مشكلتي .... طلعة زوجي !!!!!

[مواجيب]

السلام عليكم


اشلونكم خواتي ...



لأول مرة أطرح مشكلتي اللي أعاني منها سنين ... و الحين فاض فيني ماااااااا أتحمل !!!!


مشكلتي هي طلعات زوجي


يروح الدوام ... يرد البيت يتغدى ... يحط راسه و ينام .... يقوم ... يطلع وما يرد الا تاااالي الليل
حزة نومتي ووراي دوام !!!

و بالويك اند يقعد اشوي يلعب مع عياله بعد الغدا و بعدها يلبس ملابسه ... والسؤال المعتاد : هاااا تبين شي من بره !!!


و كله يقول ما راح أتأخر !!! و يرد تااالي الليل !!!!

حتى من كثر ما أزهق ما أشتهي أطل بويهه ولا حتى أبتسم


ما خليت شي ما سويته عشان أجذبه للبيت ... ماكوووووووووووووووو فايدة


حتى اذا طلبت منه نطلع بالويك اند ؟ يطلعنا جم ساعه و نرجع البيت بعدها مستانسين
يرد يطلع مرة ثانية و يرد الفير ؟؟؟؟؟



شسوي يا ناس !!! أحس بيتي بيخترب ... حتى انه في يوم حطيت جنطتي و أغراضي
رد البيت و غير ملابسه و رد بيطلع كان طالع طول اليوم !!!
قلت له بعد !!!
قال ماراح أتأخر !!!
قلت له شوف جنطتي ؟ بروح بيت أبوي و اشبع من ربعك !!!
يومها رد لبس بيجامته و قعد بالبيت يقرا جرايد و ما طلع
وباليوم الثاني رد على نفس المنوال !!!



و في مرة من المرات الوااااااااايده كشخت و لبست و تعطرت
رد من طلعته بس هالمرة خليته يشوفني و بعدها بدلت ملابسي جدامه ولبست بجامة عادية
قعد يساحلني متوقع نفس كل مرة بقعد له بكامل كشختي و نقضي ليلة حلوة
بس قلت أعاقبه و زعلت و مديت بوزي !!! قعدت يراضيني
و نمت


و عقبها بيوم رد على نفس المنوال !!!


ريلي طيب ... حنون ... أخلاق ... كل شي فيه زين ... بس هذا عيبه


ويا خوفي تكون طلعاته ....... !! فيها انه !!!
حتى اني أقول والله لو ايون يقولون لي ان عنده بيت ثاني بصدق
لأن الوقت اللي يقضيه بره البيت يمديه !!!!!!!


بس لما أدق عليه بأي وقت يرد علي !!!!





شسوي عطوني حل الله يخليكم



حل جذري !!! لأن ما ظلت طريقة ما سويتها .... ز عل !!! دلع !!! كل شي !!!!
حتى أقوله عيالك ما يشوفونك يشتاقون لك !!! يلعبهم و يضحكهم و يشتري لهم وبس !!!

 

[brettey]

رد : مشكلتي .... طلعة زوجي !!!!!

حبيتي صلي على النبي كل شي وله حل
واغلب الرياييل جذيه عادي
حاولي فيه واذا مافاد كلمي احد من اهلج او اهله يكلمه
وتسلحي بالاستغفار وصلاه الليل والدعاء
الله يسخره لج ويهديه يارب
وصدقيني محد مرتاح والي تقول لج زوجي وزوجي ويجابلني عرفي كله حجي فاضي
وعلى فكره كلنا مرينا بهالمرحله انا زوجي تييله فترات جذيه مانشوف بعض وحاولت فيه وكنت ازهق قمت اقزرها بالطلعات والهياته بعد شسوي مع ان زوجي ماعنده سوالف وخرابيط ولا راعي قز بس الديوانيه والبر حق الدياي والحمام وساعات يقعد يعجعج بالبيت وانا تلوع جبدي ما اقدر اطلع ولا اتكلم بالتلفون بس يبيني اجابله
احنا الحريم نكته مايعجبنا العجب ولا صيام رجب لوول

 

[đeɱɛɼɑ™]

الله يعيينج ،
لحقيه على يوم وشوفي وين يروح
انا صار فيني فضول اعرف وين يختفي طول هالمدة لوول شلون انتي اللي زوجته و ام عيآله
شي يحير صرآحة .. ليش ما تسئلينه ؟
بس يمكن في شي ينفره من قعدة البيت
لانه الريال ما يطلع من بيته كل هالمدة الا اذا في شي يضآيقه
يعني اليهال يصارخوون او ازعآج او يمكن انتي عصبية الخ الخ
اكييد في سبب داخل بيتج .. شوفي وحللي كل خطوة تسوينها ...

