مصروفكم الشهري ... تعالووووووا ؟؟؟موضوع مهم

[سحر الشرق@]

أنا مؤ موظفه
زوجي يعطيني 120
مصروف شخصي بس كل شي يخصني من ضمنها
يعني سوق ملابس صالون كلللل شي
احس شويه والحمد لله على كل حال
قبل 100
وطالبت بزيادة هههه وزادهما عشرين جزاه الله خير
يجيب هدايا بالمناسبات و جزاه الله خير
كم تاخذون مصروف بنات

وبالنسبة لموظفه احس لا مؤ لازم يعطيها
على اساس في موظفه بالكويت يعطيها زوجها مصروف
هي يسلم معاشها وما تبي هالمصروف ههه

 

[ام زهقانه]

والله ولافلس مصروفي

 

[اذوب بكلامه]

حبايبي الموظفه ماتحتاج يعطيها لأن راتبها كله لها وهو مسأول عن البيت ومصاريفه والعيال ومصاريفهم
والموظفه راتبها يروح على السوق والصالون
أما الغير موظفه فاالأفضل إن زوجها يحدد لها مبلغ معين كل شهر حسب إمكانياته

 

[بدوية بملامح كشميرية 86]

انا اذا احتجت. مايقصر يعطيني

وانا الحمدلله موظقه ومعاش زين الحمدلله ياارب

 

[أنهار الكويت]

بنات انا استغرب من اللي تقول ملزوووم الريال وملزوم الريااال اوكي اهو صح ملزووم بس لا صارت اهي بعد ملتزومه لان هم المرة ملزووومه تجابله وتجابل بيتها وعيالهااا وتربيهم مو يصصيرون بيد الخدم والخدامه اهي اللي تطبخ واهي تجابل اليهال لا ردت معزبتها من الدوام وتبي تنام وعقب تبي تخلص شغلها اللي حق باجر اذا كان عندها
ليش هذااا مو كله الوقت اللي مضيعته ملزوومه فيه حق زوجها وعيالها اولى
عيل شفايده انها تشتغل اذا عالاقل ماشالت نفسها وهذا اقل شي
انتي حرمتيه وحرمتي عياله من نص وقتج وطاقتج وهالشي اهم من ال100 اللي مقصر الريال فيها

والله انتوا يالحريم ماشالله عليكم حافظين كلشي ملزوم فيه الريال حتى الايات اما واجباتكم انتوا والزاماتكم مقمضين عيووونكم عنها
الحييين صار فيها حلاااال وحراااام وعن الشكه كل اللي يدفعه بالبيت من مصرف وماجله وخدم وهم فيه شكه عيل شوفي نفسج اذا حلال تروحين الدوام وتخلين يهال بو سنه وسنتين بيد خدم الله العالم شنو اهم <<<< هم يمكن فيها شكه والا حلااال ينقطووون بأي ايد وغيره وغيره
دام قااادر يدفعلج 100 وانتي موظفه يعني خلاص مايحتاج توظفين الريال قادر يوفرلج 100 او150 وكافي عليج
لي صااااار موووو قاااادر وحالته كسيييفه هذيج الساااعه توظفي عشان تعييينينه وتساااعدينه


وااااااي يالحرييييم وبالاخييير تقول احبه واموووت فيه اذااا جذي طريقتكم والله لا حبيتوا ولاعرفتوا الحب
الحب مو كلاام وليااالي رومنسيه الحب احسسسااااس <<<< تحسييين فيه بكل شي

 

[نونه المنكوشه]

يحليلج الحين فى ريال يعطى واذا عطه شهر اى وعشره لا انا ريل اختى معاشه بالشهر اكثر من 5الاف ولايعطيها دينار واحد وماعنده قروض ولاشى بس يشترى ماجلة البيت ومعاشات الخدم اما اختى مايعطيها ولافلس حتى اذا احتاجة مايعطيها بس اهيه دايم اتقول غلطتى من خذيته ماعودته انه يعطينى اهيه عندها معاش موظفه لكن هم الوحده تبى اتحس انه عندها ريل مسؤل عنها حتى لويعطيها شى بسيط

 

[ريم خانم]

مااخذ منه مصروف بس طلباتي يوميه اتوقع لو يعطيني مصروف ماراح يكفي خليني كذا مرتاحه لاني طلباات صراحه
-مو موظفه

 

[أعرفك نفسي]

