مشكله ابي لها حل طبعا مشكله عندي والبعض عنده عادي

[زوجة عبودي]

مرحبا كويتيات ان شاء الله هالمره تعطوني وجههههههه:wqedqw:
بقولكم نبذه عن حياتي اليوميه واتمنى تساعدوني .......

انا عندي طفليييين سنتيين ونص وسنه ونص و ان شاء الله نونو جاي بالطريق وبيتتتي شقه ثلاث غرف غرفة نومي وغرفه فيها الملابس والعاب عيالي وغرفة جلوس ومطبخ وحمامين .....
و زوجي يروح الدوام الساعه 8 الصبح ومايرجع الا6 المغرب ونسوي غداء مره وحده اللي هو الساعه 5 العصر وبعدها زوجي ليا رجع يتغداء وينام .....ساعه واقعده من نومه.....وعقبها نطلع هذا النظام ايام الاسبوع
وخميس وجمعه بس نفطر الخميس اروح لاهلي والجمعه نطلع نتقضى او نتمشى

وكل هذا وعندي شغاله وماني مرتاحه في بيتي ابد من لبس لزوجي وعيالي بس افكر فيهم ودي انا انظم بيتي لان ودي اقلعها علشان ارتاح

كيف انيم عيالي وكيف انظم بيتي وارتبه لاني جايبه الشغاله فسق بس هم وغم

تنصحوني اقلع شغالتي

 

[استكانه1]

امبيــــــــــــــــــه حبيبتى الله يعينج انا عندى ياهل واحد عمر شهرين وحاطه خادمتين :::وحدى متلعوزه
خلنا نشوف خواتى بالمنتدى :080402ask_prv::080402ask_prv::080402ask_prv:

 

[miss alreem]

والله حبيبتي خلي خدامتج عندج احسن لج
لانج راح تحسين بالشغل عليج مو طبيعي وتعب وحوسة وخصوصاان رمضان قرب

 

[قطوه مكحله]

خليها عندج بس لاتعتمدين عليها يعني الخادمه وجودها ضروري وتساعدج برمضان خصوصا انج قلتي انج حامل يعني ماتقدرين بروحج والله يخلي عيالج وزوجج لج يارب

 

[كنوشة 2009]

الخادمة باعتقادج بس حق الطباخ!!!!!
وغسيل الملابس وكويهم والتظيف وغسل الحمامات والمطبخ منو بينظف وانت حامل وعندج اطفال ورمضان ما بقى عليه شي انت من صجج؟؟؟؟؟؟؟؟؟؟؟؟؟؟؟؟؟؟

 

[lovely jojo]

خليها للتنظيف والغسيل احسنلج..

 

[فيونه المزيونه]

هلا حبيبتي انا عندي نفسج اثنين بسويبت جم خدامه وما نفعو معاي كانو مو زينين بس تعبت تعب مو طبيعي لا ني اداوم ويهال وحتى لما عطلت من الدوام هم تعب عيال وشقه بروحج لاااااااااازم خدامه تعاونج خليها للشغل والكراف بس وعليج اليهال عن تجربه والله تعبت بس توني استقريت على خدامه انتي اذا خدامتج مو زينه قدمي على خدامه هنديه ونطري لما تيي ودي الي عندج وراااح ترتاحين ان شاء الله

 

[*احلام*الدجى*]

خليها لما تولدين بالسلامه ويعدي رمضان على خير بعدين خل تروح

و بالنسبه للتنظيف الصحون مو مشكله حطي غسالة صحون .. الطباخ كلها وجبه وحده .. اليهال شغلهم يهون اما الباجي تيبين خدامه تقضي شغلكم وتروح في خدم ييون مرتين بالاسبوع وفي خدم ييون كل يوم 4 ساعات وفي وفي وفي ......

بعدين طول الصبح انتي عندج وقت تنظفين

 

[lady-me]

خليها عندج حق الغسيل والكوي واذا حييل غاثتج خليها تقلب نومها يعني لما اتنامون تقعد واتغسل ومن هالخرابيط
وانتي قدميلج على وحده وخلي الي عندج احتياط .. بس كلش كلش لا تودينها خليها عندج

 

[بنت عطا]

اذا جذي جيبي مؤقته نص دوام اريح لج بس تساعد بتنظيف وغسيل ولما تكونين والده

انا نفسج عندي 3 وماعندي خدامه تبين الصج مرتاحه من ناحيه فرقا الخدم وانا نوعيتي مااعتمد عليها بعيالي كلش انا اغسل البس انوم واوكلهم ا

بس بجيب وحده للتنظيف بس لان وقتي كله يضيع وانا افتر بشقتي ماارتاح ...اي شي انا حاضره

 

[يوآش يوآش]

رد : مشكله ابي لها حل طبعا مشكله عندي والبعض عنده عادي

ماادري ما عندي فكره

ان شالله الامهات بفيدونج : )

 

[فطفط نجد]

حرام علييييج في نونو ياي بالطريييييج تعذبين روحج ليش وهم رمضان الاسبوع الياي...

