مشكلتي مع زوجي الله يهديه

[المدينه]

حياتي انتي ليمتى متحملته لما يجيج الضغط والسكر ؟(بعيد عنج انشالله)لاتصرفين عالبيت ولا الخدامه لابعد مومتحمل اعياله بصراحه انتي معطيته وجه وكل هذا على حساب صحتج واعيالج دخلي اهلج بسالفه كاسرين خاطري اعيالج بيتعقدون

 

[**بنوتة توته**]

الله يكون بعونج ياعمري.............................

 

[caramella]

3awartay galby allag esa3dech
elbanat ma ga99eraw bel redoood

 

[sweet chili]

أستغفر الله هذا مودين هذا ما يعرف الدين أو ماعنده أخلاق

أختي لا تزعلين أنتي الغلطانة وأنتي اللي خليته يتمادى والزوج أذا شاف الزوجة طيبة داس عليها وعصرها عصار لا وفوق هذا بعد فترة يتزوج عليها وحدة عوبة تطلع عيون مو القطو ما يحب ألا خناقه .

لازم تحطين حد ولا تصرفين ولا فلس عليه أن شاء الله حتى لو يموت من الجوع روحي بيت أهلج تغدي وتعشي عندهم وخلي الجوع يضرب كبده . وأذا قال لج وين فلوسج قولي أخذت سلفة وما يصرفولي من معاشي ألا القليل إذا قال ليش قولي
أخوي عنده ظرف وأنا أضطريت أساعدة عليه شيك أو ألفي أي قصة المهم يعرف أنه ماراح يطول من فلس حمر . وخلي البيت على الخدامة . ودلعي نفسج وحبي نفسج أنتي غاليه على نفسج لازم تحترمينها وتعطينها قدرها روحي صالون روحي السوق أشتري لنفسج هدوم المهم لا تخلين شيء بخاطرج . وأذا تمادى أزعلي وررحي بيت أهلج وخليه بروحه . ومارده بيتأدب . والله العظيم أعرف وحدة نفس وضعج بالضبط ونفس التفاصيل زوجها تزوج عليها وحدة جيكرة وعوبة ولسانها طويل وفوق كل هذا عسل على قلبه . فلا تخلينه يقضي عليج أدبيه وخليه يعرف قيمتج​

 

[ام سعودي باشا]

الله يعينج علية شنو هذا وبعدين ليش تصرفين علية اكيد راح يستانس قوي شخصيتج مايصير جذي بعدين راح تندمين

 

[dlo3a81]

واااااااااااااااااااي الله يعينج ...

حتى رفيج ريلج حاس وريلج مو حاااس ..

حبيبتي دخلي اخوانج بالموضوع ابووج اي احد خل عالاقل يشتري لج بيت ..

شنو ملحق وغرفة مقسومة نصييين !!

ونصيحة اختي حاولي تكتفين بالعيال اللي عندج ..

الله يفرجهها عليج​

نفس رايي لاتسكتين دخلي احد من اهلج واذا حاسة انه وجودة نفس عدم وجودة فعدمه احسن لج ولعيالج حرام لايعقدهم

 

[أم ^^حمودي]

اشوا ملتزوم وجذي
صج الله يعينج ويرفع عنج
دام انه شايف حياته
انتي بعد شوفي حياتج
الريال الي جذي بيعيشج بحسره تمرضين من وراه
مالجج الا الدعاء
الله يساعدج انشالله

 

[om MaRyooM]

حبيبتي سامحيني ولاتزعلين بس ريلج وين و الدين والالتزام وين ؟؟؟؟

لاحظت من كلامج انه مايخاف ربه فيج ومايرحم


شدعوا

بس انتي لج باع كبيييييييييييييير بالمشكلة .. انتي سببها ترا
لأنج انتي عودتيه انج تقصرين على نفسج عشان اللي حواليج .. حتى بالنسبة للفلوس والمصاريف

اهوا باين انه عايش مرتاح واللي يبيه قاعد يصير وانتي مع احترامي لج اللي تكرفين وتسوين وتقصرين على نفسج وماكو رد جميل

رايي انج تقوليله اللي حاسة فيه بصراحة وتحطين حدود لهالوضع اللي قاعد يصير .. وعشان عيالج يعيشون حريتهم وحياتهم حرام ترا

ولاتمدين يدج على عيالج حرام مالهم ذنب حبيبتي ..

يعني كافي انج قاعدة بشبه شقة وتنازلتي عن مكانتج المرموقة بالشغل اللي الكل يتمناها .... انتي سويتي اللي عليج تجاه ربج وعيالج وزيادة وقمتي بأصلج وتربيتج وصبرتي ... بس ليمتى رح تتحملين الوضع؟!!

