مشكلتي هي دموعي

[غنوجة]

السلام عليكم يالغاليات....


مشكلتي يابنات ان دموعي قريبة جدا...حتى في المواقف التي تحتاج مني قوة

حتى وأنا قاعدة أدافع عن نفسي أقول يارب ما تنزل دموعي لكن تنزل بسرعة

اشلون ما أخلي دموعي تنزل بسرعة خاصة جدام ناس يفرحون لما يشوفوني

أبكي....اللي بترد علي جزاها الله خير...

 

[نسكافيه بالحليب]

حبيبتي غنوجة
أنا نفسج بالضبط يعني الحال من بعضه
اتمنى البنات يفيدونج

 

[الاسطورية]

انا كنت مثلج الحين خفيت وايد لاني تعودت على المواقف مع الوقت تخف هالعاده حاولي تاخذين المواضيع بشكل عادي موبجديه واذا تقدرين حوليها فني مثلا قبل كنت ابجي لانزفيت او انحرجت الحين قمت اضحك خخخخخخخخ

 

[مناوي]

اغلب البنات جذي دموعهم قريبه .. ومرات تحسين انج مظلومه او مو قادره تعبرين او تدافعين عن نفسج فتبجين وانتي تتكلمين حاولي تقولين بداخلج لا انا مو ضعيفه وماراح تنزل دموعي ( نوع من التحدي ). يعني مثل حوار مع النفس بلحضة الدفاع
وهو لازم تبجين بس اكتمي نفسج لين تكونين بروحج انفجري وابجي

 

[jasmine_flower]

انا نفسج لمه اعصب وادافع عن نفسى علطول ابجى وانشاء الله البنات يفيدونج

 

[روزالكويت]

انا بعد معاي هالحاله بالفرح ابجى بالحزن ابجى بالدفاع عن نفسي ابجي لما اشوف مظلوم ابجي لما اشوف المجاعات ابجى لما اعبر عن شعوري واصدق بتعبيري ابجي مادري متى اضحك والله احس من زمان ماضحكت من قلبي كله عاطفيه زياده عن اللزوم
احيانا ودي احد يهفنى كف عشان اتسنع <<اتوقع بعد راح ابجي هههههههههههاى

 

[HmSaT-Q8]

هههههههههههههههههههههههه روز الله يسعد قلبج
انا نفس حالتج ما ادري متى بتخلص هالدمووع
مفروض الكويت ماتخاف من الجفاف دموعنا تكفي وتوفي
ههههههههههههههههههههههههههههههههه
غنوجهـ احنا نفس الحالهـ الاحساس عندنا زاايد
ان شاء اللهـ يفيدونج البنات ويفيدونا :$

 

[الالماس واللولو]

انا يا عمري قبل كنت مثلج لكن بديت شوي شوي شوي ان امسك نفسي ولكن هذا يعتمد على المواقف اللي تمرين فيها

حاولي يا قلبي انج تتحكمن في مشارعج ولا تخلين احد يحاول ان يستفزج باصعب المواقف تمالكي نفسج لانهم اذا شافوج جذي عرفوا نقطة ضعفج وهذا القهر

وعسى ربي يعينج ويعين الجميع

 

[ana_tolip]

عودي نفسج على انج تتحكمين فيها وترى بالدنيا ياما في مشاكل مو معقوله راح تبجين على كل شي
واذا حسيتي انج خلاص راح تبجين تعوذي من ابليس وسمي بالرحمن
وعادي اذا نزلت دمعة ترى الدموع مفيدة للعين

 

[الكناري]

غنوجه انتي بنعمه والبكاء دليل على رقه قلب المؤمن والحمدلله انا وحده بكل

شي ابكي حتى بالتلفزين اطالع ستار اكاديمي لما فازت شذى والا انا ميته من ا

لبكي شكو مادري

بس ترا البكي رحمه احمدي ربك على هالنعمه:eh_s(17): :eh_s(17): :eh_s(17):

 

[^شوق الكويت^]

ههههههههههههههه



اصلا اقرب شي للبنت دمووعهاااااااااا.....