اذا انا موظفه وعندي راتب مايقل عن 500
ليش اخذ مصروف بالعكس اشيل نفسي واوفر عليه لان ورانا عيال ومستقبل وبنفس الوقت نبي نسافر ونستانس بالله اذا بيعطيني مصروف وين بنلحق على كل هذا
لكن اذا مو موظفة اكيد ملزوم انه يعطيج

 

[أنهار الكويت]

١٠٠٪ كلامج صح اعرفك نفسي

 

[أنهار الكويت]

100٪ كلامج صح اعرفك نفسي

 

[Angel-Lady]

في الشرع اهو ملزوم يصرف عليها سواء موظفه و لا لا

الحمدلله ريلي عادي عنده و انا ما عندي مانع ان اصرف من معاشي

في بداية الزواج كان ريلي يعطيني مصروف و بنفس الوقت لما نطلع و يدفع لي كل شي اشتريه بعدين قلت له ماله داعي مصروف و انت تدفع لي و اذا احتجت بقولك فقال اوكي و انا افضل هذا النظام ان يدفع عني و اشتري الي بخاطري فيه احسن من مصروف كل شهر يمكن يكفيج و يمكن لا

كلميه و قولي له ان ودج ترجعين نظام اول اذا مريحج *

 

[Tom ♥ Jerry]

.


انا ريلي يعطيني 100 كل شهر
وغير الاعانه 100 الحين بيخلونها 200 !

الحمد لله يكفيني و هم اذا نقصني ما يقصر وياي

 

[! بــدويه وآآيــد !]

،


انا يمشي لي معاش بدل بطاله 150 وزوجي يعطيني 150 وساعات اقل وساعات اكثر ومايسالني عن بدل البطاله خير وشر ولا يسال متى نزل او شنو سويت فيه

وانا صراحه عندي 100 او 1000 النتيجه وحده اطيرهم باسبوع

واذا توظفت بقوله يحول لي 75 مالت الزوجيه خوو بعد معاشي من الحكومه مايصير ياكله علي

 

[غرور الريم]

اذا موظفه موو ملزووم يعطيها
اما اذا كانت موو موظفه لازم يعطيها مصروووف
اذا كانت محتاجه شي يعطيها اذا مووظفه لان حياه مشااركه

 

[Dodo80]

بالنسبه لي ما اطلب من ريلي اي مصروف لانه بصراحه مومقصر معاي يعني كل طلعاتنه اهو الي يدفع واغراض البيت اهو الي ييبها ومعاشي مايدري عنه ولايسالني جم صار وانا الحمدالله موقاصرني شي الخير من الله

 

[miss_cuta]

والله مادري شقول بعدي ما تزوجت

بس وجهه نظري اذا الوحده تستلم معاش ماله داعي بعد تاخذ من رييلها

اهو جذي جذي قاعد يصرف عالبيت واقساط ومصاريف مالها اول ولا تالي

يعني مادري يمكن اذا تزوجت يتغيير كلامي لووول

 

[صادقة بكلمتي]

حبايبي بالاسلام الريال ملزوم بماااااكل ومشرب وملبس مرته وعياله لحد مقدرته وظروف الحياه الحين صعبة مافيها لو تشاركوا بالمصرف والدنيا مو دايمين فيها يعني ما فيها شي لو انتي موظفه تساعدينه وعلى عيالك لان الحياة تضحيه واكيد ان اهو عنده وماعليه التزامات بيعطي يرجع لطبيعته بس دوم تذكروا ما احد يدري متى بيموت فعيشوا يومكم ابرك من التفكير بتفاهات الدنيا وانا عن نفسي عايشه على قدي مع ريلي والحمدلله ما يقصر علينا بشي ولو عندي اساعده علشان جذي الحمدلله الله موفقنا ويموت فيني يعني ما اكلفه فوق طاقته واهو ما يقصر كريم

 

[مفرفشه عالاخر]

بكل الاحوال لازم يصرف عليها

ولا ليش تزوجها !!!

 

[د. فاطمة]

فيه ناس تعطي مصروف
وفيه ناس اي شي تبيه يجيبه لها عادي

وفيه الاثنين

 

[غلااا زوجهآآ]

الله يعيين يآرب
حبيبتي تفاهمي معه واجلسي جلسه طويله واقنعييه بكلااامك

موظفه ولا مو موظفه لازم يصرف عليك وعلى البيت واذا صعب ظروفه البيت والخدم يكفون وانتي شيلي عمرك

موفقييييين يآرب