الله يعينج نفس الحالة الله كريم
الله كريم
ان الله مع الصابرين
حبيبتي ما عندج مشكلة أصلا ، كل رياجيلنا جذي نفس نظام زوجج ، شي طبييييييييييعي جدا عندنا بالكويت ، ما نشوفهم إلا حزة الغدا و قبل يطلع يقول الجملة المعتادة : تبون شي ؟ و ما يرد إلا تالي الليل ... هذا قدرنا دام فيه شي اسمه ديوانية و ربع و واجبات اجتماعية ....
تبين زوجج يكون على طول معاج ؟؟؟ ما لج إلا حل واحد : هاجروا برا الكويت !!!!!!!!!!!!!
لا ما بيه طول الوقت معاي ... بس ما يحسسني انه قاعد بفندق !!
ومنو قال لج ان احنا ما عشنا بره الكويت !! جربتها أيام الدراسة ... و نفس الحالة !!!
يوووووووووووووووووه تكفين ،، اذا هو عند ربعه هييييييييييينه !!
أكثر الرياجيل كذا ! بس عالأقل تكونين ضامنة طلعته وين ؟؟
والله لو إنه مقابلك 24 ساعة ، ويناشبك ليه الجاهل بكى ؟ ليه هذا غيرتي مكانه ! ليه تروحين ! ليه تجين !
كان كرهتي نفسك !!!!! فكي عمرك وخليه عند ربعه ولا عند غيره !!
والله مو ضامنه طلعته وين !!! معتمده على كلامه لما يقول لي وين كان !!
قبل كنت أصدقه ... الحين بدا الشك يحرقني ... معقولة كل يوم هالحال !!!
حل جذري !!! لأن ما ظلت طريقة ما سويتها .... ز عل !!! دلع !!! كل شي !!!!
حتى أقوله عيالك ما يشوفونك يشتاقون لك !!! يلعبهم و يضحكهم و يشتري لهم وبس !!!
يمكن مايكون حل جذري لان على قولت المثل ( من شب على شيء شاب عليه ))
خلي عيالج يدقون عليه لي تأخر و يقولوه يرد ،، يسولفون معاه ،، دقي عليه قوليله ولدك يبجي يبيك ،،
******
اهوا طبيعة جذي في اشياء الريال متعود عليها ما يغيرها علشان مرته ،،
والله يعينج
يا ما دقوا عيالي ... يا ما كلموه و اشتاقوا له .. و بجوا عشانه !!! ماااااااكو فايدة
معظم الأيام يرد وهم نايمين
والله زوجج الظاهر فيه ادمان طلعات ..
الله يعينج
وانا أشهد
وااي انا لو منج مو بس اطنقر الا اعفس الدنيا
قوليله ابي يوم بالاسبوع تطلعنا وهاليوم لي انا
وبعد قوليله لازم تقعد بالبيت وماله داعي ترجع الفير شنو مو خايف علي مره بروحي بالشقه لووول سوالف الافلام
واخر شي اذا ما طبق شروطج روحي وزهبي جنطتج وقولي له بروح بيت اهلي لاني ما احس اني متزوجه
لوووول تهديد
امممممم
الظاهر هذا اللي بيصير آخر شي
بس خليني طيبه الحين بس خل أكمل السنة العاشرة وياه لووووووول !!!!
اللى يقولونلك عادى لااااا مو عاااادى بالمره
اما انك فيك عيب اما هو معيوب
شنو واحد يترك زوجته طوووول اليوم وكل واحده تدخل تقولك عادى اصبرى ترا مافيها شى
هذى مو بحياه ترى لو كان معه عشيقه راح يجلس معها طول اليوم فتخيلى انتى زوجته ولو الازواج يسوون كذا مع زوجاتهم
انتى مالك دخل
انصحك لازم تخلين البيت هادىء احتمال يكون الاطفال يضايقوه بالصراخ والدوشه
ولاااازم تعاملينه كويس وتراعينه دوم مو مؤقت
ومثل ماله حقوق هو كمان عليه واجبات لاااازم يأديها
ولا هو معتقد اجيبلك شى من برا ان هذى هى الواجبات الزوجيه ترا لو البيت اخترب راح يكون اما هو السبب
اما انتى اللى مضايقته بعيشه ولااازم تلقين حل ترا ماحد راح ينفعك وعقلك براسك
بس سؤال انتى عندك كم طفل الله يخلهم لكى بس ابى اعرف ممكن اهم اللى يكرهونه بالبيت
والله كلامج عين العقل
يا انا اللي فيني العيب والا هو المعيوب
يمكن انا امطفشته !!! انزين شنو العيب اللي فيني !!! ما خليت شي ما سويته والله
بالنهاية بس صار مافيني أتحمل صرت أتنرفز من كل شي ..