و انصحج صيري " غامضة " ..
يعني لا تكلمينه .. واذا سئلج عن اي شي جاوبي على قد السؤال .. تغيري عليه مرة وحدة !
حسِسيه بـ تصرفآتج انج ممكن تهدينه باي لحظة
لانه شوفي لما قلتي بتروحين بيت اهلج خاف وتعدل ..
بس هالمرة سويهآ بـ طريقة غير مباشرة .. بدون كلام
بهالطريقة راح يحاول يعرف بشنو تفكرين وتشغلين تفكيره واحتمال كبير يقعد بالبيت وما يطلع
.. تمي على هالطريقة مدة وان شاء الله تنفع

والله يهديييه ويسخره لج
وان شاء الله ماكو شي من اللي في بالج

 

[مواجيب]

رد: رد : مشكلتي .... طلعة زوجي !!!!!

حبيتي صلي على النبي كل شي وله حل
واغلب الرياييل جذيه عادي
حاولي فيه واذا مافاد كلمي احد من اهلج او اهله يكلمه
وتسلحي بالاستغفار وصلاه الليل والدعاء
الله يسخره لج ويهديه يارب
وصدقيني محد مرتاح والي تقول لج زوجي وزوجي ويجابلني عرفي كله حجي فاضي
وعلى فكره كلنا مرينا بهالمرحله انا زوجي تييله فترات جذيه مانشوف بعض وحاولت فيه وكنت ازهق قمت اقزرها بالطلعات والهياته بعد شسوي مع ان زوجي ماعنده سوالف وخرابيط ولا راعي قز بس الديوانيه والبر حق الدياي والحمام وساعات يقعد يعجعج بالبيت وانا تلوع جبدي ما اقدر اطلع ولا اتكلم بالتلفون بس يبيني اجابله
احنا الحريم نكته مايعجبنا العجب ولا صيام رجب لوول

اللهم صلي و سلم عليه


أدري أغلب الرياييل جذيه بس هذي مو حاله ... خصوصا ان ربعه اللي يكونون معاه طول اليوم متزوجين !!
يعني امخلين حريمهم بعد !!!
والله تعبت كنت أطنش و أطوف بس الحين ما أقدر
قبل أقعد بالبيت و أنطره و الحين نفسج أقزرها بالطلعات مع عيالي حتى معاشي صار يطير عليهم
وهو ما عنده مانع أطلع و أطلعهم و يسألني اذا قاصرني شي بس انا ما أطلب منه وكنت فترة أطلب يمكن يحس بس نفس الشي
بس والله مو حالة ثمان سنين على هالحال ؟؟؟؟؟؟؟؟؟؟!!!!!!!!!!!!!!!!!!!!
وان قعد و عجعج بالبيت هذا يوم الهنا والله لي و لعيالي ما عندي مانع والله بس يقعد

الله يعيينج ،
لحقيه على يوم وشوفي وين يروح
انا صار فيني فضول اعرف وين يختفي طول هالمدة لوول شلون انتي اللي زوجته و ام عيآله
شي يحير صرآحة .. ليش ما تسئلينه ؟
بس يمكن في شي ينفره من قعدة البيت
لانه الريال ما يطلع من بيته كل هالمدة الا اذا في شي يضآيقه
يعني اليهال يصارخوون او ازعآج او يمكن انتي عصبية الخ الخ
اكييد في سبب داخل بيتج .. شوفي وحللي كل خطوة تسوينها ...

