مشكله صغيره وكبروها اهل زوجي لية وصل زعل وما اكلم زوجي ابد

[MzMzq8]

يمه يا بعض ردود البنات قلة ادب ودفاشه يعني كلش سنعه

ترا السسنع انج تردين بإحترام و تنصحين بإحترام مو تردحين للبنت استغفرالله

..........
وحبيبتي ترا حركتج مو حلوه يمكن خالتج مو قصدها انه عازمه و مو راده عليج

بس انتي قلتي انه توج ساكنه بيتج فشي طبيعي انهم يزورونج فدقت اخته

وعلى اساس انج تحددين يوم يناسبج عشان يسيرون عليج ويمكن استحت منج

فبلغت اخوها يبلغج ...

السالفه بسيطه وتترقع اعزميهم مره ثانيه وبيضي وجه زوجج وترا كله عشا

سهالات ان شاءالله وبيعذرونج على مواعينج المهم مشي الامور

 

[مآيكبرني نك]

آنتي اللي غلطآنه

حتى لو هم عزموآ آعمآرهم وحطوج جدآم الآمر الوآقع

وين السنع والكرم ؟ آصلآ كيف لج ويه تقولين هآلكلآم لهآآ ,

فظيييحة الصرآآحة

مآدري آشقآآ بترقعين اللي صآر

 

[فوفو22]

حبيبتي عيب اللي سويته

ترى طبع العرب من جذي

حتى لو يدخلون عليج فجأه الناس

تهلين وترحبين فيهم

فمابالج باهل زوجج

مو بالضروره يبلغونج

قصدي ما تصير مشكله لو ما بلغوني

ولكن اني اعتذر عن استقبالهم بحكم سفره

بصراحه لا حيا ولا مستحا

المفروض ريلج او انتي تعتذرون منهم وتطيبون خاطرهم بعزيمه

يا ماما الحين صار عندج بيت مستقل

في ناس تاخذ موعد وتجي وتكونين مستعده نفسيا لاستقبالهم
وفي ناس يمونون على اهل البيت مثل اهلج واهله

اذا دخلوا فجأه

العين اوسع لهم من المكان

والله يعافي الحين التلفون طلبي بوفيه ويوصل للبيت

عيدي النظر بتصرفج

فوفو

 

[اسبــانيــة]

انا اشوف الغلط منج

يمكن كانو حابين يباركونلكم عالبيت بلمة حلوة مو ضروري عزيمة والهبلة اخت زوجج قالت عزيمة واهيا جمعه يباركون لكم بس

حسني الظن فيهم

وماكو ريال يرضا تقوليله امك غلطانة وتطبين فيها

 

[شمـ305ــوخ]

حبيبتي
انا اشوفها مو حلوه بحق زوجج
الحين خلاص انسي سالفه
واعزميهم واتوقع راح ينسون الموضوع

 

[washwoshh]

يمه من الحريم!!!!!!!!
اغلب الردود غير موزونه
لو مرت اخوج مسويه سواتج بتسكتين
واهل الزوج الله يعينهم شدعواا ذابحهم الجوع وبياكلون كل يوم عندج
مدري شكلج ماتعودتي في بيت اهلج ع العزايم والذرابه والتقدير والواجب
وكل الردود يتحلطمون ع اهل الزوج عيب عليكم هذولا اهل ازواجكم واهل عيالكم
تراا بعدين بيسووون فيكم حريم عيالكم مثل ماسويتو فيهم اتقووو الله
وصاحبة المشكله يباا عاادي كان سويتي لهم فطور بيفطرون وبيمشون مونايمين عندج لاتخافين والي يفطر الصايم له اجره

انا معاها ما فيها شي

 

[بولندية]

