مشكلتي مع زنودي بليز هلب

[أميرة طفولتي]

السلام عليكم

شلونكم بنات

منو تعرف او سامعه عن دكتورة تجميل حق الزنود ؟؟
لازم تكون دكتوووره مو دكتووور
خل اقولكم سالفتي مع زنودي .... انا ياطويلات العمر
الحمدلله زنودي مافيها ترهل بس لمن اوقف قبال المنظره واشوف نفسي
يعني الي يطلعني ويه بويه يشوف زنودي على الجوانب متفوخه مادري هل اهوا دهون ولا شحم مو راضي نهائي وكشكل مو متناسق مع جسمي انا حبتي ناعمه والحمدلله جسمي كله متناسق بس مشكلتي مع هالبروز الي يصير عالجوانب لمن انزل ايدي واوقف مستقيمه
وانا من وعيت وقمت اعرف وانا بس اتحلم بالزنود الصبه الوحده تخيلوا كل عرس او حفله
بس اطالع الزنود ياربي كلهم ماشالله صبه وحتى المتروسين او المتان متنهم على سنع مايصير هالبروز هذا
انا من قبل وصلت وزني تخيلوا 46 متخيلين شنو يعني 46 !!!!
وكنت العب سباحه بالنادي لمدة 6 شهور ورياضه ماقطعتها لمدة سنة كاملة ومشي وتمارين بس حق هالمنطقه كل هدفي ماكان حق الضعف لا ابي زنودي تروح منهم هالتفخه بس للاسف هم ظلوا بس على حجم اقل !!!!

بليز بنات ابي دكتورة شاطرة حق هالسالفه
منو تنصحوني ؟
واي مستشفى ؟
في احد مسويها من قبل ؟

 

[uae_asma_uae]

سمعت عن هالمنطقة يستخدمون لها ابر تكسر دهون

 

[أميرة طفولتي]

مشكوره حبيبتي بس ياريت توضحيلي شلون ؟
اول مره اسمع فيهم ؟ يعني بدون جراحه عدل ؟

 

[اميره بكلمتي]

اب

اب

 

[أميرة طفولتي]

يسلمو اميره حبيبتي

 

[أميرة طفولتي]

شدعوه بنات محد يدري ؟؟؟

 

[عذايب عجمية]

لااا عملية سوى رياضة الله لايهينش واللى ماتبينة باخذة ههههههههههههههههه

 

[اثير الدلع]

حبيبتي شوفي ابر الميزوووو اتوقع راااح يفيدونج وااااااااااااااااااايد بدال العمليه لأن هالمكان العمليه فيه اثااارها مو شي كلش وبالتوفييييييييييييييييج ...

 

[أميرة طفولتي]

ملييييييييييييييييت من الريااااااضه
ماتروح نهااااااائي
الحجم بس يقل بس البروز يظل موجود

 

[أميرة طفولتي]

اثير الدلع شنو هالابر شتسوي ؟؟
واروح حق منو ؟ اي مستشفى اي دكتور ؟
وجم اسعارهم ؟
وجم جلسه ؟

ههههههههه ادري اسأله وايد بس ماعليه حبيبتي ابي احد يفيدني

 

[اثير الدلع]

افااااااااا عليج سألي حياااتي
شوفي انا جربت الابر عند الهادي دكتور تجميل اسمه الشاذلي بصراااحه قمه يقزهم لج تحسيين بحرااره بعدين يصير مكان الابر ازرق ويعطيج كريم ونفس الحزام من الصيدليه بس هاااا اول الايام ينتفخ وااايد بس تلبسين الضباب وبعدهاا بأسبوعين او اقل تعالي شوفي النتيجه تينن انا بصرااحه غزيتهم لبطني وظهري من فووق والله خفووو واايد صارووو واااو بعدين صكتني نفسيه وانا اذا تضااايقت مااكل بس اطيييح بالكاكاو ورد بطني وظهري متنو بس شوي مو وااايد بس نصييحه لا تسوين عمليه بزنووودج لأن وايد ناااس قاالو الاثر ماله يلوع الجبد ... انا عن نفسي بكل صراااحه بسوي لبطني وصدري وظهري من فووق عملية شد لأن ابي شي دااائم وبيرفكت واتمنى فدتج حبي واي سؤال من عنوووووني

 

[أميرة طفولتي]

ياااااااااااااااا بعد جبدييييييي
حبيييييبة البييييي فديتج
واااي حدج فدتيني
الله يسخرلج الي يساعدج بكل شي تحتاجينه مثل ماسخرج لي

انزين بجم الابره او الجلسه الوحده ؟ وجم جلسه احتجتي ؟
وجم المده بين كل جلسه والثانيه ؟؟

انزين انا سويت سيرج عن هالابر والدكاتره كلهم قايلين ان حتى لو رديتي كليتي المنطقه الي انتي قازتها ماترجع تسمن !! صحيحه هالمعلومه ؟؟ يعني صج نتيجتهم دائمة ؟
اي وبعد سؤال هههههه امبي جني مصختها ؛/
في دكتوره ولا بس رياييل
لان انا الي اعرفهم الشاذلي والشافعي مادري اذا عندهم دكتوره ولا لا !!

