( مشكله آخت عزيزه و غاليه ) يآليت تعطونها الحل المناسب .!

[..<< ندى الورد >>..]

عقب ماقريت ردج الثاني اقول لج كلمي امج ووضحي لها كل شي يمكن تقدر تغيرر رايها ..!

 

[Gatwa DaloO3a]

انا مع مفسرة الاحلام بكل كلمه

 

[Gatwa DaloO3a]

وردود البنات اكدت لي انهم ماحطو انفسهم بالموقف نفسه ، ترا هالموقف اصعب من ان احنا نقول كلمتين

بصراحه شي مو سهل التعايش معاه ،وصعب الابناء يتقبلونه

لما الاب يتزوج العيال يتضايقون ويزعلون ، كيف الام تتزوج!!

 

[~..samar]

أنآ مع مفسرة الآحلآم .. يعني صج اهيآ مو صغيرة عشآن نققول حرآآم بتضيع عمرهآ كله ف سبيل عيآلهآ لآ أهيآ كبيرة وزوآجهآ بيشتت العآيله كلهآ مآعتقد هالزوآج بيكون نآجح .. وبعدين ليش مآ تعآطفتوآ مع الايتآم إلي حقهم يمكن ينوكل اهمآ الي صج يكسرون الخآطر أمآ الام بصرآحة خلآص عآشت حيآتهآ وآستآنست فليش اتقولون ختشوف حيآتهآ يبآ والايتآم شيسوون حرآم عليكم هذيلآ يهآل ومحتآجين آهتمآم وترآ اهمآ ف سن حسآس جداً ممكن يتعقدون او ينحرفون .. ف النهآية أختي ممكن تسوون خطة الاخت "noor salam"أو تظمنون حقكم ف البيت وف حضآنة أخوآنكم وقولي حق أمج تستخييييير جود تترآجع عن قرآرهآ .. وعسى ربي يفرج همكم ويكتب لكم الي فيه الخير ..​

 

[دلوعة أبوهآ]

والله المشكله تحّير ..
مادري شقوول
محتاره في الرد بين رضآ امهم وسعادتهآ وبين حياة البنات ..


الله يكتب لها اللي فيه الخير والبنات ماقصرو

 

[مُخملْ]

دام هذي صفاتهْ هذا مافيه خير لنفسه عشان يكون فيه خير لامج!
حرامْ تضّيع حياتها وتشتت بيتها عشان ريال بهالمواصفات.
هي قبل لاتوافق وقبل لاتكلمكمْ ما سألَت عنه ؟ ماستخارت؟
الزواج مب لعبة او طلعات وروحات ، الزواج مسؤولية حتى بعدهالعمر!
امجْ محتاجةْ اللي يوقفْ وياها ، فاقدة ابوجْ وتبغي تعوضه باي ريال يصادفها
وعّيها يَ حبيبتي ، يمكن هي خذتها الفرحة بالحياة اليديدة والاستقرار بس مارااعت الجوانب الثانية
لاتحسسينها انجْ رافضة هالزواجْ لانجْ ماتبينها تتزوج او رافضة المبدأ من الاساسْ
خليها تحكّم عقلها ، تفكر بعيالها وبيتها .. تشوف صفات هالريال وليش طلّق من الاساس
والأهمْ أنها - تستخير-،

،

​

الله يجدم اللي فيه الخير لها ولكمْ ويبعد عنكم كل اللي يبغي لكم الشرْ ويبارك فيكم ويسهل امركمْ

​

 

[ترانيم القصيم]

هلا بك اختي وغاليتي سعودية نجديه

انا ماقلت انه حرام انها تتزوج لكن عزيزتي احنى مجتمع تحكمه العادات والتقاليد والعيب

ومانقدر نطلع عنه او نغيره اصلا هذا شي متاصل فى انفسنا منذ الصغر

انتم فكرتو فى حاجاتها الغريزيه لاحظي اول فكرة فكرنا فيها عن زواج هذى الام

هناك من تنطفئ شهوته في الخمسين ,, و هناك في الستين ,, و هناك في السبعين ,, سبحان الله الناس على أطباع و جبلات و ليسوا سواسية

^ اول فكرة وهي اساس هذى المشكله الغريزة متخيلين معي وش بيكون موقف ابنائها الاجتماعي او تفكير اهل ابنائها وقرايبهم عن هذى الام !!

