مشكلتي مع العروس الثانيه:(

[Doodoo.star]

شوفي عندي لج حلين الاول
يحطولج كوشة بغرفة الصالة ويدش المعرس عليج فيه وتقعدين وتطولين على كيفج مالج شغل بالعروس الثانية
الفكرة الثانيةتحاولين تخلصين مبجر من الصالون يعني الساعة 8 او 8ونص انت بالصالة تجلين بالعروس الثانية وراح يضطرون يدخلونج مبجر

 

[%ورد طايفي%]

حبوبه اهم شي التوفيق بينج وبين زوجج هذي كلها شكليات لاتزيد ولاتنقص
والله يتمم عليج فرحتج يارب ولاتحاتين انشااء الله كل امورج بتتسهل وتستانسين وتصورين ولاتخافين الحريم يذبحهم الفضول ولازم يشوفون خاصه اذا عروستين

 

[Doodoo.star]

تبين الصراحة العروس الثانية مبين انها جلبة وعوبة <<اسفة على الاسلوب احس حرتني
واهي قاعدة تتشرط على اهل العر س والله ماتستحي
صراحة حرتني
البنات وايد عطوج حلول وانت واختاري

 

[الجــادل]

رد : مشكلتي مع العروس الثانيه

لا عادي العالم بيقعدون حق التطمش والمقارنه لووووووووووووول

وكلي امرج لله وصفي النيه وبتسهل الامور

بس عموما انا ما احب سوالف عروستين

كل عروس لها حق يصير لها عرس بروحها

بس الظاهر هذا تاثير الازمه العالميه لووووووول

 

[دلوعة المطران]

المفرووض تدش الاولى وبعدها بنص ساعه انتي وبعدين يدشوون المعاريس .. لان سالفة ادش الاولى وبعدين يدش المعرس وياخذها لعزالله جت الساعه 12 وانتي للحين ماخلصتي تبين راايي لازم تشرطين كوشتين عشان ادشين وراها لاتنازلين عشان مايضيع حقج ..
لان اغلب العروس اللي حظرتها تدش الاولى بعدها الثانيه وبعدين زفة المعاريس بجذي كل وحده خذت حقهااااا ...

ومره حظرتلي عرس في ثنتين الاولى وبعدين خذها المعرس والناس كلهم طلعوا وراا المعرس لان العروس الاولى جت متأخر وعلى مارقصوا اهلها وزفوا المعرس ساعه 11 وعلى ماطلعوا الا 11 وشي وبعدين قالوا تفضلوا على العشااا وحرام العروس الثانيه تنطر بره وانا طالعه شفتها وناس طلعوا وناس راحوا يتعشوون .. حرام تدش والصاله فاضيه ..

فنصيحه لاتنازلين عن حقج قولي ادش وراه الاولى وحطوه نظام الكوشتين ... والله يووفقج ..

 

[مدام زيزو]

رد : مشكلتي مع العروس الثانيه

خلي امج تكلم خالتج ام زوجج وتفهمها الي انتي تبينه

 

[عروس سبتمبر2010]

حجيه هنونه..
فديتج ياقلبي انتي على رفع المعنويات ياقلبي..شاكره مرورج..
جوجو+بوم بوم
هذا المفروض بس وين اللي يفهم
لارا
ليش فشله هذا مو عرسي!! بالعكس عادي كنت بشوف الوضع عشان احدد دخلتي الساعه جم واشوف متى اطلع بضبط وضعي يعني..شاكره مرورج
مس سمارت
انا اشوف انه موفشله اذا بشوف وضعي بعرسي ..وتقولين يمكن تطول ويمكن لا؟! يعني انا بقعد على اعصابي؟!! مادري ادش الساعه 10 ونص والا 12!! انا متأكده لو انه انتي والا اختج بمكاني ماكان هذا ردج..!
عالعموم شاكره مرورج..
خرافيه
صاجه والله شي يحر انا عادي عندي والله تدش الاولى وتصور ويرقصون اهلها بس اذا دش زوجها جذي بيطولون علي والله يطلع شكلي ماله داعي ..ياعمري انتي حريتي نفسج عادي ان شاءالله تسهل ياقلبي انتي شاااكره لج مرورج فديتج..
ياليل مطولك..
ياعمري انتي امبلى السالفه جذي بس يمكن زوجها بروحه يدش ياخذها ..ياعمري انتي مشكوره عالدعاوي الحلوه لاخلا ولاعدم ياقلبي..
ضحكه مستعاره
لا امبييه مااقدر احاجيه بهالموضوع اخاف يكش مني بعدين ويقول هذي راعية مشاكل خليها على الله وان شاءالله تيسر يااااارب..

