مصدومه

[Ghreba eb derty]

حبيبتي كسرتي خاطري انتي نيتج سليمه بس اهو اسلوبه جارح شنو يشتاقلج عزرائيل
بعد عمري ما عليج منه ترا اهو الغلطان مو انتي يعني لا تتضايقين فديتج :*

 

[fatma A]

بالاول كنت متضايقه بس الحين الحمدالله ارتحت يوم فضفضت الانه صارلي يومين وانا افكر بلي قاله بس شقول غير الله يسامحه وتوبه مره ثانيه لا دازه له شي ولا بتصل عليه حتى لو خالي احسن من اسمع لي كلمه ثانيه وانصدم واشوني مسحت رقمه والحمدالله على كل حال

 

[CSS_]

لاحول ولا قوه الا بالله

الله يهديييه

 

[ام حسين 80]

انتي سويتي اللي عليج و وصلي الرحم لكن هو ما يبي
كيفه ما يشوف شر

 

[متيمة بالشعر]

لآ تضآيقين نفسج و لا تحطيـن فبـآلج , آنتي سويتي إللي عليج و دزيتي له وعايدتيه [ فيج الخير ] ,,
و هآذا كآن رده عليج , للآسـف ! لكن خلآص شرآح تسوين غير انج تدعين له
الله يهديه !!

هو بالنهآية خالج ,
لكن لآ تشغلين نفسج فيه , خاصة ان انتي ما لج ذنب بالموضوع ,
و اذا كانت لج كلمة فآنتي مع الحق , يعني لآ ضمير يآنبج ولا انتي غلطتي , يعني
لا تحطين فـبالج اللي حصل , والله يعينه على نفسه / و الدنيا ما تصفى لآحد
راح يجي يوم و يدور عليكم , ​

 

[متيمة بالشعر]

ويوم دزيت له مسج عيدك مبارك واشتقتلك مو قصدي ابي منه شي ولا باخذ منه شي انا كل مناسبه اعياد او مناسبات تعودت ابارك حق

الناس سواء رفيجاتي او عمامي او خوالي او اي احد الانه امي علمتني القطاعه مو زينه من صغرتي وانا حافظه هالشي

الله يعطيج على قد نيتج حبيبتي , فيج الخير ,

 

[ـوودي آبـكـي]

نفس مآقآلوآ البنآت إنتي إلي عليج سويتيه و مو مهم طريقة رده شلون كآنت ..
و مآتدرين يمكن حزتهآ كآن متضآيق أو معصب ف عذريه مهمآ كآنت الأسباب لان مثل مآقلتي واحد كبر أبوج : )

 

[عادت ذكرياتي]

الله يهديه يارب

 

[جذابه بنت ذيابه]

لا تضايقين نفسسج و انسي و ان شاء الله بيند على كلمته هذي ..!

 

[قلبي يتبعك]

الله وكبر هذي يزاتج يعني ؟؟

وزين سويتي يوم ما رديتي عليه

 

[blue ocean]

سويتي اللي عليج انتي​

خليه كيفه .. مصيره بيوم يتحسف​

انتي طلعتي بالزينه وهو بالشينه .. وطاف​

 

[لابسة نظارة!]

لا تضيقين نفسج ولا تفكري بالموضوع .. انت سويتي الا عليج الله يسامحه ويهديه ان شاء الله

وان كان مشكلته معاكم هي البيت وبيعته .. ليش ما تثمنون قيمته وخوالج وخالاتج اذا مو موافقين على بيعته في الوقت الحالي يشتروا نصيبه من البيت ويعطونه حقه :eh_s(15): منها تشتروا راحتكم وترتاحوا من المشاكل ومنها خالتج الي جالسة في البيت وخوالج ياخذوا راحتهم!

والله يهدي الجميع ويهدي النفوس ان شاء الله :eh_s(7):

 

[بولندية]

امبيه انا انصدمت عيل انتي شلووون

الله يعينكم و يبعد عن اهلج المشاكل

 

[سمر20]

ولايهمك طنشي وارمي ورا ظهرك

 

[.الاميره.]

حبيبتي يمكن قصده غير

لانه كلمة يشتاقلك الموت كانج تبطين عنه وبعد عمر طويل

مثل عندنا تشتاقلج العافيه <<< سبه هههه


يمكن هذا قصده جذي لاتعطين الموضوع اكبر من حجمه

 

[reeuf]

يمكن مو اهو لاتسيئين الظن

يمكن زوجته او ولده او احد ثاني قرا المسج وفهم غلط وممكن مو مسف الرقم
حطي احتمالات لكل شي

رايي من رايهااا

:rerrerek:

 

[mf6nt el3lat]

' الطقاااق ' عالم جميل

 

[ميريام فارسQ8]

خالج مووو صج حاط دوبه بدوبج!!! عقله صغيييييير خليه يولي ولاتردين عليه

 

[ميونة الحلوة]

الله يهديه ان شاء الله هذا احسن شي تقولينه