مشكله اخوي وبنت خالتي ( مولاقين لها ححل ) !

[وشم الكفوف]

ماتدرين يمكن اخوج يحب بنت خالتج الكبيره ونفسه فيها
عشان جذي ماتمت خطبتها مع ولد عمتها
انا من رأيي يأخذ بنت خالته الكبيره احسن من انه يعيش مع غيرها
وقلبه معاها

 

[am faisal]

حبيبتى انتو تكلمتو عن الكل بس نسيتو صاحب الموضوع خاطرة بالكبيرة والحين يقدر ياخذها وهذى قسمة ونصيب وليش ينطر جاهل اصلا مالة خاطر فيها وبعدين عندنا وعندكم خير الناس صارو ما تعرفين لهم تبين تضحكين ولد خالى خطب وحدة من جما عتنا ووافقو بعد كم يوم صارت سالفة دقت امها تعذر وتقول لا تزعلون ترى ام فلان خاطبتها اول ما ولدتها قالت تراها لولدى بس انا نسيت شهالترقيع قولى البديل الافضل توفر وولدكم كان الاحتياطى

 

[Vdieta]

خلاص اخطبو له الكبيره مو اهو يبيها

 

[منال 1986]

خل يستخير ويكلم ريل خالته

 

[كويتية و لي الفخر]

الله يكتبلكم الل فيه الخير

 

[ألماس من داماس]

سبحان الله صج قسمه ونصيب، جنها مكتوبه له من الاول لول
خل يروح يخطب بنت خالته الكبيره وياخذها دام اهوه يبيها لان الريال اذا اختار الوحده اللي يبيها راح يرتاح
لاتغيرون رايه، اهوه اللي بيتزوج مو انتو .. خلوه ياخذها
وبعدين الصغيره وايد صغيره لاحقه عالزواج يعني تتزوج عمرها 17؟ هم وايد صغيره ..

بس حرام عمتها اللي بتزوج ولدها اخت مرت ولدها الكبير لول اكبر غلط انه اخوان يتزوجون خوات ويع الله يعينهم
موفقين

ارجعوا اخطبوا الكبيررره لأنها بنفسه وماعليكم من خالتك وكلامها المهم ان البنت تكون مقتنعه بعدين صعبه ياخذ الصغيره ونفسه بالكبيره بيتذكرها كل وقت واذا صار بينهم خلافات بيقول ليتي اخذ اختكي:eh_s(15):

 

[ألماس من داماس]

والله يوفقه ويسعده ويرقه بنت الحلال اللي تحطه بعيونها وتحشمه وتحشمكم سواء بنت خالتكم او غيره وووه بث

 

[ماني من الناس]

الغلط انه اخوج يوم ما وافقوا عليه راح لاختها الصغيره
دام اهو كان نفسه في الكبيره وانخطبت شلون عادي عنده ياخذ اختها اللي ليحين مانضجت عدل هالشي مو مفهوم


والحين فتحتوا مخ الصغيره عزواج وبتخلونها تكره اختها اذا غيرتوا رايكم اصلا من اساسه غلط عمرها حيل صغير ومو لعبه تقولون لها اخوي بيخطبج بعدين خلاص بناخذ اختج

دشيتوا بمتاهه وخربطتوا مخ البنيه كسرت خاطري


ثاني شي اهو شايفنهم يعني وعشان جي انعجب بالكبيره ولا شلون

 

[مزاجية حيييل]

خل ياخذ الكبيره لان نفسه فيها

حرام

مافيها شي ولا تسببون مشاكل بين خوالج

وتظل خالتج بالنهاية مو غريبه لاتهاوشوا ترجعون لبعض بسرعه لان لحمكم ودمكم


استخيرواا والله كريم

 

[mf6nt el3lat]

هاذي حياته هوووو ؟ خل يختار اللي يبيه اذا يبي الكبيرة الصغيرة اللي توها مانولدت ، بكيفه انتي قولي له السالفة من طأطأ لسلام عليكووو وقولي لي له يافلان اللي خلق بنات خالتك خلق غيرهم وانت شلك بالطلايب اذا من اول السالفة جذي ينعاف تاليها

والله يكون بالعون بس اهم شي رأيه نجد راح يتحمل العواقب غيييييره

والله يرزقه الزوجة الصالحة اللي. تسر قلبه

 

[mf6nt el3lat]

الغلط انه اخوج يوم ما وافقوا عليه راح لاختها الصغيره
دام اهو كان نفسه في الكبيره وانخطبت شلون عادي عنده ياخذ اختها اللي ليحين مانضجت عدل هالشي مو مفهوم


