مشكلتي مع الخطاب :(

[قطوة@@]

رد : مشكلتي مع الخطاب

للحين ما ياه نصيبج

والله يوفقج ويرزقج بالزوج الصالح

 

[Dr.Nouf]

انا بعطيج نصيحه
السكر اعتقد ماله علاقه بالموضوع
ادري بتقولين شكو
بس سمعي
اذا خطبوج ناس لا تقولين حق احد كلش ملش ولا حتى اعز واقرب صديقاتج هاذي نصيحتي لج
ولزمي على اهلج حتى يدج ويدتج لا يدرون ويفضل الموضوع يكون مقتصر عليج انتي وابوج وامج ونفرين من البيت لا يطلع الحجي برا
واذا سألتو سألو ناس ثقه
هذا شي
الشي الثاني النصيحه الي ياما نسمعها ولا نطبقها
اقريييييييييييي سورة البقرة ومعاها سورة يس واستخيري وكثره الاستخاره
والله يتمم عليج يارب
وترا 21 توج صغيره عشان تحاتين العرس

صصصصصصصصصصصصصصصصصصصصصصصصصصصح ومليون صح ! :tongue22:

:eh_s(21):

 

[A7la KatkoOota]

رد : مشكلتي مع الخطاب

حياتي اذا لج نصيب بتاخذينه

والله لا تحاتين هذيلا ماعندهم سالفه اللي

يخلونج عشان مرض .. اصلا شتبين فيهم مبين

تفكيرهم سطحي .. انتي ماعليج وحطي ابالج

ان اذا لج نصيب بشي بتاخذينه غصب طيب : )

والله يشفيج : )

معاها وموفقه حبوبه

 

[DA3LOoOLA]

وعسى ان تكرهوا شيئا فهو خيرا لكم وكل تأخيره فيها خيره حبيبتي واذا هذا اولها ينعاف تاليها والحمدالله على كل حال وانشالله ماتخلص هالسنة والا وانتي احلا عروس بالكويت قولي آمــيــن

 

[قطيووه^_^]

نصيييييييييييييييييييييب

 

[nono93]

احمدي ربج انج ما ابتليتي فيهم

الحمدالله والشكر فيج سكر يهونون

عقولهم صغيره

خليهم يولون
والله يرزقج بالزوج الصالح

 

[Sliver]

رد : مشكلتي مع الخطاب

يمااااااا نفسي بالضبط !!!!

وهم عمري 21 !!!

وهم يخطبون وعقب ما يجووون !!! تهقين عشان دروا فيني سكر ؟؟!!

والله صدمه .. ما هقيت الناس لهدرجه سطحيين !!

والله والله وانا اقرى عبالي انا .. مادري قلت اخاف حلم ولا شي !!

والله انا نفس قصتج بالضبط !!

مالت عليهم اهم خسرانين والله .. وان شاء الله يجيج احسن منهم .. وهالكلام هم لي

لا تتضايقين وعاااادي .. نصيبج ما جااا ..

واصلا السكر شي عاادي ومرض بسييييط والله .. شفيهم مخترعين !!

الحمدالله والشكر

 

[أميره بلا قصور]

الحمدلله ع كل حال ...نص الكويتين فيهم سكر ...بس سمعيني حبيبتي رزقج للحين ماجا اطلبي ربج يرزقج بالللي يستاهلج

 

[نبض السعاده]

رد : مشكلتي مع الخطاب

حبوبه ما عليج

رفيجتي تزوجت ويابت اعيال

ونصيبج مكتوب صيري مثلي دائما متفائله بنهايه العشرينات والله ما كتب لي نصيب

واحسني الظن بالله ولله كريم يرزقج توج صغيره

وتفائلي الحياه حلوه بطاعه والصبر

 

[برنسيسة زمااني]

لاتحاتين ولا شيييي

اقولج كلمه تريحج

نطري نصيبج

ولاتنسين الدعاء بالزوج الصالح

والله يوفقج يارب

 

[درة أهل الطولات]

تدري ليش لانج جوهرة :tek:

الله مخلي لج اللي يستاهلج

مو اي واحد:33_1185028183:

 

[احيرهم]

رد : مشكلتي مع الخطاب

ياحياتى اللع يشافيج
يس ياقلبي هذي مو مشكله
المسئله مسئله نصيب لااكثر ولااقل
وانتى توج صغيرة راح ايونج احسن واحسن
انشاء الله راح تاخذين اللى يستهلج :hjy5jewf:

 

[*بسبوسه*]

