مصاريف البيت والمعاش قليل شنو الحل

[fife4ever]

ياليت تفيدوني شلون يكفي المعاش ابي اعرف شلون توزيعه لان مصاريف البيت والعيال والشتاء جاي الجهال يبون ملابس واغراض شلون وهمن ابي اسوي غرفه لعيالي لان ماعندهم
والخدامه تبي تسافر وابي اطلب خدامة يعني الحال معفوس وفي بيبي جاي في طريج


فابي كل وحده شلون مقسمة المصرف وشلون مدبرينها

 

[fife4ever]

up



up

 

[عنايد]

بالنسبه حق غرف نو الاطفال حاليا سوي لهم غرف بالضجيج شكثر في نجارين اسعارهم مناسبه ادفعي لهم عربون والباقي الشهر الجاي

وبالنسبه لملابسهم بداية الشتا يسوون تنزيلات استغليها ولاتكثرين عشان تشترين لهم بعدين

والخدامه حاليا ماراح تدفعين الا مقدم والله يعينج ويعينا

 

[fife4ever]

مشكوره حبيبتي
عاد انا اصلا وين رايح رحت للجليب ابي اسوي غرفتهم بس تقريبا 300 دينار بس كبت وسرير
تنزيلات مافي شيء حلو

يالله بنات وين ردود

 

[ام فجور 2008]

حبيبتي انتي ماحددتي تقريبا جم الراتب وشنو المصروفات الي عليج وزوجج شكثر يصرف عليكم حددي عالشان نساعدج بالافكار
شوفي حبيبتي انا بقارح عليج من الي رقيته منج ومن خبرتي في تقسيمة المعاش
اول شي انتي تبين تسوينه تطيرين خدامتج سعر التذكره ما اتعدى 70 حجزي لها او اذا تقدرين تقنعينها تقعد شوي خليها تنطر بس مو بالاجبار عالشان لا تحط الحرة بالاعيال زيدي راتبها

ثانيا اذا تبين تغيرين غرفة العيال وتبين تجيبين خدامة جديدة ماينفع لازم تضحين بشي يان انج تجيبين خدامة
او تسوين غرفة حق الاعيال
وانا بنظري خلي غرفة العيال بعدين اشتري لهم مطارح مؤقة وقولي لهم لي نجحتوا اوديكم تنقون غرف نوم :ggdw:
وعلى سوق نطري التنزيلات وترى في اماكن رخيصة انا الشتا الي طاف شريت حق بنتي من المحاميد والجوهرة

 

[fife4ever]

لا حبيبتي عندهم كبت صغير وعندهم سراير بس الكبير ابي اسويه سرير والكبت ابيه كبير لان مايكفي الكبت الصغير

ومعاش زوجي بصراحة كم ما ادري بس عنده التزام كم همن مايدري ما سالفة محاميد ما اقدر اشتري
من هناك الام ماركات وكشخة والاعيال من المحاميد صعبه وبعدين اعيال خواتي لبسهم حلو
اروح البس اعيالي من محاميد صعب شركات اوكي بس محاميد صعبه

 

[Flower20]

الله يعينج يا قلبي يفرج عليكم
ان شالله تييكم رزقة وتنحل كل مشاكلج

 

[ابلة رسم كتكوته]

تقدرين كل شهر تسوين شي
وشوفي شنو الاهم وسويه
مثلا شهر طلبي الخدامه
واللي وراه غرفة ولدج
واذا على الملابس مو لازم تلسينهم ماركات اذا ما عندج ولا تلبسينهم من المحاميد
عندج زارا اسعاره زينه ونكست واتش اند ام اسعاره بلاش
واذا حزة التنزيلات يصير جنه سوق شعبي من الرخص
انا مدرسه وريلي مهندس والحمدالله رواتبنا زينه
اشتري حق عيالي بدل ماركه بس مو كل شهر لانهم اساسا بسرعه يكبرون وتصغر البدله
ومو معقوله بتلبسينه البدله كل يوم
عن نفسي البدله مرتين بالكثير 3 مرات وكاهم بالكبت مقطوطين
والله يسهل عليكم ويرزقكم

 

[fife4ever]

هاهاها

بنات عاد انا ماقلت انى على باب الله بس انتم ماتعانون من غلا هالدنيا
واكيد مو لازم اشتري ماركات ممكن من الشركات اللبسهم

بس كنا نبي ننتناقش عن المصاريف بس