مشكلتي مع خطيبي

[شموخ نايف]

اتمنى مالقى ردود تضايقني زوووود

 

[ناتشوو]

شموخ نايف
الحل
لاتروحين له ف بيته
الحل
التعجيل بالزواج
يايمة يايبى
الملكة طولت
5 سنوات
البنات دايما يسألوني
الحل
لا للطلاق قبل العرس
ولا تفكرين فيه
بنت خالته لو يبيها او اهله يبونها
جان خطبها وانتهت
بصراحة ماتقدرين
تحكمين
عليه قبل يجمعكم بيت واحد مستقر
اما وضعكم چذي
لا زواج ولا عزوبية
كلش
لا تستمرين فيها

 

[M!Ss.Dudi]

حببتي كيف انخطبتي وانت ماتعرفي الشي الي يصير بين الزوج وزوجته؟؟!! احس انقرضوا الي كذا

ع العموم حاولي تطنشي و تقطعي اتصالات معاه وخلي الوالد يحدد معه موعدالزواج لان لو عليه كذا الوضع اريح ليش يوجع راسه ويخسر و هو عايش معاك كزوج قبل الزواج .. اي نعم الي بينكم مو حرام بس محد بيخسر غيرك

و مافهمت ليش يبرر انها بنت خالته يعني تمون مثلاً ولا عادي ؟!!
زيها زي اي غريبه والي بينهم غلط
من حقك تمسحي فيهم البلاط وتوصلي الموضوع لاهلها طالما مااحترمت نفسها هي وياه و 3 سنين ماخذين راحتهم و لا ردعهم شي ..

الله يصلح حالك يارب ويهدي سرك

 

[امـ خــزامـى]

انا بحكم اني سعوووديه
فيه عندنا بدوووو عاااادي عندهم لان ولد عمها وسترها وغطااها واصلا قبل كل شي زوجها

طبعا حنننننا مستحيل هالشي يصير عندنا بس مثل ماااقلت البدوو فيه قلله منهم عااااااااادي
او بالاحرى البنت اللي عادي عندها

مصدقتك بس مااصدقك بسالفة اني صغيره ومااعندي خبره وماافهم لانه لو جد مااعندك خبره كاان حملتي


عموووما هذا زوجك وحلالك شرعا مو حررام اللي سويتيه
بس عييييييب بعداتنا وتقاليدنا
سوي اللي تبين بس اذا طلعتي من بيت اهلك

اما بوضعك الحالي الحل هووو تكلمين اهلك قولي مابي لاشبكه ولا دبله ولا حتى بيت

غرفة زوجك اللي ببيت اهلك اتوووقع تكفيك دام 5 سنين عاايشين ومااخذين راحتكم كل ويك اند خلاااص
انتقلي لها

سهلللي الاموووور وتتسهل قولي انا برووح لبيت زووجي


سؤال خارج الموضوع اتمنى تفيديني

وش طريقتكم ببمنع الحمل؟
عزل ولا حبوب ؟
لاني اشوف انها طريقه مفيييييده اللي مااحملتي عليها

الله يستر عليك ويووفقك

 

[Muhrah]

قولي لامج اللي صار بينكم وتفاتح ابوج يقول لاهل ريلج ان بس مب لازم عرس وخربطه وسكني فحجرة ريلج فبيت هلجليما تحسن ظروفه .. تخيلي ابو ريلج قال طلقها اذا ماتقدر وخل البنت تشوف نصيبها شنو بيكون وضعج

خلج صريحه ويا امج لازم الاهل يتدخلون

 

[شموخ نايف]

مشكوووورين كل اللي ردوا اسسعدني مروركم

وانا قررت افاتح امي بالموضوع وياارب تفهمني وتتدخل بالمووضوع وماتتطنش كالعااده وان شاء الله تكون عندي جرئـه وشجاعه بـ اني اقولها اللي صار بيننا رغم اني ادري مامن فود سواء قلت لها ولا ماقلت بس ان شاء الله هالمره تسوي شي وتكلم اهله

اما بالنسبه له راح اقلل من اتصالاتي وطلعاتي معه حتى لو زعل علي وهاوشني مثل كل مره افتح معه هالسالفه لان انا وحده مليت لاعت تسسسبدي

ومثل ماقلتوا شكلي راح اتنازل عن اشياءء كثيييرهه اهمها حححلم كل بنت وهوو العرس ولبس الفسستان الابيض يعني راح اروح بيته وانا مكسسورهه


^^ام خزامى الطريقه هي العزل

 

[انا لها شمس]

