مشكلتي مع صدري وشلون انحلت

[ناديه21]

السلام عليكم
شلونكم

انا صراحه صادفتني مشكله مع صدري وكانت وايد مازمتني والحمدلله انحلت المشكله

انا قبل كنت الاحظ انه فيه اختلاف في حجم الثدي عندي والاختلاف كان واضح وكبير
لما كنت ادور بالنت واشوف كنت القى انه ماكو وحده بالدنيا عندها تشابه في حجم الثدي لازم اكو فرق
الدقيقه بس تلاحظ الفرق

فعبالي الوضع عادي

بعدين والله يابنات صار فيني هوس اقعد الاحظ صدور البنات احاول ادقق
وماكنت الاحظ اكو فرق نفسي يبين حتى والملابس علي

عاد بعدين قمت اسئل اختي ورفيجاتي وكانوا يقولون في فرق بس مو وايد


المشكله الفرق اللي فيني انه صدري اليمين مييح ماكو شي يمكن A كبير عليه
والثاني سايز B ضيج عليه

كنت حاسه انه فيني شي غلط


فتوكلت على الله ورحت حق عيادة فحص ا لثدي لانه عبالي شي خبيث لا سمح الله
وشافوني 3 دكاتره عندهم تخيلوا كل وحده تقول انا اول مره تمر علي هالحاله
لانه ماكو بنيه اكو فرق جذي كبير
وكانوا يقولون لي لا تحاتين روحي سوي سونار وحولوني مستشفى مكي جمعه :|

اسم المستشفى بروحه يخرع
توكلت على الله ورحت وسويت سونار واشعه مقطعيه وطالع كل شي نورمال مافيني شي الحمدالله

جان يقولي الدكتور اللي بمكي جمعه حتى اسمه زهور اتوقع

روحي حق دكتور نيشو اهوه احسن دكتور تجميل بالكويت لانه المشكله اهيه بصدرج الصغير انه ماقاعد ينمو مع الثاني
اهوه يساعدج ويكبر لج الصغير


رحت ودقيت على انترناشونال كلينك وحجزت عنده
تخيلوا دقيت علي شهر 11
عطوني موعد شهر 1


يوم رحت حق الدكتور ووريته قالي عادي نكبر لج الصغير والعمليه بسيطه وكل شي
انا طبعا تصروعت اسمها عمليه :S

بس توكلت على الله وسويتها
لانه ماكو بنيه ترضى حجم ثديها واحد اكبر من الثاني بفرق كبييييييير يابنات

توكلت على الله وسويت العمليه تاريخ 18-1

بسرعه بسرعه لانه مواعيد وايد عند الدكتور وزحمه قالت لي السكرتيرا ماكو موعد الا 18 قريب اذا تبين بعدين ترى راح يصير نص شهر 2

وانا ابي اخلص دام عطله وتوكلت على الله وسويتها

انا طبعا ميته من الخوف اول مره اسوي عمليه

وسولي العمليه بمشتفى السلام
والحمدالله العمليه نجحت والحين مع انه صدري لين الحين وارم بس احس بالفرق

كبري الصدر الصغير
بس دكتور نيشو لما كبر لي الصغير حط السيلكون تحت العضله
هالحركه وايد تعور وتخلي ايدج ثقيله بس هالطريقه ما تاثر على الرضاعه

عقب ما طلعت من العمليه اكيد يعور
لين الحين يعورني مع انه صارلي اكثر من 10 ايام

بس مثل ما قالي اول الايام العوار يخف لين يروح
وان شاء الله يروح

حق اللي يبون يعرفون تكاليف العمليه
العمليه شغل الدكتور بس 1800 دينار
هذا غير تكاليف المستشفى والبنج والادويه
المستشفى والادويه والبنج والغرفه وجذي طلع علي 500 دينار

وطبعا لازم مع العمليه تشترون ستيان معين نفس الكورسيه ب 40 دينار
طبعا لازم تشترين 2 عشان اذا غسلتي واحد وجذي
وعليكم الحسبه
:gathering:

انا حبيت اكتب موضوعي
لانه الايام اللي كنت اسوي فيها بحث عن المشكله اللي انا فيها ماكنت الاقي مواضيع بالنت وكنت وايد احاتي
وايد تازمت وانا ادور بالنت بالعربي
وبالانجليزي بعد ماكنت القى يمكن لانه ثقافتي بالانجليزي مو ذاك الزود

حبيت اقول حق اللي نفس حالتي الثدي عندهم في اختلاف كبير وواضع هذا اهوه الحل
والحمدالله على الصحه والعافيه

وسلامتكم :eh_s(8):

 

[ام الجميل ناصر]

الحمدلله على سلامتك
مبروك النتيجه

 

[شنشووونه]

الف حمدلله على السلامه حبيبتي

يعني انتي كبرتي الـ 2 ولا بس اللي كان صغير ؟؟

وكم حجم السيلكون اللي حطه لج ؟؟

انا اختي كانت نفسج بس اهيا حصل لها جيه عقب الرضاعه

صار واحد اكبر من الثاني بشكل ملحوووظ

وعقب كبرت صدرها 390cc بس ماشاء الله طلع حلووو ومناسب جسمها

والحمدلله على سلامتج مره ثانيه يا قمر

 

[غير كل الناس]

الحمدلله علي السلامه حياتوووووووووووووو

 

[تبطي عظم!]

