والله حضر بدو شي جديد ماكنا نعرفه من قبل شاللي تغير ؟ حضر بدو سنه شيعه
الحين حتى بالدوامات كل وحده تضغط الثانيه ولما طلعنا لكل وحده تتطنز ع البدو إهي من أي قبيله ومن وين أصلها إختفى هالموضوع
حبيبتي إذا هم حضر أصل عطيني إسم عايلتهم وأطلع لج من أي قبيله
لأن فكرة حضر وبدو تكون ع المهنه أهل بحر وأهل بر
ولكن لو نرجع لقبل كانوا الناس كلهم أعتقد بخيام قبل صنع بيوت الطين ولا بشنو عايشين ؟
كل الحضر الأصيلين من نجد (نياده) عدل ؟
يعني كل هالعوايل المعروفه بالكويت وأكبر العوايل الكويتيه وأتجرها مابي أحدد إسم
تلقين أصلهم سبعان أو مطران أو قحاطين أو عتبان .. إلخ
يعني كل وحده حضريه (من نجد) تحط إسم عايلتها بقوقل وتبحث بالأنساب وراح توصل بأنها بدويه
الحين كلنا حضر لإنا الحين آنا مو عايشه بالصحراء وعايشه بالديره وجد جدي بالديره من زمان
مو إن آنا مو مفتخره إني بدوية الأصل لا بالعكس الرسول صلى الله عليه وسلم كان يفتخر بأصله ويقول (أنا النبي لا كذب أنا إبن عبد المطلب)
آنا حتى كلامي ما أغيره لأن الـ (ج) هي الصح
وبابا جابر يتكلم بالـ ج / العجيري بـ الـ ج / أمثال الأحمد أمس لاحظتها بتو الليل تتكلم بالـ ج
روحوا لأي قهوه شعبيه وشوفوا الشياب يتكلمون بـ الـ ج وخلط كلمات بالـياء
الحين الناس قامت حيل تتكلم بالياء وقارنوا كبار السن الحضر شلون يتكلمون أغلب كلامهم بالجيم
ففكرة حضر بدو المفروض ماتنقال الحين لأن مافي أحد يدش غوص ولا في ناس عايشه بالصحرا
ولكن هالشي والتصنيف ماطلع إلا من ناس تبي للكويت الإنهيار وتبي لنا الفتنه
وترى بنات حضر بدو سنه شيعه تسبب فتنه والله العظيم هالشي خطر علينا
إحنا بهالوقت أكثر وقت لازم نكون مثل العجينه المتداخله ببعضها وصعب فصل مكوناتها هذا مو كلام أكتبه وأتفلسف بالمنتدى وبس
لا والله نبيه تطبيق لو صار شي بالكويت الله لايقوله تتوقعون راح أساعد جيراني اللي من نفس قبيلتي أو اللي من نفس طائفتي وأخلي أهلي الباقين ؟ بالغزو ماكان الفريج كله بسرداب واحد ؟ ماخصصنا سرداب لهالطائفه وسرداب لهالقبيله
كانوا أهل الفريج كلهم مجتمعين بسرداب واحد ولو صار شي بيصير فينا كلنا يا نموت مع بعض يانعيش مع بعض
آنا يمكن مالحقت ع الغزو وصغيره ولكن يحز بخاطري لما أشوف الكبار واللي عايشوا لحمة الغزو وحسوا بأهمية
إنا نكون كويتين وبس إهم اللي يقولون شيعه سنه حضر بدو
إنتوا يالكبااااار !
أمي وجدتي الحين لو تتكلم إختي مثلا هذا يسب البدو وهاذي تتطنز على أصلي
يزفونا والله ويتضايقون يقولون من متى هالشي بالكويت وعيب عليج تتكلمين جذي هاذي فتنه >>> زين مو آنا اللي قايله
إحترمت فيهم هالشي وهذيل إهم الكبااااار مو موظفاتنا اللي عمرها 35 و50 وتصنف أهل الكويت
وتتطنز عليهم طبعا الأصل مو طنازه ومافي أحد بالكويت أقل من الثاني ولا في خارج وداخل السور مثل ماقالت الشيخه أمثال
ويمكن يكون ضغط دوام وغيرة موظفات ولكن هم هالشي خطر
مادري سؤال دايما يشغلني
الحين لو صار شي بالكويت تتوقعون بنصير على قلب واحد نفس الغزو قبل ؟
ودي أكون متفائله وأبعد التشاؤم بـــس مادري :eh_s(2):