لااااا تدرين انا من كثر ماتعبت وماخليت شي ماسويته قلت اسوي عمليه
بس سبحان الله دريت بسالفة هالابر ولا انا ماكنت سامعه عنهم نهااااااااائي*

 

[أميرة طفولتي]

دقيت على الهادي ماعندهم دكتوره

لازم اشوفلي عياده ثانيه :×

 

[اثير الدلع]

امبيه لحظه ههههههههههههههههه انا خربطت هههههههههههه الدكتور اسمه الشافعي مو الشاذلي ههههههههههههههههههه اساااميهم قريبه لووووووووووووووووول اي حبي دكتوووور وسمعي نصيييحه من اختج وربي شاااهد علي لا تروووحين اي عياااده ثااانيه انا جربت قبلج وماافادني الا هالدكتور الشافعي ايده خفيفه ويعرف شنوو محتااجه بالضبط والابره ب30 وبين كل جلسه وجلسه اسبووعين ومن اول جلسه تبين معاج النتيجه ... بس عفيه ابي منج طلب صغيرووون ادعي لعيالي الله يسخرهم لي واربيهم تربيه عدله وماانحرم منهم ودوووووووووم مايفاارقون عيوني

 

[انا لحبيبي .]

حبيبتي يمكن عضمك من فوق عريض ، والزنود ما بتروح لانه العضم عريض

وانتي عم تحكي ماعندك ترهل الحمدلله ،،

​

 

[أميرة طفولتي]

لالا حبيبتي انا لحبيبي
مو عظم انا لمن اجيسه مثل الشحم بالعكس انا سخيفه وهذا الي باط جبدي
ان هالشحمتين مادري الهون التكوده متجمعه بهالمكان وماااااتروح حاولت بكل شي...


اثير
يااااااااااااااااااااااااااااعمري رووووووووووحي ربي يوفقج ويفتحها عليج وين مارحتي ويخليلج عيالج ويحفظهم من كل شر ويجعلهم بكل خطوه سلامه ويسخرلهم عيال الحلال والرفجه الصالحه وتربينهم ويكبرون بحضنج وتشوووفينهم
معارييس وبأعلى المناصب ياااااااارب :*

 

[shakshuka]

يا معودة علي ايدج شوفي و عطينا خبر وعفية جم ابره الجلسة الوحدة

 

[أميرة طفولتي]

شكشوكاا
هلا والله حبيبتي

بالجلسه الوحده جم ابره مادري بالضبط بس اكيد بقجقج فيج على حسب كمية الدهون الزايده

بنات منو تعرف دكتوره شيرين أبو الفتوح جنه جذي اسمها ؟؟
شرايكم بشغلها ؟

 

[عطر البوادي]

هلا أختي أميرة طفولتي أنا شافطه زنودي عند الدكتورة شيرين من شهر 9 وما شالله تبارك الرحمن شغلها يهبل وانا كنت اسوي ريجيم والحين ادرس يعني لخبطت بالأكل شوي وانترست بس زنودي تراسهم حده بسيييييييط لكن واااايد فرق عن قبل

 

[أميرة طفولتي]

انتي تقصدين شيرين ابو الفتوح ؟
ماعليج امر ابي اعرف كل شي عن عملية الشفط
لان امس انا رحتلها وقعدت معاها وقالتلي عن الشفط
شلون زندج الحين صار صبه وحده وراح الشحم الي فيه ؟
والاثر راح ولا للحين في ؟
وجم كلفتج العمليه ؟
سويتيها تخدير موضعي ولا عام بمستشفى ؟

واهم اهم اهم شي عقب العمليه شكثر خذيتي وقت عشان تطيبين ويروح العوار
لان انا مدرسه وما اقدر اخذ اجازه الا اللهم مرضيه
لمن قتلها اسوي العمليه الاربعا واخذ مرضيه الخميس
فارتاح اربعا وخميس ويمعه وسبت وارد ادام الاحد قالتلي اي عادي تقدرين وكافي
شرايج اقدر ولا وايد صعبه علي ؟؟؟

عفيه جاوبيني وقوليلي كل شي عن هالعمليه