 

[برنسيسة زمااني]

سالفة عروستين هذي مو داشه بالي
ياربي العرس حق عروس وحده

عرسها مو مشترررك

ليلتها حلاتها لها بروحها

 

[DốǾốDї]

لاا مو شي عروستين ويا بعض
تصدقين انا امي عرسها ويا بنت عمها ويا بعض كانو على انه عرسهم صارله 22 سنه لكنها للحيم متحسفه لوووووول
تقول اخخ ياليتني متكلمه ورافضه

شرايج تسوين عرسج بروح يعني حتى لو في بيتج او تأجلينه عقبهم بشهر

وبعدين الي اعرفه انه العرس على اهل العروس ؟!!

 

[Amlly Ent]

رد : مشكلتي مع العروس الثانيه

السلام عليكم ،،،
حبيبتي اصلا المعروف مرت الكبير تدخل الاولى ،، و مثل ما قالوا البنات احنا من نسمع ان العرس فيه عروستين ننطر الثانيه عشان المقارنه

،، ولا تخافين و لا تحاتين و خليها على ربج و انتي اهتمي بنفسج و كشختج و خليج انتي احلى منها

 

[white**angel]

العرووس الاولى تحرررررررررر بطت جبدي حدها انانيه
والله لو انا مكانج اتكلم مو عيب ولا حرام شكوو اهي تقعد وتاخذ راحتها وانا واقفه براا انطر المسعده تخلص اللقطات مع زوجها المصوون

 

[غرور وايل]

الله كريم
حبيبتي اكيد راح يحطوون كوشيتين
واكيد النااس راح تقعد لين تدخلين
ومو لازم النااس تشووفج اهم شيء زوجج يشوفج وبسسسسسسس
والله يووووووفقج ياااااااارب

 

[فديت حمودي 2010]

كلن بياخذ نصيبة ياحلوة

 

[عروس سبتمبر2010]

حياتي فديتكم يالغاليات عالردود حبايبي..واشكركم على تفاعلكم معاي..فعلا المفروض اهي تدش بعدها انا ..
امي قالت بحاجيهم بس مو اللحين على رمضان ان شاءالله وبقولهم بتدشين بعدها على طول والله يسهل الامور وييسرها يارب..
دعواتكم لي فديتكم تيسر اموري ماودي مشاكل قبل العرس

 

[كاروهات#]

موووووووو مشكله
اهل المعرس ينسقون بينكم ع اساس لما تدخل العروس نص ساعه ويجي زوجها يقعد عشر دقايق ويتوكل على الله
وبعدها بربع ساعه تدخلين انتي

وترى اغلب الناس بيقعدون سواء اهلج ولا اهلها لانهم بيقارنون منو احسن


بسيطه حبيبتي

وموفقه

 

[pure-dew-droplet]

الزين يفرض نفسة
الاولى الثانية العاشرة مايهم
كوني واااااااااااااااااااثقة من نفسج وبسسسسسسسسسسسس

 

[واقعية حـلـم !]

الله يوفقج يا عمري

و يعطيج على نيتج


قلب أبيض و الي مثلج بهالزمن قليل



الله يوفقج و يسخر لج خلقه

 

[حــور دنـيـتي]

خليها على ربج الكل بينطر الثاانيه
<< فضووول الحريم سأليني عنه

وبتكونين احلى وحده نجمه العرس بس اهم شي لحد يأثر عليج واستااانسي هذا يووومج

موفقه يارب

 

[عروس البيت]

حياااااتي ...انتي نفسي (عروستين بيوم واحد ) مشكله

بس لاتضاايقيين نفسج ..هونيهاا واتهووون
بس ليش العروس الاولى جذي ؟؟
مايصير ؟؟؟حرام عليهااا
اصلا معروفه اذا العرس فيه عروستين تدخل الاولى وبعدها الثاانيه
وبعدهم المعاريس
اما بطريقتهاا راح اتسوي فوضى ؟؟
حاولوا تقنعووون الاولى والله يهديهاا
ويوفقج يارب ويهنيج

 

[هنــآتـي]

رد : مشكلتي مع العروس الثانيه

حبيبتي لاتحاتين واستانسي بعرسج ..

انا حضرت عرس فيه عروستين .. الناس قعدون لين راحت الثاييه .. لول اهم جايني اصلا عشان يقارنون ويشوفون العرايس ..
اصلا العرس بدا متأخر الناس ما جت العرس الا متأخر فتطمني حبيبتي .. واهلج وجماعتج مستحيل بيشوفونها وبيطلعوون .. بينطرونج .. واهله بعد مستحيل يشوفونها بس ويطلعون .. اصلا الناس بتشسوق وبيصير فيها فضول تشوف العروس الثانيه .. اصلا الحريم بيجون على هالاساس .. فا ارتاحي حبيبتي ولا اتعبين نفسيتج