SofT GirL
New member
- إنضم
- 7 يونيو 2009
- المشاركات
- 194
- مستوى التفاعل
- 0
- النقاط
- 0
السلام عليكم ورحمة الله وبركاته
كيفكم أعزائي إن شاء الله تمام وبخير
عندي مشكلة وحابه اخذ رايكم فيها ومن عنوان موضوعي
اكيد عرفتوا شنهي مشكلتي
مشكلتي هي صديقتي !!!
ومو اي صديقة صديقة أقرب الناس لي الروح بالروح هي أنا كنت اسميها توأم روحي وهي كانت تسميني الملاك ...
أنا راح أقولكم قصتي معها من أول ماتعرفت عليها عشان تكون الأمور واضحة لكم وتفهومي زين وإن شاء الله ماتملون من كلامي الطويل ..
تعرفت على صديقتي بأيام الثانوية كنت انا بالصف الثاني ثانوي وهي بأول ثانوي تعرفت عليها عن طريق وحده
ماكنت أعرفها كثير بس صادفتها في مناسبة عندنا وعرفتني هي على صديقتها كانت ناقلة جديدة للمدرسة يعني تربطهم زملاء بالصف
المهم مره نادت لي وقالت لي هذي صديقتي واسمها كذا وتعرفت وعرفت اسمي وعرفت انها ساكنة بنفس منطقتي وفرحت كثير
لأن المدرسة بعيييدة كثير عن منطقتنا بعد اليوم الي تعرفت عليها كل يوم ينادون لي بالحصة الاخيره وامشي معهم
في يوم إجازة الاسبوع دقت علي البنت الي عرفتني على صديقتها وقالت لي فلانه تقولك خذي رقم بيتها ودقي عليها تبقى تتعرف عليك أكثر
أنا فرحت كثير لأني أنا بعد كنت ابقى اتعرف عليها وتقوى علاقتي معها مع الأيام صارت تربطنا صداقة قوية وصرت ما أمشي الا معها بالمدرسة
ودايم اكلمها وتزورني وأزورها حتى لما كنا نعطل اسبوع قبل الأختبارات لازم يوم تجيني في الأسبوع او أنا اروح لها
والي سهل علاقتي معها أن أبوي يعرف أبوها وجدتي تعرف أمها فعرفت البنت زين وأنها خلوقه وطيبة وماكو مثلها وأهلها بعد
وفي يوم حفل التخرج بكيت كثيير أني راح افارقها والي صعب علي الأمر أني انخطبت وراح اتزوج بعد في إجازة الصيف وراح اسكن بعيد عن اهلي وبعيد عنها
وقالت لي لا تزعلين ولا تضايقين راح نظل أصدقاء طول العمر وماحد راح يفرقنا صدقيني وأنتي كل ماتزورين عند أهلك في إجازة الأسبوع راح أجي لك وتجين لي وراح أكلمك
يعني ماراح يتغير شي علينا ويمكن راح تقوى علاقتنا بعد ماتزوجين أكثر ماتدرين أنتي وظليت أبكي بالمدرسة زعلت كثييير
لأني من كنت صغيره مالقيت الصديقة الي أثق فيها وااتمنها على أسراري وأشكي لها همي وحزني لا من هلي ولا حتى خواتي كنت أنا أكبر خواتي وأخواني فكنت أحس بصعوبه أني أحسس أخواني وأخواتي
بالضعف عشان لما يلجأون لي بعد تخرجي من ثانوي بأسبوع ملكت ومازالت مع صديقتي وخصوصاً أن زوجي كان يجي لي في إجازة الأسبوع عشان المنطقة بعيدة فالأمور ما أصعبت علي ولا أنشغلت عنها أبد
وماكنت أبقى أنشغل عنها عشان ما أحسسها بأني نسيتها أو اني راح أنساها وقوت علاقتنا أكثر وأكثر في هالأيام القليلة الي بقت لي مع أهلي ومعها وكنت لما أروح مكان سكني عشان أسجل في كلية
ولا أجهز لبعض من حاجات شقتي كانت تقولي متى راح ترجعين لا تطولين وراح أنتظرك كنت أفرح كثيير عشان أنها فقدتني في أيامي القليلة وأنا بعيدة وأزعل أني راح افقدها بعد الزواج ومده طويلة
ماقلت لزوجي عن صديقتي هذي كثير غير انها صديقتي وبس ماحكيت له كل شيء وكنت زعلانه أكثر وخايفة أن زوجي مايتقبل صداقتي
معها لأن بعض الأزواج مادري كيف يفكرون وكثير أعرف عن أصداقاء انقطعت علاقتهم بعد زواجهم عشان أزواجهم قرروا الشيء هذا وكانت تقولي لأخر يوم من زواجي ماراح أنساك وإن شاء الله نظل أصدقاء