الحمد لله ع السلامه

انا عندي نفس مشكلتج

ورحت حق دكتور خاص بس قالي عادي هذا شيء طبيعي

وانا نفسج اشوفه مو طبيعي

بس ماسويت عمليه ولا شيء

اذا بسوي بسوي عميلة تصغير مو تكبير هههههههه

والحمد لله على سلامتج مره ثانيه

 

[ناديه21]

اهليين حبايبيي
انا ما بقى طبيب بالكويت ما رحت له وشافني
والكل كان يقولي هالشغله ما تطلع حق بنيه كبرج لانه عمري 23

تطلع حق الحريم الكبار

وعلى طاري السيلكون بس حق واحد سوالي

 

[ام الجميل ناصر]

زين يعنى عادي بس واحد
مايصير فرق واضح بينهم
يعني الشكل اكيد يختلف

 

[shaikhat elbnat]

صح كلامج حبيبتي ماكو صدرين متطابقين .. بس في بنات يبين عليهم و في بنات لا
بس حالتج كانت محتاجه عملية لانه من كلامج الفرق كبيـــــــر
الف الحمدالله على سلامتج
و تتهنين يارب و اكيد نفسيتج تحسنت لما تحسن شكلهم :d

 

[ناديه21]

زين يعنى عادي بس واحد
مايصير فرق واضح بينهم
يعني الشكل اكيد يختلف

شوفي حبيبتي انا قبل كان الفرق حيييل كبير
يعني على اللبس يبين
واحد صغير والثاني وايد كبير

الحين الحمدالله والشكر لله صاروا تقريبا نفس بعض
لانه اللي سويت فيه العمليه لين الحين وارم والدكتور انه راح يكون وارم تقريبا مدة شهر بس صاروا تقريبا نفس بعض


اتمنى فدتج

 

[ناديه21]

صح كلامج حبيبتي ماكو صدرين متطابقين .. بس في بنات يبين عليهم و في بنات لا
بس حالتج كانت محتاجه عملية لانه من كلامج الفرق كبيـــــــر
الف الحمدالله على سلامتج
و تتهنين يارب و اكيد نفسيتج تحسنت لما تحسن شكلهم :d

الله يسلمج حبيبتي
وعلى قولتج صح النفسيه اهم شي ;p

عاد تدرين قبل لا اسوي العمليه قلت حق الدكتور شرايك اسويها
جان يقولي لو انا عندي صدر واحد اكبر من الثاني جان اكيد بسويها ;p

 

[Mig.MiG]

الف الحمدلله على السلامه

 

[shaikhat elbnat]

الله يسلمج حبيبتي
وعلى قولتج صح النفسيه اهم شي ;p

عاد تدرين قبل لا اسوي العمليه قلت حق الدكتور شرايك اسويها
جان يقولي لو انا عندي صدر واحد اكبر من الثاني جان اكيد بسويها ;p

زيــــــــــــن سويتي اصلا
تتهنين يارب و الله يونسج بالعافيه

 

[بيوتي ليدي]

بنات نبي طبيب تصغير الصدر

 

[فـلـفـلـهـ]

الله يعينج

انا صدري حجمه مختلف والحمدالله مقاس صدري صغير

رااااااااضيه بخلقت ربي وأخاف العمليات

والله يهنيج وترتاحين

 

[عرموشة]

الله يقومج بالسلامه ان شاء الله

 

[Turquoiseya]

الحمدالله على السلامة
وتدرين الاجانب يعانون من هالمشكلة وبعضهم مقاس صدر a والثاني c
شفت صورهم واخترعت لما كنت انبش عن عمليات الصدر

ودام انه كان مأزمج زين تشجعتي وسويتي العملية
الف مبرروك وان شالله تقومين بالسلامة

 

[ناديه21]

الله يسلمكم حبايبي وماقصرتوا

 

[خفوق المشاعر]

الحمدلله على سلامتج وشكرا على طرح الموضوع للافاده

 

[ناديه21]

مشكوره حبيبتي

 

[كشموووشه]

الحمدلله على سلامتج