مشكله اختي حبيبه قلبي دشوا الله يخليكم عشان تنصحونها ..

[Perfume]

حبيبتي الحل انها تتفاهم مع زوجها بهدوووء وتقوله الاشياء الخاصة فينا احنا نقررها لا اهلك ولا اهلي لهم دخل
والتنغز تطوفه ولا جنها تسمعه
وعليها بالدعاااء والرقية الشرعية
وشقتها خل تقفلها عشان محد يدخلها بغيابها واذا مانفع شي خل يطلعون بشقة بروحهم اذا عندهم امكانية

 

[صمت المرافئ]

لا تيأس ...
إذا ما تقدر تطلع بسكن خاص وبعيد عن الحمولة
ما لها إلا الصبر ...
اهي الحين على الطريق الصحيح
تلتزم بالرقية الشرعية
وتقرى قرآن وأدعية
ودائما تشغل قرآن في شقتها
وتدعي ربها
تاخذ الأمور من هالناحية :
" الصبر حيلة من لا حيلة له "
وخلها دائما إذا بتواجه أحد من أهل زوجها تقول هالدعاء :
" اللهم إني أجعلك في نحورهم ، وأعوذ بك من شرورهم "
" اللهم اكفنيهم بما شئت "
عسى الله يهدي بالها ويسخر لها زوجها وأهله
والصبر مفتاح الفرج
​

 

[جـــواهر]

حبيبتي قولي لاختج دامج فبيت الحموله اخذي وخلي
الذكيه اللي تعرف شلون طنش وماتهتم الا بزووجها
يااامالها بتشوووف لكن قوليلها ان وقفتي ع كل شي راح تتعبين

 

[أم عـموري]

لا تيأس ...
إذا ما تقدر تطلع بسكن خاص وبعيد عن الحمولة
ما لها إلا الصبر ...
اهي الحين على الطريق الصحيح
تلتزم بالرقية الشرعية
وتقرى قرآن وأدعية
ودائما تشغل قرآن في شقتها
وتدعي ربها
تاخذ الأمور من هالناحية :
" الصبر حيلة من لا حيلة له "
وخلها دائما إذا بتواجه أحد من أهل زوجها تقول هالدعاء :
" اللهم إني أجعلك في نحورهم ، وأعوذ بك من شرورهم "
" اللهم اكفنيهم بما شئت "
عسى الله يهدي بالها ويسخر لها زوجها وأهله
والصبر مفتاح الفرج
​

رائيي من راي اخت صمت :rerrerek:
بسسس ااهم شي لاتنسى الاستغفااااااااااار مهم وبأذن الله ينفرج همها وربي يلم شملها اهي وزوجها وعيالها ويبعد عنهم الحسآآآآآآآآآد يارب ويكفيها شر من ارادها بضرر:yaaaaaarb:

 

[miss swan]

لازم تقرى صورت البقره يومي تخلصها
والوساوس اللي تييها من السحر الظاهر
ولا اهي مافيها شي
بسس ضروري تلحق على عمرها وخلها تشوف شيخ ثاني
والشقه لما تكون مو موجوده المفروض تقفلها لانه احتمال ماخذين منها شي
الله يحفظهم من الشر
​

 

[بطوووطة$بيضة]

الله يعينها انشالله

مسكينة اختج خل تصبر

 

[بولندية]

هذه سوالف بعض الحمايل مع جناينها

الله يكون بعونهاااا

 

[ام مها]

اسال الله ان يفرج همها ويسخرلها قلب زوجها يارب العالمين

اختي خليها تستغفر وسهام الليل لا تخطيء ابدا ( قيام الليل واللجوء لله سبحانه وتعالى )

 

[om MaRyooM]

اول حل انها تقنع زوجها اليوم قبل باجر يطلعون من البيت
عشان تاخذ استقلاليتها ومحد يتدخل بخصوصياتهم
وعشان الريال مايكون احد مأثر عليه من اهله
وبالتالي مشاكلهم رح تخف وايد


وثاني شي نصيييحة من قلب .. خل تحط سورة البقرة كل يوووم ولمدة 40 يوم
وكل يوم تحصن نفسها وزوجها وعيالها
وتطنشهم
كل شي مكتوب بيصير
واي بني ادم ناوي شر ولا سحر ولا حسد مارح يتم الا اذا ربنا أمر بهالشي

 

[[ نور عيني ]]

-



مشكوررين يا بناااااات
و انا بعد آقولهآ تقرى البقره واهي الحمدالله ما تنام الا وسوره البقره تشتغل بغرفتها
ما قصرتو حبآيييييييبي على الردود ..