بعد عزيزتي خلينا نرجع فى امور كثرة متربته على هذا الزواج مضار لا مصالح

البنات المتزوجات ممكن تتدمر حياتهم الزوجيه ومايخفى عليكم تفكير الرجال عندنا وبيقعد يعايرها فى امها وان كان هذا حق شرعي ولا استبعد الطلاق

معليش فكرو بعقليه الرجل الخليجي عندنا مانقدر نغير هالشي هذا واقعنا ليش ندعي المثاليه ونقول روحي تزوجي

فى امور كثيره مترتبه على هذا الزواج هي لو تزوجت وابنائها صغار نقول مافي مشكله وقتها صغيرة محد بيستنكر زواجها

الامور المترتبه على هذا الزواج
1-بتدخل رجال غريب على بناتها وهن حريم كبار مو صغار نقول عادي
2-بتجرح كرامه ابنائها امام اهلهم وجماعتهم ولا تقولون لي ماراح يصير لا بيصير وكلنا نعرف هذا الشي
3- بتدمر نفسيه ابنائها كاكل وخاصه الصغار الى هم بحاجه لوجودها جنبهم وهذا الزوج بياخذها معه على مافهمت
4-غير املاك المساكين الى ممكن تروح فى شربه ماء من قبل الزوج كلها كلمتين ويقول لها هاتي الوكالة واقل مشكله مع احد عيالها يمسكهم الباب وهو حلال ابوهم لا هذا امر غير مقبول

وفى القران
وقال تعالى {وَلاَ تَقْرَبُواْ مَالَ الْيَتِيمِ إِلاَّ بِالَّتِي هِيَ أَحْسَنُ حَتَّى يَبْلُغَ أَشُدَّهُ وَأَوْفُواْ الْكَيْلَ وَالْمِيزَانَ بِالْقِسْطِ لاَ نُكَلِّفُ نَفْساً إِلاَّ وُسْعَهَا )

5-البنات المتزوجات كذا ولا كذا لابد ان تجيهم كلمه تجريح من ازواجهم هذا اذا ماوصلت للطلاق
معليش فى الاسلام ( لا ضرر ولا ضرار )



يعني كل هالتضحيات وتدمير علاقتها بابنائها واهلها من اجل حاجات غريزيه؟!! وان كانت بالحلال

لا تقولون لي حقها حقها ليش ماتزوجت يوم العيال صغار قبل لاتتكون ملامح رجولتهم

وتجرحهم كان تزوجت من زمان وقتها محد بيشره عليها بعدها صغيره وابنائها صغار

هي الان تحت ولايه ابنها الكبير خلاص تحترم ولدها وعيالها عموما وسنها ومكانتها الاجتماعيه

بتقولون لي تعبت وربت ومن حقها ترتاح على الكلام لسه عندها ابناء صغار وبنات الحين صار بتتركهم تكمل معهم
بتقولون لي بكره يكبرون ويتزوجون بقول لكم يعني متى خل نقول اصغر واحد على عمرها فى المتوسطه يبغاله على الاقل 15 سنه على بال مايكبر ويصير فى عمر زواج

معليش الموضوع كله موضوع حاجات غريزيه وضاربه عرض الحائط فى مسؤلياتها والتزاماتها و باقي الاعتبارات الاخرى

المهم اذا هي مصره على هذا الزواج اضمنو حقكم فى مال ابوكم وعطوها حقها الشرعي وهي كيفها تبي تتزوج ولا ماتبي

لان غالبا رجل فى هذا العمر يتقدم لامرائه عجوز ليه ؟ فكرو معي بامكانه يخطب بنات شابات فى العشرين والثلاثين وعادي بيتزوج بنت بنوت واجمل بنت كان همه الزواج

ليش يتقدم لامراءة فى سن اليائس ولها احفاد اكيد فى الموضوع انى او تفكيره فى مالها الى بالاصل هو مال ابنائها من ابوهم المتوفى