لازم تحطين حلول وبدائل عشان ترتاحين
و الله يعينج ويفرجها عليج

 

[HERMITAGE]

كتبت رد طويل عريض بس مادري وين اختفى ..

المهم الزبده ..

يا انه راح يتزوج عليج و عينج تشوف .. يا انج تموتين بسبته و يتزوج .. و بكل الحالات انتي و عيالج خسرانين ..

موقفج سلبي و انا اقول مثل ‘‘دلعني‘‘ تمردي

خلاص عاااااااااااد حطي شروطج و انتي ارسمي حياتج .. مو تخلين واحد معقد يمشيكم ..

الله يعينج على ما بلاج .. حرام شنووووو الروضه اختلاط@@

لازم التعليم ..

الله يكتب لج اللي فيه الخير

صح كلامها هذا ينخاف منه لازم توقفينه عند حده وما اقول الا الله يلين قلبه لج كما الان الحديد لسيدنا داوود عليه السلام والله يصبرج وسخره لج اللهم آميييييييييييين

 

[فوفو22]

حبيبتي الله ياجرك على صبرك وقوة ايمانك وعزيمتك

مع احترامي لزوجك ولكن

1-هو فيه شي من الانانية دون ان يقصد

2-بامكانك تقللين من الانجاب وتركزين بحياتك (((ان لنفسك عليك حقا))))

3-واجب ان يوفر لك سكن يليق بحجم عايلتك وخاصة ان الحكومه توفر الحين لكل عايلة 150 بدل ايجار

4-يجب على كل زوجة لا تصير هبله تصرف على زوجها هو يعرف الشرع ويعلم ان هو المسؤول على السكن والاكل والبس بالشرع والقانون والعقل

5-انتوا يا الحريم اللي تخربون الريال بطيبة الماصخة والغير مدروسة

اللي عليك الآتي

1-توقفين الصرف عنه
2-توقفين وقفة جاده بتوفير سكن لك وهذا ابسط حقوقك
3-قوي شوي من شخصيتك بمعنى عند النقاش ردي عليه بآية او حديث حتى يحس بالالم اللي تشعرين فيه

4-والاهم من كل هذا لا تذكرين له تضحياتك وصبرك لانه الرجال بشكل عام ما يحب منًة الزوجه واعتبرية بينك وبين نفسك صدقة لزوجك حتى تنالي الاجر بإذن الله

5-خليه يساعدك بالتربية يوم هو يدرس ويشرح ويطلعهم ويوم انتي

6-الدعاء الدعاء الدعاء وكثرة الاستغفار

 

[دنياالوله]

والله ماقصروا البنات


بس اقول الله يعينج على بلواج

 

[<<لمار>>]

دخلى اهلج بالموضوع

 

[㋡..PRINCESS..㋡]

اللـــــــــــــــه يعينــــــــــــــــــــج ويصبـــــــــــــــر قلبـــــــــــــــــــــج عليــــــــــــــــــــه

 

[LoNeLy-WoMaN]