و انصحج صيري " غامضة " ..
يعني لا تكلمينه .. واذا سئلج عن اي شي جاوبي على قد السؤال .. تغيري عليه مرة وحدة !
حسِسيه بـ تصرفآتج انج ممكن تهدينه باي لحظة
لانه شوفي لما قلتي بتروحين بيت اهلج خاف وتعدل ..
بس هالمرة سويهآ بـ طريقة غير مباشرة .. بدون كلام
بهالطريقة راح يحاول يعرف بشنو تفكرين وتشغلين تفكيره واحتمال كبير يقعد بالبيت وما يطلع
.. تمي على هالطريقة مدة وان شاء الله تنفع

والله يهديييه ويسخره لج
وان شاء الله ماكو شي من اللي في بالج

هههههههه فكرت فيها الحقه ههههههه والله بس سيارتي عوده فضيحة !!! ما كو الا أتنكر و أبدل السيارة لوووووول
والله شر البلية ما يضحك

والله مادري اذا في شي امضايقه من البيت !!
العيال ان كان أبوهم بالبيت اشحلاتهم واشزينهم و طول الوقت يلعب معاهم و يلعبون معاه
العكس هو اللي يسوي لهم جو و يراكض وراهم
بس أقل من ساعه يعني يعلقهم ويروح ينام و الا يطلع !!!
حتى هو يستغرب اذا قلت له انهم يننوني طول اليوم و هو طالع !!

وعن عصبيتي العكس انا واااااااايد هادية و مالي حس
بس آخر فترة صج بديت أتنرفز بس أشوفه يلبس ملابسه للطلعه وهو يلاحظ تعابير ويهي بس لا حياة لمن تنادي


و بجرب أكون غامضة .... صح يمكن ينفع معاه ...

و مشكورين على التفاعل معاي يا بنات

 

[لازوردي]

رد : مشكلتي .... طلعة زوجي !!!!!

حبيبتي الله يعينج بس ترا الريال طبعه يحب يطلع انا بعطيج كذا حل بس هالحلول بتساعد انه يقعد اطول وقت معاكم في البيت بس مو اتوقعين طول اليوم بيضل قاعد لأنه مثل ماقلت لج ريلج مبين عليه انه فيه طبع يحب يقضي يومه بره بيت بس انشالله هالحلول اتساعدج انه يتغير .

.... يمكن بيتكم شوي لويه حاولي اتخلين غرفة خاصة حق اليهال حق اللعب وهم احسن لهم و لكم يصير لهم مكان خاص يلعبون و يستانسون فيه بدون مايسببون لكم الازعاج بوقت انتوا تحتاجون فيه تقعدون اتسولفون بدون ازعاج وهم الشغله اذا سويتيها يبيلها وقت و صبر على ما يتغير وهم علشان ماتحسون انه انتوا ماتشاركون اليهال بلعبهم و وناستهم يبي بلي استيشن و لعبي معاه انتي و عيالج او لعبة الوي و الحلو في هاللعبه انه يصير 6 اشخاص يلعبون بنفس الوقت اللعبه ...

... جربي اتغيرين سستم حياتكم يعني دخلي شي يديد عليكم في البيت يعني مثل ماوضحت لج فوق خصصي مكان حق اليهال للعب علشان اتكون الصالة وقت الظهر او العصر هادية حقكم حاولي اتسوين شغله و اتخلينها اتصير عاده عندكم يعني مثلا انا بعلمج على شغله عودت عليها زوجي جربيها و انشالله تنفعكم ... كل يوم بعد الغدا ابخر الصاله بالبخور السنع و عقب نص ساعه ازهب القهوه التركيه و صحن حلو صغير سواء من البيت او من بره او احط معاه سوالف من الجمعية مثل البسكوت الويفر او اي شي يشوق اذا مايحب القهوه زهبي صينية حطي فيها نوعين شاي او شاي و قهوه عربية بس سوي مطارة صغرة او حطي ايس كريم او سلطة فواكه او عصير و لا اتكلفين على عمرج ماتبين اتسوين عصير فريش جربي عصاير المراعي اللي بالجمعية عصيرهم لذيذ ترا الريال همه بطنه و يحب المره تهتم فيه و اتباشره و هالامور ترا اتزيد التواصل بين الريال و مرته و لاتنسين اهم شي بهالوقت اليهال يكونون بمكان خاص حق لعبهم لايصيرون معاكم لأنه الهدوء ترا ضروري و خلي سوالفكم بيعدة عن الطلبات و المشاكل و التحلطم سولفوا عن اي شي الا الطلبات ترا الرياييل مايحبون سالفة التطلب و خصوصا انها اتساعد على انهم مايقعدون مع حريهم بحجة انه من يقعد معاها تعطيه لستة بالطلبات و اتشكى ...