في نقاط مفقوده بسالفتج

اهلج وين ؟
اهله وين وانتي بغرفته ع طول ؟؟؟

للحين ماحملتي من 5 سنين وانتو مثل زوجين؟؟؟

 

[SugarBride]

أسمحولي على هالرد اللي خارج نطاق المشكلة

الى بعض العضوات اللي ردو

عيييييييييييب ثم عييييييييييب ثم عييييييييب
يا عضوات يا محترمات يا متربيات تجون وتحطون ردود وتقذفوون البنت
وتقولون مسوية بالحرام وان مو خطيبها وحبيبها و تستهزؤون و هذا فيلم ولا شنو


في هالزمن كل شي يصير وانا اعرف خطبة دامت 6 سنين اوكي ..!!!!
ف بلاش هالردود

اللي عندها شي عدل تقوله واللي ماعندها تنطم وتسكت

حرام ترى البنية حاطة مشكلتها مو عشان تطلعونها جذابة

ترا هي ماتعرفكم و لا تعرفونها تقدر تكتب لكم قصتها الصجية
وماتحرف فيها .. شنو تخاف منكن يعني ...؟؟؟؟


والسموحة ... الله يفرج همج اختي :yaaaaaarb:

 

[الناس اسرار]

الله يستر عليج دنيا واخره يارب ويوفقج ويهنيج معاه ويسره لج ان شالله
التزمي بصلاتج اختي خليها بوقتها وكثري الاستغفار والدعاء له ​

 

[ناتشوو]

شموخ نايف
مو تقللين طلعاتج
لا
اقطعيها
مرة وحدة
خلاص
غرفته
خلاص
لا تروحين لها

والاتصالات قلليها
خل يحس
جا الوقت
يعجل بكل شي

وموعذر
اهلي
مايقولون شي
اهلي
مايساعدوني
انت ساعدي نفسج
وخافي ع نفسج اكثر
دام ماوراج ظهر

وبشرينا بالاخبار الطيبة
اوكي؟



ام خزامى
اول مرة يمر هالكلام
البدو عادي ياخذون راحتهم قبل العرس!
اصلا
حتى شوفة شرعية مافي

 

[روز روبرت]

احلى فلم هندي لا يوقف لا يوقف لا يوقف :ggdw:

 

[طريق السعاده]

شموخ نايف
مو تقللين طلعاتج
لا
اقطعيها
مرة وحدة
خلاص
غرفته
خلاص
لا تروحين لها

والاتصالات قلليها
خل يحس
جا الوقت
يعجل بكل شي

وموعذر
اهلي
مايقولون شي
اهلي
مايساعدوني
انت ساعدي نفسج
وخافي ع نفسج اكثر
دام ماوراج ظهر

وبشرينا بالاخبار الطيبة
اوكي؟



ام خزامى
اول مرة يمر هالكلام
البدو عادي ياخذون راحتهم قبل العرس!
اصلا
حتى شوفة شرعية مافي

صادقه مافي شوفه بس من ورا الاهل البنات يشوفون خطاطيبهم :eh_s(1): اكثر صحباتي بدويات وهذي طريقتهم عندنا وثنتين منهم دخل عليها خطيبها قبل العرس :bbbiu: بس ماعرف اتوقع حسب البنت وبعض البنات عادي عندها اما كعاداات لا ممنوع بس يكسرون هالعادات بالخش :/

واهاوش وكني اكلم جدار اصلن يهاوشون ولد عمي ومني وفيني وستري وغطاي مستحيل يضرني !! واصلن يحبني ومات عشان يخطب فيني :eh_s(1): هذا ردهم اذا قلت مجنونه ليه تسمحين له قالت حلالي وقامت تقول هالحكي !

ووحده منهم تهاوش الابو ويا الولد عشان سالفه تجهيزات العرس والفلوس وقاله دام ماتقدر للزواج ليه خطبت وكبرت السالفه وتطلقت قبل يسوون عرسهم بشهرين ! وكان داخل عليها :eh_s(1): الله يستر علينا وعليها مدري وش صار لها بس ذاك الفتره تعبت نفسيا من بكائها ووضعها النفسي بعد الطلاق خصوصا ان اهلها مايدرون عن اي شيء بينها وبينه ماكان احد يدري الا انا لاني اقرب صديقه لها ومثل اختها:eh_s(1):

 

[كليـ دلعـ]

،،،،،،،


،،،،،،،


ادري ردي ماراح يعجب

وبتطلعلي 9000 وحده بتخلي الموضووع وبتمسك فيني وبرايي ((( كااالعااده طبعا)))


خطبه 5 سنوات!؟!!!!!!!!!!!

