مشكلـــه وأبــي حــل من ذوات الخبره بليز , وربي متضايقه

[دلع×دلع]

السلام عليكم

ويعطيكم العافيه

خواتي الله يعافيكم

اللي عندها حل تعلمني

أو تقولي شسوي

,,

انا لي الحين 37 يوم من نفاسي

وأحس معاي شوية هوا

,,


كان معاي له فترة لين وصلت 25 يوم ,, وجتني الرداده وعطتني تحاميل وبخور

وصرت زينه ,, بس اليوم رجع الهوا

وبصراحه انا ماألتزم بالدلاغات
,,

ومن دخلت العشرينات وانا موملتزمه باللهوم والمردود ولا شاي الأعشاب

اللهم الأدويه اللي يحطونها مع المرقوق

عاد انا ماعرف بهالسوالف

,,

المهم

الحين خاف اروح لزوجي وانا مومضبوطه

شسوي

,,

وبغيت اسأل يصير استخدم تحاميل؟؟ ولا كافي التحاميل الي استخدمتهم من الرداده؟

ومتى اكل المانع؟؟

ويصير المانع والتحاميل مع بعض أو موزينين يتلاقون؟؟


وابي تجيني اخت النفاس ,, ماجت

ابيها عشان اعدل بعمري شوي

خاف اروح لزوجي تجيني عنده,, يذبحني


..


اسفه طولت عليكم

بس انا فريت بمواضيع النت كلها , مالقيت اللي نفس حالتي

يعني انا نص ملتزمه بأمور النفاس ونص لأ

 

[دلع×دلع]

شدعوه يابناااااااااااااااات

24 مشاهده وولا رد

 

[لولوه1]

رد : مشكلـــه وأبــي حــل من ذوات الخبره بليز , وربي متضايقه

لازم تلبسي دلاغاات ويسولج شاي بالاعشاب دافي ولا تروحي حق زوجج الا وانتي متأكدة

 

[دآنة آلرشآيده]

لازم دلاغات
هذا اللي اعرفهـ
ورفع لـعيونج

 

[عيش و ملاس]

خل تجي الرداده مره ثانيه وترددج للأربعين وتدفي ألحين

 

[رضاهم جنه]

الحين تكبي بكبو هواء وانصحج ما تروحين لزوجج لما تجيج الحوصه علشان تطببين عدل

 

[ام بوحنة +]

رد : مشكلـــه وأبــي حــل من ذوات الخبره بليز , وربي متضايقه

بالنسبة لاخت نفاس تقدرين تنزلينها
بالحبوب اللي تنزل الدوره
وترجعين تتنفسين عدل مدل

وبالنسبه للهوا تقدرين تتبخرين
بقشور البصل والحنه والشاي

 

[سارووونه22]

انشالله البنات يفيدونج لاني بجريه وللحين ماولدت

 

[غلا عيوني]

رد : مشكلـــه وأبــي حــل من ذوات الخبره بليز , وربي متضايقه

استخدمي بخور الهواء تلقينه عند حواج