قرب يوم زواجي وفي يوم زواجي بالصالة قبل لا أدخل الصالة كنت جالسة في غرفة ناديت لها تكلمنا عن الأيام الي راحت ولما حان دخولي الصالة هي راحت وأنا بطلع من الغرفة جات لي أختي
قالت لي صديقتك عورت قلبي حييل حسيتها زعلانه وفي عينها دموع ابتسمت غصب عني وزعلت داخل قلبي دخلت هي ماطولت كثيير مشت قبل لا يجي زوجي من وقت طويل ودعتني وقالت لي الله معاك ويوفقك ويسعدك
وقلت لها تنادي لي أختها قلت لأختها هالله هالله في صديقتي أن شفتوها زعلانه ولا تضايقت لا تتركونها وأنا أكيد ماراح اتركها الحمد لله مر يوم زواجي بخير وفرح يوم صباحيتي قالت لي أختي لما رحت بيت أهلي
رسلت صديقتك على جوال أمي تسلم عليك وتسأل عنك ظليت أسبوع في فندق قريب أهلي وقبل واليوم الي كنت بمشي فيه لمكاني وأستقراري كلمتها وقالت لي تعالي لي قلت لها خلاص بجي لك قالت لي امزح بس أقول كذا
صحيح أتمنى أشوفك قبل لا تروحين بس كيف تجين قلت لها لكني بجي أنا أبقى أجي ورحت لها وجلست معها ومع أختها وعلى طول طلعت من بيتهم رحت لبيت أهلي صلينا المغرب وتوكلنا على الله وأنا في عيني دموعي
فرحانه لكني زعلانه أكثر زعلانه بفراق أهلي وناسي وديرتي مكان ولادتي وطفولتي عمري ما ابتعدت عن أهلي وهذا أول يوم ولأخر أيام حياتي راح أكون بعيده عنهم حزنت بفراق خواتي وأبوي أمي وأخواني الأولاد راحوا معي
وقالوا لي هناك بالبيت أبوي وخواتي يبكون كثييير زعلت أكثر وأكثر أبوي يبكي أبوي القوي الي عمري ماشفت دمعته يبكي مشيت وطول الطريق وأنا أفكر بألف شيء وشيء وكيف راح تكون حياتي وكيف راح يكون زوجي
وصلنا بحمد الله كلها كم يوم ورجعت أمي وكانت صديقتي كل يوم ترسل لي بفرحها وبزعلانها وبكل شيء وكنت لما أزورأهلي أروح لها وأكلمها مرتين في الأسبوع والحمد لله زوجي طلع رجال متفهم
ويقدس الصداقة ويحترمها وصحيح مثل ماقالت صديقتي قوت علاقتنا أكثر من قبل وكنت لما أزعل عليها ماتترك اليوم يمر من غير ما أرضى ومرات أزعل عليها كثير وأقول
لها راح اقطع صداقتي معك ومادري شنو وهي تقولي ليش حنا أكثر من خوات وماتقدرين تتركيني ماعندك حد تلجأين له غيري ولا عندي أنا حد الجى له غيرك
وحتى لو راح تقطعين الصداقة ماراح انساك وراح اظل معاك الى ما نرجع أصداقاء وكنت لما ما اكلمها ولا ما أرد عليها تزعل وتقولي ليش تغيرتي علي وحرام عليك أنا وش سويت لك وأنا أقول لها أنا ما تغيرت
بس أنتي لما تتجاهليني أعمل لك كذا ومرات لا صار خلاف معها زوجي يقولي مايصير تزعلين وعلى اتفهه شيء تقولين بترك صديقتي هذي صديقتك وأيام معها وماعندك غيرها تتركينها كذا شوفيني أنا وأصدقائي كيف
تعلقت فيها أكثر حملت وولدت ومازلت ماتغير شيء ومر على زواجي سنتين والحمد لله حنا أصدقاء لكن كان خوفي من شنو أنها تنخطب وتتزوج وتتغير علي هي الحمد لله انخطبت وقالت لي على طول وقالت لي عن يوم
ملكتها ومن بعدها ماكلمتها ما أدق عليها عشان ما أشغلها وهي بعد ماتدق علي لكني أرسل لها لكن هم ماترد علي واستمريت أرسل لها ونفس النتجية وأنا متحيره ومو عارفة وش السالفة وأخيراً يوم دقيت عليها
وردت علي لكن ردت علي ببرود عجيب ما في مثله وقللت اتصالي لها لكني مازلت ارسل لها لكن هم ماترد علي وأترجاها برسالتي ترد علي وماتعاملني بأنانيه وتذكر ايام قبل لما ما أرد عليها ونفس الشيء