والحين فتحتوا مخ الصغيره عزواج وبتخلونها تكره اختها اذا غيرتوا رايكم اصلا من اساسه غلط عمرها حيل صغير ومو لعبه تقولون لها اخوي بيخطبج بعدين خلاص بناخذ اختج

دشيتوا بمتاهه وخربطتوا مخ البنيه كسرت خاطري


ثاني شي اهو شايفنهم يعني وعشان جي انعجب بالكبيره ولا شلون

اي والله كسرت خاطري الصغيرة

 

[ام مريوومة]

انا برايي ياخذ الكبيره اول شي لانه يحبها واذا اخذ اختها بيقعد يقاارن بينهم وما اتوقع انه بيتهنا بحياته بعدين الكبيره وش ذنبها اذا امها تصررفت كذا ماتقدر تعارض امها وامها كانت تدور مصلحت بنتها مو اكثر واتصرفت خطا يعني اعذريها ماتعرفين الام كيف تفكر يعني اهي شايفه اخوك بعد زين ولا كان ماقبلته لبنتها الصغيره ؟
الصراحه انتو تسسرعتو يوم خطبتو الصغيره وش ذنبها تدخل بهالحووسه

 

[بندووشه المطيري]

مممممممممممممممم :bbbiu:

آلله يكتب الي فيه الخخخخير بس


ومثل ماقالوو البنات اقنعي أخوج وفهميييه السالفه


وبنات الححححلال ترس الديره

 

[دلوعه ززوجي]

حببتي الحين البنات شنو ذنبهم تقولون ناخذ الكبيره وتقعد البنت تفكر وتحب بعدين لا تاخذون الصغيره وتخلونا تفكر بزوج المستقبل طبعا اخوج وبعدين تفشلونها وتردون ع الكبيره عيب والله واهو ليش. توه صغير العمر قدامه وانتي ماتعرفون غير بنات خالتج ليش ماكو بنات عم

 

[هُدوء]

^^^
حبيبتي مآيبي الآبنآت خآلآتي .. كلمنآه مآنفع ويآه ةة
يقول مآبي الآبنآت خآلتي ،



,

 

[ĆŭŧΣ Ḟầсe ㋡]

من وجهة نظري اخذوا الكبيرة وهي مالها دخل هذا يمكن راي ابوها فضل اخته ع اخت مرته والله اعلم وهي م تبيكم تاخذون موقف من ابوهااا وبالثانيه رضوا عشان عدل عطى اخته وبيعطي الحين اخت مرته و م صار النصيب فليس نعاتب الكبيرة وتشوف اختها اللي اصغر منها تتزوج والصغيره قدامها العمر الله بيرزقها وانتم لا تشيشون اخوكم تقطعون رزق البنت / قطع الاعناق ولا قطع الارزاق ​

.​

.​

 

[Dana.Qtr]

الاهل قلبهم ع بعض !!
انا اشوف لو اخوج يكلم ريل خالتج يعني من ريـال لريال وايد افضل ..
وانتي شوفي بنت خالتج تبيه ولا لا
بدال اللويه وفالاخير يمكن هي ماتبيه ..
ويااما صارت هالسوالف واكثر من جذي
بس دام الولد يبيها انا ماشوف في شي يمنع غير " رفض البنت " والله يكتب لهم الي فيه الخيرر

 

[om-3azo-83z]

لا تفكرون بالكبيره حرام تعلبون على الصغيره الحين اهيا وافقت و خلاص و حطيتو فبالها السالفه مو لعب يهال اهوا خالتج تبي كل شي بكيفها وينها من اول؟ ولا لما طنشو فيها تذكرتكم؟ و لو تقدرون تبعدون احسن بعد قنعو اخوج طبعا لما تلقون بنت ثانيه و يشوفها قنعوه و اذا تكلمت خالتج قولي ما نبي تصير مشاكل بين الخوات كلامج صح خلو عند اخوكم كرامه !

 

[nono93]

اقولج شي

اسمحيلي بس احس ان خالتججج ماادري يعني احس مشاكلها وجذوبها وااجد


خلااص مدام يبيهااا خليه يااخدها

وام 14 يسم الله تو الناااااااااااااااااااااااااااااااااس عليها

 

[بنات حواء2]

انا رايي الي هذي اولها ينعرف تاليها
اهمه قاعدين بتلاعبون و يلفون و يدورون مع احترامي لج
فبتالي هذوله الارتباط فيهم متعب لانهم مو صريحين فانا برايي شوفوا غيرهم مايصلحون لخوج
و الله يوفقه
اما سالفت اني انا مابي الا من بنات خالتي هذا حجي واحد صغير و بعده ماشاف الدنيا
باجر لي شاف غيرهم راح تتغير نظرته