عياله !! اشزينهم لما يكون موجود و يستخفون لما يطلع وهو الله يخليهم ثلاثة
انا اقول تجاهليه
وحقريه
وخليه يشبع من الطلعه ومرده بيمل ويقعد لج بالبيت
اذا شافج تحنين اقعد لاتقعد بيعاند ويزيد الطلعه
حقريه وعيشي حياتج ليما الله يهديه
ياما تجاهلته
واللي صار زادت وامصخت طلعاته !!
وانا عايشه حياتي الحين وناطره الله يهديه ... بس كل شي له حد وانا وصلت حدي والله
الاغلبيه جذيه حياتى بس همن لازم تعرفين جدوله اليومى يعنى تقريبا تعرفين وين يروح مثلا تسالين واحد من اخوانج معاه ميانه تسالينه بطريقه غير مباشره عشان يرتاح قلبج وحناا يالحريم ان جابلوناااا اخنقونااااا والله واذا راحوا عناااا نمووووت من الشك الله يهديهم يارب
والله انا هذا اللي بدا يصير معاي ... قبل ما كنت أشك
بس الحين بموت من الشك
الله يعينج والحل تلقينه عنده..نصيحة لازم تتناقشين معاه بجدية ويعرف ان تقصيره داخل البيت ممكن يأثر عليج وعلى مشاعرج معاه
وهذا اللي بيصير ان شاء الله
لأن التلميحات و الزعل بروحه ما يفيد يبيله قعده
آآآآآآآمين
الله يهديه ويهدي الجميع ويقعدون في بيوتهم ويجابلون حريمهم لوووول
الله يهديه آآآمين
بس انا مو طابله يجابلني طول اليوم ... على الأقل يحسسني ان البيت مو فندق
حبيبتي مبين على ريلج انه قلبه طيب وحنون
خلي هالشي يشفع له عندج والله يابنت الناس كل الرياييل جذيه مايستغنون عن ربعهم والدوانيه
لاتخربين بيتج وتنكدين عالريال وتحلين بعيونه القعده بره البيت عشان مايرد البيت ويشوفج ماده بوزج وزعلانه
اذا رد هلي فيه ورحبي وقوليله من الكلام الحلو اللي يخليه يرد البيت عشان يسمعه
الله يسخرلج ريلج ويهديه
الله يسخره و يهديه آآآمين
والله ياما قلت حق روحي هالشي و طوفت له ... تدرين من متى ؟؟؟ واشكثر !!!
وياما رد وانا استقبله بكل شوق و طايره فيه
بس الحين أحس بس خلاص ماااااافيني !!!!!!! ليش ما يقدر مثل ما انا أقدره
الله يعيينج حبيبتي ويهدي ريلج لج انشالله
آآآمين الله يسمع منج ان شاء الله
allah yhdee o ys7`ra lch 7abebti bs ymkn fi mll f7iatkm lazm shwy t3`ireen y3ny gddy safra mthla enty o rylch bro7km???
هو ملل ملل ... بجرب كل شي فوق اللي جربته لعل و عسى
لا مشكله ولا شي ,, هذا شي طبيعي
أنا عروس وجذي
اي مو انا هذا اللي قلته يوم كنت عروس
بس حبيبتي صار لي سنين !!! بنفجر
قولي الف الحمد لله
ع الاقل يقعد ويلعب مع عياله حتى لو ساعه !
