مشكلتي مع بنوتي الجديده ?

[noonaa-thn]

اشلونكم امهات
بنتي عمرها شهر وعندها غازات غازات مع اني ارضعها طبيعي الحمد لله
والمشكله الاكبر انها ما ترضى تشرب شاي الينسون ما تتقبله
والي يغث انها حتى ماي غريب وادويه الغازات تكره طعمها مع انها سكر طعمها حلو
يالله تصير معركه عشان اعطيها ماي غريب
تحايلت عليها بكل الطرق احطه بمصاصه ازيده ماي
ماكو فايده
هل هذا طبيعي؟ انها تكره طعم السكر
بعد ما اعطيها بالغصب ترتاح
بس معاناه عشان تشربه
هل احطه لها بالحليب؟
او في دوى ثاني غيره طعمه اخف او ماله طعم

 

[noonaa-thn]

لا مستحيل محد قطله كلمه ولا حتى معلومه

 

[hneen2]

حبيبتي فيه دوا بالصيدليه اسمه بامبي للغازات واهو طبعا طبيعي من اعشاب وااااايد انصحج فيه يهبل بتشوفين شلون ترتاح منه ان شا الله

 

[ام الحلوااات]

مـــا تــــشـــــوف شــــــــــر ان شــــــــآء اللــــه

 

[مواصله]

ظلي حاولي معاها ،،بالبدايه ماتتقبله بعدين بتتعود ودلكي بطنها بزيت زيتون دافي تجاه عقارب الساعه

وسويلها تمارين ضغطي على بطنها وبطحيها على بطنها ترتاح مسكينه

 

[hooryah q8]

ظلي حاولي معاها ،،بالبدايه ماتتقبله بعدين بتتعود ودلكي بطنها بزيت زيتون دافي تجاه عقارب الساعه

وسويلها تمارين ضغطي على بطنها وبطحيها على بطنها ترتاح مسكينه

كل الي بقوله قالته وماقصرت والله سوي مثل ماتقولج وماعليها شر بنوتج ان شاءالله

 

[mama-dodo]

اخت مواصله كفت ووفت
بس اذا ما فاد وديها عند دكتورة الاطفال سعاد البصري

 

[انثى الكويت]

انا كنت احط ماي غريب بالمميه واعطيها بالحليب ولا تحس فيه وبعدين شوي شوي بدت تشربه بعد ما اخففه بالماي

حتى دوا هملايا مال الغازات كنت اخلطه بالحليب وارتاح

 

[c a t w o m a n]

شوفي أكلج يمكن تاكلين أكل يسبب غازات

بالنسبة للادوية وايد شغلات فيه بس ايللي جربتهم الانفاكول و بامبي وايد يريحون


حاولي تدهنين بطنها بزيت زيتون


الكرواية هم تريح البطن جربي تعطينها وإذا ماتاخذ بالمميو جربي تقطرين بحلجها بالقطارة

 

[نـعـومـه]

نفس بنتي تكره الاعشاب احاول فيها ماتحب اي نوع من الاعشاب عمرها شهرين ولامره حتى شربت رقم كامل ماتحبه

وترا اللي ترضع طبيعي اكثر غازات لان اي شي تاكلينه يدش فيها لما تشرب منج

نوميها على بطنها ٥ دقايق

 

[fofo90]

الله يعينج مشكلة الغازات هذي
مشكله كلنا نعاني منها
حااولي تحطين الدوا مع الحليب عشان يضيع
طعمه وانشاءالله يخفف الغازات عنها ..

 

[@ام يوسف@]

انا كنت احط ماي غريب بالمميه واعطيها بالحليب ولا تحس فيه وبعدين شوي شوي بدت تشربه بعد ما اخففه بالماي

حتى دوا هملايا مال الغازات كنت اخلطه بالحليب وارتاح

نفس طريقتي بالضبط

 

[M&Ms]

الهامالايا وايد زين حطيه بالحليب بس لازم تكونين ظامنه انها بتكمل رضعتها واذا ترضعينها طبيعي لازم تهتمين باكلج لان يأثر عليها يعني تجنبي الاكل اللي يسوي غازات

 

[فرح79]

حبيبتي بما انك ترضعين طبيعي ممكن تشربين منقوع الينسون والشمر والكمون بمقدار ملعقه صغيره لكل نوع وان شاء الله تتحسن لانه المنقوع يهدي وما يخلي عندها غازات

 

[A7bny =)]

عطيها ينسون اللي اهوه الحبه الحلوة رقمين فالمميه وحطي فيه سكر نبات نتفه صغيرة

وماي الغريب حطي لها بعد فالمميه ماي رقم او رقمين وحطي ماي الغريب مع الماي وعطيها تشربه

 

[المها الابيض]

ماتشوف شر البنوته
جربي دوا اسمه كاز بالصيدليه انا كنت
احط حق ولدي منه بالمميه قبل ماينام