لا تزعلين هذي نظرة بعض الناس مو كلهم
وهم مو ملومين اذا رفضوج ..تخيلي يتقدم لج واحد فيه سكري والثاني مافيه الا العافيه شتختارين اكيد المتعافي
انتي راح يجيج نصيبج راح يجيج

ويا حبيبتي انا عندج لا مرض ولا عاهه ولا في اي عذر اقدر اعطيه لج يبرر عنوستي وصك عمري 28 ولا خاطب ولا شايب يطق بابي
يعين مو شرط المرض اهوا السبب

 

[واثقة بجمالها]

البناات ما قصروا

نصيبج للالحين ماايه والله يبيه ع خير

 

[توفـــا]

امبي من صجج الحين معروف هل شي بالكويت الكويتيين يا فيهم سكري ولا ضغط واحد فيهم ولا مايصير كويتي طبعا الاغلبيه مو الكل يعني بيرفضونج عشان سكر ولله انتي المفروض تحمدين ربج يمكن خيره لج وصدقيني بييج نصيبج لو شنوو سكر الحين مو شي خطير انا عندنا وراثه بالعايله السكر وكاهم متزوجين الحمدلله يعني نصيبج يصيبج ولا تحطين هل شي في بالج وحمدي ربج وشكريه وطلبي انه اييلج الريل الصالح والذريه الصالحه وربج مايخيب ظنج فيه صدقيني والله يوفقج وتتزوجين الي يسعدج يارب

 

[Tutti-Frutti]

السكر مرض بسيط واغلب الناس فيها وعايشين حياتهم .. بس بعض الناس لهم وجهه نظر

لا تحاتين انشالله الله يعوضج ويرزقج الريال الزين

 

[Queenleo]

رد : مشكلتي مع الخطاب

ان شاء الله نصيبج مووجود
لاتحاااتين ولاتفكررين دام ربج مووجود
وحطي في بالج ان هذا نصيب يعني حتى لووو ماكان فيج سكر ماكنتي راااح تتزوجين واحد فيهم لان الله مو كاتب
نصيبج باذن الله موجود فلاتياسين من رحمة ربج

 

[الاحتواء]

رد : مشكلتي مع الخطاب

السلام عليكم ... فعلا وعسا ان تكرهو شيئا وهو خيرا لكم ..... انا بقولكم شي وانتو فكرو فيها
اذ واحد خطبج ومايبيج عشان فيج سكر واهو شي تافه وبسيط وونص الكويت كلها فيها المرض هذا
عيل باجر ؟ لي تزوجج ؟ واكتشف ان فيج سرطان ولا الله لا يقوله طلعلج مرض مفاجئ بيطلقج !!!!!!
لووول شتبين بواحد تهمه الشكليات وما همه معدن البنت هذا خليه يولي المفروض كل مايي يخطبج واحد تطلعين فيج عيوب الدنيا عشان اذ رضا تعرفين انه ريال قد المسؤليه وما همه شي لا مرض ولا شي .... هاذي اولها مايبيج عشان فيج سكر ؟ ياللهووووي المفروض والله تكونين مستانسه وكل شخص يتراجع عن قراره بخصوص السكر عندج قولي الحمدالله اني ما انغشيت بواحد ما يتحمل شي سخيف مثل هذااا وبعدين الدرب جدااااااااامج طوييييييييييييييل تو الناس وانا خيتج لاتتضايقين بالعكس هاذي اجابيه وشغله حلوه ... ولازم يا بنات كل تنخطبون تقولون عيوبكم او اي مرض انتو مصابين فيه لان في رياييل همهم الشكليات وشباب هالجيل ما اقول كلهم اقول اغلبهم همهم الشكل فقط يبي يكشخ بالبنت لاتنسين :ggdw: استانسي هذا كله لصالحج

 

[Stay alive]

صدقيني اللي يبي يرفضج لهالسبب انسان تافه وتفكيره سطحي

السكر مو عيب

خليج منهم وراح يجيج اللي احسن منهم باذن الله

 

[FeShinGoOo]

كله نصيب حياتي صدقيني انا قبل زوجي تقريبا اتقدمولي 15 واحد وكان ساعات يصير الرفض مني وساعات منهم ليش اني مو جامعيه والحمدالله عقب هال 15 واحد ربي عوضني بواحد نعاله يسوا عشره منهم حشاج .. والله العظيم احمد ربي واشكره اني ماوافقت على اي واحد قبل ريلي والكل يقولي الحمدالله صبرتي والله عوضج بواحد مافي مثله ماشاء الله .. صدقيني تفائلي بالخير وباذن الله بييج نصيبج وتتزوجين وايد ارفيجات عندي فيهم سكر ومتزوجات