مع الأيام حتى رسائل نادر ما أرسل أنا حسيت أن زوجها منعها بس قلت لا يمكن إحساسي خطأ وسألتها لما كلمتها مره وقالت لي بعدين أقولك راحت الحج ودقيت عليها وماردت علي ولا حتى هي دقت علي
وكانت قبل لما بتسافر تدق علي قبل لا تمشي بكم ساعة والأن تغير الوضع وزادت حيرتي وتضايقت وزعلت وماقلت لحد شفيني ودايم انطوائيه ولحالي حتى بالكلية والسبب هالتغير المفاجأ قرب يوم زواجها
ويوم كنت عند أهلي الا يدق الباب انصدمت بنت خالي جابت لي بطاقات زواج قالت لي وحده جابت بطاقات زواج استقربت مين هذي شفت البطاقة انصدمت بطاقات زواج صديقتي الله يالدنيا
صارت البطاقات تجي حالي حال اي حد معزوم تضايقت وطنشت وقلت ماراح اروح لزواجها إذا هذا تعاملها معي ومو حاسبة لي حساب ودقيت عليها يوم زواجها الصباح ردت علي لكني ما عاتبها مالي خلق
بس قلت لها ماراح اجي قالت لي كيف وليش ومايصير ماتجين انتي صديقتي ومادري شنو قلت لها راح اشوف قررت اني ما احظر زواجها لكن عشان الصداقة الي كانت بينا وعشان اهلها الي يحبوني كثير
رحت بالأخير وزوجها وصل سلمت على خواتها وحده من خواتها ماقدرت بكيت وضميتها قالت لي خلاص وش فيك هي ماراح تتركك وماراح تفتروقون وراح تظلون أصداقاء قلت في قلبي أنتي وش دراك
بعدين أختها الصغيره قالت لي لازم تسلمين عليها قلت لها مو لازم اهم شيء حضرت زواجها وشفتها وخلاص قالت مايصير ومادري شنو نادت لها من بعيد وقالت لها شوفي صديقتك جات عرفتني وجات لي تركض
وسلمت علي وباين عليها فرحانه بوجودي وتحيرت اكثر مشيت وانا محتاره بعد زواجها بشهر هي دقت علي وانا انصدمت انها داقة قلت لها وينك وليش تغيرتي قالت لي أنا ماتغيرت هذي الدنيا كذا ب
وأنتي تزوجتي وأنا تزوجت يعني الأمر عادي مادري ليش زعلني كلامها سكرت وتضايقت وقلت هذا وزوجها يشتغل في مكان بعيد ويجي لها اسبوع واسبوعين لا وقلت في تفسي الله يوفقها ورحت لزوجي قلت له صديقتي دقت علي قالي قريبه وش تبي فيك داقه توها تذكر ان عندها صديقة المهم بعد هذي المكالمة ماكلمتها
ظليت تقريبا 6 شهور وصادفتها عالنت غيرت ايميلي لكن فتحت ايميلي القديم صدفة ولقيتها وماعرفتني هههههههه والله زمن لقيتها فرصة اعرف سبب تغيرها اول ماعرفتني قالت لي وينك
ليش ماجيتي لي توقعت اول وحده راح تجي لي بشقتي انتي قلت لها ظروف قالت لي انا جيت لك شقتك الى مكانك البعيد وانتي لا قلت لها انا ما اجي عشانك بس جيتي لي لا وانتي السبب
ليش تغيرتي وش صار فيك قالت انا ماتغيرت هذا انا قلت لها ليش ماتردين علي لما أرسل لك قالت لي حنا كبرنا على هالسوالف بعدين انتي راسله لي رسائل حزن وهموم وش تبيني ارد عليك
انصدمت يعني صديقتي فجأه قطعتني وش تبيني ارسل أكيد راح ارسل اني افقدها وان لها مكان كبير في حياتي قلت لها وش كبرنا على هالسوالف وش فيك وليش تقولين كذا بصراحة جوابك
ما اقتنعت فيه قالت تبين الصراحة قلت لها أكيد قالت زوجي قالي لاتردين عليها وصداقتكم غلط وفهمني معنى الصداقة كيف والأيام الي قبل ذكريات وراحت وقال لي لا تدقين عليها الا بالمناسبات بس
انصدمت أكثر وأكثر ليش حنا وش فيها صداقتنا ولا وش عملنا ولا كلامي وش كان فيه مع ان هي كانت ترسل لي نص الليل وزوجي مايقول شيء ولا عليه مني هذي اشياء تخصني وتاركني برحاتي فيها
وغير كذا تدقين علي بس في المناسبات وش هالصداقة القوية هذي قلت لها ليش كذا وين كلامك قبل أن زوجك ماراح يغيرك وانك راح تقنعينه وبتفهمينه كيف هي الصداقة وين كلامك قبل راح نظل على طول