انتي مو غلطانه و اهم كان قصدهم يقهرونج و انتي سهلتي عليهم المهمه و انقهرتي
و الحين بيمسكون هالسالفه عليج و كل فتره يذكرون زوجج فيها و يعصب عليج
كان بيدج انج توافقين و تسوين العزيمه و تطلعين بالزينه و تفتكين من شرهم
بيتج جديد ماشالله و مطبخج جديد
و المواعين عمرها ماكانت شي ضروري للعزايم
كنتي تقدرين تشترين مواعين بروحه وحده السوق تشترين كل اللي تبينه
و اذا قصدج ان فلوسج ماتكفي كنتي تقدرين تشترين مواعين القصدير و تدبرين عمرج تجتهدين بالي عندج اهم شي اهل زوجج مايمسكون عليج شي

سالفتج ذكرتني بعمتي
كانت توها ساكنه بيتها من اسبوع و دقت عليها اخت زوجها الساعه ٨ الصبح و قالت اليوم بنتغدا عندكم
و عمتي ماستقرت بالبيت عدل توها و مطبخها مافيه مواعين و هي مو موظفه على الله و على المصروف اللي من زوجها
راحت للجمعيه و شرت صحون قصدير مثل صحون الكيك الجاهز بس احجام اكبر و سوت لهم عزيمه تهبل
سلطات و مقبلات و اطباق رءيسيه و شوربات

و من يومها للحين صار لها ٣ سنين ولا مره زاروها بالبيت

سوت لهم اللي يبونه و تحملتهم و بالمقابل الله فكها منهم و من زياراتهم الثقيله





الهدف من اللي قلته ان الوحده تحاول تبعد نفسها عن المشاكل و تدبر نفسها باي شي
كنتي تقدرين بعد تطلبين لهم من المطعم
تطلبين من خواتج يساعدونج
انتي بعد مشاركه بالغلط


نصيحتي لج صححي موقفج
و اعزمي اهل زوجج كلهم فبيتج عزيمه عليها القيمه و لااااااا تقصرين بشي و خلي زوجج يرفع راسه فيج جدام اهله
و لزمي عليهم كلهم انهم يجون
مو تقولين لزوجج يبلغهم و يعزمهم
انتي اتصلي فيهم واحد واحد و لزمي عليهم يحضرون


و الله يعينج و يصبرج

:*

معااهاا

 

[ناتشوو]

اللهم أرنا الحق حقا وارزقنا اتباعه
وأرنا الباطل باطلا وارزقنا اجتنابه

واضح ان زوجك واهله وحمولتك ناس طيبين واجاويد
وهذا اللي خلاك ماتحسبين لهم اي حساب لا لزوجك ولا امه
( هالاثنين خاصة )

وفوق شينك قوات عينك هم الغلطانين هم زعلوك وهم ماخلوك تتهني بالعيد!!

لأنهم تجرأو وفكرو يتجمعون وييزورونك
حتى لو شهر كامل
دام هذي عاداتكم وطول عمرك موافقة عليها المفروض تتحملين

وانت بتصرفك شنو تقصدين
ربيتي أم زوجك انها مالها شغل تعزم ف بيتج!
احرجتيها وفشلتيها
لأنك ضامنة انها ماتهش ولا تنش
المسكينة لا تشرهت ولا قالت شي

ولا خبث او دهاء او قلة نضج
تشيشين الولد ع امه
انهم مو ( محترمينك ) ولا محترميني
والله انت اللي مااحترمتيه
ولا حطيتي له قدر
من نفسج رديتيهم بدون لا تشاورينه
لان وراك سفر ولبس عيد!