و هو السلاح الوحيد في كثير من الاحيان ((مو دايما طبعا ))



انا نفسج و لا تعتقدين انج انتي الوحيده ,,
بس صدقيني مع الوقت راح تخف هالدموع لانج راح تتعودين ,,

 

[غنوجة]

أشكركم يالغاليات على هذه الردودالرائعة......وجزاكم الله ألف ألف خير_

 

[om el7elwen]

كلنا جذيه ابسرعة نبجي اصدقين انا كل ما اودي اعيالي الطبيب وادق علي ريلي اشفيهم على طول ابجي حتى لو مرضهم مو جايد حتى لو كان معاي من اطلع من الطبيب ابجي

 

[$الـــحـــلاوه$]

انتي نفسي بالضبط
انا بسرعه ابجي
بس مو نفسج يعني ادافع عن نفسي عادي
اذا كنت متضايقه ابجي عادي
وبالعكس هالشي يريحني..

 

[أم روعة]

انا عندي نفس مشكلتج بسرعه ابجي وعل كل شي ..
عل قولة ريلي : انتي مو انسانه يطلع منها دموع .. انتي دمعه عوده على شكل انسان
ههههههههههههه خوش تشبيه

 

[سعبولة نحله]

هههههههههههههههههههههههههههههه

أمبي قريت رد روز الكويت وأم روعه
مو قادرررررررررررررررررررره
من الضحك ريلي فز من النوم
امبيييييييييييييييييييي والله دموع دموع

ها شوفي حتى واحنا نضحك دموع شنسوي يعني انا ودي يصير قلبي قاسي بس ماااااااااااكو
حتى لما اتهاوش مع ريلي واهو الغلطان انا ابجي هههههههههههه

 

[سامرينا]

والله انا بعد جذي بس مراات احاول اصمد خصوصا اقبال
اللي يتمنون انهم يشوفني بهاللحظه لانه بعدين اهم ع بالهم اني ضعيفه شخصيه لأاا مابرضا انه احد يقول عني ضعيفه شخصيه لانه في مواقف تحتاج الصمود اذا بجيتي على طول بتريحين اللي قبالج فآنا مره كانت في وحده كله منقهره ومعصبه وقاع تصرخ بس طريقه اسلوبها ينرفز خو ليمن اتنرفز انا دموعي تنزل من دون انا لا أبي هالشي لاني انقهر بس هذاك الوقت حطيت في بالي اني ما ببجي وبقهرها وصج سويتها لاني حطيت في بالي هالشي اهي قاع تصرخ وانا بكل برود اكلمها و اذا ييه بالي اموتها اضحك هعهعهع

 

[حالة استنفار]

اخيييييييييييييييييييييييه !!

قلبي دايما قولي حق نفسج

الدنيا ما تسوى

محد يسوى ان دموعي تنزل جدامه

هالدنيا رايحه شحقه ابجي واتعب عمري ودمعتي تنزل

و اولا واخيرا الدنيا ما تسوى ..

تقبلي تحياتي ,, اختـج \ حالة استنفار ​

 

[ضعيفه وعصله]

انا احس ان الدموع مفيدة حقنا

لان تساعدنا ان نطلع اللي بقلبنا .. و تشيل شوي من همومنا ..

بالعكس هذي مو مشكله

و اذا تبين ما تنزل .. لا تنفعلين حيييل

و ادري ماراح تقدرين لان شكلج حساسة .. و صدقيني دموعج نعمة من ربج

الله يوفقج

 

[كيت كات]

كااااااااااااااااااااااااااانت معاي هالحاله حتى عالباباي الحمدالله والشكر ولا بعد اذا مسلسل ابجي عليه جم يوم....سخافه
المهم من كثر الترقع والمواقف والصدمات صارت عندي مناعه والله جد مثل سبحان الله الجسم لمن يصير عنده مناعه من مرض معين