مشكلتي مع القبل

[الأمل لحظه]

السلام عليكم ورحمه الله وبركاته بنات عفيه اخذوا المشكله جديه وحاولوا تعطوني حل :krkrkr: انا وحده مااحب البوسات او بالتحديد تلوع جبدي منها لدرجه ان زوجي يقولي انت مو بنت كل البنات يحبون السوالف هذي واكثر من مره حاولت اتحاشاه عشان مايقرب مني ويزعل من داخله ويسكت واذا قلت زعلان يرد يقولي ماالومج مو قادره تقبليني واحاول اعتذرله وابين له ان التربيه لها دور واني احاول بنفسي مع العلم اني متزوجه لي 6سنوات بس والله مو قادره احس بقرف والصدمه انه يقول بتزوج عليج والسبه انج ماتهتمين فيني من ناحيه التقبيل

 

[m&ms2]

اهتمي ليش ماتحبين عادي حاولي تتقبلين بعد شتسوين والله ادا بتحبينه بتبوسينه

 

[Australia girl]

اهوه فيه ريحه في حلجه مثلا او طعم يدخن اهوه؟؟؟؟

 

[الأمل لحظه]

اهتمي ليش ماتحبين عادي حاولي تتقبلين بعد شتسوين والله ادا بتحبينه بتبوسينه

بصراحه انا ماخذته لانه ولد عمي والحب من ناحيتي منعدم وانا سالتكم لاني ابي احاول اني احبه ولا ليش سالت

 

[Dala--Q8]

انا اقولج تخيلي روحج ممثله وهذا دور لازم تسوينه احسن ماينحاش الريال بس ست سنوات وايد بعدين حلو هالشي يمكن اهو مو نظيف

 

[الأمل لحظه]

اهوه فيه ريحه في حلجه مثلا او طعم يدخن اهوه؟؟؟؟

التدخين ادمان بس الحمد لله مافيه ريحه بالحلج

 

[بدورة القمورة]

حرااام هذا زوجج لازم تراعين مشاعره اهم شي انج تراعين مشاعر زوجج بأي شي

 

[الأمل لحظه]

تدرون اذا قرب مني طلعتلي كل المواقف الشينه الي بيني وبينه وتذكرتها حالتي غريبه بس الله يعين

 

[لذه السكر]

حبيبتي المشكله مو مشكله بوسه ,, المشكله الاكبر انج مو متقبلته .. ليش ؟ قعدي مع نفسج شوفي شنو السبب
هل في شي منفرج منه ؟؟ والا اساسا مو عاجبج

قوليلنا شنو مو عاجبج فيه او منفرج منه واحنا نساعدج حبيبتي

حرام عليج صابر 6 سنين معناته ان يحبج ماشالله والله يتمم ديري بالج عليه تره مالج غيره الرياييل الحين عنده الخيانه قلاص ماي والله ما كثر بنات بليس ,,

 

[sara81]

عأأأأأأد هذي لابد منها

زين تحمل كل الفتره

 

[الأمل لحظه]

بنات عفيه ادعولي احس بيضيع مني بسبه هالشغله

 

[مناوووي]

ماتبينه يضييع حااافضي عليه

 

[روبرتوكافالي]

حبيبتي انتي تقولين اذا ييت يمه تذكرت كل المواقف الشينه ؟؟؟

حاولي تنسين ومن منا مامر بمواقف شينه مع زوجها !!! حبيبتي طوفي وانسي عشان زوجج مايروح منج وتندمين

وبعدين مافي احلى من القبل هي مقبلات الحياه الزوجيه

انا اتوقع ان انتي مو عاجبج شكل زوجج عشان جذي موراضيه اتقبلينه

وسلامتج

 

[tolay]

غصبي نفسج

ماتقدرين ؟؟

بس هاللحظه

 

[الغلا؟]

استعيني بالله وتعوذي من الشيطان
هذا زوجج حرام عليج عشره 6 سنوات
اخاف فيج نفس عليه اقري على نفسج وعليه
واللله يهديه لج ويهديج له
هذا الشي من اول ماتزوجتي عندج عيال منه
اذا عندج عيال مشكله ديري بالج

 

[((shoOoshoOo))]

حاولي تتقبلينه عشان تحبينه ..

موفقه خيتوو

 

[al-musk]

التقصير منج واخوانا المصريين يقولون داري على شمعتك تئيد نصيحة شوفي مستشار اسري أفضل وهم نصيحة ضربي عصفورين بحجر عشان يترك الدخان وقوليله تلوع جبدي من الدخان

 

[موت وميلاد]

ماينلام الريال وهذا حقه الشرعي مايصير تمنعينه منه

مسكين 6 سنين واهوا محروم

اما انج تحبينه وتتقبيلن منه كلشي او يشوفله وحده ثانيه تعطيه كامل حقوقه

وسامحيني على صراحتي

 

[نونا**]

مستحيل هالشي!!!!!!

6 سنوات موقادرة تبوسين ريلج!!!!!

شلون جذي الصراحة الصراحة شي مستغرب

شوفي الاشياء اللي قاعدة اتنفرج من القبلة وانتي ادرى اكيد وحاولي تحلينها بطريقة غير مباشرة

على قولة فوزية الدريع المرأه ملكة اللامباشر

اتمنى فهمتي قصدي

 

[alhnan]

صراحه ألوم اللي يلومج
دام ما تحبينه نفسيا اكيد ما تقدرين على البوس
لان البوس عاطفه ما تقدر الوحده تبوس الا اللي تحبه
الجنس ممكن اي احد لو بدون حب لكن البوس عاطفه
شوفي ما راح اقول حاولي تحبينه لان الحب من الله
بس بقولج حاولي تبوسينه و تحملي كلها دقايق بس اغصبي نفسج
باي