صج بعض الحريم مو كفو بيت مال غرفة وحمام عند اهل زوجها وواجد عليها
طلعة البيت مو معناها تقطعين علاقتج باهل الزوج
بالعكس معناها مسؤولية زيادة
ديوانية
عزايم مفاجأة
رجالية او نسائية
وهني يبين سنع الوحدة

وبعدين اعرف الوحدة حتى لو تعتذر ماتقول وراي سفر عقب كم شهر!
عالاقل قولي ماخلصنا البيت واثاثه

الله يصلح بنات المسلمين ويرزق عيال المسلمين بالزوجات الصالحات

 

[راحيل العبدلي]

اللهم أرنا الحق حقا وارزقنا اتباعه
وأرنا الباطل باطلا وارزقنا اجتنابه

واضح ان زوجك واهله وحمولتك ناس طيبين واجاويد
وهذا اللي خلاك ماتحسبين لهم اي حساب لا لزوجك ولا امه
( هالاثنين خاصة )

وفوق شينك قوات عينك هم الغلطانين هم زعلوك وهم ماخلوك تتهني بالعيد!!

لأنهم تجرأو وفكرو يتجمعون وييزورونك
حتى لو شهر كامل
دام هذي عاداتكم وطول عمرك موافقة عليها المفروض تتحملين

وانت بتصرفك شنو تقصدين
ربيتي أم زوجك انها مالها شغل تعزم ف بيتج!
احرجتيها وفشلتيها
لأنك ضامنة انها ماتهش ولا تنش
المسكينة لا تشرهت ولا قالت شي

ولا خبث او دهاء او قلة نضج
تشيشين الولد ع امه
انهم مو ( محترمينك ) ولا محترميني
والله انت اللي مااحترمتيه
ولا حطيتي له قدر
من نفسج رديتيهم بدون لا تشاورينه
لان وراك سفر ولبس عيد!

صج بعض الحريم مو كفو بيت مال غرفة وحمام عند اهل زوجها وواجد عليها
طلعة البيت مو معناها تقطعين علاقتج باهل الزوج
بالعكس معناها مسؤولية زيادة
ديوانية
عزايم مفاجأة
رجالية او نسائية
وهني يبين سنع الوحدة

وبعدين اعرف الوحدة حتى لو تعتذر ماتقول وراي سفر عقب كم شهر!
عالاقل قولي ماخلصنا البيت واثاثه

الله يصلح بنات المسلمين ويرزق عيال المسلمين بالزوجات الصالحات

طلعتي الي اب قلبي
الله يهديج بس ولا هاذي سوااات تسوينها بحمولتج
واااا فشلتااااه ??

 

[al-musk]

انا لو بصير بموقفج بسوي العزيمة وبطلب من بره وشدعوة يوم ويعدي واحتسب الأجر.. وأمه تمون تختار العزيمة فبيت ولدها ومافيها شي وهم مايدرون عن ظروفج وانج مو مجهزة مطبخج..

ناس بقو يزورونكم مافيها شي وحياكم الله ومو الا تطلع العزيمة بيرفكت .. عادي الي ربي يسهله بس ما اطلع بالشينة واني منعتهم عن بيت اخوهم ..

انا ما انكر صار في تجاوزات من الام وددقت وعزمت وحطت اخر من يعلم بس هم انتي مفروض معدية السالفه .. عشان زوجج ودايم الوحده تقدم تنازلات عشان ريلها جدام اهله

 

[كليـ دلعـ]

^^^^^^


تجااوزات!!


تجاوزات عشان بعزم فبيت ولدي؟!


لابالله كديت خير!!

 

[DO7AWE]

والله انتي غلطاااانه
بعد مقاريد اهل الزوج ثووومه ماكوله ومذمووومه ...شفيها يعني بيت ولدهم قبل لايصير زوجج
ولو مرت اخوي مسويه هالحركة والله ماطب بيتهم بعد .. اي والله بعد ماخذه اخوي وبتسوي معزبه،،مهما كان الامر والنهي للام حتن لو بيتي بروح ولو ام زوجي مسويه هالحركه والاه ثم والله لا افرش لهم البيت حربر ولا اطلع بالشينه عند الناس
هذا رايي ولازم تقبلينه انتي قلتي سالفتج عشان تسمعين راي البنات
واللي تقولج هذا بيتج وهذا بيتج لو مرت اخوها سوت هالحركه اول من يسوي انقلاب اهي
استغفرالله غير اني ماخذه ولدهم اتكبر!!!

