مشكلتي مع زوجي

[إنسانه وأكثر]

حبوبه الله يحفظكم من العين وجميع المسلمين

اللي تمرين فيه شي طبيعي دايما يمر فيه اي زوجين في كذا مده زمنيه كل 4 سنين وبعدين يتكرر كل 7 سنين ومن تتعدين الجم سنه يرجع الوضع طبيعي بإذن الله ...

اللي عليج انج ماتستسلمين للبرود هذا حاولي تكسرينه مايكسرج غيري بدلي فري اثاثج غيريه بكبره واذا فلوسج تكفي سفره روحيلج يومين دبي او بيروت بدون البيبي طبعا عشان تاخذون راحتكم

احجزي سينما بالويك ايند روحي كوفي شوب ذرب اخذي ريلاكس حجزيلج سبا انتي معاه او روحي المقاهي الشعبيه جوها كويتي حلو كسري الروتين وخصوصا الجو بدا يتعدل
حبيبتي دايما حطي جدام عينج الشي الزين اللي بريلج وقولي لازم اسوي شي يرضيه عشان مااخسره ...

وعسى الله يوفقج ويهديج لزوجج

 

[نونوخالد]

اخاف انها عين عليك بارقيه




http://www.4in1-stc.com/home/show/140
صوتوا لي حبايبي ماعمري فزت حتى بحلاو مصاص خخخخخخ

 

[اميره1980]

البنت تبي نصيحة في بعض البنات اعوذ بالله من حجيهم استغفر الله يخلي الوحدة تتحسف انها تفضفض باللي بقلبها بالمنتدى

المهم
ليش ما تسافرين و تغيرين جو البيت و خلي ولدج عند امج
و اذا ريلج ما يحب جذي انتي حببيه و خليه امام الامر الواقع و حجزي على الاقل ليلة بفندق بالكويت
الله يسخركم لبعض و يخليكم لبعض يا رب

 

[مزيان الروح]

الله يريح بالج إن شاء الله وينولج مرادج يارب

 

[رمضانه]

حجزت مرتين بفندق وعطيتهم رفيجاتي مااااااااااااااااااااااااايحب
يقول عندنا بيت واغراضنا يمنا ليش العباله وتعال شيل وحط
والسفر حجزت وكنسلت شسوي فيه
واحنا كله ماكو فلوس
اهوه يشتري بهالتلفزيونات والالعاب اللي يلعبها وانا من ضيقت الخلق اشتري بالهبل من الجمعيه والله يابنات من ضيقة الخلق اروح الجمعيه اشتري بطاط ككاو وخرابيط واجابل هالتلفزيون واهوه مجابل اللاب يلعب اسولف مو منتبه علي
اقوله طالع معاي هالفلم اسوي بوب كورن يقول شايفه من كثر ما اهو بيتوتي
امس رحت مع رفيجتي بحر مرينا ولعبت ولدي بالنطاطيات ارتحت نفسيا الجو حلو وناتشوز وحب
ياريت اهوه يطلع معاي جذي
واذا طلع يحن ويع شالقعده شنو الوناسه يلا خنمشي ملل

 

[شادن33]

يحليله زين هو طبعه جذي مايحب يطلع طلعي انت ونسى عمرك وردي مشتاقة له وبيني وبينك احسن لج شتبين في يطلع ويشوف البلاوي

 

[مناير ...!]

حاولي تغيرين من نفسج

 

[دلوعة صلوح]

كثرى استغفار حبوبة.

 

[SiLenT Qween]

الله يهديكم لبعض

 

[DaShTeYa_Q8]

انتو كل شي عندكم عين عين عين عين !!!
اي مشكلة سويتووها قلتو لا مو مني ولا منه هذا عين
هذا من الناس هذا و هذا !!
تره الناس مشاكلها اكبر من انها تقعد وتطالع فيكم

اهوه بيتوتي وايد رياييل جذي مو نظامه يطلع انتي غصبيه امش ناكل مطعم
امش نروح قهوه او كافيه نحلي
نازل فلم يديد بالسينما خنطالعه ضايق خلقي
مو تقولين يحبج؟ بيسويلج الي تبينه عشان مايضيق خلقج

لا تغصبين الريال اهوه طبعه جذي شوي شوي تغيرينه مو بيوم واحد
و يمكن فيه روح الطفولة للحين يحب يشتري اجهزه و هالسوالف انا خالي عمره 27 ويقط معاشه قط عالاجهزه

وعمي هم بيتووتي ومرته بس طلعاتها مع عيالها و خواتها و اهوه بالسنة مرة مطعم
عادي محد تشكى وقال عين !!