 

[al-musk]

لازم تتصرف بحكمة وتتعلم تواجه وماتسكت عن حقها بس طبعا بسنع مو بقله ادب

 

[Bloom]

الله يعينها ويصبرها ويفرج عليها يارب

 

[ام الحلوااات]

اللــــه يـــفــــرررج هـــمــهــــا

 

[صعيريه]

الله يشفيإ شكله حسد وعين الله يشفيها

 

[بنت الاجواااد]

حبيبتي قولي لاختج دامج فبيت الحموله اخذي وخلي
الذكيه اللي تعرف شلون طنش وماتهتم الا بزووجها
يااامالها بتشوووف لكن قوليلها ان وقفتي ع كل شي راح تتعبين

يسلم بؤؤك صح كلامها 100٪100

 

[*آسوومه*]

حبيبي قولي لاختج آنها إنسانه نـآآدره (l)
و نادر منهو مثلها بهالزمن ..
و اكو جناين يسوون بلاوي زرق بحمولتهم
و يرزلون فيهم
لكن مهما آستوت الوحده ملسوونه و تاخذ حقها ثالث و مثلث
تم طيبه القلب المتسامحه احسن
لأن الأجر عند الله و هـآي آبتلاء لها
و مرد الزمن يدور و يرويهم ان الله حق
و خليها تقوي روحها
و حتى لو غثوها بالكلام مب لازم ترد !
ترى احلى رد هو السكوت و الله و اسئليني
و يقولج المثل ( الحقرررررااان يقططططع المصصررران )
تسكت ابرك من انها تقول لهم شي و يرووحون يحطون عليه بهارات
و يشيشون ريلها عليها و يقلبون الموضوع ضدها
ذولي ناس عقولهم صغيره
اختج ليش تعور قلبها معاهم
اهم شي ريلها
لان رضى و حب الحموله مب مطلوب
فالطقاق عساهم ما حبوووهاا
و ع العموم كل المتزوجات يعانون من هالاشياء
الا ام ريلي قالت
الا حماتي سوت
فالطقاااااااااااااااااااق
تعطيهم آحللللى طاف
ترى التعب النفسي يهد الحيل !
و اختج فيها السككككررر الله يحفظها
مب زين علييييها
و عن سالفه تشمت ام ريلها
ان شاء الله ربي يبليها عشان تحس
و عن سالفه انها نافررره
ترى لو عين ولا حسد و لا سحححرررر
لا تنسى ان الله موجود
خل تقرا رقى شرعيه
و تشغل صوره البقرره كل يوم
و تدعي ربها
ولا تنسى ان بذكر الله تطمئن القلوب
عسى الله يوفقها و يفك ضيقتها و يحبب زوجها فيها و يردون احسن من قبل ان شاء الله


تحيـآآتي :*

 

[noorq8]

أنا بشوف المشكله من زاويه ثانيه


متزوجه من 5 سنوات وانتي تقولين عندها جهال يعني اكثر من طفل يعني الكبير خل نقول 4 سنوات يعني طفل وتحته طفلين ( لو افترضنا انهم 3 ) ومكان ضيق غرفه وصاله يعني ماكو حريه واحتمال الخادمه معاهم يعني انسي الراحه اشلون مايهج الرجال للدوانيه

وفوق هذا سطوانة امك خواتك يعني كملت ازعاج جهال وطلبات ماتخلص وتشكي من فلانه وعلانه ، ابسط حل واللي يمووووت عليه الرجل الكويتي،،،،،،،،، اننننحش زخ عمره وخله القرعه ترعى

الحل اول شي لامكان لازم يكون اوسع عالأقل غرفتين وحمامين وصاله
الحل الثاني تنظيم الوقت مع الصغار لأن لي صار البيت بدون ازعاج مزاجها يصير عاااالي وخواته وخالتها طاااااف من أمه هي اساسا تنزل تبي توسع صدرها من صيحة ولوية الجهال فلو صار الوضع هاد ي بشقتها لا شعوريا بتخف نزلتها للحموله ( طبعاهذا كله استنتاج بنيته على فرضيات ) وأكيد اطفال اكثر مسؤليات اكثر ضيقة صدر اكثر الله يعينها

 

[[ نور عيني ]]

-


مشكورين على الردود بنآآآت ..



ونور كويت /
فرضيآتج جبتيهآ رآيت مآ شاءآلله عليج ..
فعلآ آكبر وآحد عمره 4 سنينَ .. وبعدين آلثآني سنتين وآلبنوته هآلسنه مولوده ..
وعدل كلآمج آلجهآل لهم دور بنحشه آلرجآل بس مو لدرجه آنه يقول آنآ آشتآق لج لآ رحتي عني وآذآ رديتي ودي آتهآوش معآج .. يكلمهآ بآلفون يقول آنتي تكسرين خآطري لآني آزفج بدون سبب :/ !
كلنآ متوقعين آنهآ عيين آو حسد آو سحر ..
آلله يشفيهم يآ رب ـ و يردهم لبعضض مثل آول وآحسسنَ ..
مآ قصررتو ع آلردود ..

 

[أجمل إنسـآنـه ~]

ياحياتي عسسى ربي يشفيها يارب العالمين,~.!

 

[~*~الملكة~*~]

الله يهون عليها ويكفيها شرهم

عليها بسورة البقرة والرقيه الشرعيه