 

[DO7AWE]

اي والله بعد انا اربي واسهر واكبر واتعب وبالتالي تجي المدام تقولي والله ماخذيتي رايي!!! بعد ام الزوج لو هي ماعرفت انج بنت ناس واجوديه وسنعه ماخذتج من اهلج ...لاتخلينها تكير الصوره اللي راسمتها لج علبو ماخذوو رايي؟؟
يكون بعلمج ان ام زوجي كل ماجبت طاري زواج ولدي تقولي موعلي كيفج تزوجينه هذا ولد ولدي وانا ازوجه
والله اني اقولها حقج وهذا ولدج ..تخيلي ولدي وتقولي موعلي كيفج ،،،موعزيمه !!! واتقبل بصدر رحب لانها ام ...ام ياااناااس ...شلون انتو امهات وماتحسون باحساس الام؟؟؟ خلي ولدج ينام في بيت اختج يومين ،،، تطلع روحج عليه .فمابالج تعطينه مره باردة مبردة ولا تسوي معزبه عليج بعد،، شرايج؟
ادري كلامي قاسي بس انا ابي افهمج ان مهما حصل الام ام والاخت اخت وانا زووووجه فقط يقدر يبدلني باي وقت .. واتمني من المل موبس صاحبه الموضوع يستفيدون من كلامي ،لاني الاحظ الكل اندفاعي علي اهل الزوج ,,,شصار ..اعل الزوج اعداااء؟؟
جملي فعايلج معاااهم ويعجبج مردودهاااا...


تحيااااتي لج

 

[DO7AWE]

بعدين اول وتالي انتي الخسرانه!!!! لان المشكله اللي سويتيها بتضايق زوجج ويتعكر مزاجه وكل ماراح لاهله بيتذكر وبالتالي بيتعكر جو بيتج ،، شوفي انا رديت جم مره علي موضوعج لاني جدا حساسه من هالناحيه امي وام زوجي خط احمر ، ،، لهم القدر والاحترام وانا انصحج وابي الخير مع اني ماعرفج بس يمكن كلامي يصلح بينكم ..

 

[DO7AWE]

اي والله ؟؟؟؟ بعد بيت ولدي وتبي استأذن!!!!! خخخخخخخخ تراني رديت ع موضوعج جم مره
احتريت'!!
والاه ان ام زوجج عسل وخوش مره ولو انها من الحريم العوب جان جتج البيت وقلبته عليج ،، طاردتها خوش طرده

 

[ديانا سبنسر]

مع نوارة

 

[اميره^_^بحلآها]

مع كلي دلع

 

[صمت المرافئ]

مرحبا بنات اشتقتلكم بدخل في الموضوع واتمنى تشاركوني في الردود
انا مشكلتي قبل مايخلص الرمضان حبيت اعزم اهل زوجي عالفطور

يعني النية موجودة شلون تقولين بعدين انج ما تدرين !!!

خواته اثنين متزوجات وحده مو متزوجه واخوانه اثنين واحد متزوج وثاني لا المهم عائلته كبيره وعندهم عاده كل رمضان يفطرون في بيت احد منهم وهالمره جاء دورنا انا وريلي في بيتنا ف قبل ٣ شهور

