مصطلحات ملابسية

[حنان!!]

مشكورين وايد بنات صج ساعدتونا يلا كملوا

 

[هيه دنيا]

ها الحين بختبركم

شنو يعني قوملق؟
شنو يعني شونيون؟
تول؟
ماشة ؟
بنسه؟
كبنه؟
منبش؟
لقط؟
واخيرا راسي قاعد يوجوج

 

[Queen-q8]

يحليلج هيه دنيا والله

يا بنات اللي قالوا طول عمرنا نقول هيلاهوب صح اول الناس تسميه جذي بس تطور اللغة واحتكاكنه باللغات الثانية وهالشي غالبا يكون بالسفر تتعودن على تسميات يديدة ومنها الجيجي والله انا عندي اسهل وشحلاته اسم دلع اذرب من هيلا هوب كلمتين شنها نطة والله

ثانيا بالنسبة

للقمولق اهي كلمة قديمه وايد وتنطق على دويل معين من اللبس بس بصراحة مو قادرة اصيده يعنى اذكر مرو سالت وقالولي شنو ونسيت

ام الشونيون :: اهيا التسيرحة المرفوعه وكانت قبل مالت الستينات تسريحات الكبب والحين وايد رادين لها

التول :: اهو خام التور بس اللبنانيين يسمونها تول او التل بعد والكلمة اجنبية بس مادري انجليزية او فرنسية

ماشة :: بعد ماشة واهيا نفسها البنسة بس بالمصري

الكبنة :: ما حصلي الشرف واعرفها والله مادري وهمن منبش ولا لقط ومادري عاد هذي اسامي شنو بالامانة مادري

 

[أحبك خفاا]

لا انى اموووت واعرف شنوو اسم الكعب الى يكون عريض

عرفتوهم الكعبوه ماتكون ضعيفه لاتكون بطه من تحت

كله انسى اسمهم

هلا حبوبة اسمة روكي اللي يجي كعب كلة صكة :eh_s(6): مااستغنى عنه بالدوام

 

[حنان!!]

ايوااااااااا بنوتات لا توقفون

 

[&Basho0orah&]

الشنطه بدون يد الخاص بسهره (كلاتش)


الجاكيتات القصيرة[بوليرو]


الشراب الطويل [تايتس]


الفستان بدون اكمام [ديكولتيه]


البدي بدون اكمام [باكلس]


البناطيل نص الساق (البرموده) [بنتاكور]


المشد للخصر[كورسيه]


الحذاء الرياضي [كوتش]


الشال [فولارـ اسكارف]


الشال مثل الشال المكسيكي [بانشو]


روب الحمام [برنص]


البنطلون القصير الواسع[شارلستون]


الجاكيت البالطو [ترانج كوت ]


جاكيت قطن خفيف بأزرار [ كارديقان]


بنطلون واسع يشبه التنورة [جيبكلوت]


بلوزة برقبة عالية [هاي نك]


فستان بدون اكمام بس الرقبة مثل الهاي نك [ريغلان ـ ريقلان]


فستان أو بلوزة بدون فتحة عند الصدر بس مو هاي نك [كلباتو]


بيجامة الرياضة [سيرفاتموو]


الحذاء الصندل [سليبر]


الحذاء المنخفض الزحاف الموضة الآن [باليرينا]


اتمنى تكون المصطلحات اعجبتكم واخذتو معلومه حلوه تفيدكم


دمتم بخير

 

[هيه دنيا]

شنو يعني قوملق؟ الشلحة القطن(ملابس داخليه او ممكن اتكون فستان للبيت واسع من خام القطب


ماشة ؟الكلبسة بتاعت الشعر
بنسه؟ التخصيرة تجي مثل الخط بالطول تحت الصدر
كبنه؟ الجفسة في ذيل الفستان
منبش؟واهي الحفرة بتاعت الكم من فوق
لقط؟ نوع من انواع الخياط المخفي في ذيل الفستان
واخيرا راسي قاعد يوجوج يعني يفتر

 

[حنان!!]

يعطيكم العافية بنات صج استفدت منكم

 

[bint_looda]

ههههههههههه خوش موضوع ومنكم نستفيد

 

[سواري الليل]

شكرا عالمعلومات ومنكم نستفيد حلاته يتثبت الموضوع
القوملق يعني شلحه وهي كلمه تركيه
ابي اعرف الفرق بين البدي او متى نقول بدي وبين الهاينيك والفانيلا شنو الفرق بين بدي الكم الطويل والنص كم

 

[هيه دنيا]

البدي اهو اللي يكون لازق عالجسم
الهاي نيك اللي يكون الرقبة عالية
الفانيلا واهي الملابس داخلية تكون قطن
اما الفرق بين البدي الكم طويل والقصير واضحة

 

[الدم البنفسجي]

اسمه الصجي اشوار أفسكي

واخير عرفت شنو لجيجي ههههههههههههههههههه

 

[رغد84]

مشكورين بنات ماقصرتوا

خاصه ورد بمشاعر و Little_Queen

 

[رغد84]

بنات احنا نسمي ثياب البيت = قمصاان بيت

فيه مصطلحات ثانيه ؟؟؟ لووووووول

 

[عزااااايز]

خوش موضوع يالله بالاخير نسويه معجم
البلوزة رقبة عاليه = هاي نك = هاي كول
مشكورين

 

[رغد84]

للرفع موضوع
وايد حلو

 

[zyoonaaq8]

خوش موضوع والله استفدت


لا يوقف

 

[Stay alive]

مسميات عجيبه بس صراحه مو شي بتندثر لغة اهلنا قبل

ياااااااااااحلاتهم واهم يلبسونا الهيلاهوب مو جي جي !!!!!!!

اصلا من اسمه هيلا هووووووووب هههههههه يوونس

فديت اهل الكويت ولغتنا العتيجه ومانبي هالاسامي الغريبه تاخذ مسمياتنا وتطمسها

انا بظل اقوله هيلاهوب وبعلم عيال عيال عيالي بعد عمر طويل كاااااااك

 

[كيفانية من قدي]

القوملق = الشلحة لغير الناطقين باللهجة الكويتية القديمه

 

[منانا]

خووش مووضووع عفية على المخ الي مخمخلنا هالمووضووع الفنتق هههه