مصدومه بجـــــــــد

[fdeet_shosho]

الله يعينج ويصبرج ويفرج همج عورتى قلبي والله وصج قصتج اكثر قصه اثرت فيني حسيتج صج تعانين
توظفى وخل يصيرلج معاش ومصدر رزق وحاولى ماتحملين خلاص وان ضبطتى امورج وماقدرتى تتحملينه تتطلقى واسكنى ويا عيالج دام امج طردتج من البيت واتوقع امج من ورا قلبها هالكلام ولو صارت الصجيه بتوقف وياج وفهميها ان الرجال ما يبيج شنو تقطين نفسج عاله عليه والله يهديكم يوم زوجتوه ليش ماسالتوا عن الرجال دام عقله صغير - انا مادرى عقله صغير مرض يعنى ؟ ولا اهوا جذي يستعبط ؟
واذا مرض الله يشفيه بس منتى مجبورة تتحملينه

 

[غنوة ستايل]

تطلقي
وغصب عنه وريله فوق راسه يأجر لج شقه . ولا منه اهلج .
انتي عندج عيال منه . يعني نفقه عيال . ومتعه . وشقه . وخدامه . وسياره
تطلقي هذا حيوان مو بنآدم ليش متحملته على شنوووو ؟؟

 

[Tom ♥ Jerry]

.


المفروض من أول مآ لاحظتي هالتصرفات عليه
تروحين على طول حق ابوج أو أمج أو اي كبير بالعايله و تقولين لهم السالفه !
عشان يشوفون حل .. انزين آنتي من تزوجي الحين صارلج عشر سنين (=
معقوله ليلحين عقله صغير يعني مآ كبر كل هالعشر سنين .. ؟

و الله مآدري شقول و انا لو بمكآنج مآدري شسوي ..
الله يعينج حبيبتي على مآ بلآج ..عليج بالدعاء :*

 

[KOKO_284I]

رد : مصدومه بجـــــــــد

اختي حبيتي تبين نصيحتي اخذيها وان ما عجبتج طلعي من اذنج الثانية . انا ما اعرف تحت اي ظروف تزوجتي بس لا تقولين ابجي واصبر انتي مو ناقصج شي حبي نفسج واعيالج ولا تفكرين بريال جذي . لان باجر حتى اعيالج بيصيرون نفس ابوهم والمصيبة اتصير اكبر عليج . تبين نصيحتي اشتغلي وجد كوني نفسج بنفسج وفتحيلج بيت لج ولعيالج قالج باخذ الولد قوليلة انا اصلا ما ابيه وصدقيني ماراح ياخذه اهو مو عارف يشيل نفسه اشلون تبينه يشيل الولد حجي يقوله عشان يلوي ذراعج . اما حجي الوالدة فهي مو دايمتلج الله يطول بعمرها . انتي ضامنه هالفلبينية ما يكون فيها امراض تنقلها لج ولاولادج ضامنة ما اتحملين بثالث ورابع . فكري بالموضوع والطلاق موعيب وبحالتج عين العقل . واذا اصروا عليج من الطرفين اهلج واهله قولي انا ارجع له ابشرط يعالج عند دكتور نفساني وهذا من حقج ولا اتضيقين خلقج القهر مو زين لج انتي حامل ولين طحتي بهالزمن محد بيشيلج . الله يخفف عنج يارب

 

[ن*ه*ر*]

رد : مصدومه بجـــــــــد

الله يعينك * ويصبرك * وياجرك * ويفرج همك* وينوردربك* ويأنس وحدتك * وينزعل عليك الصبر والسكينه * ويقوي موقفك*
قولي امين

شوفي حبيبتي بقولك نصيحه من كل قلبي عليكي بالجزء الاخير من الليل صدقيني مارح تندمي اتوضي وصلي وارفعي ايدينك للمولى
والله مارح يتركك ولا راح يخيبك وان شاالله ان الله مايطيل عليكي محنتك وارجو انك تطمنينا عنك

 

[GA GA]

الله يعينج ويهدي ويسخره لج

 

[عروس شمالية]

رد : مصدومه بجـــــــــد

والله ضاق صدري عليج قاعده اتخيل شلون بعد هالصبر يصير لج جذي

حبيبتي الحين اخذي الامور بجدية فعلا قدمي لج على وظيفة ماشاء الله عندج شهادة حلوة وبتتوظفين براتب حلو ان شاء الله

وفعلا اجري شقة اذا امج صاجه بكلامها !! وعيشي حياتج لنفسج ولعيالج وحطي خدامة ودللي نفسج وعوضيها الحرمان اللي عشتيه ودخلي عيالج احلى مدارس ودلليهم الى متى قاعده عند واحد بس غاثج ومزعلج بالداشة والطالعه فوق شينه قوات عينه .......
اعذريني قهرني والله............. والله يكتب لج اللي فيه الخير والسلام لج ولعيالج