طلعوا بروحكم بدون اليهال ...


وصبري مو اتسوين هالاشياء يوم يومين اسبوع و اتقولين ما نفع لا صبري ميخالف و حاولي اتحطين قناة حلوه بهالوقت هم اتساعدكم على فتح مواضيع حلوه ....

و اذا كل هذا مانفع ..... قبل لا يطلع انتي كشخي و طلعي قبله و قولي له بروح الافينيوز او اي مكان وريه مثل ما اهو مايهتم و يطلع وريه انج صرتي قبله تطلعين و مره اخذي اليهال و مره خليهم ... ترا الريال يغار مايحب المره تسبقه بشي جربي هالحل معاه اذا مانفع معاه اللي قلته لج قبل ....... بس خلي اموركم بالطيب مو بالهواش يعني اذا قال لج قعدي انا بقعد قعدي و اذا قال لج قعدي و ماتطلعين عادي قولي له مو مشكله بدلي و جابليه و اذا طلع لا ادقين عليه وريه انج مو مهتمه لاهيه بشي حاولي تشغلين باله .... انشالله الله يهديه و يجابلكم ...

مع انه الحل الاخير صعب بس ترا مرات ينفع و يأدب :23_asmilies-com:






​

 

[حرم_طيار]

رد : مشكلتي .... طلعة زوجي !!!!!

نص اذا مو كل ريايل الكويت جذي

الله يعينج و يهديه لج ان شألله

 

[مواجيب]

رد: رد : مشكلتي .... طلعة زوجي !!!!!

حبيبتي الله يعينج بس ترا الريال طبعه يحب يطلع انا بعطيج كذا حل بس هالحلول بتساعد انه يقعد اطول وقت معاكم في البيت بس مو اتوقعين طول اليوم بيضل قاعد لأنه مثل ماقلت لج ريلج مبين عليه انه فيه طبع يحب يقضي يومه بره بيت بس انشالله هالحلول اتساعدج انه يتغير .

.... يمكن بيتكم شوي لويه حاولي اتخلين غرفة خاصة حق اليهال حق اللعب وهم احسن لهم و لكم يصير لهم مكان خاص يلعبون و يستانسون فيه بدون مايسببون لكم الازعاج بوقت انتوا تحتاجون فيه تقعدون اتسولفون بدون ازعاج وهم الشغله اذا سويتيها يبيلها وقت و صبر على ما يتغير وهم علشان ماتحسون انه انتوا ماتشاركون اليهال بلعبهم و وناستهم يبي بلي استيشن و لعبي معاه انتي و عيالج او لعبة الوي و الحلو في هاللعبه انه يصير 6 اشخاص يلعبون بنفس الوقت اللعبه ...

... جربي اتغيرين سستم حياتكم يعني دخلي شي يديد عليكم في البيت يعني مثل ماوضحت لج فوق خصصي مكان حق اليهال للعب علشان اتكون الصالة وقت الظهر او العصر هادية حقكم حاولي اتسوين شغله و اتخلينها اتصير عاده عندكم يعني مثلا انا بعلمج على شغله عودت عليها زوجي جربيها و انشالله تنفعكم ... كل يوم بعد الغدا ابخر الصاله بالبخور السنع و عقب نص ساعه ازهب القهوه التركيه و صحن حلو صغير سواء من البيت او من بره او احط معاه سوالف من الجمعية مثل البسكوت الويفر او اي شي يشوق اذا مايحب القهوه زهبي صينية حطي فيها نوعين شاي او شاي و قهوه عربية بس سوي مطارة صغرة او حطي ايس كريم او سلطة فواكه او عصير و لا اتكلفين على عمرج ماتبين اتسوين عصير فريش جربي عصاير المراعي اللي بالجمعية عصيرهم لذيذ ترا الريال همه بطنه و يحب المره تهتم فيه و اتباشره و هالامور ترا اتزيد التواصل بين الريال و مرته و لاتنسين اهم شي بهالوقت اليهال يكونون بمكان خاص حق لعبهم لايصيرون معاكم لأنه الهدوء ترا ضروري و خلي سوالفكم بيعدة عن الطلبات و المشاكل و التحلطم سولفوا عن اي شي الا الطلبات ترا الرياييل مايحبون سالفة التطلب و خصوصا انها اتساعد على انهم مايقعدون مع حريهم بحجة انه من يقعد معاها تعطيه لستة بالطلبات و اتشكى ...