 

[الجوهرة777]

شتقلعينها الله يقلع العدو


اسم الله 2 والثالث بالطريج وغسيل واوتي وطبخ ومواعين وتنظيف

ترى الخدم نعمة

لما تكون عندج تقولين ما لها لزمة وما تسوي شي واذا راحت شفتي الشغل شكثره

انتي الحين عندج وقت تطلعين بعد المغرب

اذا ما عندج خدامة ما راح تقدرين تطلعين

بتشيلين مواعين غداكم وتغسلينهم وتغسلين عيالج وتبدلينهم ..... !!!!!!!!!!!!!!!!!!!!!!!!

انا معاج الخدم غثى في البيت بالذات اذا كان البيت صغير

حاولي تفرفرين في البيت وتنسقينه ويكون مريح

يعني غرفة الجلوس اذا ما لها باب حطيلها باب

عيالج اذا ينامون عندج , ضبطي غرفة الملابس واشتري سرير ابو طابقين وخليهم ينامون فيها .

غرفتج رتبيها وقطي اللي ماله لزمة وحطيلج تلفزيون وكرسين

وجذي تأقلمي مع وضعج

نصيحة لا تفكرين تودينها اعيالج صغار يعني ما يروحون مدارس ولا شي

الله يعين

 

[ليتني مـآ كبرت]

إذا انتي تحسين وجودها ماله معنى آنا معاج أقلعيها ..

و جيبي لج يومين بالأسبوع نص دوام ..

و عادي الدنيا تساهيل .. إذا انتي مو موظفة اعتقد عندج وقت حق الترتيب

 

[زوجة عبودي]

الله يجزاكم خير

 

[العاطفية]

حبيبتي والله كسرتي خاطري ذكرتيني فيني قبل سنة كنت محتاسة مع الخدم شقتي كبر شقتج بالضبط وانشلع قلبي من الخدم ما البس ولا اكشخ ولا اقدر اتكلم مع زوجي ولا اقدر اتنرفز على ولدي ولا اقدر اطلع براحتي ولا اكل براحتي ولا اطالع تلفزيون ولا اسهر ولا اتكلم بالتلفون والله العظيم كنت احس بالضبط اني بسجن جد انا ما احلف مبالغة انا بالضبط كان شعوري اني مسجونة بسجن فيه كامرات مراقبة الخدامة عينها على كل شي وكانت نفسيتي زفت لما فجأة قلعت الي كانت عندي وشريت مكانها غسالة اوتوماتك وغسالة مواعين وكل شي متطور صار بشقتي وحطيت ابالي اني بنظم وقتي والحين شزيني البس واكشخ واطلع واعصب واضحك واتغشمر وكل شي كان بخاطري ومحرومة منه سويته-بس حالتي تختلف عنج عندي بيبي واحد ومابي اييب حاليا لاني مفكرة اكبره وعقب اييب باذن الله-فنصيحتي لج بعد كل قرقتي هذي-ان بوضعج الراهن صبري عليها وعقب رمضان انشالله وعقب ولادتج رتبي حياتج عدل واتفقي مع زوجج انج تبين تشيلين عنه هم الخدامة مصرفها وغثاها بالبيت وان لازم تتعاونون عشان تعيشون بخصوصية-وســـــــلامتج​

:bye22:

 

[عاشقه رويشد]

حبيبتي والله كسرتي خاطري ذكرتيني فيني قبل سنة كنت محتاسة مع الخدم شقتي كبر شقتج بالضبط وانشلع قلبي من الخدم ما البس ولا اكشخ ولا اقدر اتكلم مع زوجي ولا اقدر اتنرفز على ولدي ولا اقدر اطلع براحتي ولا اكل براحتي ولا اطالع تلفزيون ولا اسهر ولا اتكلم بالتلفون والله العظيم كنت احس بالضبط اني بسجن جد انا ما احلف مبالغة انا بالضبط كان شعوري اني مسجونة بسجن فيه كامرات مراقبة الخدامة عينها على كل شي وكانت نفسيتي زفت لما فجأة قلعت الي كانت عندي وشريت مكانها غسالة اوتوماتك وغسالة مواعين وكل شي متطور صار بشقتي وحطيت ابالي اني بنظم وقتي والحين شزيني البس واكشخ واطلع واعصب واضحك واتغشمر وكل شي كان بخاطري ومحرومة منه سويته-بس حالتي تختلف عنج عندي بيبي واحد ومابي اييب حاليا لاني مفكرة اكبره وعقب اييب باذن الله-فنصيحتي لج بعد كل قرقتي هذي-ان بوضعج الراهن صبري عليها وعقب رمضان انشالله وعقب ولادتج رتبي حياتج عدل واتفقي مع زوجج انج تبين تشيلين عنه هم الخدامة مصرفها وغثاها بالبيت وان لازم تتعاونون عشان تعيشون بخصوصية-وســـــــلامتج​

:bye22:

انا مع كلامها والله يعينج