 

[Angel-Lady]

جربي اتخلينه يصير اجتماعي اشوي بأي طريقه و منها يمكن يتغير بس لا تستعجلين عليه لان ما راح اييب نتيجه

جربي تعزمين اخوانج و ابوج أو اخوانه على عشا مثلا و بعدين خليهم يطلعون مع بعض كوفي و لا مجمع

خل يصير عندكم نظام أو جدول في الطلعات مثلا يوم الاثنين من كل اسبوع نطلع مكان بحر و لا كوفي و خصوصا الجو الحين حلو و نزور مثلا أحد الاقارب أو الجيران يوم الخميس و لا الجمعه ، السبت تطلعين مع صديقاتج و لا خواتج ... ألخ

اذا يصلي في البيت خل يروح الصلاة بالمسجد و يتعرف على ناس هناك، و أهو اييب لج اغراض الجمعيه و يشتري لج الي تحتاجينه

استفيدي منه بالبيت يشيل و يحط و يعدل d: و طبعا ولدج يتحمل مسؤوليه مصاريفه و لازم يكون عندكم باك اب للمستقبل انتو الاثنين تعاونو على مبلغ و لو بسيط كل شهر اتخشونه للمستقبل لكم و لعيالكم ان شاللله مو كل الفلوس تنصرف

قبل لا تطلعين مكان قولي له ان بس بنروح هذا المكان و نشرب عصير مثلا و نرجع بسرعه حتى لا يحس انه ترك البيت لفترة طويلة و اذا طلعج فبعد الطلعه سوي له حركات في البيت و غيري شوي، و مرة عن مرة طولي اشوي فترة طلعتكم و بوقت الطلعه عليج بكلا الحلو و الدلع

و لا تحطين في بالج ان كل هذا بس عشانه ، أولا انتي عشان تتغير نفسيتج و ترتاحين

و بعدين انتي استمتعي بانوثتج فتزيني و صيري حلوه عشان تتغير نفسيتج ، غيري جو روحي نادي و لعبي رياضه و لا مشي بممشى و لا روحي سبا عشان ريلاكس روحي صالون بيديكير منيكير صبغي شعرج او قصيه

بالتغيير شوي شوي و لا تستعيلين و قعدي ادعي و صلاة الليل بعد و ان شالله تتغير حياتج و يسخر لج زوجج

و في النهاية انتي عارفه ريلج عدل و احسن من غيرج فلا تاخذين نصيحه و تسوينها و انتي عارفه بتسبب لج مشكله مع زوجج و المشاكل ما تنجل بين يوم و ليلة اشوي اشوي و الله يوفقج ان شالله

 

[رقـة الاحسـآس]

طبعا اهتمي بالاذكار و الرقيه و سوره البقره
بس دامه قاعد معاج
انتي غيريله جوه حتى لو انتو فالبيت
حاولي ادوري شي تسوونه و تقضون وقتكم فيه
ومشكله البرود الجنسي بعد لازم تعالجينها هذا عيب منج مب منه هو

 

[رمضانه]

يا بناااااااااااات انا مو بارده جنسيا اذا طولنا ولمسني انا اقرب منه مو قصة برود بس انا بعرف ليش انا جذي احس كارهته خصوصا بوقت الجماع

 

[رمضانه]

يمكن عشان حياتنا روتينيه وانا احاول اغيرها ومو قادره اول شي ماديا ثاني شي طبعه الصعب
ويمكن لاني يأست مو قادره اغير طبعه وانا عكسه تماما احب الطلعه احب المطاعم والسينما والسفر
واحن عليه عالسفر لو يومين واهوه مايحب مايعرف يدبر نفسه مع انه مو صغير عمره 34 وانا 25

 

[توفـــا]

سورة البقره كثري منها

 

[جديده 1]