طلعوا بروحكم بدون اليهال ...


وصبري مو اتسوين هالاشياء يوم يومين اسبوع و اتقولين ما نفع لا صبري ميخالف و حاولي اتحطين قناة حلوه بهالوقت هم اتساعدكم على فتح مواضيع حلوه ....

و اذا كل هذا مانفع ..... قبل لا يطلع انتي كشخي و طلعي قبله و قولي له بروح الافينيوز او اي مكان وريه مثل ما اهو مايهتم و يطلع وريه انج صرتي قبله تطلعين و مره اخذي اليهال و مره خليهم ... ترا الريال يغار مايحب المره تسبقه بشي جربي هالحل معاه اذا مانفع معاه اللي قلته لج قبل ....... بس خلي اموركم بالطيب مو بالهواش يعني اذا قال لج قعدي انا بقعد قعدي و اذا قال لج قعدي و ماتطلعين عادي قولي له مو مشكله بدلي و جابليه و اذا طلع لا ادقين عليه وريه انج مو مهتمه لاهيه بشي حاولي تشغلين باله .... انشالله الله يهديه و يجابلكم ...

مع انه الحل الاخير صعب بس ترا مرات ينفع و يأدب :23_asmilies-com:



​

مشكورة يا عمري على الحلول الحلوة ...


بالنسبة للوية البيت و لعب اليهال ... حاليا صح البيت لوية بحكم ان احنا ساكنين مع بيت أهله و مكاننا مو اكفينا
وناطرين شقتنا تجهز
بس كنا قبل ساكنين بروحنا و غرفة اليها خاصة فيهم
و كنت اسوي اللي نصحتيني فيه البخور بعد الغدا ... و الحلو و الجاي و القهوة
بس كان ياخذ اللي الحلو و الجاي الخاص فيه و يروح مكتبه حتى ما يقول لي تعالي !!
أخليه شوي و بعدها أروح عنده و أقعد وياه أحاول أسولف معاه سوالف حلوة بس يكون امجابل النت و يا دوب يرد علي!!!

والحين يمكن المكان صغير و يضايقه من جذيه ما يقعد بالبيت !!!
انزين اشذنبي انا ؟؟؟

هو دايما يتعذر ان عنده شغل ولازم يخلصه !!!
انزين الشغل ليييي تااااالي الليل !!!!

و طلعتنا من غير اليهال صارت جم مرة بس ... و الحين ابيها تتكرر مو فاضي

بجرب سالفة الطلعه قبله ... هذي ما جربتها ... يمكن تنفع !!!


وعن الاتصال ... سويتها ... طول اليوم اذا ما دقيت عادي !! ما يسأل لييييين انا بس تالي الليل ما أقدر و أدق عليه :gr4uu:

 

[لآفنـدر]

رد : مشكلتي .... طلعة زوجي !!!!!

الله يهديه يـارب
نفس الحـال و الله بـس بســــآلج ريلج يدخن شيشه !
لان ريلي نفس الحـاله و يـوم آعاتبـه و آرمسـه يقولـي آدمـان لازم آروح آشيش !

فـ يمكـن السبب يكـون واحد *

 

[ريماس77]

حبيبتي انا نفسج تعودت على هالوضع زعل وزعلت ويعاند ماكو فايده وتاليتها ماكو فايده اهو يطخ من نفسه والله انا لي الحين يطلع ويهيت شسوي يمكن مع الوقت يتغير سبحان الي يغير ولايتغير كل شي جايز صبري كلنا صابرين والله كريم

 

[هنـــــد]

رد : مشكلتي .... طلعة زوجي !!!!!