يعني عارفة هالشي وعارفة نظامهم كل سنة يتفطرون في بيت أحد منهم

عطونا بيت والبيت يبيله فرش وتجهيز وترتيب انا شريت كل شئ غرفة نومي وغرفة عيالي والمطبخ بس ماخلصت المطبخ تدرون اغراض المطبخ مايخلص المهم وابي اسافر شهر ستمبر .ف المشكله بدت من هاللحظه ام زوجي راحت قالت لبنتها وزوجة ولدها هالرمضان نبي نفطر في بيت محمد بيت ولدها محمد وهو زوجي ثم راحت اتصلت على اخت زوجي بس مو بنتها اخت زوجي من نفس الاب بس مو نفس الام وقالت نبي الافطار يكون هناك لانه البيت جديد واول مره نفطر هناك ف راحت اخته من نفس ابو اتصلت على زوجي وهو كان نايم انا رديت عليها وقلت لها اخوج نايم سلمناعلى بعض بس وقالت اتصلت عليكم بس اسلم عليكم وحسيت لسانها في كلام ماعلينا قلت لها ماشي وسكرت الخط. ثاني يوم اتصلت على زوجي وقالت محمد سمعت العزيمة ف قول لزوجتك تقول لنا متى والوقت ف راح زوجي بلغني وقلت ليش ما قالت لي امس ليش ما سألتني وبعدين انا ماطلع من لساني عزيمة ولا من زوجي ف اشلون ام زوجي تعزم وتحدد انه في عزيمة في بيتي

انت عارفة انهم بتفطرون عندج ونطروج تعزمينهم ...
ما عزمتيهم ... فقالوا لزوجج اللي اهو ولدهم يذكرونه
لأنهم نطروج تعزمين وما عزمت ... فذكروا ولدهم يقول لج
حشمة وقدر ما حبوا يواجهونج وتفتشلين ...

سنتين ونص كنت ساكنه عندها والحين لما سكنت بروحي تحدد وتعزم من غير ما تستشيرني او تقولي حتى لعلمكم كانت عندي ام ريلي قبل ما تتصل علي اخته بيوم ولا قالت لي انا صاحبة البيت اسمع انه في افطار في بيتي من الناس من اخته ثانية من نفس الاب والام ومن مرت اخوه وانا اخر من يعلم قلت لها حبيبتي كيف خالتي ام زوجي تحدد انه في عزيمة في بيتي وهي قالت لي ولا استأذنت حتى لو قالت لي احب هالسنة اول رمضان يكون لكم بيت اني اجمع العائلة ونفطر عندكم جان ما قلت لا

انت تدرين وفي بداية كلامج ذكرت هالشي

حتى لو كنت مشغوله او عندي ظروف المهم وقلت لاخته في تليفون انا مشغوله وبسافر هالسنة وسوري لا تزعلين منى قالت لا ماكو زعل

عيب هالكلام ... مشغولة تعزمين أهل ريلج على فطور
ومو مشغولة بالتجهيز للسفر
وتصرحين بهالكلام لحماتج ... بدون تقدير وحشمة ...
وما تبينها تزعل @@

وسكرت الخط سألني زوجي وقلت له اختك من ابوك عطيتها الرد كذا وكذا وبعدها زعل مني وانا زعلت وقلت مااحترموك ولا احترموني ماسألوني اذا راضيين عزيمة في بيتنا بس يقرروا المهم وظلينا زعلانين من بعض ٤ ايام وتصالحنا وبعدها قالي اتصلي على وسلمي عليها اخاف ازعلت منك واتصلت سلمت عليها وسألت عن احوالهم وسكت الخط

زوجج يطلب منج تتصلين عليها يقول لج أخاف زعلت
يعني طيبي خاطرها ...
زمع ذلك تتصلين عليها وتسألين عن الأحوال دون اعتذار باللي حصل
وما تبينها تزعل !!!

وبعدها قبل العيد بيوم اتصلت على زوجي وفتحت له الموضوع انا ماتوقعت زوجتك تتكلم كذا وتقول كذا وسوت نفسها زعلانه

أشوف من حقها تتصل على اخوها من صدمتها من تصرفج
انج تشوفين التجهيز للسفر أولى من عزيمة الأهل
بصراحة ما ألومها

وبعدها دخلت على الغرفة زعلان ومتغيروسألته اشفيه وقالي اختى قالت كذا وماتوقعت منك كذا المهم وهذا اول رمضان مانفطر مع الاهل سووه قصه قلت انا مو جاهزه اسوي فطور

كلمتج هذي تدل على عدم احترام
صارلج 3 شهور نازلة بيتج
وترى أقصاها فطور !!! من مطعم إذا ما تقدرين تطبخين ...
عندج فلوس تسافرين وما عندج فلوس لعزيمة الأهل !!!

