مشكلتي مع الخطاب :(

[ميني كويتيه]

السلام عليكم

سمعوا مشكلتي بنات
جد محتاجه حل

انا عمري 21 و في ناس يتقدمولي و يخطبوني و يحصل قبول و كل شي
لان انا الحمد لله جامعيه و حلوة و من عايله معروفه و ما فيني شي

بس شي واحد لى عرفوه خلاص يروحون :0bee2e8d89:

انا فيني سكر

ما كنا نقول للناس اول ما اييون انقول خل ايشوفوني يمكن ما يحصل نصيب او شي
فنتفق ان اوكي بعدين انقول لهم بس البنت فيها سكر خلاص يكنسلون المشروع

الحمد لله على كل حال
بس انا اعرف ناس وايد فيهم سكر و ما اثر عليهم بولا شي و تزوجوا و عندهم عيال و سعيدين بحياتهم

فما ادري شنو الحل بنات
؟؟؟؟

 

[ام الدرر]

[font="comic sans ms[b]"]حبوبة مرض السكر مو شي جايد
نص الكويتيين فيهم
اذا مو وهم صغار لما يشيبون
خلج واثقة من نفسج
نصيبج للحين مايه
عسى ربي يكبر حظج ويرزقج اللي يقدرج ويشيلج وسط عيونه[/font]​

[/b]

 

[ضايعة بدنيتي]

رد : مشكلتي مع الخطاب

حبيبتي كوني على ثقة تامة ان اي واحد ما يكمل المشروع معاه انه مو نصيبك ولا راح يكون الرجال الكفو الي راح يشيلك ويوقف معك بالحلوة والمرة . وفي النهاية قولي الحمدلله الي ربك يكشفهم لك قبل فوات الاوان . وهذا لان ربي يحبك يكشف لك الناس قبل لا تتوهقين معاهم . وبعدين ياقلبي انتي مو من كبرك عشان تحاتين مثل هالموضوع والسكري اصلا هو اكثر مرض منتشر في الخليج وفي العالم بعد .وانتي ياخيتي مو ناقصك شي بس لازم تزيدين ثقتك برب العالمين وحطي ببالك ان كل شي خيره وربي ما يسوي الا الي فيه خير وصلاح لعباده. كوني على ثقة تامة ان ربك ما راح يرزقك الا بنصيبك وبالوقت الي ربك كاتبه لك. لا تستعجلين ياحبيبتي واستغفري كثر ما تقدرين حتى وانتي تسوقين سيارتك سكري المسجل واستغفري طول الطريق. وصلي الليل والحين جاينا رمضان ربي يبلغنا اياه وهذي فرصة عظيمة ياخيتي استغليها صح ربك العالم السنة الجاية راح نصومه ولا لأ ..لنا ولكم طولة العمر ان شاء الله. وسلامتك ياقلبي عسى ربي يشفيك ويرزقك بالزوج الصالح الي يهنيك ويسعدك دوم يارب

 

[lovely jojo]

ياحياتي صدقيني ماجا نصيبج يمكن اللي بيجيج يكون احسن من اللي جوج
والسكري الحين عادي الكل فيه سكري من كبير وصغير
انتي توج صغيرة لا اتحطين هالموضوع فبالج..
موفقة

 

[در الـبحـور]

السلام عليكم

ما عليه يا قلبي و العمر جدامج إن شاء الله و المرض ابتلاء من الله سبحانه

لا تحاتين حبيبتي بس انتي اهتمي بصحتج حبوبة و لا تخلين السكر يأثر عليج جسديا أو نفسيا

و يا عسى ربي يرزقج الزوج الصالح اللي يهنيج و يسعدج اللهم آمين

 

[[[ عيون جابر ]]]

اهم الخسرانين لا تظيقين خلقج كل الكويت فيها سكري وهذا مو سبب مقنع عشان تنفل الخطبه بس نصيبج ليلحين مايا

 

[Flower20]

رد : مشكلتي مع الخطاب

كله قسمة ونصيب
وايد ناس ما فيهم سكر ونخطبون وما يصير نصيب
يعني مرض السكر مو سبب ومااله دخل بالنصيب
نعرف وحدة فيها كانسر الله يبعده عن المسلمين وتزوجت وكانت تتعالج بوقت زواجها
اذا يه نصيبج ما يوقفه لا سكر ولا اكبر مرض حبيبتي
هذيلا الخطاب مسيرين من ربج انهم ما يردون لانهم مو نصيبج
بس اذا يه نصيبج ما يمنعه شي
وانتي خلي املج بالله قوي وانه قادر على كل شي
ركزي على دراستج واشتغلي وخلي النصيب على الله

