مشكلتي مع اهل ريلي ..

[@أم الصبيان@]

صبحكم الله بالخير .. من زمان وانا ودي اكتب مشكلتي بس كنت متردده ..
بعدين قلت ليش ماكتبها ادري بخواتي ماراح يقصرون معاي ..لاني بصراحه بنفجرر..
انا بدويه والحمدلله من عايله معروفه ..هاديه ومالي حس .. طيبتي مخربه علي ..
حبيت لي واحد والحمدلله تزوجته..وهوا حضري عادي .. بس انه خلوق وسمعته زينه ..
والحمدلله الله يتم علي عندي منه اعيال .. ومتفاهمين .. المشكله باهله .. لنا زواره بيوم معين ..
لالالازم يطبون بالبدوو بشكل مو طبيعي .. ماجني موجوده !! تخيلوا من اول ماتزوجت واهما جذي
الحين صار لي 4 سنين معاه .. اخر شي انفجرت وقلت له مايصير جذي .. يطنزون على البدو
وانا منهم .. وانا ساكته مايصير !!! اهو هداني وقالي اهلي مايخلون احد بحاله واهما كبار لاتاخذين على كلامهم
واهما يحبونج .. وصج الحمدلله يحبوني .. بس مايصير صح خواتي !!
وقلت له كلم امك وقول لها اني اتضايق من هالشي !! وراح وكلم اهله وقالهم مايصير جذي .. تتكلمون بالبدو ..
وقالت امه .. احنا مانقصدها بالعكس انحبها وانعزها .. وصدقني مرة 2 مانغلط ولا نيب هالطاري !!
والحمدلله عقبها صج ماقاموا يغلطون ... بعدين نسوا السالفه .. كل ماهذا قالوا البدو والبدوا ... البدو والبدووو ...
يااابنااااااااات والله لاعت جبدي والمشكله والله اني لا عوبه ولا ملسونه عشان ارد .. معن المفروض ارد عليهم ..عشان اوقفهم عند حدهم ..
بس شسوي ..ارد على ناس كبر امي وابوي وجدتي !! انا احترم ريلي .. واحبه واعزه .. وريلي يقولي طوفي انا احبج واعزج ومالج شغل بكلام اهلي .. وانا اسكت ..
تدرون منو يدافع عني .. حماي اللي يحترمونه اهله .. ويحبون يسمعون له .. اللي ماكان يحبني ووماكان راضي على زواجي .. بس لان عرفني عدل وسمع عني .. قام يسلم علي .. ويعزني اكثر من حريم اخوانه .. معني في اقدم مني !!
بالصدفه .. قالت لي مرت حماي (انا وياها وااايد مع بعض ).. تدرين ريلج مكلم ريلي عن شي مضايقج !!.. انا انصدمت .. قلت شنو اللي مضايقني .. قالت عن البدو .. انا انصدمت ليش ريلي ما قال لي .. بس لما فكرت فيها عرفت ان الحمدلله ريلي شايل همي حبيبي .. ومتضايق بعد من اهله .. وكل مارد من بيت اهله يقولي ماعليج منهم لاتردين عليهم اهما كبار مايثمنون اللي يقولونه .. وانا اسكت عشانه ..

الحين بعد ماقلت لكم السالفه كلها .. امانه قولولي شسوي !!! اسكت لما يتحجون عن البدو .. ولا اوقفهم عند حدهم !!
المشكله ريلي يقول طوفي .. وانا ماقدر اسكت وووالله .. لان شي ماقدر اتحمله !! نصحوني تكفووون واعتبروني وحده من خواتكم ..​

 

[كويتيه مذهله 87]

انتي تقريبا مثل مشكلتي بس انا اعاني هالمشكله بدوامي

اذا انتي حضر وبدو
فيه تري مشاكل بين شيعه وشيعه يعني بين حساويه وعيم
بالاصل فيه تفرقه معني ادري يحبووني بس لازم هالتفرقه بكل مكااااااااااااااااااان

المفروض نكون علي قلب واحد مافيه فرق بين شيعي وسني وبين بدوي وحضري بس الناااس ماتفهم عقووول مافيه والله الحمير حشااكم يفهمون

حبيبتي ميخالف مدام يحبونج ومرتاحه مع ريلج لا تداخلين هالمشاكل اب بيتج وتسمعينها ريلج ترى باجر يمل وطق جبده تحملي علشان ريلج ماتقدرين اطولين ألساانج علي اهله باجر تقلب السالفه عليج بس بين انج مومرتاحه من كلامهم معني المفروووض يحسون لان الطوووفه تحس
,,,

 

[om al ghaleen]

مع كويتيه مذهله "


وترا مو بس تصير بين القبايل والمذاهب الحين حتى الاهل نفسهم يطبوون بأصلهم الحمدالله والشكر
صج ماترضينها ومن حقج بس مايتكلم الا اللي محتر

(( الشجرة المثمرة وحدها هي من تقذف بالحجارة ))

 

[@أم الصبيان@]

تتسسسلمين ياقلبي ياكويتيه مذهله .. انا مادري ليش هالتفرقه !!!
استانست لما احد رد علي

 

[@أم الصبيان@]

مع كويتيه مذهله "


وترا مو بس تصير بين القبايل والمذاهب الحين حتى الاهل نفسهم يطبوون بأصلهم الحمدالله والشكر
صج ماترضينها ومن حقج بس مايتكلم الا اللي محتر

(( الشجرة المثمرة وحدها هي من تقذف بالحجارة ))

انزين تكفين شسوي !!! والله بموت من القهرر

 

[@أم الصبيان@]

ابي حل ياخوووووووووووووواتي ..

