*** مصــــر ام الدنيـــــا كل ما تحتاجينه عنها ***

[موني موني]

رد: لقيت فنادق ورحت مصر

بنات بسألكم شلون نظامكم بمصر لو كنتوا مسافرين مع اليهال ؟؟ متى تقعدون متى تنامون ؟؟ انه ودي اروحلها و متخوفه من هالشي ؟؟ لاني حيييييييييييييييييل نظاميه وقت النوم و عودت عيالي على النظام وقت النوم .. وشلون اذا بسافر و باخذ معاي شغالتي ..؟؟؟ وين تنام ؟؟ ابي خبراتكم ؟؟

 

[اثير]

رد: لقيت فنادق ورحت مصر

يحلو مصر

 

[رفرف]

رد: لقيت فنادق ورحت مصر

الحمدلله عالسلامة المهم استانستي ..
عاد انا الله كلللللللللش ماعطاني حب مصر رحتلها مرة ولاعت جبدي ولو يعطوني فلوس ماطبها مرة ثانية ...

 

[موني موني]

مصر!! .. بس شلووون ؟؟

مراحب بنات ديرتي ,,,

بنات انه احتمال اروح مصر بس ماني عارفه شسوي باخذ عيالي معاي و انه حدي نظاميه باوقات النوم و علمت عيالي على هالشي .. و مو رايحه مصر من قبل .. و الحين مفكرين نروحلها .. بس انه بينيو بين نفسي متردده شوي .. شلون اذا باخذ خدامتي معاي ؟؟ و شلون اذا انه وعيالي انام مبجر . . و بمصر وقتهم عكسنا ...

ابي نصايحكم اللي راحوا مصر شلون تأقلمتوا ؟؟

 

[bambena]

رد: مصر!! .. بس شلووون ؟؟

سهراتهم تبدي من 12 وفوق
اذا ماتحبون السهر مو شرط قضي يومج بالمجمعات والمطاعم الحلوه
وعندج الاهرامات والمقطم والقناطر وايد اشياء تسوينها بالنهار

 

[موني موني]

رد: مصر!! .. بس شلووون ؟؟

مشكوووورة بعد قلبي بامبينا على الافاده ..

و ناطرة تجارب البنات .... يالله شدعوه عشرتعش وحده شافت الموضوع بس بامبينا اللي ترد

 

[@ دهن العود @]

رد: مصر!! .. بس شلووون ؟؟

والله يا مونى مثل ما قالت بامبينا على حسب نظامج انا رحت لها قبل 3 سنين مع ريلى كنا ما انام قبل الساعه 6 الصبح <<<< حللواااا السفره عدل

وطول النهار بين الاهرامات والقناطر والمجمعات وبالليل بالنيل والبواخر والحناطير والسينمات والحفلات

والعام رحنا مع اهلى وكان فى يهال كنا نطلع من الصبح وما ارد الا 10 او 11 ناخذ شور واليهال والعجايز واللى يبى انام انام واللى يبى يرد يطلع يطلع

 

[حسينه حلوه]

رد: مصر!! .. بس شلووون ؟؟

تودينهم دريم مول مكان وايد حلو الصبح او باليل واهم شى انه نظيف وبعدين مطاعم الفاست فود المعروفه مثل ماكدونالدز احسن شى انظف وعندج بعد مول سيتى ستار ويفضل يفضل انج تسكنين فى فندق ستى ستار لانه راح ترتاحين تماما بالتسوق والمطاعم والسينما والنظافه واليهال راح يستانسون صج صج انصحج فيه لانك اول مره تروحين مصر ومع اليهال سيتى ستارز وفندقه وبس الامر يختلف لو بروحج انت وريلج اكو اماكن وايد حلوه بس المشكله اليهال انا عندى نفس مشكلتج وبعد موسوسه بالنظافه بس سيتى ستارز يحل كل مشاكل اليهال من العاب وسينما يعنى ماراح تطلعون بره الفندق ابدا ابدا وراح تدعيلى اكيد

