رجعت لموضوعج مره ثانيه لاني اول مره رديت عليج فيها حزتها توني قاعده من النوم وقافله وكتبت اي شي لاني ماحبيت اطلع من غير ما ارد عليج
اول شي بعض الردود الدفشه + لا تعليق < حتى لو البنت غلطانه الناس تنصح بأدب ولباقه مو جذي
ثاني شي حبيبتي اللي نعرفه ببيت اهالينا وتربينا عليه واللي اصلا نشووفه من عمر انه الوحده اول ماتسكن ببيت جديد اوووووول شي تسوي استقبال ببيتها وتتفشخر قدام الحريم وغير البوفيه و في بعضهم تحط دي جي وغير صواني التقديم و الضيافه عشان الناس تشوف بيتها وتبارك لها
ثالث شي والاهم انتي قلتي حق مرت اخوج مقدر استقبلكم عندي سفره وانا مشغوله وخزيآآه !!!
والله والله لو حمولتي واقولهم هالكلام كان طلقوني من ولدهم بالثلاث وسالفتي على كل لسان
رابع شي والاهم حبوبه كان المفروض واقل شي يوم قالت جذي قولي لها حياكم الله وان ما شالكم البيت تشيلكم عيوني وماله داعي اصلا تطلبون مني احدد لكم يوم تزوروني فيه انتو اصحاب البيت حتىىىىىىىى لو كنتي متضااايقه بداخلج ابلعيها ووجبي الناس باحترام بذمتج عمره احد جاكم ببيت اهلج وامج طردتهم !!!! وبعديييييييين خلي سالفة انهم ماخذو رايج على صوب بس خالتج عزمة الاولي والتالي وتقصين وجها قدام اللي عزمتهم وي وي ياكبرها عند الله حطيييييييي نفسج مكاااانها عيييييييييييييب والله العظيم يعني تخيلي تدق عليهم تقولهم لا والله مرت ولدي مو فاضيه تستقبلنا ببيتها وراها سفره اشهدددد انج طحتي من عين الناس
وبعدين حتى لو بتسافرين شكو السفره بالعزيمه !! هذا وانتي عارفه نظامهم كل سنه وتسوين جذي يعني منتي غشيمه عنهم وانتي عاشرتيهم وسكنتي معهم ببيت واحد يعني المفروض عارفه طبايعهم وعارفه عاداتهم مو تسوين جذي
وبعدين الله ماكثر الحريم اللي شغلهم شغل بيت ونظيف ولذيذ اولهم مطبخ الذواقه الله يذكرها بالخير
كان طلبتي سخانين قوزي دجاج ولحم ومقبلات وشوية حلويات والجاي والقهوه سويهم بالبيت وكان الله غفور رحيم واذا جوج البيت قولي لهم السموحه مقامكم اعلى من جذي وضيافتي على قدي صدقييييني وقتها رح تكبرين بعينهم وعلى فكره كل هذا مايكلفج خمسين دينار والله العظيم
بس للاسف انتي على تصرفج هذا يالحبيبه الغاليه
طحتي من عين اهل رجلج + طحتي من عين رجلج
وبقولج نقطه يمكن انتي غافله عنها
ترى حمولتج موووو اهلج يعني اهلج مهما تسوين ينسون ويسامحونج اما حمولتج صدقيييني يطوفون لج بس مااااينسونها لج طول العمر والله اعلم لو ما قالو من وراج الشرهه علينا زوجناها ولدنا طلعت ماهي سنعه
بالذمه شتسوى عليج الحين !!!
وبعدين هم تحملوج سنيييييييييييين على قلبهم ببيتهم وكنتي ضيفه عندهم وانتي يوم واحد مو قادره تتحملينهم الله واكبر يوم استقريتي ببيتج كبر راسج عليهم الله يهديج بس ويسامحج على سوآتج هذي
ولا تزعلين على البنات اللي ردو عليج باسلوب جاف شوي بس صدقيني حنا كلنا خواتج ومحترين عليج لانج طلعتي بالشينه عند حمولتج
والحين مالج الا شي واحد بس تروحين تبوسين راااس خالتج وتتأسفين منها وتتسامحين من حماتج وتقولين لها انج كنتي تعبانه مع تجهيز البيت عشان جذي تعذرتي عن عزيمتهم وتسوين اكبر عزيمه عشانهم
وتتسامحين من رجلج صدقيييييييييييني رح ترضين رجلج واهله لو سويتي جذي اما لو كابرتي ويبستي راسج انا اقول روحي عند امج تعلمج من سنعها احسن لا يعوفج الرجال ويكرهونج اهله خليج اجوديه وسنعه صدقيني يحطونج على راسهم من فوق وماينزل مقدارج ابد
والراي الاول والاخير لج حبوبه الله يهنيج ويوفقج