 

[يعني أني]

رد : مصدومه بجـــــــــد

دام تفكيره تفكير جاهل ليه ماجريتيه صوبج وخليتي هالجاهل يتعلق فيج

صدقيني انا ما اقولج جذي عشان اجرحج بس اكيد انتي قصرتي

ليه تطلعون الرجاجيل غلطانين دورا عن الاسباب صدقوني انتوا مو كاملين بـ قدر ماهم ناقصين

معقوله الحريم كله مظلومات والرجال ظالمين

لو استغليتي جهله وعلقتيه فيج واقنعتيه انج تتوظفين ماكتبتي لنا هالمشكله الحين

بس للاسف اغلب بناتنا مايعرفون يتصرفون مع الرجال


ويجون يتشكون من الاجنبيات

شوفوا شنو يعطون الرجال انتوا مو قاعد تعطوونه



الله يصلحج ويصلح ويوفق بينكم

وان شاء مانسمع الا الاخبار الطيبه


بسنا طلاق ماشبعتوا

 

[Spanish Princess]

رد : مصدومه بجـــــــــد



تقربي من ربج

اكيد ما يخليج

واللع ياخذلج حقج

 

[احلى من القمر]

حبيبتي الله يفرج همج هو القادر وحده على هالشي ادعي وادعي والله بيسر امرج لا تحاتين


بس هم انت غلطانه وسامحيني انتي ماعندج اسلوب و تنرفزين احس نظرتج حقه دونيه احس انتي زرعتي الشعور بالنقص داخله وهوقاعد


يعوض هالنقص المفروض انج ياحلوه دامه جذيه مدمغ حاولتي تحتوينه موتنفرينه خلاص طاح الفاس بالراس واهوا ريلج الحين*لاتفشلين


منه ولاعليج من احد ............وبعدين تعالي شلون 9 سنوات وبدون يهال وعادي كنتي صابره ومستحمله والحيــــــــــــــــن مع


هاليهال خلص الصبر باااااااااااااااااااح لا انت غلطانه ومخربه على روحج.....حبيبتي الحين حاولي ماتحسسينه انج مهتمه بالموضوع


اليـــــــــــــــن يطيح اللي براسه وبعدين عيشي حياتج بشكل ثاني وعيدي النظر بامور وااااااااااااايد بحياتج ودوري علخطأ وصححيه .

 

[الدميره ..]

الله يعينج ويفرج همج

 

[مشتاقه لك يبا]

رد : مصدومه بجـــــــــد

تعورين القلب يا اختي الله يفرج همج ويسعدج ويفتحلج باب الخير والرزق يارب ويخليلج عيالج ويصلح ابوهم يارب
وطمنيني عليج تكفييييييييين

 

[^^ANA^^]

الله يكتبلج اللي فيه خيير لج ولعيالج

 

[رومــآ]

رد: رد : مصدومه بجـــــــــد

الله يعينج ويمسح على قلبج يا قلبي

 

[*peace*]

اولا تعوذي من ابليس
ثانيا كلمي نفسك وقولي انا ليه انتظر الناس يخلصوني من اللي انا فيه ؟؟ والى متى وانا تاركه حياتي لغيري يتصرف فيها ؟؟
اليوم ببدأ التغيير
طبعا اول تغيير لازم تسوينه انك تثقين بنفسك وقدرتك على تغيير حساتك للأف
دوري لك وظيقة
واعتمدي على نفسك

توكلي على الله وادعيه إنه ييسر لك امرك ويساعدك

معاها كلامها عدل

 

[هدولى]

اشتغلى احس لج وهنى صدقينى بترتاحين وتتغير حياتج ويصير لج قدر عند الكل .

والله يصبرج ويفرج همج .

 

[yooyoo]

الله يفرج همج يارب

 

[بيروتيه]

الله يفرج همج ياااااااااااااااارب عليج بلاستغفار

 

[ميااوي]

حبيبيتي الله يكون بعونج ويصبرج ويفرج همج
بنصحج نصيحه خلاص انتي كرستي حياتج لواحد عقله عقل جاهل وفوق هذا يخون حبيبتي عيشي حياتج البسي واكشخي واشتغلي وطقيه بطوفه اللي مثل هالاشكال ما ينفع معاهم الا جذي لا تدفنين نفسج وانتي توج صغيره وعيالج ربيهم احسن تربيه واذا هو راح يتزوج منو بتاخذه اذا اهو عقله عقل جاهل والله يسامح اهله اللي مو مربينه عدل

 

[أم فتوته]

رد : مصدومه بجـــــــــد

حبيبتي والله عورتي قلبي
الله يفرج همج انشالله

أم فتوته