الله عطانا العقل حتى نفكر ونقيس ونحسب وعطانا الفهم حتى نفهم وش يقصد هذا الانسان من هذى الحركه الام واضح انها على نيتها وتبي تتزوج بدون وعي وفهم للامور وتباعاتها ولاتقولون كبيره وفاهمه لا فى حريم عقولهم على قدهم لو وصلوو لل70 سنه

طيب خلاص تبي تتزوج مثل ماقالو الاخوات ان هذا حقها خلاص ترجع حق ابنائها الى هو مال ابوهم وتتزوج هذا ان بقى الرجال يبغاها بعد ماترجع الاملاك وانا اشك فى ذالك


الله المستعان الله ينهى عنهم ويخفف عليهم ويرزقهم الخير فى امرهم ولا يدخل غريب بينهم هذا الى نقوله

جزاااتس الله خير حبيبة قلبي

والله مدري يا غاليـة ,, من بعد كلامك هذا ,, و من بعد الرد الثاني تبع توم و جيري

أفضل التزام الحياد ,, ما أقدر أأيد و لا أقدر أعارض ,,

و لازم يتم التفكير في الموضوع من جميع نواحيه و الأهم من هذا ( توعية الأم )

بارك الله فيكن ,,

 

[om.googi]

ماشوف في مشكلة ,, الكل بيروح بطريجه بالأخير ,, وامج ما راحت بطريج حرام !! ولا اهي بتنفصل عنكم !

باركولها ولا تصيرون ضدها بالأخير تكسبونها .. بغض النظر عن سالفة الأملاك والفلوس

وعيها ع سالفة الفلوس وذكريها ان عيالها اولى من انها تصرف فلس عاللي بياخذها أو يحاول انه يقص عليها
وإلا بالكثير تحول بعض المبالغ والأملاك لأصغر عيالها احتياطي ,, بحكم ان كل جنسية لها قوانين في الأملاك.​

 

[شذونه]

اذا على الفلوس فكروو وبتلقون حل كيف تحمونهااا
وفيها كيذا طريقه

بس لاتمنعون امكم من الزواج انتي ماتحسين بلاحساس للي تحسسه صحيح وفروتو لها كل شي بس حنان الزوج ولامان للي انحررمت منه سنين مراح تقدرون توفرونها لهاا

واذا على المجتمع الجهال محدا يسمع هرجهم
وخير ياطير الحرمه تبي الحلال والعفه
وماعتقد ان في هالقرن المنفتح بيصيرر مشكله


اتمنى ماتحررمنيهاا وتكسرين بخاطرها ترا مراح يتعذب غيرهاااا

والزوج فكرو فيه احتمال خوفكم منه حسسكم انه طمااع

وفلوسكم تقدرون تنلقينهاا بسمك او اسم احد من اخوانك

 

[athory]

بصرآحه

مآلها حق تتزوج



مع إن بعض الحريم عنيدين وراسهم يآبس

لكن حآولو معها و لو عندكم خوآل أو أعمام أو أي أحد ممكن انها تنحرج منه و تسمع له

خلوه يكلمهآ

 

[منو انت]

الله يعينج

 

[ميسو44]

صراحه مالهاحق تتزوج هي مره كبيره عابالي ابوك ميت له عشرين سنه طلع ماله الاثمان سنين صراحه فشله انا ابوي ميت له خمسه وعشرين سنه وامي الله يخليها مافكرت تتزوج مع انها كانت في العشرينا ت يوم توفي ربتنا انا واخواني وتزوجنا وهذااخواني عايشين معهاومستانسه مع عيالهم لوانامكانك مابرضى انهاتتزوج والرجال طمعان فيها ولاوحده عمرهاخمسين وش يبافيها

 

[Tom ♥ Jerry]

,


اب اب لعيون صاحبه الموضوع ؛)

 

[amal ksa]

نقلو الاملاك باسمكم وكل واحد ياخذ نصيبه والحضانه حطيها باسمج وخلي امج تعيش حياتها

:rerrerek:نفس كلامها