انا زوجي ما اشوفه الا كل 3 ايام مره
يجي وانا نايمه يقوم الصبح دوام يرد ينام يقوم المغرب يطلع ... !
و اذا قعد بالبيت يقعد بالدار بروحه >> بالبيت اقصد بيت حمولتي مو بشقتي .. شقتي مايصعدلها الا وقت النوم
تخيلي مرات يصعد لي مبدل يبدل تحت بداره ايام العزوبيه @@
امانه هالشي مو يقهر .... زعلت .. تدلعت .. كلمت اهله .. كلمت اهلي >> وعمك اصمخ
حاولت بشتى الطرق ماكووو فايده
بالنهايه صرت مااهتم ... ومرات يجيني شعور اني مو متزوجه لان مااحس بوجوده
صرت اشغل نفسي عنه
لان اذا قلت وينك وانت ماتقعد وياي قال : لا تصيرين نكديه ؟؟
ومايتقبل اي نقاش بهالموضوع
و طبعه صامت مايسولف و لا يتكلم
واذا قلت ليش ماتسولف قال : شقول
والله مراااااااات ظغطي يوصل بليون والسبه بروده والامبالاه
و ولده مايهتم فيه ولا يدري جم عمره اصلااا
مره بالمستشفى يقول للدكتور ولدي عمره سنه وست شهور
والولد ماكمل سنه وشهرين
\
مآ احب اتكلم بهالموضوع
بس حبيت اكتبلج وضعي المزري 
عشان تقولين الحمد لله و تعرفين انه العيب مو منج ولا مني
عمرنا ماقصرنا بحقهم بس هذا طبعهم الرياجيل انانيين !
و بالنهايه احنا عايشين احسن من غيرناااا مليون مره
لا لا حياتج لا تطاق ... الف حمد وشكر على حالي الحمدلله
انا لو مكانج من زمان بيت أهلي
قولي الحمدلله
والله العظيم ان قعدة الريال بالبيت زهقه وملل وقثا وضيقة خلق <<<حدي منقثه
انا ريلي مايطلع وايد والنتيجه ==== حكره وريحة زقاير وتدخل باتفه الاشياء حتى بتنظيف البيت يتدخل والخدم يتخل ومكان نومتي يتدخل- اليوم بغيت اتهاوش معاه على هالسالفه ولا اقدر اطلع ولا اروح وياريت يقعد معاي واهوا بالبيت - انا بغرفه وهو بالصاله وبس نجره وهواش- انا قبل ريلي كان يطلع ومايقعد بالبيت وكنت اتمنى انه يجابلني - الحين بس ابيه يطلع والله زهقني حياتي
يعني ما عندهم حل وسط !!!
نفس مشكلتي بالضبط بالضبط بس زياده عليج ان ينام بره بالويك إند وإذا طلع من البيت مايرد علي لو أموت ....
وكل يوم نجره وصراخ وبجي وزعل وماكو فايده كلش
وحبيت أوضح نقطة ترى فعلا انا بيتي ضيج يعني الصاله لويه فيها يهال وعفسه وساكنين عند أهله وتعالي سمعي الإزعاج ...وأتوقع هذا السبب يمكن لأن انا ودي أطلع من البيت صج صج لويه وازعاج وماكو نظام .........فكري وعرفي شنو الأسباب وحاولي تصلحين ....
لأن انا لما كان يرجع الفير اقوله ليش ماترد وازعجه بالأسئله وهو يبي ينام واقعد ابجي صج صج يزهق الريال ... حاولت بعدها ماادق عليه ولا أقوله اشحقه تأخرت وجذي حسيته طخ شوي بس مازال اذا طلع من البيت وهالحجي يوميا مايرد على التلفون موعلي انا بس لأ على الكل مايرد
لا صراحه هذي مو حاله
الله يعينج والله
عن نفسي ما أحن وايد ولا أسأل وايد تلاقيني ساكته أكثر ان كنت زعلانه وشكله تعود اني أبلعها وأسكت
مادري شقولج بس اغلب الرياييل جذي والله يعينج يارب ودعيله
الله يهديه ان شاء الله