 

[هبلة_تهبل]

حبيبتي ليش تحرين نفسج تقريبا نص مشكلتج انحلت اصلا انحلت

لان ما قاااموو ييبون هالطاااري واهم شي انهم زينين معاج حمدي ربج على النعمة اللي انتي فيها وسالفة بدو وحضر مثل ما قالو اللي قبلي كل مكان راح تلقين هالتفرقه


حتى لو تييبين بدوي عايش مع الحضر بيشووف البدو اللي من اصله من المناطق الثانيه بدوووووو

طوفي حياتي اهم شي انهم زينين معاج والدليل ما قامو ييبون طاري السالفه مرة ثانية


وبالتوفيق

 

[*بسبوسه*]

انا احس ان مشلكتج مو كبيره حيل لان حولتج يعاملونج عدل وكافي انهم ماقلبو عليج لما درو انج شاكيه لزوجج

والكل معاج زين اما بالنسبه لصبهم بالبدو انتي تدرين شنو تقولين لهم
قولي يا جماعه ترى هذول اوادم حرام تعيبون عليهم لا تاخذون سييئات من ذمكم فيهم
يعني دشي بالدين ..ودافعي عنهم وقولي بكل اصل وعرق في الزين والشين

انا اقولج اذا تبين تعيشين باقي عمرج مرتاحه ولا تفتحين على نفسج باب باجر تندمين انج فتحيته
طنشي انتي خذيتي حضري لازم يكون في ضريبه تدفعينها...ومحد حياته كامله له

كافي انهم زينين معاج وحبوج بعد ماكانو امانعين على زواج ولدهم منج

اذا تبين تردين عليهم ري يا بالدين يا باسلوب ضحك
يعني قولي لا تقللون من قدر خلقة الله لا هندي ولا بدو

 

[أسيرة_أحزاني]

اي لاحظت هالشي لازم اييبون طاري البدوو

بس شتسوين دام يحبونج حاولي اطوفين لا ترمى الا الشجره المثمره

وبكل مكان الاثنين طابين ابعض

 

[@أم الصبيان@]

حبيبتي ليش تحرين نفسج تقريبا نص مشكلتج انحلت اصلا انحلت

لان ما قاااموو ييبون هالطاااري واهم شي انهم زينين معاج حمدي ربج على النعمة اللي انتي فيها وسالفة بدو وحضر مثل ما قالو اللي قبلي كل مكان راح تلقين هالتفرقه


حتى لو تييبين بدوي عايش مع الحضر بيشووف البدو اللي من اصله من المناطق الثانيه بدوووووو

طوفي حياتي اهم شي انهم زينين معاج والدليل ما قامو ييبون طاري السالفه مرة ثانية


وبالتوفيق

اي صح ماقاموا ايبون طاري البدو .. بس بعدين نسوا وقاموا يطبون ويطنزون ..
مااادري شسوي !! مابي اقهر ريلي .. واقوله يكلمهم مره 2 ؟؟

 

[ملواكي]

عادي لاتكبرين السالفه ولاتشتكين عند ريلج مره ثانيه عشان ما يمل ويزهق واهو ماله ذنب \\

حبيبتي كبري مخج وطوفي واخذي الموضوع علي ضحك ابرك واحسن

 

[@أم الصبيان@]

انا احس ان مشلكتج مو كبيره حيل لان حولتج يعاملونج عدل وكافي انهم ماقلبو عليج لما درو انج شاكيه لزوجج

والكل معاج زين اما بالنسبه لصبهم بالبدو انتي تدرين شنو تقولين لهم
قولي يا جماعه ترى هذول اوادم حرام تعيبون عليهم لا تاخذون سييئات من ذمكم فيهم
يعني دشي بالدين ..ودافعي عنهم وقولي بكل اصل وعرق في الزين والشين

انا اقولج اذا تبين تعيشين باقي عمرج مرتاحه ولا تفتحين على نفسج باب باجر تندمين انج فتحيته
طنشي انتي خذيتي حضري لازم يكون في ضريبه تدفعينها...ومحد حياته كامله له

كافي انهم زينين معاج وحبوج بعد ماكانو امانعين على زواج ولدهم منج

اذا تبين تردين عليهم ري يا بالدين يا باسلوب ضحك
يعني قولي لا تقللون من قدر خلقة الله لا هندي ولا بدو

ليش يقلبون علي !!! ماسويت شي غلط ..اشكي الحال لزوجي عن اهله ..
لان هالشي يصير جدامه .. اذا اهو منحرج منهم ويقولي طوفي معناته حاس بموقفي ..
حتى قلت له .. انت لما اتيي بيتنا ولا تقعد بدوانيه احد يغلط عن الحضر؟؟
يقولي لا والله ولا مرة سمعت شي يجرحني عند اهلج ..
قلت له لانه يحبونك ويحترمونك .. ميقدرون يغلطون عليك ..
فهمتي شقصد ؟؟مشكلتي ماقدر افتح حلجي .. لاني ادري اذا تكلمت راح انفعل وابجي !!

