مشكلتي مع القهوه العربيييه ساعدوني مليت

[دلال و غلا]

السلام عليكم و رحمة الله و بركاته*

يا بنات صار لي فتره مو قادره اضبط القهوه مدري شنو السالفه ما بقى قهوه ما جربتها بدون فايده النيباريه و المحوجه قهوة وضحه و غيرها كثير وما تضبط واول كنت معروفه بقهوتي*
وحتى كل من يجي البيت ويشربها يكيف
عليها و الحين لااااا مأساه و آخر شي
ذقت قهوة مرت اخوي طعمها فضيع قالت هذي قهوة ام ابراهيم مع بهار اسمه خلطة رهيبه و طيران ع القهوه و البهار و شريتهم وما طلع نفس الطعم مع اني اخذت طريقة مرت اخوي بالظبط*
شسوييي ساعدوني :eh_s(16):

 

[معاالي]

اب لعيونج

 

[(*ام عهــــد *)]

يالغاليه شوفي موضوعي عن القهوه

 

[جذابه بنت ذيابه]

حبيبتي


قهوة ام ابراهيم ما حبيتهااااا كلش انا اجيب قهوتي من السعوديه او من قهوة الصباح روعه

و احط ماي حسب الكميه و فنجال ونص قهوه و بالمطاره هيل ومبيض شوي و مسمار وقطعه صغيره زنجبيل وتطلع رووووعه

 

[الأميرة الجميله]

آب لعيونك

 

[BLUE BETTERFLY]

الزعفران والهيل يخلي القهوة بلاوي بس اهم شي تضبطين كمية البن يمكن تحطين كمية قليلة من جذي ما يضبط طعمها او ما تخلينها كفاية عالنار

 

[التائبه لخالقها]

صاجه الهيل والزعفلان خصوصا اذا الهيل توه مطحون من المطحنه تبهرين فيه القهوه

 

[البنت المحترمه]

انا قهوتي اخذها من الصباح بس مو مطحونه بس محموسه والهيل حب مومطحون علشان طعم القهوه والهيل مايتغير وكل ماابي اسوي قهوه اخذ فنجال قهوه واطحنه ريحته فرررررش وكانك توك حامستها واطحن شوييه هيل مع زعفران

 

[شادن33]

انتي خلي القهوه تغلي مرتين على الاقل وتأكدي من القياسات الماي والبن عدل
والهيل والزعفران بالمطاره ينحطون افضل

 

[وضع خاص]

جوفي حبيبتي حطي بمطارتج مالت القهوه شووووية زنجبيل وخلطة القهوه وشوووويه
نتييييفة ماي ورد ودعي لي *

 

[صبا حايل]

اهم شي بالسر ان القهوووة تاخذ وقتها بالغلي ...طريقتي انا احط القهوه والهيل وزعفران مع الماء واخليه تغلي لين يطلع الطعم صح واحط بالترمس ملعقه صغيره خلطه القهوه واصفي القهوه بالترمس ....وبس جربيها اذا اعجبتك ردي لي

 

[مهـآآآآوي]

القهوة الي تسويها تكون نظيفه وعلى طهارة يعني بليز الخدم يبعدون عنها لا يسونها واذا بتسوين قههوة لازم مايكون في شي يطبخ صوبها الان بسرعه القهوة تلقط الريحه ..... ثالث شي احلا قهوة قهوة الزهرة واحلا خلطه القصيم او انتي احمسي قهوتج في البيت افضل الطحن حزة سوات القهوة وطبعا بهارج الهيل والزعفران خلطه القصيم وتمتعي بااحلا فنجان

 

[ام ربى ووريف]

غيري الترمس اذاكان قديم

 

[ام ربى ووريف]

او نظفي الترمس حطي فيه مويه مغليه وملح ورجيه وخليه نص ساعه وشوفي البلاوي وبعدين بلفيري وفرشه الضاعه وخليه يتهوى ولاتنسين الغطاء نظفيه لان الترمس يخرب احيانا وسوي قهوتك عادي

 

[أم عامر]

رفع للفائده

 

[7la m6eer]

والله اذا انتي كنتي شااااطره بالقهوة قبل والكل يمدحج . والحين العكس
فاعتقد صار فيج فزه لوووو شنو تسوين ما تضبطينها
رقي نفسج ياقلبي

 

[ام باسم القاضى]

القهوه السعوديه حمستها ممتازه واهم شى تحطيين بالترمز الهيل والزعفران واشوى حليب بونى او مبيض قهوه وشيبه اكيدماتعرفونها اسالى عنها هى زى ورق محروق بس تعطى القهوه ريحه وحتى بالشوربه نحطها مع زنجبيل مطحون اوبودر واشوى مسمار وجوزه الطيب

 

[chole_84]

حبيبتي حطي مع قهوتج وهي تطبخ قفشه خلطه القصيم وشوي زعفران وكوفي ميت
وهم بالمطاره نفس الشي بسًضيفي هيل

 

[دار الإبداع]

قهوة الصباح رائعة .....

 

[دلال و غلا]

فديتكم بنات كل اللي ردت علي و عطتني من تجاربها ربي يسعدها

انا جربت اسوي القهوه ف بيت اخوي و ضبطت و شكيت بمطارتي قلت هذي صار لها حول السنتين عندي و غيرتها و طلعتروعه مثل قبل

انصدمت انه المطاره تغير طعم القهوه !!!

و جربت قهوة الزهره ما عجبتني و خلطة القصيييم تهببببببل انصحكم تجربونها