 

[موني موني]

رد: مصر!! .. بس شلووون ؟؟

مشكورين بناااات يا قلبي .. ما ننحرمش

و اذا الخدامة بااخذها معاي شلون ؟؟ابيها تساعدني و بنفس الوقت بسكن بفندق

 

[عنايد]

رد: مصر!! .. بس شلووون ؟؟

اذا بتاخذين الخدامه ماكو غير تاخذين شقه الله يعينج
بس سؤال صج مصر تستاهل العنوه وجم يوم يبيلها بالكثير؟؟

 

[زقطة بنقطة]

ابي وين اسكن في مصر

بسافر مصر ومعاي عيالي ابي فندق او شقق فندقية نظيفة وفيها غسالة ملابس تدرون يهال ما ابي شقة عادية مالي خلق انظف ... ويا ريت الاسعار زينة تكون بس اهم شئ النظافة ويعطيكم العافية:eh_s(8):

 

[جكورة]

رد: ابي وين اسكن في مصر

كل العائلات اللي أعرفهم يسكنون بسفيــر الزمالك وسفير الدقي ( شقق فندقيـه )..

 

[Petite_Chica]

رد: ابي وين اسكن في مصر

ma 3endich salfa taskenen eb sheqa !! tara ajar el sheqaq elfendeqeya nafs ajar '3orfetain eb Hilton fa seknay eb fendeq wayed arya7 ohom enathfon o e'3aslon o kelshay .. ray7a teshteren ray7tech ehnak fa erta7ay o seknay eb hotel o kafe el lobey mal el hilton ewanes esara7a feh 7araka o kela 3awayel ehnak

 

[bambena]

رد: ابي وين اسكن في مصر

اذا تبين شي رخيص ونظيف وحلو عندج فلامنجو الزمالك بس مادري اذا فيه سويتس او شقق انا خذيت غرفه
وسكنت بالفورسيزن القديم حلو
وسكنت بالماريوت حلو
وفي شقق العربي موقعها حلو بشارع المنيل بس 3 نجوم يمدحون الجزء المجدد منه حلو

 

[taiba2001]

خواتي إللي راحت مصر من قريب تفيدني .....

خواتي الشهر الياي بروح مصر لمدة أسبوع بس وخبري فيها من 15 سنة ، فأبي أعرف شنو أحسن الفنادق وأحدث وأرقى الأماكن السياحية والأسواق والمجمعات التجارية والمطاعم تدرون بعد ما نستغنى عن البلعة : -) علما بأني بروح بدون عيالي يعني تقدرون تقولون أسبوع عسل ؛ -)

 

[زقطة بنقطة]

رد: ابي وين اسكن في مصر

يا حبيباتي والله من غيركم ما اسوى بيزة وما تقصروني دائما معاي قالولي عن غرانت حياة انتوا شرايكم .. صاجة بتيت انا ابي استانس ولا اشقى

 

[NAJLA]

رد: ابي وين اسكن في مصر

احسن شي تسكنين في فندق على الاقل ينظفون الغرف اريحلج وحاولي تقعدين بفندق يمه مجمع فيه العاب حق اليهال انا سكنت في هلتون رمسيس في مجمع اجباله في صاله اللعاب وسينما وماكدونلد
وتسليمن

 

[** حسناء**]

ابي مطاعم في القاهره

:eh_s(17):

قوه ياحلوات وخبيرات السياحه:eh_s(6):

بغيت أسألكم عن مطاعم في القاهره بس تكون نظييييييييييفة :eh_s(15):

وتسلمون ..
:eh_s(17):
​

 

[supermarket]

رد: ابي مطاعم في القاهره

مالج الا الفنادق

اضمن شي

 

[bambena]

رد: ابي مطاعم في القاهره

ابو السيد

منت كافيه

فش ماركت

دار القمر

السلطان الحين اسمه تغير اعتقد ساكويا شي جذي

ويقولون فرحات وقدوره والتابعي بس انا ماجربتهم