حبيبتي مدام زوجج ماعنده خرابيط وسوالف حمدي ربج واشكري فضله
وقولي الله لايغيير عليه ويخليه لي .. مشكلتج جداً عاديه يبــا كل الرجاجيل جذي والله
انا ساعات زوجي يرد البيت الساعه 5 الصبح .. وكل هذا من الدوانيه ولعب الورقه
ماتقدرين تغيرين طبعهم على قوله المثل ( غيّر جبال ولا تغير طبايع )
عسى ربي يسعدج ويريح بالج ويخليلج زوجج وعيالج

 

[مواجيب]

رد: رد : مشكلتي .... طلعة زوجي !!!!!

الله يهديه يـارب
نفس الحـال و الله بـس بســــآلج ريلج يدخن شيشه !
لان ريلي نفس الحـاله و يـوم آعاتبـه و آرمسـه يقولـي آدمـان لازم آروح آشيش !

فـ يمكـن السبب يكـون واحد *

لا ما يشيش بس يدخن

حبيبتي انا نفسج تعودت على هالوضع زعل وزعلت ويعاند ماكو فايده وتاليتها ماكو فايده اهو يطخ من نفسه والله انا لي الحين يطلع ويهيت شسوي يمكن مع الوقت يتغير سبحان الي يغير ولايتغير كل شي جايز صبري كلنا صابرين والله كريم

آآآه من العناد !!! الله كريم ان شاء الله يتغيرون و الله يسخر أزواجنا لنا آآآمين

حبيبتي مدام زوجج ماعنده خرابيط وسوالف حمدي ربج واشكري فضله
وقولي الله لايغيير عليه ويخليه لي .. مشكلتج جداً عاديه يبــا كل الرجاجيل جذي والله
انا ساعات زوجي يرد البيت الساعه 5 الصبح .. وكل هذا من الدوانيه ولعب الورقه
ماتقدرين تغيرين طبعهم على قوله المثل ( غيّر جبال ولا تغير طبايع )
عسى ربي يسعدج ويريح بالج ويخليلج زوجج وعيالج

الحمدلله و الله اني أحمد ربي ان بس هذه مشكلتي والله لا يغير علينا

بس هم بعد ما تضمنين الشيطان شاطر .... بره البيت طول الوقت !!!! و شي عادي !!!
شنو ما يشبعون من ربعهم !!!
ساعت يطلع من بعد الغدا و ما يرد الا الفجر ... انزين لي متى ؟؟؟؟؟؟

 

[نون ومايعلمون]

الله يفرج همك

حبيبتي ترا مشكلتج جدا عاديه شايفج موفره باي لحظه ...

عرفتي

يعني اني اذا اشتهيتي شي ومتي على ماشريتيه بعد فتره بتملينه صح؟

جذي الحياة الزوجيه تصير فيها ملل....

الحل بين ايديج حبيبتي............ الهي عنه اشوي وصدي دشي نادي وشيشيه ببعض المسجات الي فيها صفاتج الانثويه ودلع ودلال الحريم
اشغلي نفسج عنه اشوي بس لاتحقرينه ولاتعطينه مساحه كبيره

قولي له اليوم العيال يبونك توديه المكان الفلانه ولبسي وكشخي وطلعي مع الرفايج وقلبج وعقلج معاه...خخخخ

خليه يتمنى يطلع معاج مثل ماتمنيتي قبله

والله يوفقج

طبعا الاهم الاستغفار والدعاء والنيه الحسنه لانج على نياتكم ترزقون

 

[مواجيب]

الله يفرج همك

حبيبتي ترا مشكلتج جدا عاديه شايفج موفره باي لحظه ...

عرفتي

يعني اني اذا اشتهيتي شي ومتي على ماشريتيه بعد فتره بتملينه صح؟

جذي الحياة الزوجيه تصير فيها ملل....

