مشكلتي عويصه حمولتي مسحوووووورين

[آم آحمدو]

رد : مشكلتي عويصه حمولتي مسحوووووورين

نصيحتي
وللاسف سلبيه ولا اؤيدها لكن لكم بنات هالوقت اقول طبقوها لنكم حتى خالاتكم وحمواتكم صغار واغلبهن الوازع الديني ضعيف للاسف
عكس انا ايامي فديتها خالتي والله يشفيها الحين
قبل كانت خالتي صلاتها اكثر من كلامها معانا وحمواتي الله يوفقهن كانوا يستحون ويخافون منا احنا الجناين ههههه عكس بنات الحين تنطح راسها براس مرت اخوها
نصيحتي ومن خبره
توظفي او درسي لا تقعدين في البيت
سوي سوالف الجناين هذي الايام
اول شئ تدرس وتجي من الجامعه مسجينه بالخمس وتلقى اكلها زاهب وتلطه وتنام للساعه 8 تطلع شوي توري الحموله وجها ثم ترجع دارها تدرس ليمن يجي رجلها ومعاه العشا تلطه وتنام
وبعد كم سنة تعذري بالنساة وشيلي النوم ونفس الشي لا تحتكين باحد وعقبها تعذري بالياهل وانه يبجي وما تبين تزعجينهم
وجذيه تمر السنين
والله اعرف وحجه انه حمواتها وخالتها تمدحها وصار لها عشر سنين عندهم بغرفتين وحمام تدرين ليش؟؟؟
لانها اول شئ تدرس وثاني شئ حامل تتنسى وثالث شئ موظفه <<<<ماكو وقت اصلن لهم ولا لقعدتهم ومعطتهم طاف بس بذرابه
ولا تدري عن الداش والطالع
ولا تنفع ولا ضرت
واللي يقثني اذا سالنا عنها قالوا فديتها ما عمرها ضرتنا ههههههه مو هي معطتكم طاف وتمر مرور الكرام ولا احتكت فيكم
هذي الحمولة تبي جذيه والا بتتمشكلين وياهم
ادري طولت بس انا خبره بالحموله
ادري طولت والله

انا معاها بكل كلمه وبضيف شي انا اقول خلي لسانج طويل شوي واذا وحده من حمواتج قالت لج شي ولاسبتج عطيها:23_asmilies-com: وقوليلها انا ماشتغل عندج علشاان لايفكرون انج ضعيفه وتخافين

:bye22:

 

[شيخه الحلى]

شيخه الحلى كلامج صح وكله على عيني وراسي وانتي منو قالج اني اقعد عندهم اذا زوجي سافر بالعكس من يمشي اروح لأهلي وانا يوم اقول مسحور اقصد انها ساحرتهم بفلوسها
انا للحين اقول اني احب مرة حماي لانها عمرها ماغلطت علي او جرحتني بكلمه اما من ناحية انها ماحضرت عرسي هي ببكيفها ماراح يزيد ولاينقص مني شي حضورها والسالفه خلصت من زماااااااان

هذا الكلام عين العقل
مرت حماج ماغلطت عليج يعني الحمد الله مافي شي بينج وبينها ومرتاحه من ناحيتها

وبعدين انا احاول اعدل علاقتي معاهم لان زوجي روووووحه بأمه وعنده امه بالدنيا مايرضى تزعل

كل الرياييل يحبون أمهم وأهلهم،، مافي ريال يحب زوجته أكثر من أمه (إلا الريال اللي مافيه خير) واللي مافيه خير بأهله مافي خير بزوجته وعياله..
الحمد الله ان زوجج يحب امه و روحه فيها صج ريال.. زوجي يحب اهله أكثر مني وانا راضيه الحمد الله و أخوي يحبنا أكثر من زوجته وعياله بعد.. مو بس زوجج حبيبتي شباصه.

وخالتي زعلها من زعل بناتها وانا توهقت انا لو اقوله اي شي عن امه بيوقف ضدي (أكيد هذي أمه لاتوقعين بيوقف في ويها عشانج) ولو قلت سوالف خواته بيتهاوش معاهن وبتقلب خالتي علي وتقلبه معاها
لاتقولين لزوجج ولا شي وتخربين على نفسج وتسوين لزوجج مشكله ترى مهما يكون هذيل أهله ومايرضى أحد يقول عنهم ان ساره مسكتتهم بالفلوس.. والله باجر يقلب عليج انتي ويقول انتي ترستس راسي على أهلي وفوق هذا بتسوين مشكله بالبيت وبتصيرين انتي نقاله الحجي وراعيه المشاكل وساره اهيا الحلوه الزينه.. تركي عنج هالسوالف وحطي بالج على بيتج و زوجج.. لاتخلقين مشكله لنفسج انتي بغنى عنها.. ترى والله السالفه ماتسوى .. غيرج حمواتهم مطلعين عيونهم والله


وسالفة اني اطلب من حماتي العصير لانها صبت للكل وماصبت لي وعلى بالي انها ناسيتني وصدمتني بردها
مالج شغل فيها بالطقاق لاتنطرينها تصبلج ختولي.. وانتي بعد لاتصبين لها إذا صار نفس الموقف ولا تعطينها من الحلو إذا قدمتيلهم الحلو

وسالفة الحلو انا سويته ورحت صليت ويوم جيت هي شايلته بيدها وقاعده جنب يعني تبيني اروح اسحبه من ايدها اكيد بطلبه منها هي ماخذتها الا عشان اقولها عطيني وهي ترد علي بهذا الرد
خلاص انتي عرفتي انها راعيه مشاكل تجنبيها ولا تحتكين فيها وحقريها

باختصار ...
انتي توج صغيرونه وماشفتي شي من الحياة..
كونج قاعده عند حموله تحملي.. إذا ما تقدرين تتحملين طلعي بشقه بروحج.. و زوجج ماله عذر لي يبتي ياهل.. قوليله ضاج علينا المكان وابي آخذ راحتي..
ونصيحه مني لا ادخلين زوجج بمشاكل بينج وبين أهله وتحرجينه حاولي انتي تحلين المشاكل بدون زوجج او تتغاضين عن التوافه
حماتج قالت كلمه قدرتي تردين بأدب و ذوق ردي ما قدرتي حقريها وخلج انتي الأحسن وأنت اخذي الحسنات وخلي لها السيئات
انتي في بدايه حياتج حطي بالج على بيتج ودراستج و مستقبلج وعيالج ولاتشوفين حمولتج شنو سوو وما سوو
(من راقب الناس مات هما)
ولاتزعلين من كلامي اعتبريني اختج الكبيره وابيلج الخير.. انا اقدر اقولج ويع شنو هالحموله وشنو هذي ساره اللي ما تستحي وأكبر الموضوع براسج بس ليش اشيشج عليهم واصلا السالفه مافيها اي شي.. مالج شغل فيهم خذو فلوس ولا ماخذو
وشكرا

 

[*peace*]

ويع اي شي عطيهم فلوس ويحبونج

الحمدالله والشكر

الله يسخرهم لج

 

[شباصة حمرا]

شيخه الحلى الله يشهد انج صرتي من غلات اختي لانج متابعه معاي الموضوع وكلامج كله بمحله والله يوفقج ويوفق كل الي ردو بموضوعي ويسعدهم بحياتهم ولايوريهم الي شفته من حمولتي

 

[شباصة حمرا]

شيخه الحلى الله يشهد انج صرتي من غلات اختي لانج متابعه معاي الموضوع وكلامج كله بمحله والله يوفقج ويوفق كل الي ردو بموضوعي ويسعدهم بحياتهم ولايوريهم الي شفته من حمولتي