جزاكم الله خير يا بنات والله استحيت من روحي بس اذا زعلت وين اروح ويا عيالي اهلي زحمه ماكو مكان للنوم وعيالي مزعجين ااستحي كافي حزه الظهر مع العلم اني اقعدهم بالحديقه واجلس معاهم عشان ما ازعج احد والمشكله انا رضيت فيه اهلي ماكانو يبونه انا اصريت عليه وكلمته جم مره عن البيت يقولي انتي تخربين مستقبلي انا وراي دكتوراه والدراسه بمصر غاليه وعلى فكره اهو بالجامعه ويرفض دخول عياله الروضه ؟؟؟ والله احترت معاه كرهته لأن سبب تغيري اهو حاسه اني مخنوقه وياه بعد العز والدلال ابيت اهلي وكنت مدرسه ومعاشي كله لي ابوي عمره ما قالي هاتي دينار وريلي همه نفسه وراحته قلت ابي شقه قالي اوكي بعطيج فلوس الشقه بس انا ما اطلع بره بيتنا روحي انتي وعيالج انا مستحيل مت ن القهر والله مو من زينه بس عياله يحبونه ويبونه بعدهم صغار اكبرهم 5 سنوات عمرها انا مو عارفه شلون ابدأ معاه يعني شقوله بالضبط عيزت وانا اقوله يا بو فلان البيت مو وسيع واليهال كبروا ما كو رد طااف ويعصب ويزعل اصلا قبل كنت ساكنه بغرفه وحمام 5 سنين والله بعدها اخوه بنا المملحق وتزوج بس زوجته قالت شنو هذا انا اسكن هني ؟؟ وراحت وقتله نسكن مكانهم قالي اخوي يبي 3 الاف شغل التعديل وانا ما عندي قمت انا دفعت كل شهر 150 لحد ما خلصت الثلاثه على فكره اخوانه نفس الطبع كلهم تطلقوا حريمهم انحاشو بعد 4 شهور من الزواج وانا ظليت مو عشانه بس عشان اهلي والله 00المهم انه ماكو حديث ولا نص قراني ما اييبه لي بخصوص التحمل والصبر والدنيا فانيه تعبت منه والله انا صابره بس للصبر حدود صالون ما اقدر اروح اخذ بناتي الصغار وياي كل مكان اخدهم وياي الصالون الجمعيه الدوام مرات يدق علي كل شوي طلعي من الدوام وجيكي على اليهال عند امج ودوامي بعيد من جذي تركت رئاسه القسم مع اني ماسكتها من 6 سنين بس شسوي دمرني حتى الماجستير كنت ناويه اكمل كسر مجاديفي دخلت مره على مدير كنت اتعامل معاه قبل لا اتزوج والتزم باللبس انصدم من شكلي وكلامي وقالي استاذه سامحيني ما عرفتج فكرتج مره كبيره يايه تطر ؟؟ آآه كسرني ورديت البيت ابجي بعد كل هالزين صار فيني جذي كل من يشوفني يقولي انتي فلانه ؟؟ شنو هذا مستحيل ؟؟ اقولكم عجزت والله وصرت انسى كل شي واذا حطيت شي اضيعه كل فكري منشغل باليهال لا يصير فيهم شي وياكل قلبي عليهم سامحوني بس حسيت انكم مثل خواتي ودي افضفض استحي اقول حق خواتي من اي وابوي مع ان عددهم ما شاءء الله 9 بس صعب ولا ودي ادخل اهلي حياتي استحي منهم اصلا لو ابوي يدري بلي اسويه بيفضحني بيقول خبز خبزتيه يالرفله اكليه آآه

 

[هجورة1]

الله يعينج ..
ادعيله بالهداية

 

[@واحــ موت ــشني@]

الله يعينج

 

[بناتي حبيباتي]

الله يعينج ويصبرج ويقويج ويسخر ريلج لج

 

[^رؤى^]

تدرين وين بدت المشكله من بدايه الزواج كنت من اول شي تصرفين هذا اكبر غلط وشايله البيت شيل فوق راسج وماعطيته مسؤليه
بداية الزواج مايكون في مسؤوليه كثر الحين فكنت موحاسة بحجم المشكله اللي تكبر مع السنين

المراد اذا شاريته
ابدي تمردي بس مو بكل شي لأ وحده وحده اول شي ابدي بالخدامه انها تساعدج وتشيل من شغل البيت علميه انج مو خدامه خل يشيلها من باله هذي

عقب اهوا اللي يدفع معاشاها مرة انتي ومره اهو قزيرها جذي لين بالاخير اهوا اللي يتحمل مصاريف الخدامه
خل يعرف انه الخدامه هذي حق عياله وهو الملزوم فيهم مو انتي

حسابج بالبنك افصليه خلي نصه حساب توفير ماتجيسين منه شي واحسن شي خلي بطاقتج عند امج ولو شي صير تموتين من الجوع انتي وعيالج لاتجيسينها ترى ماكو احد قلبه صخر بس تعلم كل شي عليج لين يحس على دمه ويصرف على عيالج

وامشي جذي حبه حبه لي يتغير

ودام اهوا دين امسكيه من ايده اللي تعوره الدين


اي بعد خلي عيالج يشتغلون عليه يبه طلعنا ودنا يبلنا نبي نطلع مطعم وانتي ماتكونين معاهم
عشان اهو يحس باللي تحسين فيه من حنه اليهال ويعرف بعد شوي مسؤليه اليهال

 

[أم أنور]

حبيبتي بسألج سؤال دام هذا طبع ريلج ليش كودتي يهال منه لو أنا نج واحد وكافي عليه
الله يعينج الصراحه

 

[Om Ali 86]

الله يعينج

( و إن الله لا يغير ما بقوم حتى يغيروا ما بأنفسهم )

حبيبتي شنو ما تبين ادخلين اهلج بالموضوه ؟؟!!

عايشه بهالضيم كله و مستحية تكلمين اهلج ؟؟
اهلج لو شنو بيسوون فيج و لو شنو بيقولون لج اهون من هالعيشه
انتي 8 سنين زواج و ما قدرتي تغيرين شي لا بزوجج و لا بعيشتج

و اظن 8 سنين كافي .. و لازم تقومين عالاقل بخطوة للتغيير