الحل بإيدج .. انتي غيري روتينج .. طلعوا روحوا مطاعم .. تشموا بالسياره او عالبحر .. روحوا سينما ..
بالبيت غيري فيه .. اشتري اشياء يديده حتى لو بسيطه مثل كفر السرير ولا جم تحفه .. او عالاقل غيري من اماكن الاثاث ببيتج .. انتي حاولي تسولفين معاه و تسألينه وين رحت و شنو سويت .. و اقعدي معاه و تفاهموا على اساس الوضع فاتر بينكم .. و اخر شي ارقي نفسج وولدج

 

[جوري 2007]

لا تقطين كل شي عالعين ،، حاولي تثقفين روحج من ناحية الجنس والاغراء والملابس والاشياء اللي تلفت نظر زوجج بالذات ،، يمكن مايحب

الفنادق والمنتجعات بس اكيد مايكرههم ،، انتي فتحي النت وقوليله خل نحجز المكان الفلاني حق التاريخ الفلاني عزمي وفتحيله الموقع

وساحليه ،، سافروا دبي او اي مكا ن قريب مجرد تجددون الروتين ،، مرة بالاسبوع قوليله قوم خنلعب الولد وروحوا اماكن مومعتادين

تروحونها :المدينة الترفيهيه مثلا_حديقة الشعب_بساط وعشا وقعدة عالبحر بمعنى انتي ابدي تغيرين وتبتكرين اشياء يديده ،، استغلي

احلا ايام عمرج واستغلي وضع انه عندج ولد واحد وتقدرين تسوين وايد اشياء باجر لي اكثروا اليهال بتاخذج زحمة الدنيا وبتقولين ياليت

 

[رحيل المرافيء]

وتالي تقولون احنا مو مقصرات وموفرين كل شي
بس الرياييل مايبين بعينهم
ولاخانوكم وكلموا بنات قمتوا تتشكون وانتو ساس البلااا
اقوول بس حمدي ربج على النعمة البنات ماهم لاقين زواج
وانتي زوج حبوب وطيب ماتبينه
ولاراح لغيرج صار غالي وحبيتيه
لو متزوج عليج الحين جان قلبتي الدنيااااااااا انا احبه وانا مو مقصرة وانا وانا
ما اقول الا الله يرزقه ببنت الحلال اللي تعرف قيمته
وانتي خليج ماحبيته وعين وحسد ومن هالخرابيط
كل فشلنا نقطه على العين والحسد


منو اللي مقصر الحين الرياييل بعد
وبعدين تقولون رب العالمين ماشرع تعدد الزوجات الا بسبب بعد اكثر من جذيه

 

[cheese cake 84]

حبيبتي انتي قلتي الحل تعرفين ريلج شنو يحب عطيه علي جووه حجزي فندق من غير مايدري وفاجيئيه ولا سافروا كتغيربروحكم ومايمنع انج دوم ترقين نفسج وترقينه معاج والله يكافيكم شر هالناس

 

[نونينونو]

الملل اظاهر عندج

والبرود يمكن من حوب المانع اذا تقدرين اتفقي مع زوجج تقطينها و سووا منع طبيعي

غيري في بيتج
في نفسج
والله هالمرحله مريت منها
اتركي عنج تغكير بنفسج وولدج اذا مريض جد بتتعبين وزوجج الحين متحمل باجر ماراح يتحمل
دوسي علا نفسج شوي
غيري حتا المواعين ترا تاثر
اشتريلج طاوله من ايكيا طعام صغنونه
خليها عند دريشه زينيها بمفرش و ورد
خلي قعداتكم فيها
الريوق
قهوه العصر
سولفي معاه عن دوام
شاركيه اهتماماته لو انج تعتبرينها يمكن تافهه بس شتسوين هذا زوجج
انسي التعب واضغطي علا نفسج وايام عمرج محسوووبه استانسي بكل لحظه بحياتج
وعليكم بالبقره سوا تعبانه او لا سبحان الله حرز من كل شي

والاخت الي تذكر البخور هذا بدعه وهو مايسمى بالنقض وبالعكس هالطريقه تساعد علا حل الارواح

تحصني بالبقره وحافظي ع صلاه والله يشرح صدوركم