الحل بين ايديج حبيبتي............ الهي عنه اشوي وصدي دشي نادي وشيشيه ببعض المسجات الي فيها صفاتج الانثويه ودلع ودلال الحريم
اشغلي نفسج عنه اشوي بس لاتحقرينه ولاتعطينه مساحه كبيره

قولي له اليوم العيال يبونك توديه المكان الفلانه ولبسي وكشخي وطلعي مع الرفايج وقلبج وعقلج معاه...خخخخ

خليه يتمنى يطلع معاج مثل ماتمنيتي قبله

والله يوفقج

طبعا الاهم الاستغفار والدعاء والنيه الحسنه لانج على نياتكم ترزقون

آآآآه ومن قال ما سويت جذيه شغلت نفسي و دزيت مسجات ما نفع ... العكس أحسه يبيني ألهى و انشغل
ما ظل نادي و لا طلعات
بس صج مع رفيجات ما أطلع طلعاتي كله مع عيالي و أهلي و اذا طلعت بدونهم يكون مشوار أقضي أشغالي
جان زين يتمنى الطلعه معاي والله اني أطرها طرارة منه

هذا وانا حلوة و مهتمة بنفسي جذيه لو جيكرة شيسوي !!!!
والحمدلله والله يثبتي ان شاء الله اني ما أقطع الدعاء و الصلاة والاستغفار

 

[كنوشة 2009]

طبعا هذا حال اغلب الريايل في الكويت بس قولي له يحدد يوم ثابت في الاسبوع لج وحق الياهل تطلعون مع بعض وتتعشون بره
انا كنت مثلك بعدين قلته ما يصير كله بره البيت ما اشوفك بس مع الحنة صار لنا يوم نطلع بره مع بعض والله يعين الجميع

 

[om MaRyooM]

ممممممم والله مادري شقولج ..

انتي مظايقة من الطلعات بحد ذاتها ولا شاكة بزوجج ؟؟؟


اذا شاكة شغلي الحاسة السادسة اللي تملكها المرة وشوفي شنو وراه .. يمااا شلوون ساكتة تقولين يرد الفير ؟؟؟
انا زوجي اذا طول فوق ال12 اقوله وييين كنت اذا المجمعات تصكر 10 والمطاعم 12 !!!

ومافي احلى من المصارحة ... صارحيه وشوفي وين يروح وقوليله هذي موحالة وانا من حقي ازهق ترا



والله يسخره لج ويقعد بالبيت ويهديه

 

[جـــواهر]

عااااااااااااااااااااااادي جدااااا

انا زوجي بالضبط نففففففففففففس زوجج

بس زوجي مطيح بديوانية جيرانا ربعه هناك ووناسه يلعبون سوني يتابعون مباراه
شعنده يقعد بالشقه صغيره وولدي القثيث مااالومه صراحه يطلع ..
وانا لو يحصلي جمعة بنات وسوالف والله مااااقعد فبيتي ..

يعني عادي الحمدلله ماكو شي يخليج تشكين فيه !!
ترا والله ملل وانا وزوجي ملينا من بعض قبل اولد يقولي شرايج نتهاوش ؟
خخخخخخخخخخخخ
والحين انا بالنفاس قلـــــيل نشوف بعض صارلنا 20 يوم
والحين انا مشتااااقه وهو مشتاااق بس ماااابي اكلمه ولاقعد معاه احسن
عشان الشوق يزيد واسوي نيو لوك << اف جني قرقت

 

[بنت عطا]

والله انا نفسج ان قعد معانا ساكت مايسولف واللي يحر يقلب السالفه علي

يقوول انتي كله ساكته

 

[Tom ♥ Jerry]

>


الله يهديه يارب !
اي قوليله هاذا الشي مضآيقني
خل يوم على الاقل من الاسبوع حقي و حق عيالك
نطلعهم نونسهم مآ يصير جذي
كل يوم نفس الروتين :/ !
مسوي البيت فندق

.

 

[مناوي الكويت]

صدقيني كل الرياييل جذي عادي بعدين يطخ ويقعد بالبيت

انتي اذا راح بالليل دقي عليه وقوليله يلا تعال مشتاقه لك بسرعه هذي حياتنا الزوجي

والله يعينج ويعينا

 

[انتظر حبه]

رد : مشكلتي .... طلعة زوجي !!!!!

معرووف كل رياييل الكويت اواغلبهم جذي مع الربع والديوانيه
انا مراات نفسج يضيق خلقي ومرات لاوالله ارتاح شوي