وبعدين انشاء الله هذا مو اخر رمضان الايام الجايه اكثر وبعدين وورانا والمصاريف عالسفر والعيد والبيت جديد يبيله المشتريات وبذات اذا قلت بسوي عزيمة وراي لازم اشتري مواعين واغراض المطبخ المهم عصبت على زوجي ونرفزني قضيت الليلة بالبكاء رحت قبل امس السوق اشتريت لاخته هدية وعطيتها الي اتصلت وسوت لي المشكله واعتذرت منها رغم اني ماسويت شئ اول مره اعتذر وانا مو خلطانه

ما زلت مصرة على عدم خطأج !!!
الله يعين الريال ... أهله يتشرهون من صوب
وانت تطنقرين من صوب ... وين يقطع عمره !!!
وبعدين ما دام انج تشوفين نفسج مو غلطانه
ليش تشترين لاخته هدية وتتصلين تعتذرين ؟؟؟
ما كان من الأول سويت عزيمة ... وارتحت
وكبرت بعين الريل وأهله ووجبتيهم واحترمتيهم ...
الحين تعبت نفسج واعتذرت ورحتي السوق
وصرفت فلوس على الهدية ... وحتى لو رضت اخته
الباجي ما رضوا ... وطحت من عينهم على هالتصرف ...

الله يسامحها خربت علينا العيد وكنت مضايقة ايام العيد ومازلت متضايقة والحين ما اكلم زوجي وزعلانه منه لانه فكر بس بأخته انه ماتفهمنا خلط وامه الي فتحت المشكله زوجي يقول دام انهم كانوا يبون العزيمة الافطار في بيتنا ليش رفضتي ليش ما مشيتيلهم الكلام وسوينا الافطار وقلت محد قالي وبعدين هم يقرروا انه راح يكون الفطور في بيتنا وامك ليش ما سألتني او استأذنتني ف قولولي اش رايكم وهل انا خلطت في شئ تعبت وابي الرد

ليش تستأذنك أمه !!!
انت تدرين ان هالسنة الفطور عليكم وما تكلمت ...
ومر رمضان وقرب يخلص وانت لا حس ولا خبر !!!
تزعلين على أمه ليش ؟؟؟
أم وتذكر ولدها بدون لا تحرجج ...
البيت بيت ولدها قبل لا يكون بيتج !!!

تبين الصراحة ...
انت غلطانة وبشدة بعد ...
وكتبت تعليقي فوق تحت كل فقرة ...
وفي النهاية أرجو انج ما تزعلين
انت طلبت راينا وهذا رايي بكل صراحة
​

 

[عاشقة الدوحة]

بصراحة أنا اشوف في خطأ منج .. يعني صحيح ان في غلط منهم شوي.. لكن مثل ما قال زوجج كان مشيتي الموضوع..

الله يعينج

 

[أحترت أعبر]

لو أنا مكانج ...والله لو بنفس اليوم خبروني انهم بيتفطرون عندي والله ثم والله لادبر نفسي من تحت الارض ...أتسلف مواعين امي جيراني , أشتري من مطعم لو اسوي لهم شي بسيط المهم ما اردهم لو شيصير...
يا حياهم الله ودام هاذي عاده وكل سنه برمضان يجتمعون بيت احد اصلا من نفسي بقولهم حياكم حتى لو بيتي مو كامل واثاثي مو كامل ....اصلا بكبر بعينهم وعين زوجي ...
انتي غلطانه ....