشاكل ليش حطوه هنيه

 

[الدنيا لحظه**]

بنات مابي شماته ابي دعوه صادقه ترد لهلها البنت بسلام

 

[قطوووة]

الله يستر عليها
البيوت اسرار
واحنا مانعرف شالسبب

لكن طلعتها غلط

 

[ناتشوو]

الله يردها لهلها سالمة
ويسترهم دنيا واخرة

بعض البنات لي شفت تصرفاتهم
تتمنين
وأد البنات للحين
موجود
لا تقولون شمتانة
اتكلم بشكل عام
شنو ذنب الاهل
يعيشون هالمشاعر
وع اعصابهم
ومايدرون شنو ينطرهم
وخايفين من الفضيحة وكلام الناس
كل بيت له مشاكله
والمصيبة مو صغيرة
لاحول ولاقوة الا بالله
الله يهديها ويردها سالمة لاهلها

 

[إغواء]

وأد البنات عشان مره ام عيال منحاشه !!
اهي مانحاشت مني والرايح .... إلا فيه سبب خلاها تتصرف هالتصرف !
صراحه ردج غثني!

وان شاء الله ترد سالمه وتنحل مشاكلها ي رب

 

[الدنيا لحظه**]

بنات عرفت مكان البنت وين كلمتني لكن خوانها مههدين بالقتل شنو اسوي اقولهم وينها والا اسكت ساعدوني ساعدوني

 

[الدنيا لحظه**]

البنت علمتني مكانها بس حلفتني ما تكلم اهلها ناس ظلام شنو اسوي شورو علي اسكت او اقولهم واهلها مهدديني اذا ما قلت وينها

 

[قطوووة]

حاولي تكلمينها وتردينها لعقلها
قولي لا مجتمعنا يرضى باللي سويتيه
واخوانها ماراح يذبحونها مجرد لحظه غضب
خلها تتعوذ من ابليس وترد
لان كل ساعه بغيابها يزيد الشر

خل تدخل رجال كبير من العايلة يضمن ان اهلها مايسوون لها شي . ولو اني اشك من هالناحية

 

[قطوووة]

كلميها بالعقل والمنطق
اسمعي منها
اسمعي اسبابها وشنو خلاها تسوي جذي

 

[ظبية بوظبي]

لا حول ولا قوه الا بالله
والله ان اعصابي تلفت
الله يكون في عون جميع المسلمين ويستر عليهم
انا لو بدالج ابصراحه يعني بصراحه معني راعيه فزعه وراعيه موقف
لكن بقول لها لا عاد ادقين على مالي شغل بلي سويتيه
والله هي تشرد وانا اطيح بمشكله مع اهلها !!
قوليلها وان دقيتي ترى بخبر اهلج
والله ما تدرين يمكن اطولج مشاكل من اهلها من ورى راسها وانتي منتي مجبوره فيها الواحد يلا يتحمل مشاكله
اصلا السالفه كلها على بعضها خطر وعار فلو وصلت للقتل ممكن تكونين فالصوره واصلا اوردي الناس ممكن يشكون في امرج يوم انج مصاحبة وحده شردت من بيتها
وسيده الناس بيجي في بالهم انا منحرفه

وطبعا معروف : قلي من تصاحب اقول لك من انت
بيفكرونج مثلها

وبعدين هي عرفت تشرد بس ما عرفت تتحمل كل توابع شردتها
وليييشششششش تتواصل معاج
بجد هذي انانيه + مافيها ذره عقل
لو قلنا اهلها قشر غبر
على الاقل زوجها لو ما كان زين ممكن يكون اهون
وبعدين تعالي قوليلنا عشان لا نظلمها هي مع واحد ؟؟

 

[ناتشوو]

مرة كبيرة ام عيال
ليش تنحاش من اهلها
خل تصلح علاقتها بزوجها
لا تكون مطلقة ؟

الله يعينج قرار صعب
هي مو خايفة ع صحة امها وابوها؟
لي متى ناوية تنخش
سمعة اهلها
وسمعتها

الله يعين كلن ع بلواه

 

[ناتشوو]

ظبية
انت جبت اهم شي بالموضوع
هذي انانية
فكرت بنفسها
بس مافكرت لا باهل ولا عيال ولا كلام الناس
اصلا مافكرت بمصلحتها
هالنوعية
اي شي يخطر ع بالهم
يسوونه
مايهمهم
حتى مصلحتهم

 

[وردة وطني]

الله يعين
حريم الامن رحم الله عندهم
اللامبالاهـ ماخافت من الله السمعهـ الام الاب الازوچ
الله المستعان !!
رآح تگون عار ع عياله وزوجهه وامه وابوهـ
مالچ شغل فيه خ تووووولي واقطعي علاقتچ فيه
الله لايبلانا ويسترنئ