وماكنتي تعرفين شي ولاتفهمين شي ويوم خلص منج جان تسالينه انا الحين بكر والا لا!؟

توج ماتعرفين شي!؟ شلون سالتي هالسؤااال!؟

حدج غشيمه يحليلج !!!

وبعدين شسالفه دقيت على اختي وبعدين انا ماعندي خوات ويوم سالوج البنات قلتي ماتت!؟

اهو فلم هندي والا شنو!؟

قصتج ليش في تطور بالاحداث ليش موثابته صار كذا كذا وبس!؟

مادري عنج ! منج لربج نيتج لربج انشالله يعطيج على قدهاا ياارب

وبالنسبه لخطيبج مادري زووجج مادري شنو بالضبط مااارااح يتزووجج

والاايام جدامج!

اللي ترخص نفسهاوبسرعه وببلاش شالله حااده يتخسر وويتعب نفسه عشانهاا!؟

ماراح ياخذج لانه شبع !

مالومه قريت القصه لاعت جبدي

فمابالج بالريال !؟!؟

سيدا رحتي معاه تركضين وسلمتيه نفسج!؟! وييييييييع

وييييييييييييععع قممه الاسترخااص بالنفس

وقممممه الوقاااحه

اي صبرووو صبرووو تزوجوووو وروحو بيوتهم وكيفكم!؟

الحممممممممدلله

الحمممممممممدللله

الحممممممممدللللللللللله

ان ماعندنا هالامووور اللهم لك الحمد

بخطبون ويملجون ولانشوفهم ولايشوفونا ولانكلمهم ولايكلموووننا

الا بليله العرسسس

وش زيننا وربي ساتر علينا ومخافظين على انفسناا

الزوااااج اشهااااااار>>>>> الحين بتدش مليون وحده ترددها عقبي نفس قبل هالمره

الزواج اشهااااار

مو خشش ودس وتخشش وتلبد وتدعس!!

الزوواااج اشهاار جدام الكل وتروح بيته في قعر داره

وذيج الحزه عااد يصير اللي يصيير!

اما سالفه املج واقعد افررفرر معااه في كل مكاان

واسلمه نفسي لين يخليني والا يعافني والايكرهني

والا يمل والا يصيير مليون ظرف تالي اقوول ياليت ماصار!؟

اي ش الله حااادج من لاساس!!!

انا ضد وارفض هالاموور والله يستر على بناتي وبنات المسلمين

مع ان بناتي اكبرهم ب3 متوسط! الا اني كل مااقرا هالاموور اقعد احاتي واخاف

يااارب تستر علينا ياارب سترك

والسالفه الثانيه

يخونج ويخونج ويخونج ويخوونج ووووو وووو ووو


تالي طلعت بنت خالته ! اللي تبيه يوصلهاا!؟


امبيييه امبيييه قصتج موفلم هندي لاا مكسيكي لااا مادري شنو!!!




اغلب البنات مانتبهووو على نهايه قصتج

الاخت يابنات

عقب سنين بجي وشكووك ولا موشكوك لا حقيقه

عقب خيانات ومواجهه واعتراف انه يخونها ووو

اكتشفت على قولتها ان هذي بنت خالته ومتزوجه وماتحبه

ولابينهم شي وتبيه بسً يوصلهاا

وصاحبه القصصه زعلانه ومحتره ليش قالها هذي حبيبتي

ليش ماعترف بالصج اللي اهو انه هذي بنت خالته ومابينهم

شي ولايحبها

هههههههههههههههههههههههه
هههههههههههههههههههههههه
ههههههههههههههههههههههه


مالومج اذا هذا حدتفكيرج!

اذا انتي من الاساس ماكنتي تعرفين شي. وتالي تسالين عنه

فشي طبيعي اكتشف هالاكشن والتناقضات!!


عييل طلعت بنت خالته!

وطلعت مايحبهاا!؟

وطلع مايخونج!؟

اشلووووون!؟

عيل ليش متغير عليج!؟ دام مايحبها

زين ليش يكلمها بانصاف الليالي اذا مايحبهاا؟

زين ليش 24 ساعه انتظار اذا مايحبهاا؟

واذا كانت متزوجه شكو تدق عليه؟

واذا اهي متزوجه شكو اهو لاااازق فيها!؟

واذا مابينهم شي ليش فيه اتصالات؟

واذا مابينهم شي ليش لازقه فيه واذا دزيتي لها مسج

تروح تعلمه!!! هذا اذا مابينهم شي!!