 

[مذهــلــه]

فديتج حبيبتي توج صغيرة وان شاء الله الله يكتبلج أحلى نصيب

وعادي فديتج نص بنات الكويت فيهم سكر ... وعادي يتزوجون مافيها اي شي

الله يكتبلج النصيب الزين ^_^ وتوج صغيرة المستقبل جدامج

 

[خاشووقه]

ما يالج النصيب اللي الله قاسمه لج
والله يوفقج ويرزقج بالزوج الصالح

 

[الـمـسـتـبـده]

رد : مشكلتي مع الخطاب

نصيييييييييييييب

النصيب نصيب ماله شغل لا بمرض ولا جمال ولا شهاده

بس يستحسن انج تقوليلهم انه فيج سكر قبل لايدشون البيت احسن شحقه ادخلونهم وتتعبون واخر شي ماكو

 

[فديت_روحي]

حياتي

االله يشاافيج يياربي ويعافيج

شووفي عادي مثل ما قالو البنات انه مو نصيبه
والله الي خلى هالمشروع على قولتج ما يكمل مو اهما ولا انتي السبب !

بس بقولج ان واحد من اهلي كان يبي وحده حلوه ومومتحجبه ومواصفات يبيها .
واخطبتله امه وحده بنفس المواصفات, بس ماتهنى بزواجه والبنت ما توفق معاها وطلقها ,

وعقب تزوج وحده فيها سكر وعاديه امه اخطبتها له ومتحجبه غير المواصفات الي كان يبيها , واهوا صغير يوم قالوله انه فيها سكر عادي قال ميخالف وتزوجو ماشالله !!

مو شرط هذا نصيب حياتي
الله يكتبلج الي فيه الخير

 

[عجهرس]

الخطاب اللي جولج ماهم نصيبج نصيبج اللي مكتوب لج للحين ماجاج توج حياتي باول عمرج الله يرزقج بالرجل الصالح اللي تكونين جنته

 

[Loutes]

رفيجتي معاها سكر وتزوجت ومعاها ولد الحين

 

[بنت عطا]

مع البنات النصيب ان جا مايرده شي

 

[يوآش يوآش]

رد : مشكلتي مع الخطاب

حياتي اذا لج نصيب بتاخذينه

والله لا تحاتين هذيلا ماعندهم سالفه اللي

يخلونج عشان مرض .. اصلا شتبين فيهم مبين

تفكيرهم سطحي .. انتي ماعليج وحطي ابالج

ان اذا لج نصيب بشي بتاخذينه غصب طيب : )

والله يشفيج : )

 

[دلوعة أبوهآ]

ياحبيبتي اذا جا نصيبك راح تتزوجي ..
ولاتخلي هالتفكير يسيطر عليكِ ويأثر ع حياتك
انتي مافيك الا العافيه
وربي راح يرزقك باللي يستاهلك

 

[Tulips]

الحل .. ماكو حل

الزاوج نصيييب والله ماكتبلج نصيبج للحين

فلا تحطين ابالج

 

[اختي نحيسه]

صااااااجاات البنات ومآشآءلله عليهم كفو ووفوو
نصيبج للحين ما يا وعلى قولتهم السكر مو بذاك المرض الجايد والحمدلله تعتبرين طبيعيه
ومافيج اي نقص .. قولي الحمدلله يارب انك عافيتني في ناس الله يعينهم
وبعدين اهم اننكشفو على حقيقتهم معناته الريال ما راح يقوم فيج بعدين..
ولو فيه خير اللي ياي مع اهله يقول عادي مو مشكله انا ابيها والسكر مو شي شين حييل
ويخلي اهله يخطبونج له وين المشكله
بس شكلهم مافي شخصيه :d

 

["اسطورة العشق"]

انشالله ربي يرزقج الي احسن منهم كلهم ..

 

[&& دعاء &&]

هذا مو عذر !!
هذي بنت خالتي فيها سكر وعرسها بعد شهرين
لمن قريت مشكلتج لقيتها بسيطة جدا
وبعدين كل الخطاب اللي مروا عليج ولا واحد كان من نصيبج
وع قولتهم نصيبك يصيبك
تحياتي ,,,,,,,,