 

[حجيه هيونه]

والله ماشوف لها حل غير انج تطوفين

اذا على كلامج يحبونج وما يزعلونج واهو يحبج

مشكلتهم انهم ناس كبار والكبار هذي سوالفهم لما يقعدون لازم يطبون باحد

انتي لا تاخذينها بصوره شخصيه واتركيهم خلاص ليش تشغلين نفسج بكلامهم

لاتخلينهم ياخذون منج موقف او يتحذرون بالكلام جدامج او تصير مشكله بسببج وتخسرين حبهم لج

خلاص طوفي مثل ما قال لج زوجج

 

[أنوثهـ حتى الثمالهـ]

اذا تكلموا عن االبدو فشليهم ليش تسكتين هذا اصلك لما تسكتين كنك موافقتهم على كلامهم
من يفتحون هالسالفه ناقشيهم خليهم يتفشلون ومايعيدونها غلطتك انك سكتي بكره عيالك يكبرون على هالكلام ويعيبون خوالهم لا تسكتين قال بدو قال يحمدون ربهم ان البدو زوجوهم
فيه ناس فيهم عقدة نقص وللاسف مايقدرون مايبينونها
على فكره المشكله مو حضر وبدو يعني انا بكلامي مااعيب حضر مناسبين نجاده احنا والنعم فيهم ولاشفنا منهم الا كل خير لكن حالتك انتي تحتاج وقفه

 

[@أم الصبيان@]

اي لاحظت هالشي لازم اييبون طاري البدوو

بس شتسوين دام يحبونج حاولي اطوفين لا ترمى الا الشجره المثمره

وبكل مكان الاثنين طابين ابعض

انا احبهم واعزهم بعد .. بس كلامهم يجرح ويغث !!

 

[@أم الصبيان@]

عادي لاتكبرين السالفه ولاتشتكين عند ريلج مره ثانيه عشان ما يمل ويزهق واهو ماله ذنب \\

حبيبتي كبري مخج وطوفي واخذي الموضوع علي ضحك ابرك واحسن

بس كلامهم يجرررح والله ويغث !! ماقدر اضحك ..
استغفرالله حتى بعض المرات اقول ماودي اروح لهم ..
بس اتعوذ من ابليس .. شسوي ولو هذول اهل اعيالي ..
ماقدر اقطع صلة الرحم ..

 

[@أم الصبيان@]

اذا تكلموا عن االبدو فشليهم ليش تسكتين هذا اصلك لما تسكتين كنك موافقتهم على كلامهم
من يفتحون هالسالفه ناقشيهم خليهم يتفشلون ومايعيدونها غلطتك انك سكتي بكره عيالك يكبرون على هالكلام ويعيبون خوالهم لا تسكتين قال بدو قال يحمدون ربهم ان البدو زوجوهم
فيه ناس فيهم عقدة نقص وللاسف مايقدرون مايبينونها
على فكره المشكله مو حضر وبدو يعني انا بكلامي مااعيب حضر مناسبين نجاده احنا والنعم فيهم ولاشفنا منهم الا كل خير لكن حالتك انتي تحتاج وقفه

مشششكلتي اني هاااااااااااديه ماقدر ارد ... والله هذا العيب اللي فيني ..
ولا ودي ارد بشي يسكتهم وأخليهم مرة 2 مايتكلمون .. بس مافيني الشجاعه ..

 

[Filakawyia]

اذا يابوا طاري البدو

قولي على ضحك ( مو كلهم مو كلهم )

او تنحنحي هم على ضحك قولي ( احم احم نحن هنا . . لما اطلع كملوا السالفة )

و بس بتضحكون مع بعض و اهمه بيحسون و يسكتون خاصه انهم يحبونج و مايحبون يغلطون عليج

 

[@أم الصبيان@]

اذا يابوا طاري البدو

قولي على ضحك ( مو كلهم مو كلهم )

او تنحنحي هم على ضحك قولي ( احم احم نحن هنا . . لما اطلع كملوا السالفة )

و بس بتضحكون مع بعض و اهمه بيحسون و يسكتون خاصه انهم يحبونج و مايحبون يغلطون عليج

المشكله لو احنا بس حريم مع بعض ميخالف
بس انكون قاعدين مع حمواني وبعض المرات اهل ريلي قاعدين !!
يالله بحاول ليش لاء

 

[sowsan]

اذا خاطبكم الجاهلون شتقولون ياحلوين؟.


طاف حبيبتي قالو بدو ولا قالو حضر ولا قالو عيم ولا قالو شنو ماقالو ماخصوج بالسوالف
طاف