واذا مابينهم شي شكو يدافع عنها ويهااووشج!؟

اصلا شكو اهي داشه بحيااته!؟ شتبي!؟ شنو وضعها!؟

تبيه يوصلها ليش تاكسي اهو!؟

وين المدمغ ريلها

وين اهلهاا!؟ مالقت الاهوو يوديها. واييبها

تكلمه بانصاف الليالي ومابينهم شي؟؟

اي يمكن داقه تحجز موعد لباجر يوديها عشان

مايكون محجوز!!!

اسسسستغفرالله حدث العااااقل بمايعقل

شهالسالفه اللي لاراس لاريول!!

وكله كوم وزعلج واحساسج بالندم انج ظالمته ومتهمته!!

يعني قصتج شي مايترقع!!

تزوجيه بسررعه ومالازم مهر ولاشي دام من الاساس كنتي ببلاش

بسرعه روحي بيته واسبوع وتطلقي منه قبل لاتيبين عيال

فكي عمرج قبل لاتطيح الفاس بالراس باجر تذوقين الهوايل

اذا كل هذا صارب5 سنين شبيبقى !؟

ستري على نفسج ولاتكملين معاه


ماقول الا الله يستر علينا وعلى بنات المسلمين
*

 

[طريق السعاده]

صاحبه الموضوع لازم تتحركين مثل ماقالت ناتشو ومدام محد بيتحرك من اهلك لازم انتي تتحركين وتقدمين تنازلات لانه مو فارقه معه هوعايش خمس سنين متزوج ومرتاح من المسؤوليه المهم يتم العرس وتصيرون ببيت واحد بعدين حلي مشكله بنت خاله ومكالماتهم دامك ببيت اهلك مارح تقدرين تحكمينه !
صح غلط وكلمها وصلح شيء كبير بس لو كبرتيها انتي الخسرانه الحين فكري بنفسك وكيف تجهزين لعرسك قولي له حدد هالاجازه عرسنا ! لي قالك مقدر وماعندي ميزانيه وكذا قولي باقي 3 شهورتقريبا رتب الي تقدر عليه والي ماتقدر مو لازم المهم يجمعنا بيت ونعيش حياه صح وكوني جاده وبطلي روحه له نهائي يبي شيء يزورك بيت ابوك ! وقولي لاهلك انا انسانه خلاص ابي يتم هالزواج شدعوه خمس سنين يجمع فلوس !! متنازله عن التكاليف والكماليات المهم اساسيات وعزيمه وحطي مسجل استريو ببتكم ولا جيبي ديجي بسيط وخلاص اهله واهلك وانتهت السالفه .. ولا تخسرين سمعتك بالمماطله ترا انتي الوحيده الخسرانه بالموضوع

 

[om 3zozi]

الله يعينك
ومثل م قالوا عجلي بان امور الزواج تتم بسرعه
وتنازلي مو لازم احلام ورديه دامك بمصيبه

 

[شموخ نايف]

SugarBrIde صح لسسانك اختي وكل وحده قالت كلمه غلط بحقي فهي محاسبه امام الله ومثل هالردود الواحد يحاول يترفع عنها ومايرد عليهم لكن طريقتهم تستفز الواحد وتخليه يقول كلام هو مايبي يقولهه حسبي الله ونععم الوكيل



الناس اسرار الله يوفقك بدنيتك اختي ويستر عليك اسسعدني مرورك


ناتشو مشكووره حبيبتي لانك تحاولين تساعديني وان شاء الله ابشرك بالاخبار الطيبه بشرك الله بالجنهه

واسسفهه اذا انفعلت شوي وقلت كم كلمه غلط بس هالاشكال الواحد لازم يحط لهم حد
^دمتم بخيييييييير احبتي

 

[شموخ نايف]

طريق السعادهه احتاج منك الدعاء اسسعدني مرورك يالغاليه وان شاء الله حلك يكون طريق لسعادتي ههههه الله يسعدك

ام عزوز ان شاءء الله والله يقدم لي اللي فيه الخيير اسسعدني مرورك

 

[أسرار الجمال]

مادري احسج ظلمتي روحج معاه احسه ما يستا

 

[أسرار الجمال]

ما يستاهل ادري كلامي ما يصير بس انا ما اشجع تظلين وياه احسه ببهدلج بعد الزواج الله يفرجها عليج

 

[PuPa^^SWeeT]

حبيبتي للاسف سالفتج مالها حل


الا بتعجيل الزواج ثم بالطلاق بعد اسبوعين بدعوى عدم التفاهم


ريال يخوونج سواء مع بنت خالته ولا ولا مايهم


و صدقييني لو كملتي راااح يسترخصج بكل شي



ماراح يتم شي صالح بحياتج


انقذي روحج و اخذي مانع حمل بعد