وماراح نفترق وإذا مازرتك راح اكلمك وإذا ماكلمتك راح أرسل لك وإذا مارسلت لك راح اكلمك عالنت ودايم بعد وين كل هذا قالت بصراحة كلام زوجي صحيح وحنا كنا على خطأ
وزوجك اولى بالهمشاعر عطي زوجك الحنان والمشاعر هذي والحب هو أولى مني فيها وأنتي مثل أختي قلت لها والصديقة غير والأخت غير أختي ما أحتاج لها ماتنصحني ماتواسيني لما اتضايق وتضمني لما تضيق الدنيا فيني
قالت والله اعزك مثل خواتي ومحبتك مثلهم قلت لها الحمد لله زوجي كل شيء عندي مو مقصره عليه بشيء هو بالنسبة لي الزوج والحبيب والصديق والأخ وكل شيء
:eh_s(1): شوهت معنى الصداقة الي بينا وبكلامها عملتها أكثر من كذا زين ماقالت أن حنا شواذ استغفر الله قلت لها طيب ليش زوجي ماكان يقول كذا وشايف ان صداقتنا عادية وطبيعية قالت زوجك هو كذا بعد
بس زوجي غير قلت لها يعني انتي اقتنعتي بكلام زوجك وصدقتي الكلام قالت لي اي زوجتي جنتي وناري والرسول عليه الصلاة والسلام قال لو أمرت الزوجة أن تسجد لزوجها لسجدت قلت لها
وانا ماقلت لك اعصي زوجك قلت شايفه كلامه صح قالت أي وطبيعي هي لو قالت لي أن زوجها امرها بانها تقطع علاقتها معاي أو أنها تخفف وعملت الي امرها ماراح اقول شيء راح اقول هذا
زوجها وراح تكبر في عيني لكن تقول علاقتنا خطأ ومادري شنو هذا الي قهرني وزعلني قلت لها خلاص لا تعرفيني ولا أعرفك وقلت لزوجي عن الي قالت لي قال وش فيه زوجها هذا مايفهم في الصداقة شي شكله مضيع
ومايدري عن شيء وماعليك منها خليها تولي وتركيها أحسن لك لا تعور راسك سألوني امي وخواتي عنها وقلت لهم الي قالت لي قالوا لي وش في زوجها كذا وليش كلامها جارح
أختها كلمتني وقالت لي هي تغيرت كثيير من تزوجت حتى معنا وكنت اسألها عنك وأقولك لها ليش تركتي صديقتك تقولي وش تبيني اسوي لها يعني هي تزوجت وأنا تزوجت وخلاص
زعلت على نفسي أكثر من زعلي عليها هي الي وثقت فيها وماعندي غيرها تعمل فيني كذا والأيام الي كنت معها وما ارضى لحد يقول عنها شي
بعد هالسالفة بكم شهر رجعت تكلمني ولا كأنها قالت لي شيء وتقولي مشتاقة لي كثير وتبقى تشوفني قلت يمكن تغيرت وعرفت غلطها قلت لها تقولين تبين تشوفيني
والي قلتي لي قالت لي صحيح قلت لك كل هالكلام لكن مو معناه اني ما اشتاق لك واقطع علاقتي معك قلت لها يعني تشوفين كلامك عادي قالت صحيح هو يجرح بس صحيح وانا ما أعرف أجامل
قلت ماتغير فيها شيء لا تتأملين يامره ولما وصلني خير حملها رسلت لها باركت ماردت علي قررت اني اقطع علاقتي معها رغم أني احتاج لوجود صديقة جنبي وأحس أشياء أحتاج أقولها لصديقتي
غير زوجي ابكي افضفض لها ما أبقى زوجي يشوفني دوم منكسره لما ابقى نصحيها احتاج حد ينصحني وأحتاجها هي كثثثير وأبكي لحالي وأقول صرت وحيدة ومالي حد ومادري وش اسوي
ما أقدر ارجع لها وهي الي قالت كل الي قالته ولا كأني مهمه عندها أوقات أحس أن المتزوجة تحتاج لوجود صديقها جنبها أكثر من المو متزوجة أوقات أحس بالضياع واني تايهه وماعرف وش اسوي
وما أقدر أتعرف على حد بصراحة ولا أحب اتعرف على حد من بعد الي صار اقول زوجي هو كل دنيتي هو الصديق والأخ والحبيب لكن ارجع وأقول أحتاج لصديقتي ......
قولوا لي أعزائي وش رايكم ووش أعمل ؟؟؟؟
وشنو رايكم تصرفها صحيح بكل الي علمته ولا معي حق في بعض الأشياء ..
وأسفة أني طولت عليكم في كلامي أتمنى تفاعلكم معي ....
