مشكله ولدي يا معلماااااااااااااااااااات

[(( الذهب ))]

والله ما قصرتو

الحمدلله اليوم ثاني يوم ما يطلع قعت معاه عالغدا واكلمه عن الحصص وشنو صار فيها اكلمه عادي
وقام يسولف عن المدرسين وقال لي عن واجب عطاه المدرس الانقلش اليوم وحليناه مع بعض وقام
يسولف عن زملاءه بالصف حسيت انه صاج لانه يتكلم ونا ما كنت اسحبه بالكلام لا احاول اخلي كلامي
عادي وسوالف بيننا

ولدي اسم الله عليه طبيعي مافيه شي يعني مو خواف او ماله شخصيه لا زين اسم الله عليه بس التغير فاجأنا
وهذا اللي ضايقني حيل بس عسي الله يتم عليه ويهديه ويفكه من التهريب وربع السوء

 

[ميس المشاعر]

الولد بهالعمر لازم تغيرين معاملتج معاااه خليه يحس انج غيرتي معاملتج للأحسن وعطيه مكاافئااات
قوليله اذا سويت جذي بالمدرسه وصرت شاطر مثل اول واحسن وشديت حيلك راح اعطيك مثلااا دوري شغلاات تصلح يعني 10 دنااانير اوو نطلع رحله ونأجر لك بقي او توعدونه بسفرة بالعطله وسولفي معاه وخليه ياخذ ويعطي بالكلام ويقوولج شنو مضايقه وقوليله انا خايفة على مصلحتك واذا ما نفع انقليه مدرسة ثاانية ...
والحرمااان اكبر غلط ولا تعاملينه مثل اخوانه الصغااار..... وفكرة النااادي حلوة ومو اي نادي يكون ثقة ومعروف
واذا مع اولاد خالاته او قرايب او حتى اخوانه افضل عشااان ما تحاتين من صحبه السوووء .....
واذا ابوه يروح الدوانيه خليه ياخذه معاه مرة مرتين اهو يبيكم تتحسسونه انه كبر وبشوف معامله غير
اخوووي من عمره والحمدلله نفعت معاه هالاشياااء ونقلناه مدرسه ثانيه لأن كانوا رفيجانه مأثرين عليه وكله عند الاخصائي مشاغبييين ... الحمدلله تلاحقنااه على اخر شي ....ربي يفرج همج و الله يوفق ولدج وتفرحين فيه معرس وتشوفينه بأعلى المرااكز والوظايف آميييين

 

[نور النـور]

النقل مو حل
الحين يعني لا نقلتيه وبيروح مدرسة ثانيه يعني المدرسة الثانيه مافيها مشاغبين ؟
واكييد بيتعرف على ربع ثانين نفسهم او اسووووووووووء
لازم تحلين المشكله بالمواجهه مو بالهروووب

 

[نور النـور]

وحبيبتي عندي ملاحظه صغيره وبما اني دارسة تربية فا اعرف
طريقتج غلــط في انج تحلين الواجب مع ولدج ترا اهوا ريال كبير مو ليلحين بالابتدائي خليه يعتمد على نفسه
عشان يحس بالمسؤوليــة انتي الحين تقولين لا احسن وخل اساعده وجذي لكن كل شي يطلع بعدين
باجر يوصل لمرحله ماتعرفين ادرسينه فيها ولا تحلين له واجباته وبتلقينه يهمل دروووووسه ويضعف مستواه الدراسي بزووووووووود
يعني مو عيب انج اتابعينه ( ها عطوك واجبات قووم حلهم , روح ادرس , عندك امتحان ؟ ) وجذي لكن ماتقومينه جنه بيبي وتحلين معاه وين شخصيته واحساسه بالمسؤوليـه @@

انا امي خلتني من 4 ابتدائي احل واجباتي بروحي واولى متوسط قمت ادرس بروحي والحمدلله درجاتي عاليه لاني قمت احس على نفسي بالمسؤوليه قمت ما عتمد على احد وكاني الحين ما شاء الله بصير معلمه بس لاتعوودينه اكبر غلــط

وااذا انه يماشي اصحاب سوووء ماتقدرين تقولين له ( لاتماشي هذا ولا تماشي هذاااك ترا غلــط اهوا ( صبي ولد ريااااااال ) مو بنت تخافين على سمعتها مافيها شي خل يماشيهم بس لايتطبع باطباعم ولا يهرب من الحصص وخل يدرس ويجابل دروسه بس لاتمنعينه من ربعه , ليش ما اهوا يخلي ربعه نفسه ؟ يدرسون ويتعلمون منه ( من ولدج ) ترا ممكن ولدج يكون سبب خير لهم صح ولا لأ ؟؟

يعني اذا انتي بتحكمين بكل صغيره وكبيرة بحياة ولد من الحين سوري على الكلمه بس ولد ماراح يكون له كيانه الخاص ولا كلمته

انا انصحج كا اخت وانتي كيفج وهذا مو كلامي والله كلام الدكاترة اللي درسوني وكلام الكتب وكلام واايد ناس بالتربية يعني انتي المفروض تقولين له
(شوف راح اخليك تطلع وتستانس مع ربعك اذا حليت واجباتك وقدمت زين بالامتحان وصرت محترم بالمدرسه وماتهرب ) صدقيني جذي تكسيبنه
خليه يسوي كل شي جدامج لاتمنعينه دايمن ترا باجر كل شي من وراج يصير دامه متعلق بربعه خليــه بس قوليله لا ياثرون عليك عامليه كا انسان كبير لان خلاص في مرحلة نضــج

وسوري على الأطاله

 

[(( الذهب ))]

ميس المشاعر

انا والله معاملتهم علي اني اخت لهم ما امرهم الا بالشي اللي محتاج اني امرهم فيه ولا الباقي لا اخذ رايهم فيه
وحتي كلامج وربي اسويه ان خلصنا من الامتحانات وبع

 

[(( الذهب ))]

يووه نزل قبل لا اخلص كلامي انا كل ما خلصنا الاختبارات اخذهم اطلعهم واعشيهم برا وافلها وياهم
احسسهم اني مقدره تعبهم بالوقت اللي قضوه بالدراسه حتي لو كنت حاسه ان تقديرهم بالاختبار ضعيف

انا ساكنه بعيد عن اهلي يعني كل جيراني مو من قرايبي عشان جذي احاتي ولا الكلام علي طول انصح
بس مو بشكل انك غصب تسمع كلامي لا بطريقه حتي هم يستانسون من كلامي ولا يملون لاني مره قلت
له ادري انك مليت من كلامي وودك تروح لربعك قال لا والله وناسه كملي ^^

انا فاتحه قلبي لهم لاني كنت بيوم من الايام بعمرهم وادري باللي يمرون فيه ماني معقده


نور النور

كلامج كله نور اسم الله عليج وحلو ومقنع بالعكس من مصلحتي اني اخذ كل كلمه تجيني واتعامل فيها مع عيالي
لاني جربت اللي عندي واكيد لكل شخص طريقه ممكن تنفع مع الاخرين وانا اشوف ان ولدي الحمدلله بدا يدرس
بهاليومين اللي فاتو ما طلع من الحصص وهذي بدايه زينه وان شاءالله يتمم عليه

كلامج صح انا ادرسه للحين بس بحاول اني اخليه يحل من نفسه وهذي غلطتي اني اخليه يعتمد علي لانه ان مسك
الكتاب مراه يعرف من وين يبدأ او شلون يطلع المعلومه

جزاك الله خير